ရေဖြူ – ထားဝယ် ကားလမ်းပိုင်းတွင် စစ်ကောင်စီကား ၂ စီးမိုင်းဆွဲခံရ
တနင်္သာရီတိုင်း၊ ထားဝယ်ခရိုင်ရှိ ရေဖြူ-ထားဝယ် လမ်းပိုင်းတွင် ယနေ့ ဩဂုတ်လ ၂၃ ရက်နေ့ နံနက်ပိုင်းက စစ်ကောင်စီ တပ်သားများ စီးနင်း လိုက်ပါလာသည့် ယာဉ် နှစ်စီး မိုင်းဆွဲ တိုက်ခိုက်ခံခဲ့ရကြောင်း ဒေသခံများထံမှ သိရသည်။
အဆိုပါ စစ်ကောင်စီ တပ်သားများ စီးနင်းလိုက်ပါလာသည့် ကား နှစ်စီး သည် ရေဖြူဖက်မှ ထားဝယ်သို့ ဦးတည် မောင်းနှင် လာစဉ် နံနက် ၆ နာရီ အချိန်တွင် ကြားဖြတ် မိုင်းဆွဲခံရခြင်းဖြစ်ကာ ထိခိုက်သေဆုံးမှုများ ရှိနိုင် သည်ဟု ဒေသခံ တစ်ဦးက ပြောသည်။
ရေဖြူမြို့ခံ တစ်ဦးက”မိုင်း ပေါက်ကွဲသံက ကြမ်းလို့ အိမ်ပါ တုန်လှုပ် သွားတယ်။ စစ်သားတွေ ကားပေါ်ကနေ သေနတ်နဲ့ ရမ်းပစ်ခတ်ပြီး ထား ဝယ် တိုက်နယ် ဆေးရုံသို့ အရှိန်ပြင်း မောင်းပြေး သွားတယ်”ဟု ပြောသည်။
လက်ရှိတွင် ယင်း စစ်ကောင်စီယာဉ် နှစ်စီးသည် မိုင်းဆွဲခံရမှုကြောင့် ထိခိုက်သေဆုံးမှုကိုမူ အတည်ပြုနိုင်ခြင်း မရှိသေးဘဲ မည်သည့် အဖွဲ့က မိုင်းဆွဲ တိုက်ခိုက်မှု ပြုလုပ်ခဲ့သည်ကိုလည်း ထုတ်ပြန်ခြင်း မရှိသေးပေ။ mizzima
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 