တိုက်လေယာဉ်၊ ရဟတ်ယာဉ်များ အားလုံး အင်အားပြည့် အသုံးချနိုင်ရန် စစ်ကောင်စီက ပြင်ဆင်ခိုင်း၊ စစ်သား သေဆုံးမှု များပြားနေ၍ အုပ်စုဖွဲ့ ချီတက် စစ်ကြောင်းထိုးမှုအစား လေ ကြောင်း ပစ်ကူ အဓိက နှင့် ပျောက်ကြား တိုက်ခိုက်ရေး စစ်ဗျူဟာ ပူးတွဲအသုံးပြုမည်

အကြမ်းဖက်စစ်ကောင်စီက တိုက်လေယာဉ်များ၊ တိုက်ခိုက်ရေး ရဟတ်ယာဉ်များအားလုံးကို အင်အားပြည့် အသုံးချ နိုင်ရေး ပြင်ဆင်ထားကြရန် လေတပ်အတွင်း ညွှန်ကြားထားကြောင်း လေတပ်သတင်းရင်းမြစ်ထံမှ သိရှိရသည်။

စက်တင်ဘာလ ဒုတိယအပတ်အတွင်း တိုက်လေယာဉ်များ အုပ်စုဖွဲ့ ပျံသန်း လေ့ကျင့်ခြင်း၊ ရဟတ်ယာဉ်များဖြင့် အုပ်စု ဖွဲ့ လေ့ကျင့် ပျံသန်းခြင်း နေ့ရော၊ ညပါ လေ့ကျင့်လျက်ရှိကြောင်း၊ ညအချိန်မတော်အချိန်တွင်ပင် ရန်ကုန်နှင့် နေပြည်တော်တို့တွင် လေယာဉ် အတက်အဆင်း၊ ရဟတ်ယာဉ် အတက်အဆင်းများ လုပ်ဆောင်လျက်ရှိကြောင်း သိရှိရသည်။

“ညဘက်တွေပါ တိုက်လေယာဉ်သံတွေ ရဟတ်ယာဉ်သံတွေ ဆူညံနေတာပဲ။ နေ့ရောညပါ တိုက်လေယာဉ်တွေ ခဏခဏ တက်တယ်။ လေ တပ်ထဲက မိတ် ဆွေကို မေးကြည့်တော့ လေ့ကျင့်ရေးလုပ်တာလို့ ပြောတယ်” ဟု မြောက်ဥက္ကလာပဒေသခံတစ်ဦးက ပြောသည်။

မန္တလေးဒေသခံတစ်ဦးကလည်း စက်တင်ဘာလ ၁၄ ရက်နေ့တွင် တိုက် လေ ယာဉ် အပြာများ ၆ စီးခန့် အတက်အဆင်း လေ့ကျင့်ပျံသန်းမှုများကို မြင်တွေ့ရသည်ဟု ရန်ကုန်ခေတ်သစ်သတင်းဌာနထံသို့ ပြောဆိုသည်။

“မန္တလေး အထွက် အဝေးပြေးလမ်းမပေါ်ကနေ တောင်ဘက်ကို ဂျက်လေယာဉ် အပြာတွေ ဖြတ်နေတာ ၃/၄စီး ရှိပြီ။ ကျနော်ရေတွက်ထားတာ ၆ စီး စုစုပေါင်း ၆ စီးရှိနေပြီ” ဟု မန္တလေးဒေသခံတစ်ဦးက ပြောဆိုသည်။

ထို့ပြင်လေတပ်အတွင်းတွင် ထုတ်ပြန်ထားသော အမိန့်နှင့် ညွှန်ကြားချက်များကို လိုက်နာရန် တင်းကျပ်မှုများရှိ ကြောင်း၊ အထူးသဖြင့် ဆိုရှယ်မီဒီယာအသုံး ပြု မှုကြောင့် လေတပ်၏ လျှို့ဝှက်များကို မပေါက်ကြားရန် ၂၀၂၁ ခုနှစ်ကတည်း က ထုတ်ပြန်ထားသော ညွှန်ကြားချက်ကို လိုက် နာရန်၊ တပ်ပြင်ပတွင် မိသားစုနေထိုင်ခွင့်နှင့် ပြင်ပ ထွက်ခွင့်များကိုလည်း တင်းကျပ်လျက်ရှိကြောင်း သိရှိရသည်။

လက်ရှိတွင် စစ်ကောင်စီတပ်သည် သေဆုံးမှု အလွန်များပြားနေသဖြင့် တစ်လုံးတစ်ခဲတည်း အုပ်စုဖွဲ့ စစ်ကြောင်းထိုး ချီတက်မှုများ အစား အ ရပ်ဝတ်များဖြင့် အုပ်စုခွဲ ချီတက်ခြင်း၊ ရှေ့တွင် စစ်ကြောင်းကို အယောင်ပြ၍ အရပ်ဝတ်များ၊ PDF ပုံစံမျိုး ဝတ်ဆင်၍ နောက်ကြောဘက်မှ အလစ်ဝင်ရောက်တိုက်ခိုက်ခြင်း၊ ယခင်ကဲ့သို့ ရွာစဉ်လှည့်လည် စခန်းချခြင်းများအစား စခန်းတစ်ခုကို အခိုင် အမာတပ်စွဲ၍ အနီးအနားပတ် ဝန်းကျင်ကို တိုက်ခိုက်ရှင်းလင်းပြီး မူလစခန်းကို ပြန်လည် ဝင်ရောက် ခြင်း စသည့် ပျောက်ကြားနှင့် ပြည်သူ့စစ် နည်းဗျူဟာကို အသုံးပြုရန် ညွှန်ကြားထားကြောင်း တပ်သတင်းရင်းမြစ် တချို့ထံမှ သိရှိရသည်။ khit thit

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s