Monthly Archives: Sep 2022

မင်းတုန်းမြို့နယ် မြို့ပြင်ဂိတ်၌ စစ်ကောင်စီတပ်က ဒေသခံချင်းလူမျိုးများကို အကြောင်း မဲ့ဖမ်းဆီး ခြိမ်းခြောက်ငွေညှစ်တောင်းယူနေ

မကွေးတိုင်း၊ မင်းတုန်းမြို့နယ် ပြောင်းကျေးရွာအနီးရှိ မြို့ပြင်ဂိတ်တွင် စစ်ကောင်စီတပ်မှ ဒေသခံချင်းလူမျိုးများကို အကြောင်းမဲ့ဖမ်းဆီးကာ ခြိမ်းခြောက်ငွေညှစ်တောင်းယူမှုရှိနေကြောင်း ဒေသခံများထံမှ သိရသည်။

စစ်ဆေးရေးဂိတ်သည် မင်းတုန်းမြို့နယ်အပြင်ဘက် ရခိုင်ပြည်နယ် အစပ် ရခိုင်ရိုးမတောင်ခြေတွင်ရှိပြီး စစ်ဆေးရေးဂိတ်ကို ဖြတ်သန်းသွားလာသည့် တောင်ပေါ်ကျေးရွာမှ ချင်းလူမျိုးများကို အကြောင်းအမျိုးမျိုးပြကာ ဖမ်းဆီးမှုများရှိနေကြောင်းသိရသည်။

တောင်ပေါ်တွင် ချင်းလူမျိုးများနေထိုင်သည့် ယင်းကောက်ကျေးရွာ၊ ပထန်းကျေးရွာတို့ရှိပြီး ၎င်းကျေးရွာများသည် ဇန်နဝါရီလပိုင်း၌ စစ်ကောင်စီမှ မီးရှို့ဖျက်ဆီးထားသည့် ရွာများဖြစ်သည်။

“မီးရှို့ခံထားရတဲ့ အိမ်တွေရှိတယ်၊ အဲ့အိမ်ကလူတွေက တောထဲမှာ စစ်ရှောင်ပြီးတော့ နေနေရတယ်၊ စစ်ရှောင်တွေထဲမှာ အဘိုးအဖွားတွေက ဆေးကုဖို့ မရှိဘူးပေါ့၊ အဲ့တော့ တောင်အောက်ကိုဆင်းပြီး တစ်ယောက်ယောက်ကို ပစ္စည်းတွေကို မှာလိုက်တာပေါ့၊ အဲ့မှာ ဂလူးကို့စ်ပုလင်းကြီးကို တွေ့လို့ဆိုပြီး ဖမ်းနှိပ်စက်တာ သုံးရက်လောက်နှိပ်စက်ပြီးတော့ မင်းတုန်းမြို့ကို ခေါ်သွားတယ်၊ အဲ့ကနေ သရက်စစ်ကြောရေးကို ပို့လိုက်တယ်၊ အခုအချိန်အထိ အစအနမကြားရဘူး၊ သူ့မှာက ကိုယ်ဝန်ဆောင်မိန်းမလည်း ကျန်နေခဲ့တယ်”ဟု လုံခြုံရေးအရ အမည်မဖော်လိုသူ ဒေသခံတစ်ဦးမှပြောသည်။

တစ်လအကြာတွင် အဆိုပါ ဖမ်းဆီးခံရသူ အမျိုးသား၏ မိသားစုကို စစ်ကောင်စီမှ ဆက်သွယ်ကာ ငွေကျပ်သိန်း၂၀ဖြင့် ရွေးယူရမည်ဟု ပြောဆိုခဲ့ပြီး ဖမ်းဆီးခံရသူ၏ မိသားစုမှာ ငွေကြေးချို့တဲ့သည့်အတွက် စစ်ကောင်စီကို ငွေမပေးနိုင်ကြောင်းသိရသည်။

ထို့အပြင် မင်းတုန်းမြို့မှ အမျိုးသားတစ်ဦးသည် တောင်ပေါ်မှ ကော်ဖီစိုက်ခင်းကို သွားရောက်ရာတွင် လမ်း၌ ၎င်းစစ်ကောင်စီဂိတ်စခန်းက စစ်ဆေးခဲ့သည်။ အဆိုပါ အမျိုးသား၏ လက်ကိုင်ဖုန်းတွင် နိုင်ငံရေးနှင့်သက်ဆိုင်သော ပုံများတွေ့သည်ဟုဆိုကာ ရိုက်နှက်ဖမ်းဆီးခံခဲ့ရကြောင်း သိရသည်။ ဖမ်းဆီးခံရသည့်အမျိုးသားသည် ရန်ကုန်ဆေးရုံကြီးတွင် ကုသခဲ့ရပြီး ငွေကျပ်သိန်း၂၀ဖြင့် စစ်ကောင်စီထံမှ ပြန်ရွေးခဲ့ရကြောင်း မင်းတုန်းမြို့ခံများထံမှ သိရသည်။

စက်တင်ဘာ၂ရက်နေ့တွင်လည်း စစ်ရှောင်မိသားစုတစ်စုမှ ၎င်းတို့ ကလေး နေမကောင်းဖြစ်သည့်အတွက် မြို့ထဲဆေးခန်းသွားပြရာတွင် စစ်ကောင်စီမှ ဖမ်းဆီးခဲ့ကြောင်းသိရသည်။

“ စစ်ရှောင်ထဲကပေါ့နော်၊ သူ့သမီးလေးနေမကောင်းလို့ဆိုပြီး သူတို့မိသားစု ညနေ ၅နာရီကျော် ဆေးခန်းသွားပြတာ၊ အဲ့ဂိတ်ကပဲ သူ့ကို မသင်္ကာလို့ဆိုပြီး ဖမ်းထားလိုက်တယ်၊ သူ့မိန်မနဲ့ သူ့သမီးကတော့ ကုပြီးတော့ ပြန်လွှတ်လိုက်တယ်၊ သူ့မိသားစု အခု အိမ်မှာ စားစရာ ဆန်တောင်မှမရှိဘူးဖြစ်နေတယ်”ဟု လုံခြုံရေးအရ အမည်မဖော်လိုသူ ဒေသခံတစ်ဦးမှပြောသည်။

ရခိုင်ရိုးမတောင်ပေါ်တွင် ပြည်သူ့ကာကွယ်ရေးတပ်ဖွဲ့စခန်းများရှိသည်ဟု ဆိုကာ တောင်ခြေတွင် စစ်ကောင်စီတပ်မှ ဂိတ်များဖွင့်ကာ စစ်ဆေးမှုများ ပြုလုပ်နေခြင်းဖြစ်သည်။ ထို့အပြင် တောင်ပေါ်ဒေသခံများမှာ စားစရာများ၊ ဆေးဝါးများကို အနည်းငယ်သာ ဝယ်ယူသယ်ဆောင်ခွင့်ရှိကြောင်း သိရသည်။

“ ပစ္စည်းတွေကို များများစားစားမသယ်ရဘူး၊ ဥပမာ ဆန်ဆိုလို့ရှိရင် လေးငါးအိတ်မသယ်ရဘူး၊ PDFတွေကို ထောက်ပံ့မှာဆိုလို့ ဆိုပြီး အဲ့လိုကန့်သတ်ထားတာ၊ သူတို့စားဖို့ဆိုရင် ဥပမာ တစ်ခွက် တစ်တင်း အဲ့လောက်လောက်ပဲ သယ်ခွင့်ရှိတယ်၊ အဲ့ဒါတောင် မသင်္ကာတဲ့သူတွေဆို ဖမ်းစစ်တယ်၊ သူတို့ စိတ်ချရတဲ့သူမျိုး ဘာမျိုးကိုပဲ သယ်လို့ရတာ၊ ဆန်ဆီဆားတွေလည်း သယ်ခွင့်မပေးဘူး၊ ဆေးဆိုရင် လုံးဝသယ်ခွင့်မပေးဘူး၊ ကျန်းမာရေးအတွက် ဘာဆေးပဲဖြစ်ဖြစ် နည်းနည်းလေးတောင် သယ်လို့မရဘူး၊ ဖမ်းပြီး ရိုက်နှက်နှိပ်စက်ကြတယ်” ဟု လုံခြုံရေးအရ အမည်မဖော်လိုသူ ဒေသခံတဦးမှပြောသည်။

ပြောင်းကျေးရွာမှ ကျေးရွာအုပ်ချုပ်ရေးမှူး အသတ်ခံရပြီးနောက် ဇူလိုင်လမှစတင်ပြီး စစ်ကောင်စီမှ စစ်ဆေးရေးဂိတ်စခန်းကို စတင်ဖွင့်လှစ်ခဲ့ပြီး ရိုက်နှက်ဖမ်းဆီးမှုနှင့် စားသောက်ကုန်၊ ဆေးဝါးများကို သယ်ဆောင်ခွင့်ကန့်သတ်မှုကို ပြုလုပ်လျှက်ရှိသည်။ စစ်ကောင်စီမှ ဂိတ်စခန်းစတင်ဖွင့်သည့်နေ့မှ စတင်ပြီး အပစ်မဲ့ ချင်းလူမျိုး လေးဦး မတရားဖမ်းဆီးခံနေရကြောင်း သိရသည်။ mizzima

အမရပူရမြို့နယ် ဥယျာဉ်တော်ရွာရှိ ရာအိမ်မှူး သေနတ်ဖြင့် ပစ်ခတ်ခံရ၍သေဆုံး

မန္တလေးတိုင်း၊ အမရပူရမြို့နယ်၊ ဥယျာဉ်တော်ရွာတွင် စစ်ကောင်စီခန့် ရာအိမ်မှူးတစ်ဦး ယနေ့ စက်တင်ဘာ ၉ ရက်နေ့ နံနက်ပိုင်းက သေနတ်ဖြင့် ပစ်သတ်ခံရကြောင်း ဒေသခံများထံက သိရသည်။

ယနေ့ နံနက် ၈ နာရီ ၃၀ မိနစ်ခန့်တွင် ရာအိမ်မှူးဦးတင်အုန်း အသက် (၆၂) နှစ်သည် ကျေးရွာဓမ္မာရုံအတွင်းရှိနေစဉ် ဆိုင်ကယ်စီးလူနှစ်ဦးက အနီး ကပ်ဝင်ရောက်ပစ်ခတ်ခဲ့ခြင်းဖြစ်ကြောင်း သိရသည်။

“ဥပုသ်နေ့ဆိုတော့ ဓမ္မာရုံထဲ ဝေယျာဝစ္စလုပ်နေတာပေါ့၊ အဲဒီအချိန် သေနတ်သမားတွေ ရောက်လာပြီး ပစ်ပြီးထွက်ပြေးသွားတာ၊ ဦးတင်အုန်းနဲ့အနီးဆုံးမှာရှိနေတဲ့ မမိုးလည်း ကျည်ဆန်ထိတယ်၊ မမိုးကတော့မသေဘူး၊ ဦးတင်အုန်းကတော့ ပွဲချင်းပြီးပဲ” ဟု ဒေသခံတစ်ဦးက ပြောသည်။

သေနတ်ဖြင့်ပစ်ခတ်ခံရမှုကြောင့် ဦးတင်အုန်း၏ဝဲဘက်ပါးပြင်တွင် ကျည်ဆန်ထိမှန် ဒဏ်ရာနှစ်ချက်နှင့် ဝဲဘက်နောက်စေ့ ပေါက်ထွက်ဒဏ်ရာတစ်ချက်တို့ရရှိကာ ပွဲချင်းပြီး သေဆုံးခဲ့ကာ မမိုးမိုးတွင်မူ ဘယ်ဘက်လက်မောင်း ကျည်ထိမှန်ဒဏ်ရာဖြင့် မန္တလေး ဆေးရုံသို့ ပို့ဆောင်ထားကြောင်း သိရသည်။

အဆိုပါ ပစ်ခတ်မှုနှင့်ပတ်သက်၍ မည်သည့်အဖွဲ့အစည်းက လုပ်ဆောင်ခဲ့ခြင်းဖြစ်သည်ကို မသိရှိရသေးပေ။

ယမန်နေ့ကလည်း အမရပူရမြို့နယ် စားတော်ရွာရှိ ရုရှားပြန်စစ်ကောင်စီ အရာရှိ တစ်ဦးပိုင် ယက္ကန်းအထည်ချုပ်ရုံနေအိမ် ဗုံးခွဲတိုက်ခိုက်ခံခဲ့ရပြီး တစ်ဦးသေဆုံး၍ သုံးဦး ဒဏ်ရာရရှိခဲ့သည်။ mizzima

မန္တလေးတွင် ရဲတပ်ကြပ်ကြီးအောင်ညွှန့်ပစ်သတ်ခံရ ၊ အမရပူရတွင် စစ် အရာ ရှိ မိသားစုအိမ် ဗုံးပစ်ခံရပြီး ၁ ဦးသေဆုံး၊ ရမည်းသင်းကြံ့ဖွတ် မြို့နယ်အလုပ် အမှုဆောင် ထွန်းထွန်းဝင်း ပစ်ခတ်ခံရပြီး သေဆုံး

မန္တလေး ချမ်းမြသာစည်မြို့နယ် အမှတ် ၁၀ ရဲစခန်းမှ ကျွန်းလုံးဥလျှောင် နယ်ထိန်း ရဲတပ်ကြပ် အောင်ညွန့်ကို စက်တင်ဘာလ ၈ ရက်နေ့ ည ၇ နာရီ ၃၀ မိနစ်တွင် အမည်မသိ သေနတ်သမားများက ကန်တော်ကြီးအနီး ပစ်ခတ် တိုက်ခိုက်ခဲ့ပြီး ဦးခေါင်း ကျည်ထိမှန်ကာ သေဆုံးခဲ့ကြောင်း နယ်မြေခံ သတင်းရင်းမြစ်များထံမှ သိရသည်။

အလားတူ မန္တလေး အမရပူရမြို့နယ် စားတော်ကျေးရွာရှိ အကြမ်းဖက် စစ်တပ်မှ ရုရှားပြန် ဗိုလ်ကြီး ကျော်မင်းထွန်း၏ မိသားစုဝင် နေအိမ်ကို မြစ်ငယ် အမျိုးသမီး PDF အဖွဲ့မှ စက်တင်ဘာလ ၇ ရက်နေ့ ည ၇ နာရီခန့်တွင် ဗုံးဖြင့် ပစ်ခတ် တိုက်ခိုက်ခဲ့ပြီး ၁ ဦးသေဆုံးကြောင်း မြစ်ငယ် PDF အဖွဲ့ထံမှ သိရသည်။

အကြမ်းဖက် စစ်တပ်မှ ဗိုလ်ကြီး ကျော်မင်းထွန်း၏ မိသားစုဝင်များ နေအိမ်ရှိ ယက္ကန်း အထည်ဆိုင်ကို မြစ်ငယ် အမျိုးသမီး PDF မှ လက်လုပ်မိုင်းဖြင့် ပစ်ပေါက် တိုက်ခိုက်ခဲ့သောကြောင့် နေအိမ်အတွင်းရှိ အသက် ၆၇ နှစ်အရွယ် အမျိုးသမီးတစ်ဦး ခြေထောက်ပြတ် ဒဏ်ရာဖြင့် သေဆုံ းခဲ့ပြီး ၃ ဦး ထိခိုက်ဒဏ်ရာတွေ ရရှိခဲ့ကြောင်း သိရသည်။

ယက္ကန်းရုံတွင် နေထိုင်သော ဗိုလ်ကြီး ကျော်မင်းထွန်းနှင့် အမျိုး တော်စပ်သူများသည် အကြမ်းဖက် စစ်တပ် သတင်း ပေးများဖြစ်ပြီး စစ်ကောင်စီ၏ ပြန်ကြားရေးဖြစ်သူ ညီညီထွန်းနှင့် ဗိုလ်ကြီး ကျော်မင်းထွန်းတို့သည် ညီအစ်ကို အရင်းများဖြစ်ကြောင်း သိရသည်။

ထို့ပြင် မန္တလေး ရမည်းသင်းမြို့နယ် ကြာပင်အင်းကျေးရွာတွင် စက်တင်ဘာလ ၆ ရက်နေ့ ည ၈ နာရီ ၃၀ မိနစ်တွင် ကြံ့ဖွတ်ပါတီဝင် မြို့နယ် အလုပ်အမှုဆောင် ထွန်းထွန်း၀င်းကို J-URF အဖွဲ့က ပစ်ခတ် တိုက်ခိုက်သောကြောင့် သေဆုံးခဲ့ကြောင်း သိရသည်။

သေဆုံးသွားသော ထွန်းထွန်းဝင်းသည် စစ်တပ် သတင်းပေး ဖြစ်​ပြီး ပြည်သူများ၏ တိုင်ကြားစာများပါ ရရှိသောကြောင့် စက်တင်ဘာလ ၆ ရက်နေ့တွင် ကျေးရွာအတွင်း လမ်းဘေး မီးတိုင်များ မီးလိုက်ဖွင့်စဥ် J-URF အဖွဲ့က တိုက်ခိုက်ခဲ့ခြင်းဖြစ်ကြောင်း သိရသည်။ khit thit

မြန်မာနိုင်ငံတွင် စီးပွားရေးကျပ်တည်းမှုကြောင့် ပြည်ပထွက်ရန် ပြင်ဆင်သူ များပြားလာ

ပြည်တွင်းမှာ အလုပ်အကိုင် ရှားပါးလာတဲ့အတွက် အိမ်ထောင်စုပေါင်း ၁၀၀ ရာခိုင်နှုန်း ရှိတဲ့အထဲက ရာခိုင်နှုန်းထက်ဝက်က မိသားစုဝင်တယောက်ဟာ ပြည်ပထွက်ခွာဖို့ ပြင်ဆင်နေကြတယ်လို့ Myanmar Independent Researchers (MIR) အဖွဲ့က စစ်တမ်းထုတ်ပြန်ထားပါတယ်။

အဆိုပါအဖွဲ့က မြန်မာနိုင်ငံရှိ ပြည်သူတွေအကြားမှာ ပြည်ပထွက်ခွာရန် ပြင်ဆင်နေမှု အခြေအနေနဲ့ ပတ်သက်ပြီး မကြာသေးခင်အချိန်က စစ် တမ်းတခုကို ပြုလုပ်ခဲ့ပါတယ်။ အဲဒီစစ်တမ်းအတွက် သင့်မိသားစုထဲမှာ နိုင်ငံခြားသွားဖို့ ပြင်ဆင်နေတဲ့သူ ရှိပါသလား ဆိုတဲ့ မေးခွန်းနဲ့ ဆာဗေးကောက်ယူခဲ့ပါတယ်။

ရရှိတဲ့ အချက်အလက်တွေအရ ဖြေဆိုသူ ၄၉ ရာခိုင်နှုန်းမှာ သူတို့ရဲ့မိသားစုဝင်တွေထဲက ပြည်ပနိုင်ငံတခုခုကို ထွက်ခွာဖို့ ပြင်ဆင်နေသူ အ နည်းဆုံး တယောက်ရှိတယ်လို့ ဖြေဆိုထားပြီး အစီအစဉ် မရှိပါဟု ဖြေဆိုသူက ၅၁ ရာခိုင်နှုန်းရှိတာ တွေ့ရပါတယ်။

အခုလို ပြည်ပထွက်ခွာဖို့ ပြင်ဆင်လာရတဲ့ အကြောင်းရင်းက ပြည်တွင်းမှာ နိုင်ငံရေး မတည်ငြိမ်မှုကြောင့် ဖြစ်ပေါ်လာတဲ့ စီးပွားရေးအကျပ်အတည်း ဆိုးကျိုးကြောင့်ပါလို့ မိသားစုဝင်တွေက ဆိုပါတယ်။

“အခုအခြေအနေက အရင်လို အလုပ်အကိုင် အခွင့်အလမ်းတွေ ရှိမှမရှိတော့တာ။ ရှိတဲ့ အလုပ်ကလည်း ဘယ်တော့ပြုတ်မလဲလို့ ရင်တမမနဲ့ နေနေကြရတာလေ။ ဒီတော့ ထွက်ပေါက်က နိုင်ငံခြားထွက်ပြီး အလုပ်လုပ်မှပဲ ရတော့မယ်။ နိုင်ငံခြားထွက်ဖို့ လူကလည်း ဘယ်လောက်တောင် တာစူနေလဲ သိချင်ရင် ပတ်စ်ပို့ရုံးနားသာ သွားကြည့်လိုက်၊ မနက် မိုးမလင်းခင်ကတည်းက လာတန်းစီနေတဲ့ လူတွေတောင် ရှိတယ်နော်။ တနေ့တနေ့ လူကလည်း ရာဂဏန်းရှိတယ်။ အလုပ်ဖြစ်တာကတော့ ပတ်စ်ပို့လုပ်ပေးတဲ့ ပွဲစားတွေပဲ။”

မြန်မာနိုင်ငံမှာ အလုပ်အကိုင် ရှားပါးမှုနဲ့အတူ အထွေထွေကုန်ဈေးနှုန်းကလည်း လိုက်ပါ မြှင့်တက်လာပေမဲ့ ရရှိတဲ့ လုပ်ခလစာဝင်ငွေက ပြောင်းလဲမှုမရှိတာကြောင့် ပုံသေလခစား ဝန်ထမ်းတွေနဲ့ အခြေခံလူတန်းစားတွေဟာ ဒီဒဏ်ကို ခံနေရပါတယ်။

အခြေခံလစာ ၃ သိန်းအောက်သာရရှိတဲ့ ကုမ္ပဏီဝန်ထမ်းတယောက်က “အရင်က အသင့်ဖျော် ကော်ဖီတထုပ်ကို တထောင်ဖိုးဝယ်ရင် ၁၁ ထုပ်ရတယ်။ အခုတော့ တထောင်ဖိုးဝယ်ရင် ၄ ထုပ်ပဲရတယ်။ ဘယ်လောက်ကွာသွားလဲ အဲ့မှာသာကြည့်။ အဲ့တော့ ကော်ဖီတထုပ်ကို နှစ်ခါခွဲပြီး သောက်နေရတယ်။ ဆိုင်မှာ လက်ဖက်ရည်သောက်ဖို့က တခွက်ကို ၈၀၀ နဲ့ ၁,၀၀၀ ရှိတော့ မတတ်နိုင်ဘူး။ ဘဲဥ၊ ကြက်ဥ ဆိုရင်လည်း ဘဲဥက တလုံး ၃၀၀ နဲ့ ၃၅၀ ကျပ်ရှိပြီး ကြက်ဥက တလုံး ၂၃၀ နဲ့ ၂၅၀ ကျပ်ရှိတယ်။ ဟင်းသီးဟင်းရွက်ထဲမှာဆို ဘာအရွက်ဝယ်ဝယ် အနည်းဆုံးက ၃၀၀ ကျပ်ပေးရတယ်။ ဆိုတော့ အခုကာလက ဘဲဥ၊ ကြက်ဥစားပြီး ချွေတာဖို့တောင် အနိုင်နိုင်။ ဘာလို့ဆို ဆီဈေး၊ ဆန်ဈေးကလည်း နှစ်ဆ တက်သွားတာလေ။ ကုန်ဈေးနှုန်းကသာ အခုလိုတက်လာတာ၊ ရတဲ့လစာက တက်တာမဟုတ်ဘူး။ ပေးရမယ့် အကြွေးကသာ များပြီး တက်လာလို့ ကြွေးထူခေတ် ဖြစ်နေပြီ” လို့ ဒီဗွီဘီကို ပြောပါတယ်။

အာဏာသိမ်း စစ်ကောင်စီအဖွဲ့ခေါင်းဆောင်ကတော့ မြန်မာနိုင်ငံအနေနဲ့ ကြိုးပမ်းဆောင်ရွက်မယ် ဆိုပါက လာမယ့် ၅ နှစ်အတွင်း အာဆီယံနိုင်ငံတွေထဲမှာ အလယ်အလတ်အဆင့်ကို ရောက်ရှိမှာဖြစ်ပြီး ၁၀ နှစ်အတွင်းမှာဆိုရင် ထိပ်တန်းအဆင့်ထိ ရောက်နိုင်တယ်လို့ ပြီးခဲ့တဲ့သြဂုတ်လက နေပြည်တော်မှာ ပြုလုပ်ခဲ့တဲ့ စစ်ကောင်စီ အစည်းအဝေးမှာ အဖွဲ့ဝင်တွေနဲ့ တွေ့ဆုံစဉ် ပြောဆိုခဲ့ပါတယ်။

ဒါပေမဲ့ ILO အဖွဲ့ကြီးက အခုနှစ်ထုတ်ပြန်ခဲ့တဲ့ အစီရင်ခံစာပါ ဖော်ပြချက်အရ မြန်မာနိုင်ငံမှာ စစ်တပ်အာဏာသိမ်းပြီး ၁၈ လအကြာမှာတော့ မြန်မာနိုင်ငံက အလုပ်သမား ၁ သန်းကျော်ဟာ အလုပ်လက်မဲ့ ဖြစ်ခဲ့ရတဲ့အတွက် အလုပ်အကိုင် အခွင့်အလမ်းတွေ ဆုံးရှုံးမှုနဲ့အတူ စားဝတ်နေရေးမှာလည်း အလွန်အကျွံ ကျပ်တည်းလာတဲ့ အခြေအနေတွေနဲ့ ရင်ဆိုင်နေရပြီလို့ သတိပေး ထောက်ပြထားပါတယ်။ DVB

ပျူစောထီးနှင့် သွေးသောက်အဖွဲ့များက UG အသွင်ယူ ပစ်ခတ်ဖောက်ခွဲမှုများ လုပ်ဆောင်လာနေဟုဆို

ရန်ကုန်တိုင်းအတွင်း စစ်တပ်လက်အောက်ခံ ပျူစောထီးနှင့် သွေးသောက်အဖွဲ့များက မြို့ပြပြောက်ကျား(UG)အသွင်ယူ၍ ပစ်ခတ်ဖောက်ခွဲမှုများ လုပ်ဆောင်လာနေသည်ဟု စက်တင်ဘာ ၇ ရက် ညပိုင်းတွင် Shadow မြို့ပြပြောက်ကျားအဖွဲ့က အသိပေးထားသည်။

၎င်းတို့သည် တော်လှန်ရေးရဲဘော်များအသွင်ယူ၍ ပြည်သူများအား ဦးတည်တိုက်ခိုက်လာနိုင်သဖြင့် မြို့ပြနေပြည်သူများသတိနှင့်သွားလာနေထိုင်ကြရန် သတိပေးတိုက်တွန်းထားသည်။

“ရန်ကုန်တိုင်းအတွင်း အခုလတ်တလော ဖြစ်ပေါ်နေတဲ့ ပစ်ခတ်မှု၊ ဖောက်ခွဲမှုဖြစ်စဥ်တွေဟာ တော်လှန်ရေးအဖွဲ့အစည်းတွေက လုပ်ဆောင်ခြင်းမရှိဘဲ ဖြစ်ပွားခဲ့တဲ့ ဖြစ်စဉ်အရေအတွက်တွေက ပိုမိုများပြားတာကို တွေ့ရပါတယ်။ ဒီဖြစ်ရပ်တွေနဲ့ ပတ်သက်လို့ပြောရမယ်ဆိုရင်တော့ စကစရဲ့လက်ပါးစေအဖွဲ့အစည်းတွေက မြို့ပြပြောက်ကျားတပ်ဖွဲ့များ အသွင်ယူ ပစ်ခတ်၊ ဖောက်ခွဲမှုများပြုလုပ်လာကြတာဖြစ်တယ်။ ပြည်သူတွေအထိတ်တလန့်ဖြစ်စေရန်နဲ့ တော်လှန်ရေးရဲဘော်များအပေါ် ပြည်သူများအထင်အမြင်လွဲမှားစရာဖြစ်ပေါ်လာစေဖို့ ရည်ရွယ်ချက်ရှိရှိ လုပ် ဆောင်လာခြင်းဖြစ်တယ်လို့ ယူဆရပါတယ်။ မြို့ပြပြောက်ကျားတပ်ဖွဲ့ဝင် ရဲဘော်များအနေနဲ့ ပြည်သူကို ထိခိုက်နစ်နာအောင် လုပ်ဆောင်မှာမဟုတ်ဘူးဆိုတာကိုတော့ ပြည်သူတွေအနေနဲ့ ယုံကြည်ထားစေချင်ပါတယ် ” ဟု Shadow မြို့ပြပြောက်ကျားအဖွဲ့ နှင့် ရန်ကုန်တိုင်းစစ် ဆင်ရေးရုံး သတင်းမှတ်တမ်းနှင့်ထောက်လှမ်းရေးဌာန တာဝန်ခံတစ်ဦးတို့ ဆက်သွယ်ပြောကြားထားမှုအပေါ် ပြည်သူ့ထံ ပြန်လည်မျှဝေ အသိ ပေးခြင်းဖြစ်သည်။

ထို့အပြင် ဩဂုတ်လ တတိယအပတ်ခန့်မှစတင်၍ လက်ရှိအချိန်အထိ ရန်ကုန်တိုင်းစစ်ဒေသခွဲ ကွပ်ကဲရေးအဖွဲ့၏ ကွပ်ကဲမှုအောက်တွင်ရှိသော ရဲဘော်များအပါအဝင် ကွပ်ကဲရေးအဖွဲ့နှင့် ချိတ်ဆက်ဆောင်ရွက်ထားသည့် မြို့ပြပြောက်ကျားတပ်ဖွဲ့ဝင် ရဲဘော်များက အရေးပါသည့် စစ်ရေးပစ်မှတ်များကိုသာ ပစ်ခတ်၊ ဖောက်ခွဲတိုက်ခိုက်ခဲ့ခြင်းများ ရှိသည်ဟုဆိုထားသည်။

သို့သော် ရန်ကုန်တိုင်းအတွင်းရှိ မိမိတို့၏ စစ်ရေးပစ်မှတ်မဟုတ်သော နေရာအများအပြားတွင် ပစ်ခတ်၊ ဖောက်ခွဲပြီး အများပြည်သူထိခိုက်အောင် လုပ်ဆောင်မှုများ တစ်စထက်တစ်စ ပိုမိုများပြားလာသည်ကိုလည်း တိုက်ဆိုင်စွာ မြင်တွေ့လာရသည်ဟုလည်း ဆိုသည်။

ထို့ကြောင့် မိမိတို့၏ စစ်ရေးပစ်မှတ်မဟုတ်သည့် နေရာများတွင် ပိုမိုဖြစ်ပွားလာနိုင်ပါသဖြင့် ပြည်သူအများအနေဖြင့် မိမိတို့သွားလာနေထိုင်ရာပတ်ဝန်းကျင်များတွင် ယခင်ကထက် ပိုမိုကာသတိထား သွားလာကြရန်နှင့် တော်လှန်ရေးရဲဘော်များ အယောင်ဆောင်ကာ ပြည်သူများအား ဦးတည်တိုက်ခိုက်မှုများရှိလာနိုင်သည်ကို အစဉ်အမြဲသတိချပ်၍ နေထိုင်သင့်ကြောင်း အသိပေးထားသည်။ mizzima

အရာတော်၊ ခင်ဦး၊ ရေးမြို့နယ်နှင့် သထုံမြို့ နယ်တို့တွင် စစ်ကြောင်း နှင့်စစ်တပ် လက် အောက်ခံ ဌာနများ တိုက်ခိုက်ခံရမှု စစ်သား ၆ ဦးသေဆုံး

စစ်ကိုင်းတိုင်း၊ အရာတော်၊ ခင်ဦးမြို့နယ်၊ မွန်ပြည်နယ် ရေးမြို့နယ်နှင့် သထုံမြို့ နယ်တို့တွင် စစ်ကြောင်း နှင့်စစ်တပ် လက်အောက်ခံ ဌာနများ တိုက်ခိုက်ခံရမှု စစ်သား ၆ ဦးသေဆုံးကြောင်း ဒေသခံများနှင့် ဒေသကာကွယ်ရေးတပ်ဖွဲ့များထံ မှ သိရှိရသည်။

အရာတော်တွင် မိုင်းဆွဲခံရပြီး စစ်သား ၁ ဦးသေဆုံးကာ ၂ ဦးဒဏ်ရာရ

======================================

စစ်ကိုင်းတိုင်း၊အရာတော်မြို့တွင် နောင်ကြီးအိုင်ဘက်သို့ ခြေလျင်စစ်ကြောင်းထိုးလာသော စစ်တပ်စစ်ကြောင်းကို ယနေ့ နံနက် ၆ နာရီအချိန် အရာတော် ပကဖ နှင့် NBARS -မြောက်ပိုင်းညီ‌နောင်များက မိုင်းဆွဲတိုက်ခိုက်ခဲ့ရာ ခြေပြတ်လက်ပြတ်များဖြင့် တစ်ဦးသေဆုံးပြီး သုံးဦးအပြင်းထန် ဒဏ်ရာရရှိကြောင်း၊ တောထဲတွင်းအရေးပေါ် ဆေးကုသမှု ပြုလုပ်နေစဉ် မုံရွာခရိုင်ရင်း ၆ နှင့်ပူးပေါင်းကာ အဝေးပစ်လက်နက်ကြီးများဖြင့် ထပ်မံ တိုက်ခိုက်ခဲ့ကြောင်း ဒေသကာကွယ်ရေးတပ်များထံမှ သိရှိရသည်။

ခင်ဦးတွင် ဒရုန်းဖြင့် ဗုံးကျဲမှု စစ်သား ၆ ဦးသေဆုံး

===========================

စစ်ကိုင်းတိုင်း၊ရွှေဘိုခရိုင်၊ခင်ဦးမြို့နယ်အတွင်း စစ်ကောင်စီတပ်စခန်းကို ယနေ့ စစ်တင်ဘာ ၉ ရက်နေ့ နံနက်ပိုင်း ဒရုန်းဖြင့် ဗုံးကျဲတိုက်ခိုက်ရာ စစ်သား ၆ ဦးသေ ဆုံးကြောင်း သိရှိရသည်။

ယနေ့ နံနက် ၇နာရီအချိန်ခန့် ခင်ဦးမြို့နယ် မူးတိမ်ချောင်းတံတားအနီးတွင် အခြေချထားသော အကြမ်းဖက်စကစစခန်း အား ဒရုန်းဖြင့် စီးဖြင့် တိုက်ခိုက်ခဲ့ရာ ဗုံးသီးများ ရန်သူစခန်းအနီးနှင့်ပစ်မှတ်များစွာ ကျရောက်ခဲ့ပြီး ၅ ဦးသေဆုံးကာ ၃ ဦးထက်မနည်း ဒဏ်ရရှိခဲ့ကြောင်း၊ အဆိုပါDrone Missionတွင် နယ် မြေခံ LDF မဟာမိတ် ၇ ဖွဲ့ထက်မနည်း ပါရှိခဲ့ကြောင်း ၊သေဆုံးသွားသော စစ် တပ်မှ တပ်သား ၅ ဦးနှင့် ဒဏ်ရာရရှိသူများကို နေ့လယ်ပိုင်းတွင် ရေဦးမြို့မှ သံချပ် ကာ၁စီးဖြင့် ကောက်ယူသွားခဲ့ပြီး လမ်းတစ်လျှောက် လက်နက်ငယ်များ အချက်၅၀ကျော် ရေဦး-ခင်ဦး လမ်းဘေးပတ်ဝန်းကျင်ရွာများသို့ ရမ်းသမ်းပစ် ခတ်ခဲ့ကြောင်း သိရှိရသည်။

ထို့ပြင် ယနေ့ နေ့လယ်ပိုင်း ၁၂နာရီခန့်တွင် မြင်းဒေါင်းပေလမ်းမှ ပြန်လာသော ဆိုင်ကယ်စီးလာသည့် စစ်သား ၅ ဦး ပါ အဖွဲ့ကို ရွာသစ်ကုန်း အောင်မြေရတနာကျောင်းအနီး မိုင်းဆွဲခံတိုက်ခိုက်ခဲ့ရာ ဆိုင်ကယ်၁စီးထိမှပြီး စစ်သား ၁ ဦး သေဆုံးကြောင်း၊ အဆိုပါ သေဆုံးသူ ၁ ဦးကို မြင်းဒေါင်းပေလမ်းပေါ်တွင် ယခုညနေပိုင်းအထိ လာရောက်ကောက်ယူခြင်း မရှိသေးကြောင်း သိရသည်။

သထုံ EPC ရုံးကို ဗုံးဖြင့် ထု

===============

စက်တင်ဘာလ ၉ ရက်နေ့ နံနက် ၁၀ နာရီ ၅၅ မိနစ်အချိန် မွန်ပြည်နယ်၊ သထုံမြို့နယ် EPC လျှပ်စစ်ရုံးကို သထုံမြို့နယ် ပြည်သူ့ကာကွယ်ရေးအဖွဲ့ (ပကဖ)က နန်းထိုက်အောင် စစ်ဆင်ရေးအနေဖြင့် လက်ပစ်ဗုံး ၂ လုံးဖြင့် သွားရောက်ပစ်ခတ်ခဲ့ရာ စစ်သား ၁ ဦးနှင့် ဝန်ထမ်း ၁ ဦးဒဏ်ရာရရှိကြောင်း သိရှိရသည်။

ရေးမြို့နယ်၊ မြို့လယ်ခေါင်ရှိ ခရိုင်ရုံးကို ၄၀ မမ ဖြင့် ပစ်ခတ်

==================================

မွန်ပြည်နယ်၊ ရေးမြို့နယ် ၊ မြို့လယ်ခေါင်ရှိ ခရိုင်ရုံးကို ၄၀ မမ ဗုံးသီး ၂ လုံးဖြင့် ရေးဘီလူးတပ်ဖွဲ့က ယနေ့ ပစ်ခတ်တိုက်ခိုက်ခဲ့ကြောင်း၊ ထိခိုက်သေဆုံးမှု အခြေအနေကို မသိရှိရသေးကြောင်း ရေးဘီလူးအဖွဲ့ခေါင်းဆောင်က ရန်ကုန်ခေတ်သစ်သတင်းဌာနထံသို့ ပြောဆိုသည်။ khit thit

ရေး-သံဖြူဇရပ်ကားလမ်းရှိ စစ်ကောင်စီရဲကင်းမှ ရဲတပ်ဖွဲ့ဝင် ၂ ဦး ပစ်သတ်ခံရ

မွန်ပြည်နယ်၊ ရေး-သံဖြူဇရပ် ကားလမ်းရှိ ဝဲကလိနဲ့ သံဖြူဇရပ်ကြားက ကတုံစိရဲကင်းမှာ စက်တင်ဘာ ၉ ရက် မနက် ၂ နာရီလောက်က ရဲနှစ်ယောက် ပစ်သတ်ခံထားရတယ်လို့ ဒေသဆိုင်ရာ PDF သတင်းအရင်းမြစ်တွေက သိရပါတယ်။

အဆိုပါရဲကင်းဟာ ရေး-သံဖြူဇရပ်ကားလမ်းမှာ သွားလာနေတဲ့ယာဉ်တွေကို စစ်ဆေးပြီး ငွေတောင်းတာတွေ လုပ်နေတာကြောင့် အခုလို သုတ်သင်ရှင်းလင်းလိုက်တာလို့ ဆိုပါတယ်။

ဒေသခံပြည်သူတယောက်က “ဟုတ်တယ်၊ အေဒီရဲကင်းဂိတ်က မသင်္ကာရင် ကား၊ ဆိုင်ကယ်ပေါ်ကလူတွေ လက်နက်ခဲယမ်း ပါ မပါ စစ်ဆေးတာ ခံရလေ့ရှိခဲ့တာကြောင့် အခုလို အသတ်ခံရတာဖြစ်မယ်” လို့ ပြောပါတယ်။

အဆိုပါ ရဲတပ်ဖွဲ့ဝင် ၂ ယောက် သေဆုံးမှုနဲ့ ပတ်သက်ပြီး ရဲတပ်ဖွဲ့ဘက်က ထုတ်ဖော်ပြောဆိုတာ မရှိသေးသလို ဒေသဆိုင်ရာ PDF တွေကလည်း အခုဖြစ်စဉ်နဲ့ ပတ်သက်ပြီး သတင်းမထုတ်ပြန်သေးပါဘူး။

ရေး-သံဖြူဇရပ် ကားလမ်းမှာတော့ စစ်ကောင်စီယာဉ် ကားတန်းတွေ မကြာခဏ ခြုံခိုတိုက်ခိုက်ခံရလေ့ရှိပြီး စစ်ကောင်စီတပ်ဘက်က အထိ အခိုက် အကျအဆုံး ရှိနေပါတယ်။

စက်တင်ဘာ ၈ ရက် ည ၁၂ နာရီကျော်လောက်ကလည်း ရေးမြို့နယ် အောင်မင်္ဂလာ လူမှုကူညီရေး ပရဟိတ လူနာတင်ကား ၁ စီး မော်လမြိုင်မြို့ကနေ လူနာပို့ပြီး အပြန် သံဖြူဇရပ်၊ ပိန္နဲတောရွာအနီးမှာ မိုင်းဆွဲခံရပြီး သေနတ်ပါ ပစ်ခတ်ခံရတာကြောင့် ယာဉ်မောင်းနဲ့ ယာဉ်နောက်လိုက်တို့ ဒဏ်ရာတွေ ရရှိခဲ့ပါတယ်။ DVB

လက်ပံတောင်းတောင်ဒေသခံ ပြည်သူများ ကုလ တရားဝင်သံအမတ်အဖြစ် ဦးကျော်မိုးထွန်းကို လက်ခံရန်နှင့် အမျိုးသားညီညွတ်ရေးအစိုးရ (NUG) ကို အသိအမှတ်ပြုရေး ဆန္ဒပြတောင်းဆို

khit thit

တမူးမြို့နယ်အတွင်း တိုက်ပွဲဖြစ်ပွားရာ စစ်ကောင်စီတပ်သား ၃ ဦးသေဆုံး ဟုဆို

စစ်ကိုင်းတိုင်း၊ တမူးမြို့အထွက်တွင် တိုက်ပွဲဖြစ်ပွားခဲ့ပြီး စစ်ကောင်စီတပ်သား သုံးဦး သေဆုံးခဲ့ပြီး ဒဏ်ရာရရှိသူများလည်းရှိကြောင်း ကာ ကွယ်ရေးတပ်ဖွဲ့များထံမှ သိရသည်။

“ကျနော်တို့ မြေပြင်သတင်းများရဲ့အတည်ပြုချက်အရ စစ်ကောင်စီတပ်သား သုံးဦး သေဆုံးတယ်လို့ သိရပါတယ်” ဟု ကာကွယ်ရေးတပ်ဖွဲ့တာဝန်ရှိ သူတစ်ဦးမှ ပြောသည်။

စက်တင်ဘာလ ၈ရက် နေ့လယ် ၂နာရီ ၃၀မိနစ်ခန့်တွင် ကုလားစခန်းဘက်မှ စစ်ကောင်စီတပ်က စစ်ကြောင်းထိုးလာသဖြင့် တိုက်ခိုက်မှုဖြစ် ပွားခဲ့ခြင်းဖြစ်ကြောင်း ဆိုသည်။

အမျိုးသားညီညွတ်ရေးအစိုးရ (NUG) ၏ လမ်းညွှန်ချက်များအရ အခွန်ကောက်ခံနေသော တမူးခရိုင် ပြည်သူ့အုပ်ချုပ်ရေးအဖွဲ့အား ကာ ကွယ်ရေးတပ်ဖွဲ့ မဟာမိတ်များမှ လုံခြုံရေးယူပေးနေစဉ် စစ်ကောင်စီတပ်နှင့် တိုက်ပွဲဖြစ်ပွားခဲ့ခြင်းဖြစ်ကြောင်း သိရသည်။

ထိတွေ့ တိုက်ပွဲဖြစ်ပွားချိန် မိနစ် ၃၀အတွင်း စစ်ကောင်စီတပ်သားများ ကျဆုံးခဲ့ ခြင်းဖြစ်ပြီး ပြန်လည်ဆုတ်ခွာသွားခဲ့ကြောင်း ကာကွယ်ရေးတပ်ဖွဲ့မှလည်း PDF – Tamu တပ်ရင်း (၄) မှ ရဲဘော်တစ်ဦး လက်နက်ကြီးစ ထိမှန်ပြီး ဒဏ်ရာ (မစိုးရိမ်) ရရှိခဲ့ကြောင်းဆိုသည်။

အဆိုပါတိုက်ပွဲအား ပြည်သူ့ကာကွယ်ရေးတပ်ဖွဲ့(ပကဖ) ၊ PDF – Tamu (တပ်ရင်း – ၄) ၊ Burmese Student Organization ၊ Freedom Rangers – Tamu ၊ All Burma Student’s Democratic Front ၊ Fighter Police CDM – Tamu တို့မှ ပူးပေါင်း တိုက်ခိုက်ခဲ့ခြင်းဖြစ် ကြောင်း သိရသည်။

တမူးမြို့ နန်းဖာလုံရပ်ကွက် နှင့် တမူး – အောင်ဇေယျကားလမ်းပိုင်းတွင် ဓားပြတိုက် လုယက်နေသည့် ဓားပြအဖွဲ့ခေါင်းဆောင်နှင့် နောက် လိုက် သုံးဦး ကို ဖမ်းဆီးမိခဲ့ပြီး မန္တလေးမြို့မှ တမူးဘက်သို့ လာသည့် ကားတစ်စီးမှလည်း စိတ်ကြွရူးသွပ်ဆေးပြား ပီနံအိတ် ငါးအိတ်ကိုလည်း ပြည်သူ့ကာကွယ်ရေးတပ်ဖွဲ့များ မှ ဖမ်းဆီးမိရခဲ့ကြောင်း သိရသည်။ mizzima

« Older Entries