လက်နက်ကြီး ထုတ်လုပ်နိုင်ရန်အတွက် နား ကပ်တစ်ရန်ကို မဲစနစ်ဖြင့် ရောင်းချကာ တော် လှန်ရေးရန်ပုံငွေ ရှာဖွေမည်
မန္တလေးတိုင်း၊ သပိတ်ကျင်းမြို့နယ် အခြေစ်ိုက် TBK တောဆင်ရိုင်း ပြောက်ကျားတပ်ဖွဲ့က နားကပ်တစ်ရန်ကို မဲစနစ်ဖြင့် ရောင်းချကာ လက် နက်ကြီး ထုတ်လုပ်န်ိုင်ရန်အတွက် တော်လှန်ရေး ရန်ပုံငွေ ရှာဖွေမည်ဖြစ်ကြောင်း သိရသည်။
လက်ရှိလွတ်မြောက်နယ်မြေတွင် တာဝန်ထမ်းဆောင်နေသည့် တော်လှန်ရေးအမျိုးသမီးရဲဘော်တစ်ဦးက ၎င်းဝတ်ဆင်ထားသည့် နားကပ်ကို ပြောက်ကျားတပ်ဖွဲ့ထံ လိုအပ်သည့် ရန်ပုံငွေကို ဖြည့်တင်းပေးနိုင်ရန်အတွက် လာရောက်လှူဒါန်းခဲ့ခြင်း ဖြစ်သည်။
“အရင်ကတည်းက တော်လှန်ရေးကို အတူတူ လက်တွဲလုပ်လာခဲ့တဲ့ အမျိုးသမီးရဲဘော်တစ်ဦးက ကျွန်တော်တို့ ပြောက်ကျားတပ်ဖွဲ့ရဲ့ ရန်ပုံငွေ လိုအပ်ချက်ကို သိတယ်။ ပိုက်ဆံလည်း အများကြီး မလှူနိုင်လို့ နားကပ်ကို လာလှူဒါန်းခဲ့တာပါ။ အခုတော့ ဒီနားကပ်ကို လှူဒါန်းခဲ့တဲ့ တော်လှန် ရေးရဲမေက သင်တန်းဆင်းပြီးတဲ့နောက် MOD မှာ တာဝန်ထမ်းဆောင်နေပါပြီ” ဟု TBK ပြောက်ကျားတပ်ဖွဲ့ တာဝန်ရှိသူက ပြောသည်။
အဆိုပါ နားကပ်ကို TBK တောဆင်ရိုင်း ပြောက်ကျားတပ်ဖွဲ့က မဲစနစ်ဖြင့် ရောင်းချမည်ဖြစ်ပြီး မဲတစ်စောင်လျှင် ၅,၀၀၀ ကျပ်ဖြင့် အစောင်ရေ တစ်ထောင်ကျော်ကို တစ်လအချိန်ယူ ရောင်းချသွားမည် ဖြစ်သည်။
“အရင်ကတော့ ဒီနားကပ်ကို လေလံတင်ရောင်းချမလို့ စဉ်းစားသေးတယ်၊ ငွေအမောင့်(ပမာဏ)များရင် ပြည်သူတွေ အခက်အခဲဖြစ်မှာ စိုးလို့ မဲစနစ်နဲ့ ပြန်လည်ရောင်းချမှာ ဖြစ်ပါတယ်၊ မဲလက်မှတ်တွေ အားလုံးကုန်မယ်လို့လည်း ယုံကြည်ထားပါတယ်” ဟု TBK ပြောက်ကျားတပ်ဖွဲ့ တာဝန်ရှိသူက ဆက်ပြောသည်။
မဲစနစ်ဖြင့် ရောင်းချရာမှ ရရှိလာသည့် တော်လှန်ရေးရန်ပုံငွေ အားလုံးကို TBK တောဆင်ရိုင်း ပြောက်ကျားတပ်ဖွဲ့၏ လက်နက်ကြီးထုတ်လုပ်ရာတွင် ပြန်လည်အသုံးပြုသွားမည် ဖြစ်ကြောင်း သိရသည်။
TBK တောဆင်ရိုင်း ပြောက်ကျားတပ်ဖွဲ့သည့် မန္တလေးတိုင်း၊ သပိတ်ကျင်းမြို့နယ်တွင် အခြေစိုက် လှုပ်ရှားနေသည့် ပြည်သူ့ကာကွယ်ရေးတပ် ဖွဲ့ဖြစ်ပြီး ၎င်းတို့ လှုပ်ရှားနယ်မြေအတွင်းရှိ စစ်ကောင်စီတပ်ဖွဲ့များကို မိုင်းဆွဲတိုက်ခိုက်မှုများ၊ ဒရုန်းဖြင့် ဖောက်ခွဲတိုက်ခိုက်မှုများ ပြုလုပ်လျက်ရှိသည်။
သပိတ်ကျင်းမြို့နယ်အတွင်းနှင့် ဆက်စပ်နယ်မြေများရှိ စစ်ကောင်စီတပ်ကို အရှိန်မြှင့်တိုက်ခိုက်မှုများ ဆက်လက် ပြုလုပ်မည်ဖြစ်ကာ ပြည်သူများအနေဖြင့် စစ်ကောင်စီတပ်နှင့် ဝေးရာတွင် နေထိုင်ကြပြီး ကာကွယ်ရေးတပ်က ချမှတ်ထားသည့် စည်းမျဉ်းစည်းကမ်းများကို လိုက်နာကြရန်လည်း တိုက်တွန်းထားသည်။
စစ်အာဏာရှင် တော်လှန်ရေးအတွက် ပါဝင်ကူညီလှူဒါန်းပေးကြသည့် ပြည်သူများကို ကျေးဇူးတင်ရှိကြောင်းနှင့် တော်လှန်ရေးကို အဟန့်အ တားဖြစ်အောင် လုပ်ဆောင်သူများကို တ်ိုက်ခိုက်မှုများ လုပ်ဆောင်မည် ဖြစ်ကြောင်း TBK တောဆင်ရိုင်း ပြောက်ကျားတပ်ဖွဲ့က သတိပေးထားသည်။mizzima
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 