အမှတ် (၄) လမ်းမကြီးပေါ်ရှိ စစ်ဆေးရေးဂိတ်အား မြို့ပြပြောက်ကျားများပူးပေါင်းတိုက်ခိုက်

ရန်ကုန်တိုင်း၊ မှော်ဘီမြို့နယ်၊ သဲဖြူကျေးရွာအနီး အမှတ် (၄) လမ်းမကြီးပေါ်တွင်ရှိသည့် စစ်ဆေးရေးဂိတ်အား ယနေ့ နိုဝင်ဘာလ ၂၃ ရက် နံနက် ၈ နာရီ ၂၅ မိနစ်က မြို့ပြပြောက်ကျားများပူးပေါင်းတိုက်ခိုက်ခဲ့ကြောင်း သိရသည်။

အဆိုပါနေရာသည် စစ်ကောင်စီတပ်နှင့် လက်အောက်ခံရဲများ၊ ယာဉ်ထိန်းရဲများ ပူးပေါင်းစစ်ဆေးသည့်နေရာဖြစ်သဖြင့် အဝေးထိန်းမိုင်း နှစ်လုံးဖြင့် အနီးကပ် ဖောက်ခွဲတိုက်ခိုက်ခဲ့သဖြင့် ထိခိုက်မှုများရှိကြောင်း ဆိုသည်။

“ရခ(ရဲတပ်သား) အိမ်စီးကား တစ်စီးထိခိုက်ပျက်စီး၊ ဆိုင်ကယ်များထိခိုက်ပျက်စီးခဲ့ပြီး စခ(စကစတပ်သား)/ရခ/ဘဲဥ(ယာဥ်ထိန်းရဲ) အ နည်းဆုံး ရှစ်ကောင်ခန့်ထိခိုက်နိုင်ပြီး လေးကောင်ခန့် ဒဏ်ရာပြင်းထန် သေဆုံးနိုင်ပါတယ်။” ဟု YGN Urban Guerrilla Army အဖွဲ့မှ တာဝန်ရှိသူက မဇ္ဈိမ ကိုပြောသည်။

စစ်ဆင်ရေးကို မြောက်ပိုင်းခရိုင်ပြည်သူ့ကာကွယ်ရေးတပ်ဖွဲ့နှင့် Yangon Urban Guerrilla Army(YUGA MO-7 Eagles) တို့က ပူးပေါင်းဆောင်ရွက်ခဲ့ခြင်းဖြစ်ပြီး ရဲဘော်များအားလုံးဘေးကင်းကြောင်း သိရသည်။ မစ်ရှင်ဆောင်ရွက်မှုအပြီး နောက်ဆက်တွဲအနေဖြင့် အခင်းဖြစ်ရာနေရာကို ခေတ္တလမ်းပိတ်ထားပြီး ဒဏ်ရာရ စစ်ကောင်စီတပ်သားများနှင့် ရဲတပ်သားများကို လူနာတင်ယာဉ်ဖြင့် တင်ခေါ်သွားကြောင်း သိရသည်။

ယနေ့ တိုက်ခိုက်မှု၌ စစ်ကောင်စီဘက်မှ အနည်းဆုံး သုံးဦးမှ လေးဦးအထိ သေဆုံးနိုင်ချေရှိကြောင်း တိုက်ခိုက်မှုပြုလုပ်ရာတွင်ပါဝင်သည့် Yangon Urban Guerrilla Army အဖွဲ့က ပြောသည်။ mizzima

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s