ဖားကန့်မြို့နယ် ဆိပ်မူ အထက်တန်းကျောင်းတွင် ဗုံးပေါက်ကွဲမှု ဖြစ်ပွား

ကချင်ပြည်နယ် ၊ ဖားကန့်မြို့နယ် ၊ ဆိုင်းတောင်(ဆိပ်မူ)ကျေးရွာ ဆိပ်မူ အထက်တန်းကျောင်း အနောက်ဘက်ကျောင်းဝင်းတွင် ယနေ့ ဇွန်လ ၂၄ ရက်နေ့ နေ့လယ် ၁၂ နာရီခန့်က ဗုံး တစ်လုံးပေါက်ကွဲခဲ့ကြောင်း ဒေသခံများထံက သိရသည်။

အဆိုပါ ဗုံးပေါက်ကွဲမှုကြောင့် ကျောင်းဆောင်အောက်ခြေ အနည်းငယ်ပျက်စီး၍ မှန် ၁၀ ချပ်ခန့် ကွဲခဲ့ကာ လူထိခိုက်မှု မရှိကြောင်း သိရသည်။ နေ့လယ် ကျောင်းဆင်းချိန်မရောက်ခင် ပေါက်ကွဲခဲ့ခြင်းဖြစ်၍ ကျောင်းသား ၊ ကျောင်းသူ များကြား အထိတ်တလန့်ဖြစ်ပွားခဲ့ပြီး ၂၀၂၁ ခုနှစ်ကလည်း အဆိုပါ ကျောင်းတွင် ဗုံးပေါက်ကွဲမှုဖြစ်ပွားခဲ့သည်။

ဖားကန့်တစ်မြို့နယ်လုံးတွင် ကျောင်းအပ်နှံသူ အခြေခံပညာကျောင်းသား ဦးရေ ၃၀,၀၀၀ ကျော်ရှိပြီး ဆိပ်မူ အထက်တန်း ကျောင်းတွင် ကျောင်း အပ်နှံသူ အခြေခံပညာကျောင်းသား ၁,၂၈၇ ဦးရှိသည်။ mizzima

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s