မြိုင်မြို့နယ်၊ ကျောက်ကန်ရွာမှ ပြည်သူ ၁ ဦးကို စစ်တပ်က သတ်ဖြတ်ပြီး နေအိမ် ၁၀၀ ကျော်ကို မီးရှို့ဖျက်ဆီး၊ ရေဦး၊ နှောကုန်းကျေး ရွာကိုလည်း စစ်တပ်က ညအချိန် မီးတင်ရှို့

မကွေးတိုင်း မြိုင်မြို့နယ် မြောက်ပိုင်းရှိ ကျောက်ကန်ကျေးရွာကို အကြမ်းဖက် စစ်တပ်က ဇူလိုင်လ ၂၃ ရက်နေ့ တွင် ဝင်ရောက်စီးနင်းပြီး ပြည်သူ ၁ ဦးကို ဖမ်းဆီးသတ်ဖြတ်ခဲ့ကြောင်း မြိုင်မြို့နယ် အခြေခံပညာ အထွေထွေ သပိတ်ကော်မတီထံမှ သိရသည်။

အကြမ်းဖက် စစ်တပ် စစ်ကြောင်းသည် ပြည်သူ ၁ ဦးကို ဖမ်းဆီး သတ်ဖြတ်ပြီးနောက် ကျေးရွာအတွင်းရှိ ပြည်သူပိုင်နေအိမ် ၁၀၀ ကျော်ကို မီးရှို့ဖျက်ဆီးခဲ့ပြီး ပြည်သူပိုင် ပစ္စည်းများဖြစ်သည့် ကား၊ ဆိုင်ကယ်၊ လှည်းများကိုလည်း မီးရှို့ဖျက်ဆီးခဲ့ကြောင်း သိရသည်။

အဆိုပါ စစ်တပ် စစ်ကြောင်းသည် ကျောက်ကန်ကျေးရွာအပြင် ကျောင်းရပ် ၊ ကျောက်တောင် ၊ သီတင်းပင် ၊ ဘန့်ဘိုး စသည့် ကျေးရွာများကိုလည်း ဝင်ရောက်မွှေနှောက်ဖျက်ဆီးခဲ့ပြီး ဇူလိုင်လ ၂၅ ရက်နေ့တွင် ဓမ္မသာရကျေးရွာရှိ ပြည်သူပိုင် နေအိမ်များကို မီးရှို့ ဖျက်ဆီးခဲ့ပြီး ရွာလုံး ကျွတ် ထွက်ပြေး တိမ်းရှောင် နေရကြောင်း သိရသည်။

အလားတူ စစ်ကိုင်းတိုင်း ရေဦးမြို့နယ် နှောကုန်းကျေးရွာကို အကြမ်းဖက် စစ်တပ်က ဇူလိုင်လ ၂၄ ရက်နေ့ ည ၇ နာရီခန့်တွင် ဝင်ရောက်စီးနင်းခဲ့ပြီး ကျေးရွာအတွင်းရှိ ပြည်သူပိုင် နေအိမ်များကို မီးရှို့ဖျက်ဆီးခဲ့ကြောင်း ဒေသခံ ပြည်သူများက ရန်ကုန်ခေတ်သစ် မီဒီယာသို့ ပြောဆိုသည်။

” ပြည်သူတွေကတော့ အချိန်မှီ ရှောင်တိမ်းနိုင်ခဲ့တယ်။ ပြည်သူပိုင် နေအိမ်တွေကတော့ တော်တော်များများ မီးရှို့ဖျက်ဆီးခံရတယ်။ အရေအ တွက် အတိအကျတော့ အတည်မပြုနိုင်သေးဘူး။ အခုက ရွာလုံးကျွတ်ပြေးနေရတာ” ဟု ဒေသခံ ပြည်သူ တစ်ဦးကပြောဆိုသည်။ khit thit

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s