ကန့်ဘလူတွင် ကျေးရွာများကို မီးရှို့နေသည့် စစ်ကြောင်းများ မိုင်းဆွဲခံရပြီး စစ်သား ၄၀ဦးခန့် သေဆုံးနိုင်၊ ရွှေဘိုတွင်လည်း စစ်ကောင်စီတပ်သားများ ပစ်ခတ်တိုက်ခိုက်ခံရ

စစ်ကိုင်းတိုင်း၊ ကန့်ဘလူမြို့နယ်ရှိ အင်းမရွာနှင့် ပင့်သာရွာကို မီးရှို့ဖျက်ဆီးနေသော စစ်သားများ မိုင်းဆွဲ တိုက်ခိုက်ခံရပြီး ၄၀ ဦးခန့်သေဆုံးနိုင်ကြောင်း သိရသည်။

နိုဝင်ဘာလ ၁၂ ရက်နေ့ နံနက်ပိုင်းတွင် အကြမ်းဖက် စစ်တပ် စစ်ကြောင်း ၂ ကြောင်းသည် အင်းမရွာနှင့် ပင့်သာရွာကို ဝင်ရောက်စီးနင်းစဥ် မိုင်းဆွဲ တိုက်ခိုက်ခံရခြင်းဖြစ်ပြီး စစ်သား ၄၀ ဦးခန့် သေဆုံးမှု ရှိကြောင်း သိရသည်။

အင်းမရွာကို ဝင်ရောက်စီးနင်းသော စစ်သားများ မိုင်းဆွဲ တိုက်ခိုက်ခံရပြီး ၄၀ ဦးခန့် သေဆုံးနိုင်ကာ အင်းမရွာကိုလည်း ရွာလုံးကျွတ် မီးရှို့ဖျက် ဆီးခဲ့ကြောင်း၊ ပင့်သာရွာကို မီးရှို့ဖျက်ဆီးနေသည့် အကြမ်းဖက် စစ်သားများလည်း ထပ်မံမိုင်းဆွဲ တိုက်ခိုက်ခံရပြီး စစ်သား ၂ ဦးသေဆုံးခဲ့ကြောင်း သိရသည်။

” အင်းမရွာက မနေ့က ဖြစ်တာ နံနက် ၉ နာရီလောက် မိုင်းဆွဲခံရတာ ထိခိုက် သေဆုံး စုစုပေါင်း ၆၀ လောက်လို့ကြားတယ်။ မနေ့က ၁ နာရီလောက်တည်းက စရှို့တာ ဒီနေ့ တစ်မနက်လုံးရှို့နေတာပဲ တစ်ရွာလုံးမရှိတော့ဘူး။ ပြာကျသွားပြီ ပင့်သာမှာ မိုင်းဆွဲ ခံရတာ ၂ ဦးတော့သေတယ်။ အင်းမ ရွာထဲက ဒဏ်ရာရတဲ့ စစ်ခွေးတွေလောက်ပဲ သယ်နိုင်မှာ သေတဲ့ဟာတွေတော့ မီးရှို့လောက်တယ်။ နံနက်က မီးခိုးတော့ မြင်လိုက်ရတယ်။ ကျွန်တော်တို့ လှမ်းကြည့်တဲ့ နေရာက ၂ မိုင်လောက်ဝေးတော့ သေချာတော့ မတွေ့လိုက်ရဘူး။ ၆၀ လောက်တော့ ထိခိုက်သေဆုံးမှုရှိတယ်။ အခု ကျွန်းလှကို ပြန်တက်တာ ၁၀၀ လောက်ပဲရှိတယ်တဲ့ ဆိုင်ကယ်ထဲ ထည့်ခွဲတာပေါ့။ မြေပြင်တိုက်ပွဲကတော့ ရှိအုန်းမယ်။ ခွေးတွေကလည်း အကုန်မပြန်သေးဘူး။ အခုက ပင့်သာရွာမှာမရှိတော့ဘူး။ ပင့်သာနဲ့ အင်းမက စစ်ခွေးတွေ ပြန်ပေါင်းနေတာ အင်းမ ဘုန်းကြီးကျောင်း အနောက်ဘက်မှာ အခုတပ်စွဲထားတယ်” ဟု ဒေသခံ ပြည်သူ တစ်ဦးကပြောဆိုသည်။

ထို့ပြင် စစ်ကိုင်းတိုင်း၊ ရွှေဘိုမြို့တွင် စစ်ကောင်စီ တပ်သားများ လိုက်ပါလာသည့် ကား ၁ စီး ပစ်ခတ် တိုက်ခိုက်ခံရကြောင်း သိရသည်။

နိုဝင်ဘာလ ၁၁ ရက်နေ့တွင် ရွှေဘို အကျဉ်းဦးစီးမှ စစ်ကောင်စီ တပ်သား ၄ ဦး လိုက်ပါလာသည့် အိမ်စီးကားကို ရွှေဘို-ကျောက်မြောင်း လမ်းပိုင်းတွင် ဒေသခံ ကာကွယ်ရေး တပ်ဖွဲ့များက ပစ်ခတ် တိုက်ခိုက်ခဲ့ပြီး ၂ ဦး ထိခိုက် ဒဏ်ရာရရှိခဲ့ကြောင်း သိရသည်။

အဆိုပါ တိုက်ခိုက်မှုကို အမှတ်(၅) တပ်ရင်း၊ တပ်ခွဲ (၂)၊ တပ်စု (၁)၊ တပ်စိတ် (၂) မှ ရဲဘော် ထက်မြတ် (တပ်စိတ်မှူး) ဦးဆောင်ပြီး အင်အား ၈ ဦးနှင့် နေလစင်္ကြာ_Shwebo PDFအဖွဲ့မှ ကင်းပုန်းဝပ်ပြီး စောင့်ကြို မိုင်းဆွဲ တိုက်ခိုက်ရန် ပြုလုပ်နေစဥ် မိုင်းကွင်းအတွင်း၌ ပြည်သူ့ နွားလှည်းများ ရောက်ရှိ နေသောကြောင့် မိုင်းဆွဲလိုက်နိုင်ခြင်း မရှိဘဲ လက်နက်ငယ်ဖြင့်သာ ပစ်ခတ်တိုက်ခိုက်နိုင်ခဲ့ပြီး ရဲ ၂ ဦး ထိခိုက် ဒဏ်ရာရရှိခဲ့ကြောင်း နေလစင်္ကြာ_Shwebo PDF က ထုတ်ပြန်ထားသည်။ khit thit

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s