အနောက်မြောက်တိုင်း စစ်ဌာနချုပ် ကွပ်ကဲရေးမှူး လက်အောက်ခံ တပ်ကြပ်ကြီး လက် နက်အပြည့်အစုံနှင့် ပြည်သူရင်ခွင်ခိုလှုံ

အနောက်မြောက်တိုင်း စစ်ဌာနချုပ် ကွယ်ကဲရေးမှူး လက်အောက်ခံ ကိုယ်ပိုင်နံပါတ် -၃၄၅၁၇ ဖြင့် တပ်ကြပ်ကြီး ကိုမင်းသူသည် စက်တင်ဘာ လ ၁၄ရက်နေ့တွင် အမိမြေတော်လှန်ရေးတပ်ဖွဲ့ နှင့် ချိတ်ဆက်၍ လက်နက်အပြည့်အစုံဖြင့် ပြည်သူ့ရင်ခွင်သို့ ခိုလှုံကာ CDMပြုလုပ်ခဲ့သည်ဟု သိရသည်။

တပ်ကြပ်ကြီး ကိုမင်းသူသည် စစ်ကောင်စီတပ် တွင် တာဝန်ထမ်းဆောင်နေခဲ့သည်မှာ လေးနှစ်ခန့် ရှိပြီး တပ်မှထွက်ပြေးခဲ့ရသည့် အကြောင်းအရင်း ကို ယခုကဲ့သို့ ပြောပြလာသည်။

“စစ်တပ်ကနေ ထွက်ပြေးတာက ဒုတိယအကြိမ် ဖြစ်တယ်ဗျ။ စစ်ကောင်စီတပ်က အာဏာသိမ်းပြီးနောက်မှာ တစ်ကြိမ်ထွက်ပြေးခဲ့သေးတယ် မအောင်မြင်ခဲ့ဘူး။ အာ့မှာ ကျနော် ရာထူးလျော့သွားတယ်။ အခုက ဘန့်ဘွေးကျေးရွာကနေ ဒေသခံပြည်သူ့ကာကွယ်ရေးတပ်ဖွဲ့ ခေါင်းဆောင်ပိုင်းနဲ့ ချိတ်ဆက်ပြီး ထွက်ခဲ့ရတယ်။ တပ်ထဲမှာကတော့ တပ်ပျက်နေပြီ ပြောရမှာဗျ။ ဘာဖြစ်လို့လဲဆိုတော့ အကြီးတွေကလည်း တပ်သားတွေကို မယုံဘူး။ တပ်သားတွေ အနေနဲ့ကလည်း အကြီးတွေကို ယုံကြည်မှုမရှိတော့ဘူးဗျ။ ချိတ်ဆက်မှုနဲ့ လုံခြုံ မှု ရှိမယ်ဆိုရင် ထွက်ပြေးချင်တဲ့သူတွေ အတော်ကိုများနေပြီဗျ။ အဓိကကတော့ ပြည်သူက်ို ရန်သူလိုဆက်ဆံနေတာက အဆိုးဆုံ” ဟု တပ်ကြပ်ကြီး ကိုမင်းသူက ဆိုသည်။

CDMတပ်ကြပ်ကြီး ကိုမင်းသူသည် မိမိနှင့်အတူ ပါလာသည့် MA2 တစ်လက်နှင့် ကျည် ၁၂၀ကို အမိမြေတော်လှန်ရေးတပ်ဖွဲ့ထံတွင် အပ်နှံခဲ့သည်ဟု သိရသည်။

အမိမြေ တော်လှန်ရေး တပ်ဖွဲ့အနေဖြင့် ပြည်သူ့ရင်ခွင်သို့ လက်နက်နှင့်အတူ ခိုလှုံလာသည့် တပ်ကြပ်ကြီး ကိုမင်းသူကို မြန်မာကျပ်ငွေ သိန်း ၈၀တိတိ ဆုချီးမြှင့်ခဲ့ကြောင်း သိရသည်။ mizzima

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s