အရာတော်တွင် မေလမှဇူလိုင်လအထိ စစ်ကောင်စီတပ် မီးရှို့ခဲ့သည့် အိမ်ခြေပေါင်း ၈၀၀ ကျော်ရှိ

စစ်ကိုင်းတိုင်း အရာတော်မြို့နယ်မှာ မေ ၂ ရက်နေ့မှ ဇူလိုင် ၁၃ ရက်နေ့အထိ စစ်ကောင်စီတပ်ဖွဲ့မှ မီရှို့ဖျက်ဆီးခဲ့တဲ့ အိမ်ခြေပေါင်း ၈၂၃ အိမ် ရှိတယ်လို့ အရာတော်မြို့နယ် ပြည်သူ့အုပ်ချုပ်ရေးအဖွဲ့က ဇူလိုင် ၂၃ ရက်နေ့ရက်စွဲနဲ့ ထုတ်ပြန်ထားပါတယ်။

စစ်ကောင်စီတပ်ဖွဲ့ရဲ့ မီးရှို့ဖျက်ဆီးခံလိုက်ရတဲ့ အိမ်ခြေပေါင်း ၈၂၃ အိမ်စာရင်းဟာ အရာတော်မြို့နယ်အတွင်းက ကျေးရွာပေါင်း ၈ ရွာရဲ့ စာ ရင်းဖြစ်ပြီး အဲ့ဒီအထဲက အိမ်ခြေအများဆုံး မီးရှို့ဖျက်ဆီးခံလိုက်ရတဲ့ ကျေးရွာကတော့ မလဲသာကျေးရွာဖြစ်တယ်လို့ ဆိုပါတယ်။

မီးရှို့ဖျက်ဆီးခံလိုက်ရတဲ့ အိမ်ခြေစာရင်းမှာတော့ မလဲသာကျေးရွာ ၆၁၈ အိမ်၊ ထန်းတောကုန်းကျေးရွာ ၈ အိမ်၊ ရွှေတွင်းကုန်းကျေးရွာ ၈၉ အိမ်၊ စက်‌ကျေးရွာ ၁၁ အိမ်၊ အုပ်ရှစ်ကြီးကျေးရွာ ၈ အိမ်၊ သစ်ချိုကျေးရွာ ၂၇ အိမ်၊ ဟင်္သာကျေးရွာ ၂၃ အိမ် နဲ့ ဆင်တလည်ကျေးရွာ ၃၉ အိမ်တို့ ဖြစ်တယ်လို့ သိရပါတယ်။

စစ်ကောင်စီတပ်ဖွဲ့ဟာ အရာတော်မြို့နယ်အတွင်း မကြာခဏဆိုသလို စစ်ကြောင်းလှည့်ပြီး ကျေးရွာတွေကို မီးရှို့ဖျက်ဆီးရာမှာ ပြည်သူတွေရဲ့ နေအိမ်တွေသာမက အိမ်မွေးကျွဲနွား တိရစ္ဆာန်၊ လယ်ယာသုံးစက်ပစ္စည်းတွေနဲ့ ကား/ဆိုင်ကယ်ယာဉ်တွေကိုပေ ဖျက်ဆီးသွားလေ့ရှိသလို နေ အိမ်အတွင်းရှိ အဖိုးတန်ရွှေငွေရတနာတွေနဲ့ စားနပ်ရိက္ခာတွေကိုပါ ရှာဖွေယူဆောင်သွားလေ့ရှိတယ်လို့ ထုတ်ပြန်ချက်မှာ ဖော်ပြထားပါတယ်။

စစ်ကောင်စီတပ်ဖွဲ့ရဲ့ အဲ့ဒီလုပ်ရပ်တွေနဲ့ ပတ်သက်ပြီး “အရပ်သားပြည်သူများအပေါ် ပစ်မှတ်ထား၍ တိုက်ခိုက်‌သော လူမဆန်သည့် အကြမ်း ဖက်စစ်ရာဇဝတ်မှုများ” အဖြစ် မှတ်တမ်းတင်ထားရှိမည်ဖြစ်ပြီး နိုင်ငံတကာတရားရုံး International Court of Justice ( ICJ ) ထံ သက်သေအဖြစ် တင်ပြသွားမယ်လို့ ဆိုပါတယ်။

ဒါ့အပြင် အရာတော်မြို့နယ်အတွင်း ကျေးရွာတွေမှာ စစ်ကောင်စီတပ်ဖွဲ့က အကြောင်းမဲ့ မီးရှို့သတ်ဖြတ်ခြင်းခံခဲ့ရတဲ့ ပြည်သူတွေလည်းရှိပြီး အရေတွက်အတိကျကိုတော့ စာရင်းရယူနေတယ်လို့ အရာတော်မြို့နယ် ပြည်သူ့အုပ်ချုပ်ရေးအဖွဲ့က ပြောပါတယ်။

အရာတော်မြို့နယ်မှာ နေအိမ်မီးရှို့ခံရတာကြောင့် အိုးမဲ့အိမ်မဲ့ဖြစ်တဲ့ အိမ်ထောင်စုပေါင်း ထောင်နဲ့ချီရှိနေပြီး အဲ့ဒီပြည်သူတွေအတွက် ယာယီနေထိုင်စားသောက်ရေးနဲ့ ဆေးဝါးပစ္စည်းအကူညီတွေလည်း လိုအပ်နေတယ်လို့ ဒေသခံတွေတွေက ပြောပါတယ်။DVB

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s