မွန်ပြည်နယ်လွှတ်တော်ရုံး ရဲကင်းဂိတ် လက် ပစ်ဗုံးဖြင့် ပစ်ခတ်တိုက်ခိုက်ခံရ

မွန်ပြည်နယ်၊ မော်လမြိုင်မြို့၊ ဘိုကုန်းရပ်ကွက်ရှိ မွန်ပြည်နယ်လွှတ်တော်ရုံး ရဲကင်းဂိတ်ကို  ဇူလိုင် ၂၇ ရက် မနေ့ည ည ၇ နာရီလောက်မှာ  လက် ပစ်ဗုံးနဲ့ ပစ်ခတ်တိုက်ခိုက်ခံခဲ့ရတယ်လို့ ဒေသခံတွေက ပြောပါတယ်။

မွန်ပြည်နယ်လွှတ်တော်ရုံး ရဲကင်းဂိတ်ကို Federal Freedom UG အဖွဲ့က လက်ပစ်ဗုံးနဲ့ ပစ်ခတ်တိုက်ခိုက်ခဲ့တာ ဖြစ်ပါတယ်။

လွှတ်တော်ရုံးနဲ့ နီးစပ်သူတွေ အဆိုအရ လက်ပစ်ဗုံးနဲ့ ပစ်ခတ်တိုက်ခိုက်ခံရတာကြောင့် မွန်ပြည်နယ်လွှတ်တော်ရုံးတံခါး အနည်းငယ် ထိခိုက်ပျက်စီးခဲ့ပေမယ့် လူထိခိုက်ဒဏ်ရာရတော့ မရှိဘူးလို့ ပြောပါတယ်။

ပစ်ခတ်တိုက်ခိုက်ခံရပြီးနောက် စစ်ကောင်စီဘက်က အင်အားအများအပြား အသုံးပြုပြီး မြို့ပေါ်ရပ်ကွက်တချို့မှာ ဧည့်စာရင်း ဝင်ရောက် စစ်ဆေးခဲ့တယ်လို့ မြို့ခံတွေက ဆိုပါတယ်။

ဒါ့အပြင် ဇူလိုင် ၂၈ ရက် မနက်ပိုင်းကစပြီး မော်လမြိုင်မြို့အဝင်အထွက်ဂိတ်တွေမှာလည်း ပိတ်ဆို့ ရှာဖွေ စစ်ဆေးနေပါတယ်။

မွန်ပြည်နယ်လွှတ်တော်ရုံး ရဲကင်းဂိတ် လက်ပစ်ဗုံးပစ်ခတ် တိုက်ခိုက်မှုမှာ စစ်ကောင်စီ ရဲတပ်ဖွဲ့ဝင် ၂ ဦး သေဆုံးပြီး ၁ ဦး ထိခိုက်ဒဏ်ရာရရှိခဲ့တယ်လို့  Federal Freedom UG အဖွဲ့က ထုတ်ပြန်ထားပေမဲ့ သီးခြားအတည်ပြုနိုင်ခြင်း မရှိသေးပါဘူး။ DVB

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s