ပုသိမ်ကြီးမြို့နယ် ကျေးရွာအုပ်ချုပ်မှူး သေ နတ်ဖြင့် ပစ်သတ်ခံရ
မန္တလေးတိုင်း ပုသိမ်ကြီးမြို့နယ်အတွင်းရှိ၊ ကျေးရွာအုပ်ချုပ်မှူးတစ်ဦး ယနေ့ နေ့လယ်ပိုင်းက သေနတ်ဖြင့်ပစ်သတ်ခံလိုက်ရကြောင်း သတင်းရရှိသည်။
ပုသိမ်ကြီးမြို့နယ် ကံသာကျေးရွာ အုပ်ချုပ်ရေးမှူး ဦးသန်းဆွေဆိုသူဖြစ်ကြောင်းသိရပြီး၊ ယနေ့ ဇွန် ၁၉ ရက် နေ့လယ် ၁ နာရီခွဲခန့်တွင် သေ နတ် သမားက နေအိမ်ထဲအထိ ၀င်ရောက်ပစ်ခတ်သွားခြင်းဖြစ်ကြောင်း သိရသည်။
“သူက စကစခန့်တဲ့အုပ်ကြီးပါ၊ ဒီနေ့ နေ့လယ်ပိုင်း အိမ်ထဲထိုင်နေတုန်း သေနတ်သမားတွေက အိမ်ထဲအထိ ၀င်ပစ်သွားတာပါ၊ ကြံ့ဖွံ့အမာခံ ပါတီစည်းရုံးရေးမှူး ဦးသန်းဆွေဆိုရင် ရွာမှာလူတိုင်းသိပါတယ်” ဟု ပုသိမ်ကြီးမြို့ ဒေသခံတစ်ဦးကပြောသည်။
၄င်းအား သေနတ်သမားက သေနတ်ဖြင့် ခြောက်ချက်တိတိ ပစ်သွားခြင်းဖြစ်ကြောင်းသိရပြီး မည်သည့်အဖွဲ့အစည်းက လုပ်ဆောင်သည်ကိုတော့ မသိရသေးပါ။mizzima
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 