Monthly Archives: Jun 2022

မန္တလေး ပုသိမ်ကြီးမြို့နယ်မှ စစ်ကောင်စီခန့် ကံသာကျေးရွာအုပ်ချုပ်ရေးမှူးနှင့်ကြံ့ဖွတ်စည်းရုံးရေးမှူး သန်းဆွေ ပစ်ခတ်ခံရပြီး ပွဲချင်း ပြီး သေဆုံး၊ ဖားကန့်တွင် မြို့နယ်အာဏာပိုင်စုပေါင်းရုံးတွင်ဗုံးကွဲ

မန္တလေး ပုသိမ်ကြီးမြို့နယ်မှ စစ်ကောင်စီခန့် ကံသာကျေးရွာအုပ်ချုပ်ရေးမှူးနှင့်ကြံ့ဖွတ်စည်းရုံးရေးမှူး သန်းဆွေ ယနေ့ မွန်းလွဲပိုင်းတွင် ပစ်ခတ်ခံရပြီး ပွဲချင်းပြီး သေဆုံးသွားကြောင်း နတ်ဆိုးမြေအောက်တော်လှန်ရေးအဖွဲ့မှ တာဝန်ရှိသူတစ်ဦးက ပြောသည်

ဇွန်လ ၁၉ ရက်နေ့ မွန်းလွဲ ၁ နာရီ ၃၀ မိနစ်အချိန်တွင် ကံသာကျေးရွာအုပ်ချုပ်ရေးမှူးနှင့်ကြံ့ဖွတ်ပါတီစည်းရုံးရေးမှူး သန်းဆွေ၏ နေအိမ်အ တွင်း သို့ ဝင်ရောက်ပစ်ခတ်ခြင်းဖြစ်ပြီး ပွဲချင်းပြီး သေဆုံးသွားခြင်းဖြစ်ကြောင်း သိရှိရသည်။

“သူ့အိမ်ထဲကို ဝင်ပစ်တာပါ။ ပွဲချင်းပြီးပါပဲ” ဟု နတ်ဆိုးမြေအောက်တော်လှန်ရေးရဲဘော်ကဆိုသည်။

အလားတူ ကချင်ပြည်နယ်၊ ဖားကန့်မြို့နယ်တွင် ယနေ့ နံနက် ၁၁ နာရီအချိန် ဖားကန့်စုပေါင်းရုံးအတွင်း ဗုံးတစ်လုံးပေါက်ကွဲ ခဲ့ကြောင်း၊ နာရီ ဝက်ကြာ နံနက် ၁၁ နာရီခွဲ အချိန် ဖားကန့်စုပေါင်းရုံးအပြင်ဘက်တွင် ထပ်မံ၍ ဗုံးပေါက်ကွဲကြောင်း၊ အထိအခိုက်အခြေအနေကို မသိရသေးကြောင်း ဒေသခံများက ပြောဆိုကြသည်။ khit thit

မောင်တောတွင် ပညာရေးဝန်ထမ်းနှစ်ဦး ပြန်ပေးဆွဲခံထားရဟုဆို

ရခိုင်ပြည်နယ်၊ မောင်တောမြို့တွင် ဇွန် ၁၆ နေ့လယ်ပိုင်းက စတင်ပျောက်ဆုံးသွားသော ကျောင်းအုပ်ဆရာတစ်ဦးနှင့် ဆရာမတစ်ဦးကို ဒေသခံများ၊ ပညာ‌ရေးဝန်ထမ်းများ လိုက်လံရှာဖွေနေကြသည်ဟု သိရသည်။  

ပြည်နယ်အနောက်ဘက် ဘင်္ဂလားဒေ့ရှ်နိုင်ငံနှင့် နယ်နိမိတ်ချင်းထိစပ်နေသော အဆိုပါ နယ်စပ်မြို့တွင် ပျောက်ဆုံးနေသူတို့မှာ သင်္ဘောလှကျေး ရွာ မူလတန်းလွန်ကျောင်းအုပ် ဦးဘိုဝင်း၊ လက်ထောက်ကျောင်းဆရာမ မဥမ္မာကျော်တို့ ဖြစ်သည်။

ကျောင်းအုပ်ကြီးမှာ ပုဏ္ဏားကျွန်းဇာတိဖြစ်ပြီး ဆရာမမှာ စစ်တွေမြို့နယ် ကြံတောရွာဇာတိဖြစ်သည်ဟု သိရသည်။

ကျောင်းဆရာတစ်ယောက်က ဆရာမ မဥမ္မာကျော်၏ ဖုန်းကို ဆက်သွယ်ရာတွင် အမျိုးသားတစ်ဦးက လက်ခံဖြေဆိုခဲ့ကြောင်း၊ ထိုသူ၏ပြော ဆိုချက်အရ ထိုနှစ်ဦးကို ၎င်းတို့ ပြန်ပေးဆွဲထားသည်ဟု ယူဆရကြောင်း မောင်တောမှ ပညာရေးဝန်ထမ်းတစ်ဦးက ဇွန် ၁၇ ရက်နေ့တွင် ပြော သည်။ 

“မနက်ကတော့ မောင်တောက ဆရာတစ်ယောက်က ပျောက်နေတဲ့ ဆရာမဖုန်းကို ဆက်ကြည့်တော့ ကိုင်တယ်လို့ ပြောတယ်။ ယောက်ျားတစ်ယောက်က ရခိုင်စကားနဲ့ ဖုန်းကိုင်ပြီး ပညာရေးမှူးနဲ့ တွေ့ချင်တယ်လို့ ပြောတယ်လို့ ဆိုပါတယ်” ဟု ထိုပညာရေးဝန်ထမ်းက ပြောသည်။

“သူပြောပုံအရဆိုရင် ဖုန်းနဲ့ စကားပြောတာက မွတ်စလင်တစ်ယောက်လို့ ပြောပါတယ်။ မွတ်စလင်တွေ ရခိုင်စကားကို ကောင်းကောင်းပြောနိုင်တဲ့လူတွေရှိတယ်လေ”

ဒေသတွင်း စစ်ကောင်စီတပ်က ပျောက်ဆုံးနေသူများကို လိုက်လံရှာဖွေခြင်း မရှိကြောင်း၊ မွတ်စလင်အဖွဲ့တစ်ဖွဲ့က ဖမ်းဆီးသွားမှုဖြစ်စဉ်ကို အရပ်သားများ လိုက်လံ ရှာဖွေ ရှင်းလင်းပါက လူမျိုးရေးပြဿနာဖြစ်နိုင်သည်ကို သိသဖြင့် လက်ရှောင်နေခြင်းဖြစ်နိုင်ကြောင်း သူက ဆက်ပြောသည်။ 

ကျောင်းဆရာမ၏ မိခင်ဖြစ်သူ ဒေါ်ကျန်အေးစိန်လည်း မောင်တောသို့ ရောက်ရှိနေသည်။ 

“ကျွန်မတို့က သတင်းကြားလို့ လိုက်လာတာ။ အခုမှ ရွာကရောက်လာတုန်းပဲ ရှိသေးတယ်။ ကျွန်မတို့ ဘာမှ မသိရသေးဘူး။ သတင်းလည်း မရသေးဘူး။ သမီးနဲ့လည်း အဆက်အသွယ်မရသေးဘူး။ မြို့နယ်ပညာရေးမှူးတို့ကလည်း ရှာဖို့သွားမယ်ဆိုပြီး ဆွေးနွေးနေကြပါတယ်။ ပြီးတော့ သမီး (တာဝန်) ကျတဲ့ သင်္ဘောလှရွာကို သွားကြမှာပါ” ဟု ဒေါ်ကျန်အေးစိန်က ဇွန် ၁၇ တွင် ပြောသည်။

“လိုင်းပေါ်မှာတော့ သတင်းအမျိုးမျိုးတက်နေပါတယ်။ နိုင်ငံခြားရောက်နေတဲ့ သူ့တူလေးတွေကတောင် လှမ်းမေးနေကြပြီ။ ကျွန်မတို့ကလည်း ဘာမှ မသိရသေးဘူး”

ပျောက်ဆုံးနေသူများ ဘေးကင်းစေရေး၊ အိမ်ပြန်ရောက်ရေးအတွက် ကျေးရွာသားများနှင့် တိုင်ပင်နေသည်ဟု မောင်တောမြို့နယ်ပညာရေးမှူး ဦးအောင်စံကျော်က ဇွန် ၁၇ တွင် ပြောသည်။

“အဆက်အသွယ်ရတယ်လို့တော့ သတင်းရပါတယ်။ နောက်မှပြောပါမယ်။ အခုက ရွာသားတွေကို ခေါ်ပြီးတော့ စည်းရုံးပြီးတော့ ညှိနှိုင်းတိုင်ပင်မယ်ဆိုပြီးတော့ မိသားစုတွေလည်း ရောက်နေတယ်။ မိသားစုတွေကလည်း မောင်တောရောက်နေတော့ မိသားစုတွေကို ခေါ်ပြီးတော့ ဒီဟာကို ဘယ်လိုတည်တည်ငြိမ်ငြိမ်နဲ့ ဆန္ဒမစောဘဲနဲ့။ ဘာဖြစ်လို့လဲဆိုတော့ သူတို့က ဟိုအထဲကို ရောက်နေတော့ သူတို့ကို အန္တရာယ်တစ်ခုခုပေးမှာကိုလည်း စိုးရိမ်နေရတယ်မလား” ဟု ၎င်းက ပြောသည်။

ဒေသတွင်း စစ်ကောင်စီတပ်သားများ၊ နယ်ခြားစောင့်ရဲတပ်ဖွဲ့ဝင်များမှာ အပြင်သို့ပင် မထွက်ကြသဖြင့် လိုက်လံရှာဖွေရေးအစီအစဉ်တွင် အားကိုးရခြင်းမရှိဟု ပညာရေးဝန်ထမ်းတစ်ဦးက ပြောသည်။

“ခါတိုင်းဆိုလို့ရှိရင် စစ်တပ်က ဗျူဟာမှူးတောင် အပြင်ထွက် သွားနေတာ တွေ့တယ်။ အခု အရုပ်တောင် မမြင်ရဘူး။ အခု နယ်ခြားစောင့်ရဲပါ၊ စစ်တပ်ပါ ဘယ်သူမှ အပြင်မထွက်ကြဘူး။ နယ်ခြားစောင့်တွေမှာလည်း အပြင်တောင် ပေးမထွက်ဘူးလို့ ပြောတယ်” ဟု ထိုပညာရေးဝန်ထမ်းက ပြောသည်။

“အထဲမှာပဲ နေနေကြတယ်။ ဖြစ်တာကို ကြားကတည်း သူတို့ ပိုက်စိပ်တိုက်ရှာရင် တကယ်မတွေ့ဘဲနေပါ့မလား။ အဲဒီနေ့ ညနေပိုင်းမှာ အဲဒီမိန်းကလေး ခေါင်းဘီး၊ ဘီနပ်ကြိုးပြတ်တာကအစ စာအုပ်စာတမ်းတွေပါ အားလုံးတွေ့တယ်လေ။ ဒီတောင်ပြိုက တပ်က တစ်ယောက်မှ ထွက်ရှာတာ မတွေ့ဘူး”

ပျောက်ဆုံးသူနှစ်ဦးနှင့် ပတ်သက်ပြီး သိရှိကြောင်း၊ ရခိုင်ပြည်နယ်ပညာရေးမှူးရုံးတာဝန်ရှိသူက ယမန်နေ့တွင် ပြောသည်။

ရခိုင်ပြည်နယ်မြောက်ပိုင်း မောင်တောမြို့နယ်တွင် ပျောက်ဆုံးနေသူနှစ်ဦး။ (ဓာတ်ပုံများ – ပေးပို့) 

“ကျေးရွာအုပ်ချုပ်ရေးအဖွဲ့နဲ့ ဆိုင်ကယ်သုံးစီးလာတဲ့အခါ ဆိုင်ကယ်နှစ်စီးကတော့ ရှေ့ကနေသွားပြီးတော့ အဲဒီကျောင်းအုပ်နဲ့ ဆရာမတစ်ယောက်စီးတဲ့ ဆိုင်ကယ်ကတော့ ၁၂ မိနစ်လောက် နောက်ကျသွားတယ်ပေါ့” ဟု ပြည်နယ်ပညာရေးမှူး ဦးဘထွီးစိန်က ပြောသည်။

”သာယာကုန်းဆိုတဲ့ ရွာမှာ ကွမ်းယာစားရင်းနဲ့ နှုတ်ဆက်နေလို့ အဲဒီအချိန်မှာ တောင်ပြို – ချောင်းလမ်း တစ်ဝက်လောက်မှာ သာယာကုန်းရွာအလွန်လောက်မှာ ဖမ်းသွားတယ်ပေါ့လေ။ ဖမ်းသွားတယ်လို့ ပါတာပေါ့။ ပျောက်သွားတယ်ပေါ့၊ ဘယ်သူဖမ်းသွားလဲ မသိဘူးပေါ့”

ရှေ့က ရောက်သွားသည့် ဆိုင်ကယ်နှစ်စီးနှင့် ကျေးရွာအုပ်ချုပ်ရေးမှူးတို့အဖွဲ့မှာ ရန်အောင်ပြင်ခွံဆုံသို့ အ‌ရောက်တွင် နောက်ကျကျန်ခဲ့သည့် ကျောင်းအုပ်နှင့် ဆရာမကို တစ်နာရီခန့် စောင့်ဆိုင်းနေခဲ့ကြသည်ဟု ပြည်နယ်ပညာရေးမှူး ဦးဘထွီးစိန်က ပြောသည်။

“သူတို့မလာလို့ ပြန်ပြီးသွားရှာတဲ့အခါ ဇီးပင်ချောင်းဆင်းလမ်းဘက်မှာ ချုံမှာ သူတို့စီးလာတဲ့ဆိုင်ကယ်ကို တွေ့ပေါ့လေ။ အဲဒီလို ပျောက်ဆုံးနေတယ်ဆိုပြီးတော့ သတင်းတင်ပြထားတယ်” ဟု ၎င်းက ပြောသည်။

တာဝန်လစ်ဟာမှု စွပ်စွဲချက်

သင်္ဘောလှကျောင်းတွင် တာဝန်ကျနေသည့် ပညာရေးဝန်ထမ်းများက ကျောင်းတွင် စာမသင်ဘဲ တာဝန်လစ်ဟာမှုရှိနေသည်ဟု စွပ်စွဲကာ ဇွန် ၁၆ မနက်ပိုင်းက လူမှုကွန်ရက် ဖေ့စ်ဘုတ်စာမျက်နှာထက်တွင် Thet Zaw Khaing ဆိုသည့် အကောင့်ပိုင်ရှင်က တင်ခဲ့သည်။

ယင်းနေ့ နေ့လယ်ပိုင်းတွင် သင်္ဘောလှကျေးရွာ မူလွန်ကျောင်း ကျောင်းအုပ် ဦးဘိုဝင်း၊ ဆရာမဥမ္မာကျော်တို့ကို ကျောင်းပျက်သည်ဟုဆိုကာ စစ်ဆေးရန် မြို့နယ်ပညာရေးမှူးရုံးက ခေါ်၍ မောင်တောသို့ သွားကြသည်။

ကျေးရွာအုပ်ချုပ်ရေးမှူး၊ ရပ်မိရပ်ဖများ၊ ကျောင်းအုပ်နှင့် ဆရာမ စုစုပေါင်း လူ ၆ ဦးက ဆိုင်ကယ်သုံးစီးဖြင့် သင်္ဘောလှကျေးရွာမှ မောင်တော – တောင်ပြိုကားလမ်းအတိုင်း သွားကြရာ ဇီးပင်ချောင်းကျေးရွာအနီး ပျောက်ဆုံးခဲ့ခြင်းဖြစ်သည်။

လူနှစ်ဦး ဆိုင်ကယ်တစ်စီးကျ မောင်တောသို့ လာကြစဉ် နောက်မှ ကျန်ခဲ့သည့် အဆိုပါ ကျောင်းအုပ်နှင့် ဆရာမတို့ကို ရန်အောင်ပြင်‌ကျေးရွာလမ်းခွဆုံ၌ တစ်နာရီခန့် စောင့်ဆိုင်းနေခဲ့ကြသည်ဟု သင်္ဘောလှကျေးရွာအုပ်ချုပ်ရေးမှူး ဦးမောင်ရွှေထွန်းက ဇွန် ၁၈ တွင် ပြောသည်။

“အကြာကြီးစောင့်တယ်၊ မရောက်လာဘူး။ ဖုန်းဆက်တယ်၊ ဖုန်းဆက်တော့လည်း အစတုန်းက ဆက်သွယ်မှုဧရိယာပြင်ပလို့ ပြောတယ်။ နောက်ဆုံးမှာ ဖုန်းပိတ်ထားတယ်။ အဲလိုဖြစ်တာနဲ့ ကျွန်တော်တို့က နောက်ပြန်လှည့်ပြီးတော့ ရှာဖို့လာတယ်။ ကျွန်တော်တို့က လမ်းတစ်လျှောက်ရှာတာပေါ့” ဟု ဦးမောင်ရွှေထွန်းက ပြောသည်။

“မောင်တောက ကားတွေ၊ တောင်ပြိုကကားတွေလည်း လာကြတယ်။ အဲဒီကားတွေကိုလည်း စစ်ဆေးပြီးတော့ အဲလိုရှာပြီး လာကြတယ်။ နောက်ဆုံးမှာ ဆိုင်ကယ်ကို တွေ့တယ်။ ဆိုင်ကယ်ကို ကျွန်းပေါက်ပြုစုနဲ့ ကျွန်းပေါက်ဆင်အိုး ကြားမှာ တွေ့တာပါ။ ကျွန်း‌ပေါက်ဆင်အိုးတံတားနဲ့ သိပ်မနီးမဝေးမှာ တွေ့တာ”

အလားတူ တခြားဒေသခံတစ်ဦးကလည်း မောင်တောမြို့မှ မြို့နယ်ပညာရေးမှူးရုံးက ခေါ်သည့်အတွက် သွားကြရာ၌ လမ်းတွင် ပျောက်ဆုံးသွားခြင်းဖြစ်သည်ဟု ဆိုသည်။

“ဆိုင်ကယ်သုံးစီးနဲ့ သွားကြတယ်။ သွားတဲ့အချိန်မှာ သူတို့က နောက်ဆုံးက။ မိန်းမလေးပါတော့ အေးဆေး မောင်းသွားတာ။ လမ်းကလည်း ကြမ်းတယ်ဆိုတော့လေ။ နောက်ဆုံးကျန်ခဲ့တဲ့ ဆိုင်ကယ်ကို ဆွဲသွားတာ” ဟု ထိုဒေသခံက ပြောသည်။

“ကျောက်ချောင်းနဲ့ ဇီးပင်ချောင်းရွာဝင်ဝလမ်းကနေ ငါးမိနစ်လောက် လမ်းလျှောက်သွားရင် တောပိန္နဲပင်ကြီးတစ်ပင်ရှိတယ်။ အဲဒီနားမှာ ပျောက်နေတဲ့ လူနှစ်ယောက်စီးသွားတဲ့ ဆိုင်ကယ်ကို တွေ့တယ်”

မြို့နယ်ပညာရေးမှူးရုံး၏ ကိုင်တွယ်ပုံမှာ မူလကတည်းက အားနည်းချက်ရှိသည်ဟု ပညာရေးဌာနမှ အတွေ့အကြုံရှိ ဆရာကြီးတစ်ဦးက ဝေဖန်ထောက်ပြသည်။

“အမှန်မှာ အခင်းဖြစ်ပွားရာနေရာကို ဆင်းလို့ စစ်ဆေးရမယ်။ လိုင်းမှာတက်လာတာကိုလည်း အမှန်အကန်ဆိုရင် မစစ်သင့်ဘူး။ လိုင်းမှာက လူတိုင်းတင်လို့ရတယ်။ တစ်ယောက်ကို တစ်ယောက် မကောင်း ဘယ်သူ့ကိုမဆို အပုပ်ချလို့ရတယ်။ တမင်တကာ စာနဲ့ပေနဲ့ ရပ်ရွာက တိုင်တဲ့ကိစ္စလည်းမဟုတ်ဘူး” ဟု ထိုဆရာကြီးက ပြောသည်။

“အမှန်တကယ်ဟုတ်တယ်ထားအုံး။ စစ်ဆေးချင်တယ်ဆိုရင် ကြောင်းထဲကို ပညာရေးမှူးကိုယ်တိုင် သို့မဟုတ် ခရိုင်ပညာရေးမှူး သို့မဟုတ် ပြည်နယ်ပညာရေးမှူးက အဖွဲ့ဖွဲ့ထားတဲ့အဖွဲ့နဲ့ အဲဒီအခင်းဖြစ်တဲ့ စာသင်ကျောင်းမှာ ကျောင်းတက်ဖို့ မရောက်ဆိုတဲ့ နေရာကို သွားပြီး အမှန်တကယ်စစ်ဆေးသင့်တယ်လို့ မြင်တယ်”

သင်္ဘောလမူလွန်ကျောင်းတွင် ဆရာမ ၃ ဦး၊ ဆရာ ၄ ဦး၊ နေ့စားလပေး ဆရာဆရာမ ၃ ဦးရှိကြောင်း၊ ကျောင်းပျက်သည်ဟူသော စွပ်စွဲချက်အတွက် အံ့သြရကြောင်း ကျေးရွာအုပ်ချုပ်ရေးမှူး ဦးမောင်ရွှေထွန်းက ပြောသည်။

“ကျောင်းမပြဘဲ စာမသင်ဘဲ နေတာလည်းမရှိပါဘူး။ ကျွန်တော်တောင် သိပ်အံ့သြသွားတယ်။ ဆရာကြီးက မေလကတည်းက ရောက်နေတာ။ ပြီးတော့ ကျောင်းသားတွေကို လက်ခံပြီးတော့ ဇွန် ၂ ရက်နေ့မှာ စတင်ပြီး ကလေးတွေကို စာပြတယ်။ ကျောင်းပျက်တာ တစ်ခုမှ မရှိခဲ့ပါ” ဟု ဦးမောင်ရွှေထွန်းက ပြောသည်။

ပြန်ပြေးဆွဲ

ပျောက်ဆုံးမှုကြောင့် မောင်တောမြို့နယ်ရှိ ကျေးရွာပေါင်းများစွာနှင့် အနီးအနားကျေးရွာများက လူအင်အားဖြင့် ရှာဖွေနေသည်။ ပထမနေ့တွင် ကျောင်းဆရာမ ဖိနပ်၊ ခေါင်းဘီး၊ စာအုပ်စာတမ်းများကို တောတွင်းတစ်နေရာ၌ တွေ့ရှိရကြောင်း ရှာဖွေနေကြသူများထံမှ သိရသည်။

အဆိုပါ ကျောင်းအုပ်နှင့် ဆရာမတို့မှာ ပြန်ပြေးဆွဲခံရခြင်းဖြစ်ပြီး ထိုပြန်ပြေးဆွဲအဖွဲ့က ပျောက်ဆုံးနေသည့် ဆရာမဖုန်းဖြင့် မြို့နယ်ပညာရေးတာဝန်ရှိသူတစ်ဦးထံ ဆက်သွယ်ကာ ဘင်္ဂလားငွေ တာကာ သိန်း ၅၀ (မြန်မာငွေ သိန်း ၁၀၀၀ ခန့်) ဖြင့် ရွေးရန် တောင်းဆိုထားသည်ဟု သိရကြောင်း BNA သတင်းဌာန၏ ဇွန် ၁၈ သတင်းတစ်ပုဒ်တွင် ရေးသားဖော်ပြသည်။

ပြန်ပြေးဆွဲထားသူများ စကားပြောလိုသည့်အချိန်ကျမှ ဖုန်းဖွင့် ခေါ်ဆိုကြောင်း၊ ကျန်အချိန်များတွင် ဖုန်းကို စက်ပိတ်ထားကြောင်း၊ ပြန်ပြေးဆွဲအဖွဲ့က ငွေဖြင့်လာရွေးရန် တောင်းဆိုမှုများရှိသော်လည်း မည်သည့်နေရာ၊ မည်သည့်အချိန် မည်သူနှင့် ရွေးရမည်ကို ထုတ်ဖော်ပြောဆိုခြင်းမရှိကြောင်း ပျောက်ဆုံးသူတို့ကို ရှာဖွေရာတွင် ပါဝင်သူတစ်ဦးကို ကိုးကားပြီး သတင်းတွင် ဖော်ပြထားသည်။ 

ပြန်ပြေးဆွဲအဖွဲ့က ငွေဖြင့်ရွေးရန် တောင်းဆိုမှုရှိမရှိ မသိရသေးပေ။ ပြည်နယ်ပညာ‌ရေးမှူး ဦးဘထွီးစိန်ကမူ ငွေဖြင့်လာရွေးဖို့ တောင်းဆိုထားသည့် သတင်းကို ကြားသိရကြောင်း ဆိုသည်။

“ဘင်္ဂလာငွေ တာကာ တောင်းတယ်လို့ ကျွန်တော်တို့လည်း ကြားတယ်။ အသေးစိတ်ကို မြို့နယ်ပညာရေးမှူးရုံးကို မေးတာတော့ ကောင်းမယ်ထင်တယ်” ဟု ဦးဘထွီးစိန်က ပြောသည်။

လိုက်လံရှာဖွေသူများ၏ ပြောစကားအရ (ဇွန် ၁၇) ရက်နေ့က ကျောင်းအုပ်ဆရာကြီးနှင့် ဆရာမတို့၏ အသုံးအဆောင်ပစ္စည်းအချို့ကို ကျောက်ချောင်းကျေးရွာအနီး တောထဲတွင် ရှာတွေ့ခဲ့ကြကြောင်း သိရသည်။

“မနေ့က ကျွန်တော်တို့ သွားရှာကြတယ်။ ပျောက်နေတဲ့ အဲဒီဆရာကြီးနဲ့ ဆရာမ အသုံးအဆောင်ပစ္စည်းအချို့ကို တွေ့တာ ဟုတ်ပါတယ်။ ကျွန်တော်တို့အဖွဲ့က တွေ့တာတော့ မဟုတ်ဘူး။ တခြားအဖွဲ့က တောတွင်းတစ်နေမှာ တွေ့တာပါ” ဟု ဇွန် ၁၇ ရက် လူပျောက်ရှာဖွေရန်သွားခဲ့သည့် ကျောင်းဆရာတစ်ဦးက ပြောသည်။

ပညာရေးဝန်ထမ်းနှစ်ဦး ပျောက်ဆုံးခဲ့သည့် ထိုဒေသတွင် စစ်ကောင်စီတပ်လက်အောက်ခံ နယ်ခြားစောင့်ရဲကင်းစခန်းများလည်း ရှိနေသလို စစ်ကောင်စီတပ် စစ်ကြောင်းနှစ်ခုလည်း ထိုဒေသတွင် စစ်ရေးလှုပ်ရှားမှုရှိကြောင်း မောင်တော ဒေသခံ အမျိုးသားတစ်ဦးက ပြောသည်။

”ခု ပညာရေးဝန်ထမ်းတွေ ပျောက်ဆုံးအဖမ်းခံရတဲ့နေရာက မောင်တောမြောက်ပိုင်းအတွက် အရေးပါတဲ့လမ်းပါ။ အဲဒီနေရာအနီးအနားမှာ AA (ရက္ခိုင့်တပ်တော်) နဲ့ စစ်တပ် တိုက်ပွဲတွေဖြစ်ဖူးသလို အာဆာနဲ့ စစ်တပ်လည်း ဖြစ်ဖူးပါတယ်” ဟု ထိုမောင်တောဒေသခံက ဝေဖန်ပြောသည်။

“အဲဒီနေရာတွေမှာ စစ်တပ်ဘက်က ကင်းစခန်းတွေ၊ အင်အားအများကြီးရှိနေပါတယ်။ ဒီကိစ္စက နိုင်ငံတော်လုံခြုံရေးကို စိန်ခေါ်တာလို့ မြင်ပါတယ်။ လက်ရှိ စစ်ကောင်စီက ပြတ်ပြတ်သားသား တာဝန်ယူဖော်ထုတ်ရမဲ့ကိစ္စဖြစ်ပါတယ်”

အာဆာ

သင်္ဘောလှကျေးရွာမှ ကျောင်းအုပ်ဆရာကြီးနှင့် ဆရာမတို့နှစ်ဦးကို ပြန်ပြေးဆွဲထားခြင်းမှာ ရိုဟင်ဂျာ ကယ်တင်ရေး တပ်မတော်ဟု အမည်ပေးထားသည့် ARSA အဖွဲ့လက်ချက်ဖြစ်ကြောင်း ၎င်းနယ်မြေခံ AA အဖွဲ့၏ ပြောဆိုချက်ကို ကိုးကားပြီး ဒေသခံအမျိုးသားတစ်ဦးက ပြောသည်။

“ရင်းနှီးတဲ့ နယ်မြေခံ AA က တပ်ဖွဲ့ဝင်တစ်ယောက်ကိုမေးကြည့်တော့ အာဆာက ပြန်ပြေးဆွဲထားတာလို့ ပြောတယ်။ ကြည့်ရတာ အဲဒီကိစ္စAAကလည်း လိုက်နေတယ် ထင်ပါတယ်” ဟု ၎င်းက ပြောသည်။

အလားတူ ထိုကျောင်းအုပ်နှင့် ဆရာမကို အာဆာအဖွဲ့က ပြန်ပြေးဆွဲသွားသည်ဟု ကြားသိရကြောင်း၊ မြန်မာ- ဘင်္ဂလား နှစ်နိုင်ငံနယ်စပ်တွင် အာဆာတပ်ဖွဲ့ သုံးဖွဲ့အထိ လှုပ်ရှားလျက်ရှိကြောင်း၊ နယ်မြေခံ AA အရာရှိတို့ကလည်း အာဆာအဖွဲ့ကို ဖုန်းဖြင့်ဆက်သွယ်ပြီး မေးမြန်းထားကြောင်း AAနှင့် နီးစပ်သူတစ်ဦးက ပြောသည်။

“ငါတို့လူ မိန်းမတစ်ယောက်၊ ယောကျာ်းတစ်ယောက် ဖမ်းထားတာ မင်းတို့အဖွဲ့လား အဲလိုမေးတယ်လို့ သိရတယ်။ မင်းတို့ဖမ်းတာဟုတ်တယ်ဆိုရင် မင်းတို့ ငါတို့လူတွေကို မှဲ့တစ်ပေါက်မစွန်းစေနဲ့ ပြန်ပို့ပေး။ ပို့ရင်ပို့ မပို့ရင် မင်းတို့ကို အသေသတ်ပစ်မယ်လို့ပြောတယ်လို့သိရတယ်”ဟု ထိုတောင်ပြိုမြို့ခံက ပြောသည်။

“အဲလိုပြောတော့ အဲဒီအာဆာအဖွဲ့က ငါတို့အဖွဲ့မဟုတ်ဘူးလို့ ပြောတယ်။ နောက်ထပ်နှစ်ဖွဲ့ရှိ သေးတယ်လို့ ပြောတယ်တဲ့။ ကျွန်တော်တို့အဖွဲ့က ခြံစည်းရိုးနားလောက်ပဲ ရှိတာ အတွင်းကို မဝင်လို့ပြောတယ်တဲ့”  

AA နှင့် နီးစပ်သူတချို့က အာဆာလက်ချက်ဟု ပြောဆိုနေကြသော်လည်း ထိုကိစ္စနှင့်ပတ်သက်ကြီး Myanmar Now က သီးခြားအတည်ပြုနိုင်ခြင်း မရှိသေးပေ။

ပြန်ပြေးဆွဲထားသူများနှင့် ဆက်သွယ်ပြီး ဆောင်ရွက်နေသော်လည်း အကျိုးမထူးသေးကြောင်းနှင့် အပေးအယူကိစ္စနှင့်ပတ်သက်ပြီး ထုတ် ဖော်မပြောချင်သေးကြောင်း ပြန်ပြေးအဆွဲခံထားရသည့် ကျောင်းအုပ်ဆရာကြီး ဦးဘိုဝင်း၏ မိသားစုဝင်တစ်ဦး ဖြစ်သူ ပညာရေးဌာန လက် ထောက်ညွှန်ကြား ရေးမှူး အငြိမ်းစား ဦးသိန်းထွန်းအောင်က ပြောသည်။

“ကျွန်တော်တို့ အခုမောင်တောကို ရောက်နေပါတယ်။ ကျွန်တော်တို့ ဆီကတော့ ဆက်သွယ်ပြီးတော့ လုပ်နေကြတာရှိတယ်။ တခုမှမထူးသေးဘူး။ ကျွန်တော်တို့ အဲဒီကိစ္စ ပြောလို့မရသေးဘူး။ ကျွန်တော်တို့ လည်း အရမ်းစိတ်ညစ်နေရတယ်။ အာနာပါတယ်။ ကျွန်တော်တို့ စိတ်ညစ်လို့ ဘာတစ်ခုမှ မပြောချင်ဘူး” ဟု ဦးသိန်းထွန်းအောင်က ပြောသည်။

ယခုဖြစ်စဥ်တွင် ပညာရေးဝန်ကြီးဌာနတွင် အဓိက တာဝန်ရှိပြီး တာဝန်ယူမှုတာဝန်ခံမှု အပြည်အဝရှိရန် လိုအပ်ကြောင်းနှင့် အကယ်၍ ယခုကိစ္စအားမဖြေရှင်းပေးနိုင်ပါက နောက်ပညာရေးဝန်ထမ်းများအတွက် လည်း စိန်ခေါ်မှုများရှိလာနိုင်သည်ဟု ပညာရေးဌာနက အထက်ပါ အ တွေ့အကြုံရှိ ဆရာကြီးတစ်ဦးက မှတ်ချက်ပြုသည်။

“ပညာရေး ဝန်ကြီးဌာန မောင်တောမြို့နယ်မှာ ကျောင်းဆရာအဖြစ်နယ်စွန်နယ်ဖျားမှ ပညာဖြန်ဝေဖို့ ရောက်နေတဲ့ ဆရာတွေက အဲလိုဖြစ်တယ် ဆိုရင် ပညာရေးဌာနမှာ တာဝန်ယူမှုတာဝန်ခံမှုအပြည့်အဝ ရှိဖို့လိုတယ်။ အဲလိုသာရှုပ်ထွေးနေမယ်ဆိုရင် ‌နောက်ပညာရေးဝန်ထမ်းတွေလည်း အာမခံမရှိ ဖမ်းချင်သူ ဖမ်း ဆီးချင်သူဆီး။ နောက်တာဝန်ထမ်းဆောင်နေတဲ့ ပညာရေးဝန်ထမ်းတွေအတွက်လည်း စိုးရိမ်ရတယ်” ဟုထိုဆရာကြီးက ပြောသည်။

ထိုနေရာတွင် အမှန်တကယ် ARSA အဖွဲ့နှင့် RSO အဖွဲ့ လှုပ်ရှားမှုရှိ မရှိနှင့် လက်နက်ကိုင်အဖွဲ့တစ်ခုက ငွေရေးကြေးရေးရလိုမှု၊ ပြဿနာဖန် တီးလိုမှုနှင့် ရခိုင် မွတ်စလင်ကြား ဟာမိုနီဖြစ်အောင် ရက္ခိုင်အမျိုး သားဖွဲ့ချုပ် ရက္ခိုင့်တပ်တော်(AA)က လုပ်ဆောင်နေစဥ် စစ်ကောင်စီအ နေဖြင့် ပြဿနာဖန်တီးခြင်းလားဟု ဝါရင့်နိုင်ငံ‌ရေးလေ့လာသုံးသတ်သူ ဦးဖေသန်းက ပြောသည်။

“ရခိုင်ပြည်မှာ မွတ်စလင်နဲ့ ရခိုင်တွေကြားမှာ ဟာမိုနီဖြစ်အောင် ULA/AA က ကြိုးစားနေတဲ့အချိန်ခါမှာ စစ်ကောင်စီအနေနဲ့ အဲဒီကိစ္စကို ပြဿနာဖန်တီးတာလားပေါ့နော်။ ပြဿနာဖြစ်အောင်ဖန်တီးပြီးတော့ သွေးခွဲဖို့ ကြိုးစားတာလား။ ပြောရမယ်ဆိုရင် သေချာတာက အဲချက်ချင်းက ဖြစ်နိုင်တယ်။ အဲဒါကြောင်း နိုင်ငံရေးပယောဂ မကင်းလို့နောက်ပိုင်းမှာ ငါတို့ရခိုင်တွေအတွက် တစ်စုံတရာရှိတယ်။ အဲဒါကို သတိထားပြီးတော့ စောင့်ကြည့်ရမဲ့ အ‌ရေးကြီးတဲ့အချိန်ဖြစ်ပါတယ်” ဟု ဦးဖေသန်းက ပြောသည်။

ကျောင်းသားလူငယ်များအား စာသင်ပြပေးနေသည့် ဆရာ/မ တို့အား ယခုကဲ့သို့ ဖမ်းဆီး ပြန်ပြေးဆွဲမှုများ ပြုလုပ်ခံရသည့်အတွက် စိတ်မကောင်းဖြစ်မိကြောင်း၊ ၎င်းတို့အား အစိုးရက ပြန်လည်လက်ခံရေး ပြုလုပ်မိကိစ္စအတွက်လည်း စဥ်းစားမိကြောင်း ဘင်္ဂဒေ့ရှ်နိုင်ငံသို့ ထွက် ပြေးခိုလှုံသွားသည့် မွတ်စလင် ဒုက္ခသည်တစ်ဦးက ပြောသည်။

“ကျောင်းဆရာ ကလေးတွေကို စာသင်တဲ့ ကျောင်းဆရာတွေကို အခုလိုဖမ်းပြီးတော့ ဝှက်လိုက်ကြတာက တခုစဥ်းစားစရာဖြစ်ပါတယ်။ ဆိုတော့ ဒီကနည်းနည်းပါးပါး တွေးကြည့်တာပေါ့နော်။ ဒီလိုဖြစ်နေရင် ငါတို့ကို ပြန်လည်လက်ခံရေးကိစ္စ ဘယ်လိုဖြစ်မလဲ။ ပြောချင်တာက ဒီလိုပြဿနာဖြစ်ရင် ဘယ်လို ဖြစ်လာမလဲတွေး မိပါတယ်” ဟု ဘင်္ဂဒေ့ရှ်ဘက်ခြမ်းရှိ ကူတူးပါလောင်ဒုက္ခသည်စခန်းမှ မွတ်စလင်တစ်ဦးက ပြော သည်။ myanmar now

ရေဖြူတွင် စစ်ကောင်စီ သတင်းပေးဟု နာ မည်ထွက်နေသည့် မိသားစုဝင်း ၄ ဦး အသတ်ခံရ

တနင်္သာရီတိုင်း ထားဝယ်ခရိုင် ရေဖြူမြို့နယ် ကလိန်အောင်မြို့၊ အင်းပြား အမှတ်(၄) ရပ်ကွက်တွင် လောင်းလုံးမှ ထွက်ပြေးတိမ်းရှောင်လာသော စစ်ကောင်စီသတင်းပေးဟု နာမည်ထွက်နေသည့် မိသားစုဝင် လေးဦးကို ဇွန်လ ၁၈ ရက်နေ့၊ ည ၉ နာရီ အချိန်ခန့်တွင် သေနတ်ဖြင့် လာရောက် ပစ်သတ်ခဲ့ကြောင်း ဒေသခံများထံမှ သိရ သည်။

အဆိုပါ စစ်ကောင်စီ သတင်းပေးဟု စွပ်စွဲချက်ဖြင့် ပစ်သတ်ခံရသည့် မိသားစု လေးဦးထဲတွင် အသက် ၁၅ နှစ် အရွယ် ကလေးငယ် တစ်ဦး ပါဝင်ကြောင်း ဒေသခံ တစ်ဦးက ပြောသည်။

ရေဖြူမြို့နေ ဒေသခံ တစ်ဦးက“သူတို့ မိသားစုထဲက အသက် ငါးနှစ် အရွယ် ကလေးငယ် တစ်ဦးကိုတော့ လွှတ်ပေးခဲ့တယ် ကျန်တာ အကုန်ပစ်သတ်ခံလိုက်ရတယ်”ဟု ပြောသည်။

အဆိုပါ စစ်ကောင်စီ သတင်းပေး မိသားစုဝင် လေးဦးကို SPRlNG DHAMMA PDF ပြည်သူ့ ကာကွယ်ရေးတပ်ဖွဲ့မှ လုပ်ဆောင်ခဲ့ခြင်း ဖြစ် ကြောင်း ထုတ်ပြန်ထားသည်။

ယင်း မိသားစုဝင်များသည် လောင်းလုံးမြို့နယ် ကျောက်ဆင်အုပ်စု ကရင်ကြီးရွာမှ မိသားစုဝင်များ ဖြစ်ကြပြီး ၎င်းတို့သည် ရေဖြူမြို့နယ်ရှိ အင်းပြား ရပ်ကွက် အတွင်းရှိ ခြံတစ်ခုတွင် တဲထိုးပြီး လာရောက် တိမ်းရှောင်နေသည်မှာ သုံးလခန့် ရှိနေစဥ် သုတ်သင် ရှင်းလင်း ခံရကြောင်း သိရသည်။

သေဆုံးသူ လေးဦးမှာ အသက် ၅၂ နှစ် အရွယ် ဒေါ်တင်သိန်း၊ အသက် ၆၂ နှစ် အရွယ် ဦးလှသိန်း၊ အသက် ၂၆ နှစ် အရွယ် ကိုမင်းဝေဦးနှင့် အ သက် ၁၅ နှစ် အရွယ် မောင်ဟိန်းထက်အောင် တို့ ဖြစ်သည်။

၎င်းတို့ မိသားစုဝင်များကြောင့် လောင်းလုံးမြို့နယ်တွင် အဖမ်းခံရပြီး နှစ်ရှည် ထောင်ဒဏ် ကျခံနေရသူများ၊ နည်းအမျိုးမျိုးနှင့် တိမ်းရှောင်နေရသည့် ပြည်သူအများအပြားရှိကြောင်း SPRlNG DHAMMA PDF ပြည်သူ့ ကာကွယ်ရေးတပ်ဖွဲ့က ထုတ်ပြန်ထား သည်။ mizzima

CDSOM က စစ်ကောင်စီတပ်မှ ပြန်လုယူခဲ့သည့် ဆိုင်ကယ်များကို ပြည်သူထံပြန်ပေးအပ်

စစ်ကောင်စီတပ်ဖွဲ့က အဓမ္မသိမ်းယူသွားတဲ့ ကာလတန်ဖိုးသိန်း ၁၀၀ လောက် တန်ဖိုးရှိ ပြည်သူပိုင်ဆိုင်ကယ် ၁၀ စီးကို မြောင်ပြည်သူ့ကာ ကွယ်ရေး နဲ့ လုံခြုံရေးတပ်ဖွဲ့ CDSOM က ပြန်လည်လုယူပြီး ပြည်သူတွေကို ဇွန် ၁၈ ရက်နေ့က ပြန်လည်ပေးအပ်ခဲ့တယ်လို့ CDSOM က ထုတ်ပြန်ထားပါတယ်။

ဇွန် ၁၀ ရက်နေ့က စစ်ကောင်စီတပ်ဟာ စစ်ကိုင်းတိုင်းဒေသကြီး၊ ချောင်းဦးမြို့နယ်၊ ဘလွေကျေးရွာက ပြည်သူတွေရဲ့ နေအိမ်တွေကို မီးရှို့ဖျက်ဆီးခဲ့ပြီး ကျေးရွာအတွင်းက ပစ္စည်းတွေကို ခိုးယူခဲ့တဲ့အပြင် ပြည်သူတွေရဲ့ ဆိုင်ကယ်တွေကို အဓမ္မသိမ်းယူသွားခဲ့တယ် လို့ ဆိုပါတယ်။

“အကြမ်းဖက်စစ်တပ်မှ အဓမ္မသိမ်းယူသွားသော ပြည်သူများ၏ ဆိုင်ကယ် (၁၀) စီးအား ကျွန်ုပ်တို့ မြောင်မြို့နယ်ပြည်သူ့ကာကွယ်ရေးနှင့်လုံ ခြုံရေးအ ဖွဲ့ – CDSOM ၏ မြောက်ပိုင်းတိုက်ခိုက်ရေးနှင့် ကာကွယ်ရေးအဖွဲ့ဖြစ်သည့် တူမီးဖိုက်တာအဖွဲ့မှ အကြမ်းဖက်စစ် (-) များထံမှ ပြန် လည်ရယူကာ ပြည်သူများ၏ လက်ဝယ်အရောက် ပြန်လည်ပေးအပ်ခဲ့ပါသည်” လို့ CDSOM အဖွဲ့က လူမှု့ကွန်ရက်စာမျက်နှာမှာ ထုတ်ပြန် ကြေညာပါတယ်။

Scoopy အမျိုးအစား ၅ စီး၊ ကာလတန်ဖိုးငွေကျပ် သိန်း ၇၀ ကျော်၊ ဆိုင်ကလုန်း ၁ စီး ကာလတန်ဖိုး ငွေကျပ် ၁၀ သိန်းကျော်၊ ၁၂၅ တရုတ်ဘီး ၄ စီး ကာလတန်ဖိုးငွေကျပ် သိန်း ၂၀ ကျော် စုစုပေါင်း ကာလတန်ဖိုး သိန်း ၁၀၀ ကျော်ရှိ ဆိုင်ကယ်တွေကို ပြည်သူတွေဆီ ပြန်လည်အပ်နှံခဲ့တယ်လို့ ဆိုပါတယ်။ DVB

ဖားကန့်မြို့ မော်ပုံကျေးရွာ၌ ဆန်ခါအကျဉ်း ထောင်မှ စစ်ကောင်စီတပ်ဖွဲ့က ပစ်ခတ်လိုက်သည့် လက်နက်ကြီးကျည် ၃ လုံး ကျရောက် ပေါက်ကွဲ

ကချင်ပြည်နယ် ဖားကန့်မြို့ မော်ပုံကျေးရွာတွင် ဇွန်လ ၁၉ ရက် မနက် ၁၁ နာရီ အချိန်၌ ဆန်ခါအကျဉ်းထောင်က စစ်ကောင်စီ တပ်ဖွဲ့ဝင်များ ပစ်ခတ်လိုက်သော လက်နက်ကြီး ကျည် သုံးလုံး ကျရောက် ပေါက်ကွဲ သောကြောင့် ပြည်သူ သုံးဦး လက်နက်ကြီး ကျည်စ ထိမှန် ခဲ့ကြောင်းသိရသည်။

လက်နက်ကြီး ကျည် တစ်လုံးမှာ မှော်ပုံရွာ လမ်းသွယ် (၉) အတွင်းသို့ ကျရောက်ပေါက်ကွဲခဲ့ပြီး အမျိုးသမီး တစ်ဦး ခြေထောက်တွင် ဒဏ်ရာရခဲ့ကာ ကျန် လက်နက်ကြီးကျည် နှစ်လုံးမှာ လမ်းသွယ် (၇) ရှိ အန်တီယု ထမင်းဆိုင်အနီး ကျရောက်ကာ အမျိုးသမီး တစ်ဦး နှင့် အမျိုးသား တစ် ဦး လက်နက်ကြီး ကျည်စ ထိမှန်ကာ အမျိုးသမီး တစ်ဦးမှာ အသက်အန္တရယ် စိုးရိမ်ရသောကြောင့် ဖားကန့်ပြည်သူ့ဆေးရုံသို့ ပို့ဆောင်ထားရကြောင်း သိရသည်။

လွန်ခဲ့သော လကလည်း စစ်ကောင်စီတပ်ဖွဲ့ဝင်များ တပ်စွဲထားသော ဆန်ခါ အကျဉ်းထောင်မှ မှော်ပုံရွာသို့ လက်နက်ကြီး ပစ်ခတ်သောကြောင့် အမျိုးသား နှစ်ဦး ပွဲချင်းပြီး သေဆုံးခဲ့သည်။ mizzima

မဲလ်ဘုန်းမြို့တွင် ဒေါ်အောင်ဆန်းစုကြည် မွေး နေ့ ဘာသာပေါင်းစုံဆုတောင်းပွဲပြုလုပ် 

ဒေါ်အောင်ဆန်းစုကြည်နဲ့တကွ သြစတြေးလျနိုင်ငံသား ရှောင်တာနာအပါအဝင် နိုင်ငံရေးအကျဥ်းသားအားလုံး အမြန်ဆုံးလွတ်မြောက်ရေးအတွက် သြစတြေးလျနိုင်ငံ မဲလ်ဘုန်းမြို့ရှိ မြန်မာအသိုင်းအဝိုင်းက စုပေါင်းတောင်းဆိုခဲ့ကြပါတယ်။ 

ဇွန် ၁၉ ရက်နေ့ ကျရောက်တဲ့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ၇၇ နှစ်ပြည့်မွေးနေ့ကို မဲလ်ဘုန်းမြို့မှာ NUG/CRPH Support Group Australia က ဦးစီးကျင်းပပြီး ဘာသာပေါင်းစုံ ဆုတောင်းပွဲကိုလည်း ပြုလုပ်သွားတာပါ။ 

ဒီပွဲမှာ မြန်မာ့အရေး ထောက်ခံအားပေးသူ ဒေသအခြေစိုက် လွှတ်တော်အမတ်တွေလည်း တက်ရောက်ပြီး အာဏာရ လေဘာပါတီက မြန်မာ့ဒီမိုကရေစီအရေး အရင်ကထက် ပိုထိရောက်အောင် လုပ်ဆောင်ပေးသွားဖို့ ပြောဆိုသွားပါတယ်။ 

ဒီပွဲကို အနီးတဝိုက်က မြန်မာနိုင်ငံသား ၁၀၀ ကျော် လာရောက်ကြပြီး မြန်မာအစားအစာတွေနဲ့ ဧည့်ခံသလို  ဒေါ်အောင်ဆန်းစုကြည်အတွက် အမှတ်တရ မွေးနေ့ဆုတောင်း ရေးသားတာတွေနဲ့ တေးသီချင်း သီဆိုဖျော်ဖြေမှုတွေ ပြုလုပ်သွားကြပါတယ်။ DVB

ပုဏ္ဏားကျွန်းတွင် စစ်ကောင်စီက ပိုက်စိပ်တိုက်ရှာဖွေဖမ်းဆီးမှုများပြုလုပ်နေပြီး အရပ်သား ၃၀ ခန့် အဖမ်းခံထားရ

ရခိုင်ပြည်နယ် ပုဏ္ဏားကျွန်းမြို့တွင် စစ်ကောင်စီတပ်သားတစ်ဦးကို ရက္ခိုင့်တပ်တော် (AA) က ဖမ်းဆီးမှု ဖြစ်ပွားပြီး သုံးရက်အတွင်း စစ်ကောင်စီတပ်၏ဖမ်းဆီးခြင်းခံရသည့် အရပ်သား ၃၀ ဝန်းကျင်ရှိသွားပြီ ဖြစ်ကြောင်း ဒေသခံများက မဇ္ဈိမသို့ပြောသည်။

“ ဒီနေ့အထိ ဖမ်းသွားတာ ၃၀ ကျော်လောက်ရှိနေပြီလို့သိရပါတယ်။ ဒီထက်လည်း များနိုင်ပါတယ်၊ မနေ့ ကလည်း ဈေးကိုလာတဲ့ ဘေးတွဲသမားတွေကို ဖမ်းသွားတယ်။ သိရသလောက် ၂၀ ကျော်လောက်ပါသွား တယ်လို့ပြောပါတယ် ”ဟု မြို့ခံတစ်ဦးက ပြောသည်။

နှစ်ဖက်စစ်ရေးတင်းမာမှုများရှိနေသည့် ပုဏ္ဏားကျွန်းမြို့တွင် ဇွန်လ ၁၆ ရက်နေ့က အာဏာသိမ်း စစ်ကောင်စီတပ်မှတပ်သားတစ်ဦးကို AA ကဖမ်းသွားပြီးနောက် ပေါက်တောပြင်ကျေးရွာမှ လူငယ်နှစ်ဦး နှင့် ဇွန်လ ၁၈ ရက်နေ့က မြို့ခံ ၂၀ ခန့်ကို စစ်ကောင်စီတပ်က ဖမ်းဆီးခဲ့ကြောင်း မဇ္ဈိမက အတည်ပြုနိုင်ခဲ့ သည်။

ဖမ်းဆီးခံရသူများကို စစ်တွေမြို့ရှိ စစ်ကောင်စီတပ်ရင်းတစ်ခုသို့ ပို့ဆောင်ထားသည့်ဟုလည်း သတင်း များထွက်ပေါ်နေသော်လည်း သီးခြားအတည်ပြုချက်မရနိုင်သေးပေ။

AA ကလည်း ဇွန်လ ၁၆ ရက်နေ့မှစကာ စစ်ကောင်စီလက်အောက်ခံ စစ်သားလေးဦးနှင့် ရဲတပ်သား တစ်ဦးတို့ကို ဖမ်းဆီးထားကြောင်း သိရသည်။

AA ၏ နိုင်ငံရေးဦးဆောင်အဖွဲ့ဖြစ်သော ရက္ခိုင့်အမျိုးသားအဖွဲ့ချုပ် (ULA) ခန့်အပ်ထားသည့် ကျေးရွာ အုပ်ချုပ်ရေးမှူးများကိုဖမ်းဆီးစစ်ဆေးခြင်းများရှိနေ၍ လက်တုံ့ပြန်ဖမ်းဆီးရခြင်းဖြစ်သည်ဟု ပြောရေး ဆိုခွင့်ရှိပုဂ္ဂိုလ် ခိုင်သုခက မီဒီယာများသို့ပြောဆိုထားသည်။

စစ်ကောင်စီတပ်က ပုဏ္ဏားကျွန်းမြို့အတွင်း စစ်ဆေးရေးများတိုးမြှင့်လုပ်ဆောင်နေပြီး ဖြတ်သန်းသွား လာသူများကို မှတ်ပုံတင်ပြခိုင်းခြင်း၊ မှတ်ပုံတင်မပါလျှင် ရပ်ကွက်အုပ်ချုပ်ရေးမှူး ထောက်ခံချက် တောင်း ခံခြင်းများရှိနေသည်။ ထို့အပြင် ကားတစ်စီးနှင့်မြို့ပတ်ကာ ၎င်းတို့ပူးပေါင်းရန် ဆော်သြမှုများလည်း ရှိခဲ့ သည်။

“ စစ်သားတွေက ကားနဲ့အပြည့်ပဲ လုံခြုံရေးတွေနဲ့ပတ်ပြီးတော့ ကြေညာပါတယ်။ သူတို့ကို ကြောက်စရာ မလိုကြောင်း၊ ပြည်သူတွေကို ဒုက္ခမပေးကြောင်းပေါ့၊ သူတို့ဆီက စစ်သားတစ်ယောက်ကို ဖမ်းသွားတဲ့ အတွက်ကြောင့် လိုက်ရှာနေခြင်းဖြစ်တယ်။ ပြည်သူတွေအနေနဲ့လည်း ပူးပေါင်းပေးစေချင်ပါတယ်။ အပြင် ထွက်ရင်လည်း ပြဿနာမရှိဘူး၊ ထွက်လို့ရတယ်ဆိုပြီးတော့ ပြောနေပါတယ် ” ဟု ဒေသခံတစ်ဦးက မဇ္ဈိမ သို့ပြောသည်။

သို့သော် စစ်ကောင်စီတပ်များလှုပ်ရှားနေမှုက မြို့နေလူထုကို စိုးရိမ်ကြောင့်ကြမှုများစေကာ လမ်းသွား လမ်း လာများနည်းပါးသွားသလို ညနေ ၆ နာရီမှ နံနက် ၆ နာရီအတွင်း အပြင်ထွက်သူ မရှိသလောက် ဖြစ်ကြောင်းလည်း သိရသည်။

ပုံမှန်အချိန်တွင် ပုဏ္ဏားကျွန်းမြို့သို့ မြောက်ဦးမြို့နယ်၊ ပေါက်တောမြို့နယ်များရှိ ကျေးရွာများမှ နေ့စဉ် ဆိုသလို စျေးလာဝယ်တတ်ကြသော် လည်း ယခုအခါ အခြေအနေမတည်ငြိမ်သည့်အတွက် စျေးဝယ်သူ မရှိသလောက်ဖြစ်ကာ စျေးဆိုင်ခန်းများလည်းပိတ်ထားရကြောင်း သိရသည်။ mizzima

SSPP/SSA စစ်စခန်း ၃ ခု ဖယ်ရှားရေး နောက် ဆုံးသတ်မှတ်ရက်ကို စစ်ကောင်စီရွှေ့ဆိုင်း

ရှမ်းပြည်တိုးတက်ရေးပါတီ/ရှမ်းပြည်တပ်မတော် (SSPP/SSA) ၏ အရေးပါသော စစ်စခန်းသုံးခုကို နောက်ဆုံးထားဖယ်ရှားရမည့်ရက်ကို စစ်ကောင်စီ၏ငြိမ်းချမ်းရေးကော်မတီက ရွှေ့ပြောင်းသတ်မှတ်ပေးလိုက်ခဲ့ကြောင်း မဇ္ဈိမက စုံစမ်းသိရှိရသည်။

ရှမ်းပြည်နယ်တောင်ပိုင်း မိုင်းရှုးမြို့နယ် လွိုင်နိုင်းလမ်းခွဲအနီးရှိ စခန်းတစ်ခုနှင့် မန်ဝိန်းကျေးရွာအနီးရှိ စခန်းနှစ်ခုကို ဇွန်လ ၁၀ ရက်နေ့နောက် ဆုံးထားဖယ်ရှားရန် အမိန့်စာတစ်စောင်ကို စည်းလုံးညီညွတ်ရေးနှင့် ငြိမ်းချမ်းရေးဖော်ဆောင်မှု ညှိနှိုင်းရေးကော်မတီက ဇွန်လ ၄ ရက်နေ့က ပေးပို့ခဲ့ရာက နောက်ပိုင်းတွင် နောက်ဆုံးထားဖယ်ရမည့်ရက်ကို ဇွန်လ ၃၀ ရက်နေ့သို့ ပြောင်းလဲသတ်မှတ်ခဲ့ခြင်းဖြစ်သည်။

သို့သော် SSPP/SSA က မိုင်းရှုးမြို့နှင့် တန့်ယန်းမြို့ကြား ကားလမ်းဘေးက အဆိုပါစခန်းများ တည်ရှိနေခဲ့သည်မှာ ၁၀ နှစ်ရှိပြီဖြစ်ကြောင်းပြောကာ ဖယ်ပေးရန် အစောပိုင်းကပင် ငြင်းဆန်ထားသလို ပြင်ဆင်လိုက်လျောပေးမည်ဟန်လည်းမရှိဟု သတင်းရင်းမြစ်များက ပြောသည်။

စစ်ကောင်စီက ” နယ်မြေကျော်လွန်ဆောက်လုပ်” ထားသည်ဆိုသော စခန်းသုံးခုလုံးမှာ SSPP/SSA ၏ တပ်မဟာ (၇၀၂)၊ တပ်ရင်း (၄၂၄) ၏ စခန်းများဖြစ်သည်။

နေပြည်တော် ငြိမ်းချမ်းရေးဆွေးနွေးပွဲကိုတက်ရောက်ရန်အစီအစဉ်ရှိခဲ့သော SSPP/SSA ကို ဆွေးနွေးမှုမတိုင်မီ စခန်းများဖယ်ရှားခိုင်းမှုဖြစ် လာခဲ့ခြင်းက ဆွေးနွေးမှုဖြစ်မြောက်လာရေးကို ထိခိုက်စေခဲ့သည်။ mizzima

မြစ်ဆုံအနီး KIA နှင့် PDF ပူးပေါင်း ကွန်မန်ဒို ၇ ဦးဖြင့် အင်အားရာကျော်ပါ စစ်တပ်စစ် ကြောင်းကို ပဒေသာမိုင်းဆွဲပြီး ပစ်ခတ်တိုက် ခိုက်မှု စစ်ကောင်စီ ဘက်မှ ၁၈ ဦးထက်မနည်းသေဆုံးပြီး အများအပြားဒဏ်ရာရ

ကချင်ပြည်နယ်၊ မြစ်ဆုံအနီးတွင် KIAနှင့် PDF ပူးပေါင်း ကွန်မန်ဒို ၇ ဦးဖြင့် အင်အားရာကျော်ပါ စစ်တပ်စစ်ကြောင်းကို ယမန်နေ့ နံနက်ပိုင်း ပဒေသာ မိုင်း ဆွဲပြီး ပစ်ခတ်တိုက်ခိုက်ရာ စစ်ကောင်စီဘက်မှ ၁၈ ဦးထက်မနည်းသေဆုံးပြီး အများ အပြားဒဏ်ရာရရှိကြောင်း PDF သတင်းရင်းမြစ်က အတည်ပြု ပြောဆို သည်။

ဇွန်လ ၁၈ ရက်နေ့ နံနက်ပိုင်းတွင် ပူတာအိုဘက်မှ မြစ်ဆုံဘက်သို့ ဆင်းလာ သော စစ်ကြောင်းကို KIA နှင့် PDF ပူး ပေါင်း ကွန်မန်ဒိုတပ်က ပ ဒေသာမိုင်း ဆွဲ၍ ပစ်ခတ်တိုက်ခိုက်ခဲ့ခြင်းဖြစ်ပြီး သတင်းကြိုရ၍ ပြင်ဆင်တိုက် ခိုက်နိုင် ခဲ့ခြင်း ဖြစ်ကြောင်း သိရှိရသည်။

“မြစ်ဆုံအနားမှာ စစ်ခွေးအင်အား ရာကျော်ခြေလျင်အဆင်းကို ပဒေသာမိုင်း ကျွေးလိုက် နိုင်တယ်။ စစ်ခွေး ၁၈ ကောင်သေပြီး ၃၇ ဦးလောက် အပြင်းအထန် ဒဏ်ရာရ ပါတယ်။ စစ်တပ်ဘက်က လက်နက်ကြီးအင်အားသုံးပြီး လေယာဉ် ပစ် ကူပါ လာတယယ်။ ကျနော်တို့ ရဲဘော်တွေ အား လုံး အထိအခိုက်မရှိဘူး။ KIA နှင့် ကျနော်တို့ အထူးကွန်မန်ဒိုပူးပေါင်းတပ်ဖွဲ့ ။ တိုက်ပွဲနေရာက ပူတာအို ဘက်မှ မြစ်ဆုံအဆင်း။ ကျနာ်တို့ဘက်က အထူးကွန်မန်ဒို အဖွဲ့က ၅ ဦး ၊ KIA အထူးကွန်မန်ဒို ၂ ဦး အင်အားက အားလုံးပေါင်းမှ ၇ ဦးတည်းပါ။ ကျနော်တို့ကို အင်အားများတယ်ထင်ပြီး စစ်တပ်ဘက်က ၆၀ မမ တွေ RPG တွေနဲ့ပါ ရမ်း သမ်း ပစ်တယ်။ လေယာဉ်ပါ လာပစ်တယ်။ ကျနော်တို့က ခွေးတွေ ဆင်းလာ မယ် ဆိုတာကို ကြိုတင်သတင်းရလို့ ကြိုတင်ပြင်ဆပြီး တစ်နာအလို လောက် က တည်းက ပဒေသာမိုင်းထောင်ထားတာ။ စစ်ခွေးတွေက ခြေလျင်စစ်ကြောင်း နဲ့ ဆင်းလာတာ။ အနီးကပ်ရောက်မှ ပဒေသာမိုင်းကျွေးလိုက်တာ။ မိုင်းကျွေးပြီး မနားတမ်းကျနော်တို့က ပစ်တာပဲ” ဟု PDF သ တင်းရင်းမြစ်က ပြောသည်။

KIA သတင်းရင်းမြစ်များကလည်း မြစ်ဆုံအနီးတွင် စစ်ကောင်စီစစ်ကြောင်း မိုင်းအကြိမ်ကြိမ် အဆွဲခံရပြီး သေဆုံးသူ များပြားကြောင်း၊ ဒဏ် ရာ ရသူများ လည်း အလွန်များပြားသည်ဟု သိရှိရကြောင်း အတည်ပြုပြောဆိုသည်။ khit thit

« Older Entries