SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

တနင်္သာရီတိုင်း၊ ထားဝယ်ခရိုင် လောင်းလုံးမြို့နယ်ရှိ ဘုန်းတော်ကြီးကျောင်း တစ်ကျောင်းကို ယမန်နေ့ နိုဝင်ဘာလ ၁၄ ရက်နေ့ နံနက် ၃ နာရီ အချိန်တွင် စစ်ကောင်စီက အင်အားအလုံးအရင်းဖြင့် ဝင်ရောက် စီးနင်းခဲ့ရာ သံဃာတော် နှစ်ပါး အပါဝင် ငါးဦး ဖမ်းဆီးခြင်း ခံလိုက်ရကြောင်း ဒေသခံများထံမှ သိရသည်။

စစ်ကောင်စီက ဝင်ရောက်စီးနင်းခဲ့သည့် လောင်းလုံးမြို့နယ် ညင်းမော်ရွာနှင့် ဂေါ့အင်း ရွာကြားရှိသည့် ကြယ်တောင် ဘုန်းတော်ကြီးကျောင်းသည် PDF အဖွဲ့စည်းနှင့် ဆက်စပ်နေသည်ဟု ဆိုကာ စွပ်စွဲချက်နှင့် လာရောက် ဖမ်းဆီးခဲ့ခြင်း ဖြစ်နိုင်သည်ဟု ဒေသခံ တစ်ဦးက ပြောသည်။

လောင်းလုံးမြို့ခံ တစ်ဦးက “ဖမ်းခံရတာက ကျောင်းထိုင်ဆရာတော် အပါဝင် သံဃာတော် တစ်ပါး ပါပါတယ်၊ ကျန်တဲ့ လူတွေကတော့ ကျောင်းက ဘုန်းကြီးကျောင်းသားလေးတွေ ဖြစ်တယ်”ဟု ပြောသည်။

လက်ရှိတွင် ဖမ်းဆီးခံ ဦးပညောဘာသမ ကျောင်းထိုင်နှင့် ကိုယ်တော် ဦးနန္ဒဝရ အပါဝင် ဘုန်းကြီးကျောင်းသား မောင်ဝင်းထက်၊ မောင်နေတိုး၊ အစ္စလန်တို့ သုံးဦးတို့ကို ပြန်လည် လွှတ်ပေးခြင်း မရှိသေးသည့်အပြင် ဖမ်းဆီးချိန်တွင် ကျောင်းထဲရှိ ပစ္စည်းတချို့ကို ယူသွားကြောင်း သိရသည်။

“ဆရာတော်တို့က PDF အဖွဲ့စည်းတွေကို နောက်ကွယ်ကနေပြီး ကူညီနေတယ်ဆိုပြီး မဟုတ်မမှန် သတင်းပေးခံရပြီး ဖမ်းဆီးခံရတာ ဖြစ်တယ်”လို့ ယင်း ကျောင်းအနီး နေထိုင်သူ ဒေသခံ တစ်ဦးက ရှင်းပြသည်။

အလာတူ ထားဝယ်ခရိုင် ရေဖြူမြို့နယ် နဘုလယ်ဒေသတွင် နိုဝင်ဘာလ ၅ ရက်နေ့ နံနက်ပိုင်း၌ ဆွမ်းစားကြွသွားသည့် မူးဒူးဘုန်းတော်ကြီးကျောင်း၏ ကျောင်းထိုင်ဆရာတော်သည် ကင်းပုန်းဝပ်နေသည့် စစ်ကောင်စီ တပ်ဖွဲ့က သေနတ်နှင့် ပစ်ခတ်၍ ကျည်ထိမှန်ဒဏ်ရာ ရရှိခဲ့သေး သည်။ mizzima

မန္တလေးတိုင်း၊ မတ္တရာမြို့နယ်၊ ဘုရားမကုန်းရွာတွင် စစ်တပ်အတွက် သတင်းပေးနေသည့် ငကြူးကို ပြည်သူ့ကာ ကွယ်ရေးတပ်ဖွဲ့များက ပစ် ခတ်ရာမှ ငကြူးသေဆုံးခဲ့ကြောင်း သိရသည်။

နိုဝင်ဘာလ ၁၅ ရက်နေ့တွင် မတ္တရာမြို့နယ်၊ ဘုရားမကုန်းရွာရှိ စစ်တပ် သတင်းပေး ငကြူးကို ကာကွယ်ရေး တပ်ဖွဲ့များက ဖမ်းဆီး ပစ်ခတ်ခဲ့ပြီး သေဆုံးသွားကြောင်း၊ အဆိုပါ စစ်တပ် သတင်းပေး ငကြူးသည် နိုဝင်ဘာလ ၁၃ ရက်နေ့က မြစ်ကြီးနားမှ အောက်သို့ စုန်ဆင်းမည့် စစ် သင်္ဘောများ မဆင်းရန်အတွက် သတင်းပေးခြင်း၊ ထိုသင်္ဘောအား လုံခြုံရေးယူရန်အတွက် ဆင်းလာသည့် အကြမ်းဖက် စစ်တပ် စစ်ကြောင်းကို မိုင်းကွင်း နေရာများ ပြသခြင်း အကာအကွယ် မရှိဘဲ မဆင်းရန် အတွက်သတင်းပေးခြင်း၊ ကုန်းလမ်းမှ လာသည့် အကြမ်းဖက် စစ်တပ် စစ်ကြောင်းကိုလည်း ၎င်းကိုယ်တိုင် သွားရောက်ကြိုဆိုခြင်း၊ ပြည်သူများတင်မက မိသားစုကိုပါ ဒုက္ခကြီးကြီးပေးသည့်သူဖြစ်​ပြီး သစ်တောဌာနနှင့် ပူးပေါင်း၍ ပြည်သူအား ဒုက္ခပေးနေခြင်းများ စိစစ် ပေါ်ပေါက်ခဲ့သောကြောင့် ဖမ်းဆီး ပစ်ခတ်ခဲ့ခြင်းဖြစ်ကြောင်း သိရသည်။

ထို့သို့ ဖမ်းဆီးစစ်ဆေးစဥ်အတွင်း အကြမ်းဖက် စစ်တပ် သတင်းပေး ငကြူးသည် ပျူစောထီး သင်တန်းဆင်း၊ ဒလန် ၆ ဦးကိုလည်း ဖော်ထုတ်ပြောပြောဆိုသွားခဲ့ကြောင်း သိရသည်။

ယင်း ဖမ်းဆီး တိုက်ခိုက်မှုကို မတ္တရာမြို့နယ် နတ်ဆိုးမြေအောက်တော်လှန်ရေးအဖွဲ့ နှင့် ဒေါင်းစစ်သည် ပြည်သူ့ကာကွယ်ရေးတပ်ဖွဲ့ မတ္တရာ ( PWF )တို့က ပူးပေါင်း လုပ်ဆောင်ခဲ့ခြင်း ဖြစ်ကြောင်း သိရသည်။

အလားတူ ပဲခူးတိုင်း၊ ရေတာရှည်မြို့နယ်တွင်၊ ဆွာမြို့ တောင်ပိုင်းအုပ်ချုပ်ရေးမှူး ထွန်းထွန်းနိုင်ကို ရေတာရှည်မြို့ ဖီးနစ်မြို့ပြ ပြောက် ကျားတပ်က ပစ်ခတ်တိုက်ခိုက်ခဲ့ပြီး ပွဲချင်းပြီးသေဆုံးခဲ့ကြောင်း သိရသည်။

နိုဝင်ဘာလ ၁၅ ရက်နေ့ နံနက် ၇ နာရီ ၃၀ မိနစ်တွင် ၎င်းပိုင်ဆိုင်သည့် စျေးဆိုင်တွင် ထိုင်နေစဥ် ရေတာရှည်မြို့ ဖီးနစ်မြို့ပြ ပြောက်ကျား တပ် ဖွဲ့က အနီးကပ် ဦးခေါင်းကိုတေ့ပြီး ပစ်ခတ်ခဲ့သောကြောင့် ပွဲချင်းပြီးသေဆုံးခဲ့ကြောင်း သိရသည်။

သေဆုံးသွားသော အုပ်ချုပ်ရေးမှူး ထွန်းထွန်းနိုင်ကို YPDF အဖွဲ့များမှ စစ်တပ် သတင်းပေး မလုပ်ရန် အကြိမ်ကြိမ် သတိပေးခဲ့သော်လည်း ဆက် လက် လုပ်ဆောင်ခြင်း၊ CDMများနှင့် ၎င်းမကျေနပ်သူများကို ဖမ်းဆီး အပြစ်ပေးရန် စစ်တပ်နှင့်ပူးပေါင်း ပါဝင်ခဲ့ကြောင့် ဖီးနစ်ပြောက် ကျားအဖွဲ့မှ ဝင်ရောက် ပစ်ခတ်ခဲ့ခြင်း ဖြစ်ကြောင်း သိရသည်။

” အုပ်ချုပ်ရေးမှူးက သေပါတယ်။ နေရာတင် သေတာပါ။ အခု ဆွာမြို့ ဆေးရုံ ရင်ခွဲခန်းထဲမှာပါ” ဟု ရေတာရှည်မြို့ ဖီးနစ်မြို့ပြ ပြောက်ကျား တပ်မှ ဗိုလ်ကြက် သွန်က ရန်ကုန်ခေတ်သစ် မီဒီယာသို့ ပြောဆိုသည်။ khit thit

စစ်ကောင်စီက လာမယ့် ၂၀၂၃ ခုနှစ်မှာ ကျင်းပမယ်လို့ ပြောထားတဲ့ ရွေးကောက်ပွဲကို မလေးရှားက ထောက်ခံအားပေးခြင်းမရှိဘူးလို့ မလေးရှားနိုင်ငံခြားရေးဝန်ကြီး ဆိုင်ဖူဒင် အဗ္ဗဒူလာက ပြောတဲ့အကြောင်း MalayMail သတင်းမှာ ဖော်ပြပါတယ်။

တခြားသက်ဆိုင်ရာ အဖွဲ့အစည်းတွေရဲ့ သဘောတူညီမှုမပါဘဲ ရွေးကောက်ပွဲ စည်းမျဉ်းစည်းကမ်းတွေကို စစ်ကောင်စီက သူတို့အသာစီးရအောင် ဘက်လိုက်ကာ ပြုပြင်ပြောင်းလဲမှုတွေ လုပ်လိုက်တာကြောင့် အဲဒီရွေးကောက်ပွဲကို မလေးရှားက မထောက်ခံတာ ဖြစ်တယ်လို့ ဆိုပါတယ်။

မြန်မာနိုင်ငံ ဒီမိုကရေစီနစ်ကျင့်သုံးတဲ့နိုင်ငံအဖြစ်သို့ ပြန်လည်ပြောင်းလဲစေရေးနဲ့ အနာဂတ်မှာ ပိုမိုတည်ငြိမ်လာစေရေးအတွက် ကူညီပေးဖို့ မလေးရှားက ဆုံးဖြတ်ထားတယ်လို့ မလေးရှား ဝန်ကြီးက ဆိုင်ဖူဒင်က ဆိုပါတယ်။

“ဒီစစ်အာဏာရှင်တွေက ရွေးကောက်ပွဲအကြောင်း ပြောနေတာကိုက သဘာဝမကျဘူး။ ဘာလို့လဲဆိုရင် အရင်ကမြန်မာနိုင်ငံမှာ ပြုလုပ်ခဲ့တဲ့ ရွေးကောက်ပွဲကို လွတ်လပ်ပြီး တရားမျှတတယ်လို့နိုင်ငံတကာစောင့်ကြည့်သူတွေ အများကြီးက လက်ခံထားကြပြီးသားဖြစ်တယ်။ ဒီမိုကရေစီ အစိုးရက အရင်ရွေးကောက်ပွဲမှာ အကြီးအကျယ်နိုင်ထားပြီးသား။ ဒါပေမဲ့ လွှတ်တော်မစခင်မှာ စစ်တပ်က အာဏာလုခဲ့တာပဲ။ ဒါကြောင့် မလေးရှားနဲ့ အာဆီယံက သူတို့အခုလုပ်မယ့် ရွေးကောက်ပွဲကို ထောက်ခံဖို့ဆိုတာ သဘာဝမကျဘူး”လို့  အွန်လိုင်းက ကျင်းပတဲ့ သတင်းစားရှင်းလင်းပွဲမှာ မလေးရှားနိုင်ငံခြားရေးဝန်ကြီးက ပြောကြားခဲ့တာဖြစ်ပါတယ်။

အင်ဒိုနီးရှားနိုင်ငံ ဘာလီမှာ G20 အစည်းအဝေးတက်ဖို့သွားနေတဲ့ ကုလသမဂ္ဂ အတွင်းရေးမှူးချုပ် အန်တိုနီယိုဂူတားရက်စ်နဲ့လည်း ဗီဒီယိုကနေတစ်ဆင့် တိုက်ရိုက်တွေ့ဆုံပြီး မြန်မာနိုင်ငံတွင်းက NGO တွေကို ဘဏ္ဍာရေးထောက်ပံ့ကူညီရာမှာ ပွင်းလင်းမြင်သာမှုရှိစေရေးနဲ့ အမျိုးသားညီညွတ်ရေးအစိုး (NUG) က တောင်းဆိုထားတဲ့ “အားလုံးပါဝင်တဲ့ လူသားချင်းစာနာမှုဆိုင်ရာအကူအညီပေးသူများဖိုရမ်” အကောင်အထည် ဖော်နိုင်ရေးမှာ ပူးပေါင်းပါဝင်ကူညီဖို့  တောင်းဆိုခဲ့တယ်လို့ ဆိုင်ဖူဒင်က ပြောပါတယ်။ 

လူမှုကယ်ဆယ်ရေးလုပ်ငန်းတွေအတွက် အကူအညီပေးလိုတဲ့ NGO တွေ များစွာ ရှိနေပေမဲ့ စစ်ကောင်စီနဲ့ ပူးပေါင်းဆောင်ရွက်ဖို့ ငြင်းဆန်နေကြတယ်လို့ သူကပြောပါတယ်။ အဲဒီပြဿနာကိုဖြေရှင်းနိုင်ရေးအတွက် NUG က အဆိုပြုထားတဲ့ နိုင်ငံပေါင်းစုံပါဝင်တဲ့ဖိုရမ် ဖြစ်မြောက်လာရေးကို မလေးရှားက ထောက်ခံအားပေးတယ်လို့ ဆိုပါတယ်။

နိုင်ငံရေးအကျဉ်းသားတွေကို စစ်ကောင်စီက ဖမ်းဆီးထားတာဟာ တရားဥပဒေနဲ့ ကိုက်ညီခြင်းမရှိတာကြောင့် ပြန်လွှတ်ပေးဖို့လိုတယ်လို့လည်း သူက ပြောပါတယ်။

ကုလသမဂ္ဂအတွင်းရေးမှူးချုပ် အန်တိုနီယိုဂူ တားရက်စ်ကလည်း မြန်မာ့နိုင်ငံရေး ပဋိပက္ခတွေ ပြေလည်စေရေးအတွက်ကူညီပေးမယ့် ကုလ သမဂ္ဂရဲ့ ရပ်တည်ချက်ကို ထပ်မံပြောကြားခဲ့တယ်လို့ အဲဒီသတင်းမှာ ဖော်ပြထားပါတယ်။

၂၀၂၀ ပြည့်နှစ် ရွေးကောက်ပွဲမှာ ဒေါ်အောင်ဆန်းစုကြည် ဦးဆောင်တဲ့ NLD ပါတီက အပြတ်အသတ်အနိုင်ရရှိခဲ့ပေမဲ့ စစ်တပ်ထောက်ခံတဲ့ ကြံ့ ခိုင်ရေးပါတီ အကြီးအကျယ်ရှုံးနိမ့်ခဲ့ပြီးနောက် မဲစာရင်းမှားတယ်လို့ အကြောင်းပြပြီး စစ်တပ်က တရားမဝင် အာဏာသိမ်းလိုက်တာဖြစ်ပါတယ်။

စစ်တပ်အာဏာသိမ်းပြီးနောက်  မြန်မာနိုင်ငံရဲ့ ဒီမိုကရေစနစ် အဆုံးသတ်သွားခဲ့ပြီး မြန်မာနိုင်ငံအနှံ့ အပြားမှာ  သန်းနဲ့ချီတဲ့ ပြည်သူတွေက  စစ်အာဏာရှင်ဆန့်ကျင်တဲ့အနေနဲ့  ငြိမ်းချမ်းစွာ ဆန္ဒပြခဲ့ကြတာမှာ စစ်တပ်က အကြမ်းဖက်ပစ်ခတ်သတ်ဖြတ် နိမ်နင်းခဲ့တာဖြစ်ပါတယ်။ DVB

NLD ဗဟိုအလုပ်အမှုဆောင်အဖွဲ့ဝင်များနှင့်တွေ့ဆုံပြီးမှသာ သူမ၏နိုင်ငံရေးသဘောထားကို ထုတ်ပြောနိုင်မည့် နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၏ သတင်းစကားကို ထောက်ခံ ကြောင်း ငြိမ်းချမ်းရေးလုပ်ငန်းစဉ်ဦးဆောင်မှုကော်မတီ PPST က ထုတ်ပြန်လာသည်ကို တွေ့ရသည်။

နိုဝင်ဘာလ ၁၄ ရက်နေ့က ပြုလုပ်ခဲ့သည့် PPST ၏အစည်းအဝေးတွင် လက်ရှိ နိုင်ငံတွင်ဖြစ်ပေါ်နေသော ဒေသတွင်းနှင့်ပြည်တွင်းဖြစ်ပေါ်တိုး တက်မှုများအပေါ် သဘောထားထုတ်ပြန်ချက်တွင် အထက်ပါအချက် ကို ထည့်သွင်းထားခြင်းဖြစ်သည်။

ထိုအချက်နှင့်ပတ်သက်ပြီး “သူ့နိုင်ငံရေး သဘောထားကိုမေးတာရှိတဲ့အပေါ်မှာ ဗဟိုအလုပ်မှုဆောင်အဖွဲ့ ကိုတွေ့ပြီးမှပြောမယ်ဆိုပြီး ပြောတာပေါ့။ ဒီလိုပြောတာက သူ့ကို တစ်ယောက်ယောက်က သဘောထား ပေးပါလို့မေးတယ်လို့ ကျနော်ယူဆတယ်၊၊ ဒါ့ကြောင့် သူတုံ့ပြန်ချက်က နည်းလမ်းမှန်တယ်။ နိုင်ငံရေး ပြဿနာကို နိုင်ငံရေးနည်းနဲ့ရှင်းဖို့ သူ့ရပ်တည်ချက်ကို ကျနော်တို့က ကြိုဆို‌ထောက်ခံတာပါ”ဟု PPST ဦးဆောင်အဖွဲ့ဝင် ဗိုလ်မှူးကြီး ခွန်ဥက္ကာကဆိုသည်။

ဒေါ်အောင်ဆန်းစုကြည်၏အခန်းကဏ္ဍသည် ပြည်တွင်း၌ ကြီးကြီးမားမားရှိနေပြီး ပြည်သူလူထုအပေါ်သို့ လည်းကောင်း၊ လက်ရှိတော်လှန်နေသည့် လူငယ်လူရွယ်များသို့လည်းကောင်း၊ အမျိုးသားဒီမိုကရေစီ အဖွဲ့ချုပ်(NLD)အပေါ်တွင်လည်းကောင်း ဩဇာအာဏာသက်‌ရောက်မှုရှိနေသေးကြောင်း ဗိုလ်မှူးကြီး ခွန်ဥက္ကာက မှတ်ချက်ပြုသည်။

ထို့အပြင် PPST ၏ထုတ်ပြန်ချက်တွင် ဒေါ်အောင်ဆန်းစုကြည်၏ နိုင်ငံရေးသဘောထားကို ထောက်ခံ သည့် အချက်အပါအဝင် အချက်လေးချက်ပါဝင်သည်ကို တွေ့ရသည်။

အာဆီယံအလှည့်ကျဥက္ကဌဖြစ်လာသည့် အင်ဒိုနီးရှားသမ္မတကို ကြိုဆိုဂုဏ်ပြုကြောင်းနှင့် မြန်မာ့နိုင်ငံ ရေး အကြပ်အတည်းများကို ဖြေရှင်းနိုင်မည်ဟု မျှော်လင့်ကြောင်း၊ အာဆီယံအတွင်းရေးမှူးချုပ်သစ်ကို ဂုဏ်ပြုကြိုဆိုကြောင်း၊ အမေရိကန်သမ္မတအနေဖြင့် အာဆီယံဘုံသ ဘောတူညီချက် ငါးချက်အပေါ်တွင် စစ်ကောင်စီဘက်က ပူးပေါင်းဆောင်ရွက်ရန်တိုက်တွန်းမှုအပေါ်တွင် ထောက်ခံကြောင်းနှင့် PPST အနေ ဖြင့် မြန်မာနိုင်ငံသို့ပေးအပ်မည့် လူသားချင်းစာနာထောက်ထားမှုအကူအညီများနှင့်ပတ်သက်ပြီး ပူးပေါင်း ဆောင်ရွက်သွားရန်အသင့်ရှိနေကြောင်း ထုတ်ပြန်ချက်တွင်ပါဝင်သည်။

NCA လက်မှတ်ရေးထိုးထားသည့် တိုင်းရင်းသားလက်နက်ကိုင်အဖွဲ့ ၁၀ ဖွဲ့နှင့် ဖွဲ့စည်းထားသည့် PPST သည် လက်ရှိအချိန်တွင် ၇ ဖွဲ့သာကျန်ရှိပြီး အခြားသုံးဖွဲ့မှာ သီးခြားရပ်တည်လျက်ရှိနေသည်ကို တွေ့ရ သည်။ အာဏာသိမ်းပြီးနောက်တွင် စစ်ကောင်စီနှင့်ငြိမ်းချမ်းရေး ဆွေးနွေးမှုများဆက်လက် လုပ်ကိုင်နေ သည့်အဖွဲ့မှာ ခုနစ်ဖွဲ့ရှိနေသည်။

ထိုသို့လက်မှတ်ရေးထိုးထားသည့် PPST အဖွဲ့ဝင်များသည် ပြီးခဲ့သည့် ၂၀၂၁ ခုနှစ်အတွင်းမှစပြီး ဂျပန် နီပွန်ဖောင်ဒေးရှင်းနှင့်ပူးပေါင်းကာ သက် ဆိုင်ရာဒေသအသီးသီးတွင် လူသားချင်းစာနာထောက်မှုဆိုင်ရာ အကူအညီများပေးနေပြီး အတွေ့အကြုံများစွာရှိသည့်အတွက် နိုင်ငံတကာအဖွဲ့အစည်းများအနေဖြင့် အကူအညီများပေးအပ်ရာတွင် ၎င်းတို့နှင့်ပူးပေါင်းဆောင်စေလိုသည်ဟု ဆိုသည်။

“ကျနော်တို့က လက်တွေ့မြေပြင်မှာလုပ်ပြီး အောင်မြင်ပြီးပြီ။ မြေပြင်မှာလုပ်နေတဲ့ သူတွေကိုအားကိုး မယ်ဆိုရင် သူတို့လိုချင်တဲ့ အကူအညီကို ကျနော်တို့ဆောင်ရွက်ပေးနိုင်တယ်။ ကျနော်တို့က လက်တွေ့ လုပ်တာ တစ်နှစ်ရှိနေပြီ” ဟု ဗိုလ်မှူးကြီးခွန်ဥက္ကာကဆိုသည်။mizzima

တနင်္သာရီမြို့နယ်အတွင်း အကြမ်းဖက် စစ်တပ်နှင့် ပြည်သူ့ကာကွယ်ရေး တပ်များအကြား တိုက်ပွဲ ၂ ကြိမ် ဖြစ်ပွားခဲ့ပြီး စစ်သား ၉ ဦးသေဆုံးခဲ့ကြောင်း သိရသည်။

နိုဝင်ဘာလ ၁၄ ရက်နေ့ နံနက် ၅ နာရီ ၃၀ မိနစ်ခန့်တွင် မော်တုန်းရွာ အနောက်ကမ်း၌ အကြမ်းဖက် ခမရ ၅၅၇ နှင့် ခမရ ၅၅၈ မှ စစ်သားများ လိုက် ပါလာသည့် စစ်ကြောင်းကို မြိတ်ခရိုင်တပ်ရင်း ၂ မှတပ်ခွဲ ၂ ၊ တနင်္သာရီပြောက် ကျားအဖွဲ့၊ တနင်္သာရီ ရိုးမအဖွဲ့တို့က သွားရောက် တိုက် ခိုက်ခဲ့ပြီး စစ်သား ၆ ဦးသေ ဆုံးခဲ့ခြင်းဖြစ်ကြောင်း သိရသည်။

နိုဝင်ဘာလ ၁၄ ရက်နေ့ နံနက် ၈ နာရီခန့်တွင် ဗောဓိကမ်းရွာ တံတားအနီးရှိ အကြမ်း ဖက် စစ်တပ် အမတ ၃၀၆ နှင့် ခမရ ၅၅၇ တပ်ရင်းမှ စစ် သားများ တပ်စွဲထားသည် စခန်းငယ် တစ်ခုကို မြိတ်ခရိုင်တပ်ရင်း ၂ မှတပ်ခွဲ ၁ က တနင်္သာရီမြို့နယ် မဟာမိတ် တပ်ပေါင်းစုတို့ ပူးပေါင်းပြီး ဝင်ရောက် တိုက်ခိုက်ခဲ့​ပြီး စစ် သား ၃ ဦး သေဆုံးခဲ့ကြောင်း ပြည်သူ့ကာကွယ်ရေး တပ်မတော် မြိတ်ခရိုင်တပ်ရင်း ၂ က ထုတ်ပြန်ထားသည်။

အလားတူ စစ်ကိုင်းတိုင်း၊ ဝက်လက်မြို့နယ်၊ အုတ်ဖိုရွာတွင် တပ်စွဲထားသော အကြမ်း ဖက် စစ်တပ်ကို ဒေသခံကာကွယ်ရေး တပ်ဖွဲ့များက လက်နက်ကြီးများဖြင့် တိုက်ခိုက်ခဲ့ပြီး စစ်သား ၅ ဦးသေဆုံးခဲ့ကြောင်း သိရသည်။

နိုဝင်ဘာလ ၁၄ ရက်နေ့ ညနေ ၄ နာရီခန့်တွင် အုတ်ဖိုရွာတွင် တပ်စွဲထားသော အကြမ်းဖက် စစ်တပ်ကို Bo Tiger ဗိုလ်ကျားကြီးအဖွဲ့မှ လက် နက်ကြီး ဗုံးသီ ၁၀ လုံး၊ လက်နက်ငယ်များဖြင့် သွားရောက် ပစ်ခတ် တိုက်ခိုက်ခဲ့ပြီး စစ်သား ၅ ဦးသေဆုံးခဲ့ကြောင်း သိရသည်။

“Bo Tiger ဗိုလ်ကျားကြီး အဖွဲ့ ဦးဆောင်ပြီး အုတ်ဖိုရွာမှာ တပ်စွဲထားတဲ့ စစ်ခွေးတွေကို လက်နက်ကြီး ၁၀ လုံးလောက်နဲ့ ပစ်တယ်။ လက် နက်ငယ်တွေနဲ့လည်း ပစ်ခတ် တိုက်ခိုက်တယ်။ ကျွန်တော်တို့ လှမ်းပစ်တဲ့အချိန် သူတို့ လူအုပ်ထဲကို လက်နက်ကြီးက တည့်တည့်ရောက်သွားတော့ စစ်ခွေးတွေ ၅ ဦးထက်မနည်းသေတယ်။ ဒဏ်ရာရတာလည်းအများကြီးပဲ” ဟု Bo Tiger ဗိုလ်ကျားကြီး အဖွဲ့ မှ တာဝန်ရှိသူ တစ်ဦးကပြောဆိုသည်။khit thit

မွန်ပြည်နယ်၊ မော်လမြိုင်မြို့၊ ဇေယျာသီရိရပ်ကွက်၊ ဇေယျာ (၃) ရပ်မှာ ဖြစ်ပွားခဲ့တဲ့ နှစ်ဖက် အပြန်အလှန် ပစ်ခတ်မှုအတွင်း PDF ရဲဘော် ၅ ဦး လက်နက်နဲ့တကွ ဖမ်းဆီးခံလိုက်ရတယ်လို့ အထူးမြေအောက်လှုပ်ရှားမှုအင်အားစုက ထုတ်ပြန်ပါတယ်။

ပြီးခဲ့တဲ့ နိုဝင်ဘာ ၁၄ ရက်နေ့ ညနေ ၅ နာရီခွဲလောက်က ဇေယျာ (၃)ရပ်ရှိ နေအိမ်တလုံးမှာ PDF ရဲဘော်တွေ ရောက်ရှိနေကြောင်း ဒလန်သ တင်းပေးမှုကြောင့် စစ်ကောင်စီတပ်ဖွဲ့ဝင်တွေက အင်အားအလုံးအရင်းနဲ့ လာရောက်စီးနင်းစဉ် နှစ်ဖက်အပြန်အလှန် ပစ်ခတ်မှု ဖြစ်ပွားခဲ့တာပါ။

နှစ်ဖက်အပြန်အလှန်ပစ်ခတ်မှုမှာ စစ်ကောင်စီတပ်ဖွဲ့ဝင် ၂ ဦးနဲ့ ဇေယျာသီရိရပ်ကွက် အုပ်ချုပ်ရေးမှူးသားဖြစ်သူ ဦးဟိန်းကိုဦးတို့ ဒဏ်ရာရရှိခဲ့ကြပါတယ်။

ရပ်ကွက်အုပ်ချုပ်ရေးမှူး သားဖြစ်သူ ဦးဟိန်းကိုဦးဟာ ရင်ဘတ်ကျည်ထိမှန် ဒဏ်ရာရရှိပြီး မော်လမြိုင်စစ်ဆေးရုံမှာ တက်ရောက်ကုသစဉ် သေ ဆုံးသွားတယ်လို့ စစ်ကောင်စီနဲ့ နီးစပ်သူတွေက ဒီဗွီဘီကို ပြောပါတယ်။

သေနတ်ဒဏ်ရာရရှိခဲ့တဲ့ စစ်ကောာင်စီတပ်ဖွဲ့ ၂ ဦးကလည်း မော်လမြိုင်စစ်ဆေးရုံမှာ တက်ရောက်ကုသနေပြီး အဲဒီထဲက တဦးကတော့ စိုးရိမ်ရတယ်လို့ ဆိုပါတယ်။

မော်လမြိုင်မြို့ပေါ်မှာ ဖြစ်ပွားခဲ့တဲ့ အဲဒီနှစ်ဖက်အပြန်အလှန် ပစ်ခတ်မှုမှာ စစ်ကောင်စီဘက်က တပ်အင်အား ၁၀၀ ကျော် အသုံးပြုပြီး လက် နက်ကြီး၊ လက်နက်ငယ်တွေနဲ့ အဆက်မပြတ် ပစ်ခတ်တိုက်ခိုက်ခဲ့အတွက် PDF ရဲဘော် ၅ ဦးဟာ လက်နက်ငယ် ၃ လက်နဲ့အတူ ဖမ်းဆီးခံလိုက်ရတာပါ။

နှစ်ဖက်အပြန်အလှန် ပစ်ခတ်မှုပြီးနောက် စစ်ကောင်စီတပ်က ညောင်ပင်ဆိပ်ရပ်ကွက် အပါအဝင် ရပ်ကွက်တချို့မှာ တအိမ်တက်ဆင်း ဧည့်စာ ရင်း စစ်ဆေးတာနဲ့ မသင်္ကာတဲ့သူတွေကို ဖုန်းစစ်တာတွေပါ လုပ်ဆောင်ခဲ့တယ်လို့ ဒေသခံတွေက ဆိုပါတယ်။

လက်ရှိမှာ စစ်ကောင်စီဟာ မော်လမြိုင်မြို့ပေါ်မှာ လုံခြုံရေး တင်းကြပ်ထားပြီး မြို့အဝင်အထွက်နေရာတွေမှာ ပိတ်ဆို့ရှာဖွေ စစ်ဆေးတာတွေ ဆက်တိုက်လုပ်ဆောင်နေတာပါ။

မွန်ပြည်နယ်၊ မော်လမြိုင်မြို့ပေါ်မှာတော့ အခုဖြစ်စဉ်ဟာ စစ်တပ် အာဏာသိမ်းပြီးနောက် စစ်ကောင်စီတပ်နဲ့ PDF တပ်ဖွဲ့တို့ကြား ပထမဦးဆုံး ဖြစ်ပွားခဲ့တဲ့ နှစ်ဖက်အပြန်အလှန် ပစ်ခတ်မှုလည်း ဖြစ်ပါတယ်။ DVB

စစ်ကိုင်းတိုင်း၊ ကသာခရိုင်၊ အင်းတော်မြို့နယ်အတွင်း ဖြစ်ပွားခဲ့သည့် နှစ်ရက်တာတိုက်ပွဲတွင် စစ်ကောင်စီတပ်သားအများအပြား သေဆုံးထိခိုက် ဒဏ်ရာရရှိခဲ့ကြောင်း Indaw Revolution – IR က နိုဝင်ဘာလ ၁၄ ရက်နေ့ ရက်စွဲဖြင့် သတင်းထုတ်ပြန်သည်။

“၁၃ ရက်နေ့တိုက်ပွဲက သူ(စကစ)တို့လာတဲ့ လမ်းမှာ စောင့်ကြိုတိုက်ခိုက်ခဲ့တာဗျ။ ပစ်ခတ်မှုက ၁ နာရီလောက်ကြာပါတယ်။ ၁၄ရက်နေ့မှာတော့ နဘားဆင်စခန်းနားမှာ စခေ(စကစ) တွေက ကားတစ်စီးကို ချောဆွဲပြီး တက်မယ်လုပ်နေတုန်း အနောက်ကနေ ဝင်ပစ်ခဲ့တာပါ။ အနီး ကပ်ဖြစ်ခဲ့တဲ့အတွက်ကြောင့် စစ်ကောင်စီဘက်က ထိခိုက်သေဆုံးမှု တော်တော် များပါတယ်ဗျ” ဟု Indaw Revolution – IR မှ တာဝန်ရှိသူတစ်ဦးက မဇ္ဈိမ ကိုပြောသည်။

ပြီးခဲ့သည့် နိုဝင်ဘာ ၁၃ရက်နေ့ နံနက်ပိုင်းက အင်းတော်မြို့နယ် နန်းမကြိုင် ရွာဘက်သို့ အင်အား၁၀၀ ကျော်ဖြင့် စစ်ကြောင်းထိုးလာသည့် စစ်ကောင်စီတပ်ကို ကချင်လွတ်မြောက်ရေးတပ်မတော် (KIA) နှင့် PDF ပူးပေါင်း တပ်ဖွဲ့များမှ စောင့်ကြို တိုက်ခိုက်ခဲ့ခြင်းဖြစ်သည်။

အဆိုပါတိုက်ပွဲတွင် စစ်ကောင်စီတပ်သား သုံးဦးပွဲချင်းပြီးသေဆုံးကာ ခြောက်ဦး ပြင်းထန် ဒဏ်ရာရရှိခဲ့ပြီး ကသာဆေးရုံတွင် တစ်ဦးထပ်မံသေဆုံးခဲ့ကြောင်း ကြားသိရ သည်ဟု ဟ Indaw Revolution – IR အဖွဲ့၏ တာဝန်ရှိသူထံက သိရသည်။

ယမန်နေ့ နိုဝင်ဘာ ၁၄ရက် ညနေ၃နာရီခန့်တွင် အင်အား ၈၀ ခန့်ပါ စစ်ကောင်စီစစ်ကြောင်းကို ကသာဘက်မှ ဆင်းလာသည့် စစ်ကြောင်းနှင့် အင်းတော်ဘက်မှ တက်လာသော စစ်ကြောင်း နှစ်ခုပူးပေါင်းကာ KIA၊ PDF ပူးပေါင်းအဖွဲ့များမှ အင်းတော်မြို့နယ် ကမ်းနီရွာထိပ်တွင် ထပ်မံ ၍ကြားဖြတ် တိုက်ခိုက်ခဲ့သည်။

ကမ်းနီရွာထိပ်တိုက်ပွဲအတွင်း စစ်ကောင်စီဘက်မှ သေဆုံးထိခိုက်ဒဏ်ရာ ရရှိထားသည့် စစ်သားများကို မှန်လုံကားဖြင့် အင်းတော်မြို့ဘက်သို့ သယ်ဆောင်သွားကြောင်း မျက်မြင် ပြည်သူများ၏ ပြောကြားချက်အရသိရကြောင်း ထုတ်ပြန်ချက်တွင်ဖော်ပြထား သည် ။

အဆိုပါတိုက်ပွဲတွင် စစ်ကောင်စီတပ်မှ ထိခိုက်သေဆုံးမှုများပြားနိုင်ပြီး KIA၊ PDF ပူးပေါင်းအဖွဲ့ဘက်တွင် အထိအခိုက်မရှိ ဘေးကင်းစွာဆုတ် ခွာနိုင်ခဲ့ကြောင်း သိရသည်။

နှစ်ဘက် အပြန်အလှန်ပစ်ခတ်မှုဖြစ်ပွားပြီးနောက် အင်အား ၈၀ခန့်ပါ စစ်ကောင်စီ စစ်ကြောင်းသည် အင်အား ၆၀ခန့်သာကျန်ရှိကာ နားရခေါင်ရွာတွင် ရောက်ရှိနေပြီး အင်းတော်မြို့ပေါ်မှ အင်အား၃၀ ခန့်ကို ခေါ်ယူ၍ အင်အား ထပ်မံဖြည့်ထားကြောင်း သိရသည်။

ယမန်နေ့ နောက်ဆုံးရ သတင်းများအရ စစ်ကောင်စီတပ်များသည် အင်းတောမြို့နယ် ၊ နားရခေါင်ရွာ ၊ ပင်ဝယ်လမ်း နှင့် ကသာလမ်းကြောဘက် တွင် တပ်ဖြန့်ထားပြီး ညနေပိုင်းတွင် တောတွင်းသို့ လက်နက်ကြီးများဖြင့် ရမ်းသန်းပစ်ခတ် လျက်ရှိကြောင်း သိရသည်။ mizzima

မကွေးတိုင်း၊ ဆောမြို့နယ် လက်ပန်းရွာကို အကြမ်း ဖက် စစ်တပ်က မီးရှို့ဖျက်ဆီးနေပြီး ဆရာတော် ၁ ပါး အပါအဝင် ပြည်သူ ၅ ဦး ဖမ်းဆီးခံထားရကြောင်း ဒေသခံများထံမှ သိရသည်။

နိုဝင်ဘာလ ၁၅ ရက်နေ့ နံနက် ၁၁ နာရီခန့်မှ စတင်ကာ အကြမ်းဖက် စစ်တပ်က လက်ပန်းရွာကို ဝင်ရောက် စီးနင်း မီးရှို့နေခြင်းဖြစ်ပြီး ဆရာတော် ၁ ပါး အပါအဝင် ပြည်သူ ၅ ဦးကိုလည်း ဖမ်းဆီးထားကြောင်း သိရသည်။

“ဆောမြို့နယ် လက်ပန်းရွာကို စစ်ခွေးတွေ အကြောင်းမဲ့မီးစတင်ရှို့နေပါတယ်။ အခု နံနက် ၁၁ နာရီလောက်က ဖမ်းဆီးခံရတဲ့ သူတွေရှိပါတယ်။ ဘုန်းကြီး ၁ ပါးနဲ့ ပြည်သူ ၄ ဦး ပြန်လွှတ်ခြင်း မရှိသေးပါဘူး။ ခုထိဆက်ရှို့နေတုန်းပါ” ဟု ဒေသခံ ပြည်သူ တစ်ဦးကပြောဆိုသည်။

ထို့အတူ စစ်ကိုင်းမြို့နယ်၊ မင်းကွန်းတောင်ရိုးရှိ တရှောက်အိုက့်ဒိုင်ရွာကို အကြမ်းဖက် စစ်တပ်က မီးရှို့ဖျက်ဆီးနေပြီး ပြည်သူ ၁၀ ဦးကျော်ကို ဖမ်းဆီးထားကြောင်း သိရသည်။

နိုဝင်ဘာလ ၁၅ ရက်နေ့ နံနက်ပိုင်းတွင် အကြမ်းဖက် စစ်တပ်က မင်းကွန်းတောင်ရိုးရှိ တရှောက်အုန်းသဇင်ကျေးရွာ PDF စစ်ဆေးရေးဂိတ်ကို မီးရှို့ခဲ့ပြီးနောက် တရှောက်အိုက့်ဒိုင်ရွာကို ဝင်ရောက် စီးနင်း မီးရှို့နေခြင်း ဖြစ်​ပြီး ပြည်သူ ၁၀ ဦးကျော်လည်း ဖမ်းဆီးခံထားရကြောင်း သိရသည်။

” ကျောက်ထု အမြှောက်တပ်ကနေ လက်နက်ကြီးနဲ့ပစ်ကူထုနေပါတယ်ခင်ဗျာ မီးရှို့ပီးပြန်ထွက်ရင်တော့ PDF တွေနဲ့တိုက်ပွဲဖြစ်နိုင်တယ်။ အိုက့်ဒိုင်ရွာမှာ အိမ်ခြေ ၅၀၀ကျော် ရှိပါတယ်။ ဖမ်းဆီးခံရတဲ့ ပြည်သူတွေ လူဦးရေ ၁၀ကျော်ဖမ်းခံထားရပါတယ်” ဟု ဒေသခံ ပြည်သူတစ်ဦးကပြောဆိုသည်။

စစ်ကိုင်းတိုင်း၊ ၀က်လက်မြို့နယ်၊ ဧရာဝတီ မြစ်ဘေးရှိ ကျေးရွာများကို စစ်တပ်က မီးရှို့ဖျက်ဆီးနေကြောင်း ဒေသခံ ပြည်သူများထံမှ သိရသည်။

“ထန်းကြီးရွာ ကျောင်းဖြူရွာဘက်မှ မီးရှို့ဖျက်စီးထွက်လာသော ခွေး‌စစ်ကြောင်းနှင့် စစ်ကိုင်းတိုင်းမင်းကွန်းတိုက်နယ်မှ ဧရာ၀တီမြစ်ကြောင်းအတိုင်းမြောက်ဘက်သို့ထွက်လာသော ခွေးစစ်ကြောင်းများသည် မြစ်ကမ်းဘေးရှိ အုပ်ဖိုရွာမှစ မြစ်ဘေးရှိရွာများ အားလုံးကို မီးရှို့ဖျက်စီးနေ​ပါတယ်” ဟုဒေသခံ ပြည်သူ တစ်ဦးကပြောဆိုသည်။khit thit

စစ်ကိုင်းတိုင်း၊ ဟုမ္မလင်းမြို့နယ်မှာ တိုက်ပွဲအပြင်းအထန်ဖြစ်ပွားပြီးနောက် နတ်နန်းကျေးရွာမှာ နေထိုင်သူတွေကို နိုဝင်ဘာ ၁၄ ရက်ညနေပိုင်း နောက်ဆုံးထားပြီး ထွက်ခွာသွားကြဖို့  စစ်ကောင်စီတပ်နဲ့ ပူးပေါင်းအဖွဲ့က ပြောဆိုခဲ့တယ်လို့ ဒေသတွင်းတော်လှန်ရေးအဖွဲ့တွေက ပြောပါတယ်။

နတ်နန်းရွာမှာ အခြေချနေထိုင်တဲ့ ဈေးသည်တဦးက “နတ်နန်းမှာရှိတဲ့ ဈေးသည်ရော၊ ရွာ‌ခံရော သွားခိုင်းတာ ဘာပစ္စည်းမှ မယူခိုင်းဘူး။ ဆယ်ဇင်းတုန်းကလို ရွာမီးရှို့ပြီး ပစ္စည်းတွေ ခိုးချင်လို့လား မသိဘူး။ မသွားရင်လည်း သေမှာ ကြောက်ရ၊ သွားရင်လည်း တသက်လုံးကုန်းရုန်း ရှာထားသမျှကုန်မှာ” လို့ ပြောပါတယ်။

ဟုမ္မလင်းနဲ့ ဖောင်းပြင်မြို့ ကြားရှိ နတ်နန်းကျေးရွာဟာ ရွှေတူးဖော်ရေးလုပ်ငန်းတွေရှိပြီး ရွှေ့ပြောင်းအလုပ်သမားတွေနဲ့ ကုန်စုံဆိုင်၊ စား သောက်ဆိုင်၊ ရွှေဆိုင်တွေနဲ့ စည်ကားတဲ့ ရွာ တရွာဖြစ်တယ်လို့ သိရပါတယ်။

စစ်ကိုင်းတိုင်း အင်းတော်မြို့နယ်မှာ နိုဝင်ဘာ ၁၃ ရက်နဲ့ ၁၄ ရက်အတွင်း စစ်ကောင်စီတပ်ဖွဲ့နဲ့ KIA၊ KPDF ပူးပေါင်းအဖွဲ့တို့ကြား တိုက်ပွဲ နှစ်ကြိမ်ဖြစ်ပွားခဲ့တယ်လို့ KIA နဲ့ နီးစပ်တဲ့ သတင်းအရင်းမြစ်က  ပြောပါတယ်။

နိုဝင်ဘာ ၁၃ ရက်က နန်းမကြိုင်ကျေးရွာဘက်ကို  စစ်ကြောင်းထိုးလာတဲ့ စစ်ကောင်စီတပ်ကို   KIA၊ KPDF ပူးပေါင်းအဖွဲ့တွေက ‌ကြားဖြတ်တိုက်ခိုက်ခဲ့တာကြောင့် စစ်သား ၄ ယောက် သေဆုံးသွားတယ်လို့ ‌သိရပါတယ်။

KIA နဲ့ နီးစပ်တဲ့ သတင်းအရင်းမြစ်က  “အဲဒီနေ့က စစ်ကြောင်းထိုးလာတာကို KIA နဲ့ KPDF ပူးပေါင်းအဖွဲ့က ကြားဖြတ် တိုက်ခိုက်ခဲ့တာပါ။ စကစတပ်ဖွဲ့ဝင် ၃ ဦးက ပွဲချင်းပြီး သေတယ်။ ၁ ဦးက ဆေးရုံရောက်မှ သေတာ။ နောက်ပြီး ၆ ဦးက အပြင်းထန်ဒဏ်ရာရသွားတယ်လို့ သိရတယ်။ စကစတပ်က အင်းတော်ဘက်ကို အင်အားဖြန့်ကျက်လာတယ်လို့ ယူဆရတယ်။ ဒရုန်းနဲ့ ထောက်လှမ်းတာလည်း ရှိတယ်” လို့ ပြောပါတယ်။

ဒါ့အပြင် နိုဝင်ဘာ ၁၄ ရက် ညနေ ၃ နာရီက ကသာမြို့ဘက်ကနေ ဆင်းလာတဲ့ စစ်ကောင်စီတပ်နဲ့ အင်းတော်မြို့ဘက်ကနေ တက်လာတဲ့ စစ်ကောင်စီတပ်ဖွဲ့ပူးပေါင်းစစ်ကြောင်းကို ကမ်းနီကျေးရွာ ထိပ်မှာ KIA နဲ့ PDF က ကြားဖြတ်တိုက်ခိုက်ခဲ့တယ်လို့ သိရပါတယ်။

အဲဒီတိုက်ပွဲမှာ စစ်ကောင်စီတပ်ဖွဲ့မှ ထိခိုက်သေဆုံးမှုအခြေနေ‌အသေးစိတ်ကို မသိရသေးပေမယ့် မျက်မြင်တွေရဲ့ ‌ပြောကြားချက်အရ သေဆုံးသူနဲ့ ဒဏ်ရာရတဲ့ စစ်ကောင်စီတပ်ဖွဲ့ဝင်တွေကို မှန်လုံကားနဲ့ အင်းတော်မြို့ထဲကို သယ်သွားတယ်လို့ သိရပါတယ်။

တိုက်ပွဲဖြစ်ပွားပြီးနောက် လျော့နည်းသွားတဲ့ စစ်ကောင်စီတပ်ဖွဲ့ဝင်တွေရဲ့ နေရာကို အင်းတော်မြို့ပေါ်က စစ်ကူအင်အား ၃၀ ခန့်ခေါ်ယူကာ ဖြည့် တင်းထားတယ်လို့ သိရပြီး လက်ရှိမှာတော့ စစ်ကောင်စီတပ်ဖွဲ့ဟာ အင်းတော်၊ နားရခေါင်၊ ပင်ဝလမ်းနဲ့ ကသာလမ်းကြော ဘက်တွေမှာ တပ်အင်အား ဖြန့်ကျက်ချထားတယ်လို့ သိရပါတယ်။ DVB

မန္တလေးတိုင်း၊ မတ္တရာမြို့နယ် မြွေတလိုင်းကျေးရွာမှ ခြေလျင်စစ်ကြောင်းဖြင့် ထွက်လာသည့် စစ်ကောင်စီတပ်ဖွဲ့ဝင်တွေကို မိုင်းဆွဲတိုက်ခိုက်ခဲ့သည့်အတွက် စစ်ကောင်စီတပ်ဖွဲ့ဝင် ကိုးဦးသေဆုံးပြီး တစ်ဦး အပြင်းအထန်ဒဏ်ရာရရှိသွားကြောင်း ဒေသကာကွယ်ရေးအဖွဲ့တစ်ခုဖြစ်သည့် တောကြီးမြွေပွေးအဖွဲ့ တာဝန်ရှိသူတစ်ဦးက ပြောသည်။

“ စစ်ကောင်စီက အင်အား ၂၅ ယောက်လောက်နဲ့ ကျတော်တို့ မိုင်းကွင်း အနောက်ကနေ ပတ်ပြီး လိုက်တာ၊ မိုင်းကွင်းက တစ်ကွင်းပဲ သူတို့ကသိတာ ပထမ တစ်ပွိုင့်ပဲ သူတို့သိတာ၊ ဒုတိယ တစ်ပွိုင့် ရောက်တဲ့အချိန် ဆွဲချလိုက်တာ အယောက် အစိတ် မှာ ၁၀ ယောက် လောက်ထိ တာ ကိုး ယောက်သေတယ်” ဟု တောကြီးမြွေပွေးအဖွဲ့က ပြောသည်။

မြွေတလိုင်းကျေးရွာမှာ တပ်စွဲထားသည့် စစ်ကောကင်စီတပ်ဖွဲ့ဝင်များ သည့် တောကြီးမြွေပွေးအဖွဲ့ တည်ရှိသည့် နေရာကို ဝင်ရောက်ရှာဖွေချိန် ကာကွယ်ရေး ရဲဘော်များက ထွက်ပြေးသည့် လမ်းကြောင်းကို ခြေလျင် စစ်ကြောင်းဖြင့် လိုက်လံ ရှာဖွေစဉ် မိုင်းဆွဲတိုက်ခိုက်ခံရခြင်းဖြစ်ကြောင်းသိရသည်။

မိုင်းဆွဲခံလိုက်ရသည့် စစ်ကောင်စီ ခြေလျင်စစ်ကြောင်းမှ သေဆုံးစစ်သားများနှင့် ကျန်ရှိသည့် စစ်သားများကို မြွေတလိုင်းကျေးရွာတွင် အ ထိုင်ချတပ်စွဲထားသည့် စစ်ကောင်စီကားများနှင့် လာရောက်ခေါ် ဆောင်သွားပြီးနောက် မတ္တရာမြို့သို့ ထွက်ခွာသွားကြောင်း သိရသည်။

၎င်းနောက် မတ္တရာမြို့ အတွင်းက စစ်ကောင်စီတပ်များသည် အင်အား ၁၀၀ နီးပါး ကား ကိုးစီးဖြင့် မတ္တရာမြို့ပေါ် ထွက်လာကာ မြွေတလိုင်း ကျေးရွာ နှင့် အနီးတစ်ဝိုက် ရွာတွေမှာ အထိုင်ချပြီး လိုက်လံရှာဖွေမှုများ ပြု လုပ်နေကြောင်း တောကြီးမြွေပွေးအဖွဲ့က ဆိုသည်။

ယခုတိုက်ခိုက်မှုသည် စစ်ကိုင်းတိုင်းအတွင်း စစ်ကောင်စီက အင်အားအများအပြားသုံးကာ စစ်ကြောင်းထိုးနေသည့်အတွက် မန္တလေးတိုင်းဘက် တွင် မစ်ရှင် ဖော်ဆောင်ခဲ့ခြင်းဖြစ်ကြောင်း တောကြီးမြွေပွေးအဖွဲ့က ဆို သည်။

မတ္တရာမြို့နယ် မြွေတလိုင်းကျေးရွာတွင် တပ်စွဲထားသည့် စစ်ကောင်စီတပ်များသည် ဧရာဝတီမြစ်တစ်ဖက်ကမ်း စစ်ကိုင်းတိုင်း ဝက်လက် မြို့နယ် ဘက်ကို ၁၂၀ မမ လက်နက်ကြီးများ၊ ရှော့တိုက်ဒုန်းများဖြင့် မကြာခဏ ပစ်ခတ်လေ့ရှိကြောင်းသိရသည်။ mizzima