တန့်ဆည်တွင် စစ်ကြောင်းထိုးလာသော ခလရ ၃၆၈ စစ်ကြောင်းကို လက် နက်ကြီးဖြင့် ပစ် ခတ်မှု စစ်သား ၅ ဦးသေဆုံး
စစ်ကိုင်းတိုင်း၊ တန့်ဆည်မြို့နယ်တွင် စစ်ကြောင်းထိုးလာသော ခလရ(၃၆၈) စစ်ကောင်စီတပ်ကို နိုဝင်ဘာလ၇ရက်နံနက် ၈နာရီခန့်တွင် တန့်ဆည်PDFက လက်နက်ကြီးဖြင့် ပစ်ခတ်တိုက်ခိုက်ရာ ၅ဦးသေဆုံးခဲ့ကြောင်း PDFသတင်းရင်းမြစ်ထံမှ သိရသည်။
တန့်ဆည်မြို့နယ်၊ အင်ရေအိုးရွာမှ အင်ပင်အိုင်ရွာသို့ ထွက်ခွာလာသော အင်အား ၁၃၀ ခန့်ရှိသည့် စစ်ကြောင်းကို တန့်ဆည်PDF ရွှေဘိုခရိုင် တပ်ရင်း (၆)နှင့် တပ်ရင်း(၇)ပူးပေါင်းအဖွဲ့က ၄၀ မမ လက်နက်ကြီး ၆ လုံးဖြင့် ပစ်ခတ်တိုက်ခိုက်ခဲ့ခြင်းဖြစ်ကြောင်း ရှေ့တန်းရဲဘော်တစ်ဦးက ရန်ကုန်ခေတ်သစ် သတင်းဌာနသို့ ပြောဆိုသည်။
“အင်ရေအိုးရွာအရှေ့ဘက် ကိုက်တစ်ထောင် အကွာလောက်မှာ စစ်ခွေးအစုလိုက်ကို ၄၀မမနဲ့ လှမ်းထုတာ အတုံး အရုန်း လဲကျသွားတယ်။ အဲ့ထဲကမှ သေတဲ့ ခွေး၅ကောင်ကို တရွတ်တိုက်ဆွဲသွားတာ တွေ့လိုက်ရတယ်”ဟု ရှေ့တန်းရဲဘော်တစ်ဦးက ပြောသည်။
အဆိုပါ ခလရ(၃၆၈) စစ်ကောင်စီတပ်သည် စက်တင်ဘာလ၉ရက်နေ့ က တည်းက တန့်ဆည်မြို့နယ်သို့ ရောက်ရှိ စစ်ကြောင်းထိုးနေပြီး နယ် မြေခံ ပျူစောထီးများနှင့် ပူးပေါင်း၍ ၃လကြာသည်အထိ မရပ်မနား စစ်ကြောင်းပတ်ထိုးနေခြင်းဖြစ်ကြောင်း ဒေသခံများထံမှ သိရသည်။
တပ်မ(၃၃)လက်အောက်ခံ၊ ခလရ(၃၆၈) စစ်ကောင်စီစစ်ကြောင်းနှင့် တန့်ဆည် PDFတို့ အောက်တိုဘာလ ၁၉ရက်နေ့ ရွာသစ်ရွာအနီးတွင် တိုက် ပွဲဖြစ်ပွားခဲ့ရာ စစ်ကောင်စီတပ်သား ၈ဦးသေဆုံးခဲ့ကြောင်း သိရှီရသည်။ khit thit
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 