SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

ကချင်ပြည်နယ် ကျောက်စိမ်းမြို့တော် ဖားကန့်မှ  ကာမိုင်းမြို့ဘက်သို့ စစ်ကြောင်း ထိုးလာသည့် စစ်ကောင်စီတပ်က လမ်းတစ်လျှောက်ရွာများမှ ဒေသခံ အများအပြားကို ဖမ်းဆီးကာ လူသားတံတိုင်းအဖြစ်အသုံးပြုနေကြောင်း ဒေသခံအချို့က ပြောသည်။

နိုဝင်ဘာ ၃၀ တွင် ဖားကန့်ဘက်မှ ထွက်လာသည့်  စစ်ကြောင်းတစ်ခုသည် ဖားကန့်-ကာမိုင်းလမ်းတွင်  တံတားညီနောင်၊ ခွမ်စိုင်၊ ပျားအုံ စသည့် ကျေးရွာများမှာ ဒေသခံ ၃၀ ကျော်ကို ဖမ်းဆီးသွားကြောင်း PDF အဖွဲ့နှင့် နီးစပ်သူ ဖားကန့် ဒေသခံ အမျိုးသားတစ်ဦးက ပြောသည်။

အဆိုပါ စစ်ကြောင်းမှာ ဖားကန့်မြို့အရှေ့ဘက် မိုင် ၂၀ ကျော်ခန့်အကွာတွင်ရှိသည့် နန့်ယားရွာသို့ ဒီဇင်ဘာ ၁ ညဦးပိုင်းတွင် ရောက်ရှိခဲ့ပြီး ဓားစာခံအားလုံးကို ထိုရွာအနီး စစ်စခန်းအတွင်း ထိန်းသိမ်း ထားသည်ဟု ဆိုသည်။

စစ်ရေးတင်းမာနေသည့် ဖားကန့်-ကာမိုင်း လမ်းပိုင်းတွင် စစ်ကောင်စီတပ် မကြာခဏ ကြားဖြတ်တိုက်ခိုက်ခံရလေ့ရှိ ပြီး ယခုကဲ့သို့ လူအင် အားအများအပြားကို ဖမ်းဆီးသွားခြင်းသည် ပေါ်တာ ခေါ် ပစ္စည်းသယ်ပိုးသူ အဖြစ် ခိုင်းစေ အသုံးပြုရန်သာမက တိုက်ခိုက်မှုမှ အကာအကွယ် ရစေရန် ဓားစာခံအဖြစ် အသုံးပြုခြင်းလည်းဖြစ်သည်ဟု အထက်ပါအမျိုးသားက ယူဆသည်။

“သူတို့က(စစ်ကောင်စီတပ်)လူသားတံတိုင်းအနေနဲ့လုပ်တာလေ၊ သူတို့စစ်ကြောင်း မခံရအောင်ပေါ့နော်၊ ဒီဘက် (KIA) ကနေ ဝင်တိုက်တာတွေ မခံရအောင် လူသားတံတိုင်းအနေနဲ့ သူတို့သုံးတာ” ဟု ၎င်းက ဆိုသည်။

ယမန်နေ့ညက နန့်ယားရွာရောက်လာသည့် စစ်တပ်က နန့်ယားရွာတွင်လည်း တစ်အိမ်တက်ဆင်း လိုက်လံ ဖမ်းဆီးရာ ဒေသခံ ၁၆ ဦး အဖမ်းခံရသည်ဟု ရွာခံတစ်ဦးက ပြောသည်။

“ဖားကန့်က ဆင်းလာတဲ့ လှုပ်ရှားတပ်ပေါ့၊ အထိုင်တပ်မဟုတ်ဘူး၊ မနေ့ညက ၈ နာရီလောက်မှာ ရပ်ကွက်(၃)မှာ သွားပြီးတော့ အိမ်တွေကို လိုက် လံ မွှေနှောက်ရှာပြီးတော့မှ ရှိတဲ့ ယောကျ်ားတွေကို ဖမ်းသွားတာ၊ တချို့က လမ်းပေါ်မှာ တွေ့တာတွေကို ဖမ်းခေါ်လာတာလည်းပါတယ်” ဟု အထက်ပါ ရွာခံ အမျိုးသားက ပြောသည်။

၁၆ ဦးထဲမှ အသက်ကြီးသည့် ဒေသခံ ၃ ဦးကို ပြန်လွှတ်ပေးပြီး  ကျန် ၁၃ ဦးကို ဖမ်းခေါ်ပြီး ကာမိုင်းမြို့သို့ စစ်ကြောင်းဆက်ထိုးသွားသည်ဟု သိရသည်။

ဖမ်းဆီးထားသည့် ဒေသခံများထဲမှ ကားသမားအချို့ကို ယမန်နေ့နံနက်က ပြန်လွှတ်လိုက်သည်ဟု သိရသော်လည်း ပြန်လွတ်လာသူ အရေအ တွက်၊ အမည်၊ အသက်အရွယ်တို့ကို  မသိရပေ။

ယခုနှစ် ဖေဖော်ဝါရီလဆန်းက ဖားကန့်-ကာမိုင်းလမ်းပေါ်ရှိ နန့်ယားရွာအနီး ကပ်မှော်ရွာတွင် စစ်ကြောင်းထိုးနေသည့် စစ်ကောင်စီတပ်ကို KIA တပ်မဟာ(၉) လက်အောက်ခံ တပ်ရင်းအချို့နှင့် KPDF များ ပူးပေါင်းတိုက်ခိုက်မှုကြောင့် စစ်ကောင်စီတပ်မှ တပ်ရင်းမှူးအပါအဝင် အ များအပြား သေဆုံးခဲ့သည်။

တိုက်ပွဲသတင်းများကို စစ်ကောင်စီက အမှောင်ချထားတတ်သည်။

ရွေးကောက်ခံ အစိုးရကိုဖြုတ်ချပြီး စစ်တပ်ကအာဏာသိမ်းပြီးနောက် တိုက်ပွဲပြင်းထန်လာသည့် တိုင်းရင်းသား ဒေသများတွင် ကချင်ပြည် နယ်လည်း ပါဝင်ခဲ့သည်။

ကျောက်စိမ်းတွင်းမှ အကျိုးအမြတ်မှာ စစ်တပ်အတွက်သာမက  KIA အဖွဲ့အတွက်လည်း အရေးပါနေသည်။

နှစ်ဦးနှစ်ဘက်အကျိုးစီးပွား ရှိနေသည့် ဖားကန့်တွင် ပြုလုပ်သော KIA ၏ အောက်တိုဘာလ အခမ်းအနားတစ်ခုကို  စစ်တပ်က ဗုံးကြဲတိုက်ခိုက်ထားသည်။ myanmar now

မန္တလေးတိုင်း၊ မြင်းခြံမြို့နယ်၊ ထိန်ပန်းကျေးရွာတွင် တပ်စွဲထားသော စစ်သား ၂၅ ဦးကို PDF တပ်ပေါင်းစုများက ဒရုန်းဖြင့် ဗုံးသီးချခြင်း အ ပြင် ဝင်ရောက် ပစ်ခတ် တိုက်ခိုက်ခဲ့ကြောင်း MDY-PDF တပ်ဖွဲ့ထံမှ သိရသည်။

နိုဝင်ဘာ ၂၈ ရက်‌နေ့ ညနေ ၄ နာရီဝန်းကျင်ခန့်တွင် စစ်သားများ တပ်စွဲထားသော ထိန်ပန်းကျေးရွာကို PDF တပ်ပေါင်းစုများက ဒရုန်းဖြင့် ဗုံးသီးချခြင်း အပါအဝင် ဝင်ရောက် ပစ်ခတ် တိုက်ခိုက်ခဲ့ပြီး ၁ နာရီကျော်ကြာ ထိတွေ့ တိုက်ပွဲဖြစ်ပွားပြီးခဲ့ကာ စစ်တပ်ဘက်မှ စစ်ကူများ ထပ်မံ လာရောက်ခဲ့သောကြောင့် စခန်းသိမ်းရန် မိနစ်ပိုင်းအလိုတွင် ပြန်လည်ဆုတ်ခွာခဲ့ရကြောင်းသိရသည်။

တိုက်ပွဲအတွင်း အကြမ်းဖက် စစ်တပ်ဘက်မှ ဗိုလ် ၂ ဦးအပါအဝင် ၇ ဦးခန့်သေဆုံးခဲ့ကြောင်း၊ စစ်ကူလာသည့် အကြမ်းဖက် စစ်တပ် စစ် ကြောင်းကိုလည်း ထပ်မံ မိုင်းဆွဲတိုက်ခိုက်ခဲ့သေညကြောင့် စစ်ကောင်စီ တပ်သား ၃ ဦးခန့် သေဆုံးသွားကြောင်း သိရှိရသည်။

အဆိုပါ တိုက်ခိုက်မှုကို People’s Defense Force Mandalay (MDY-PDF) နှင့် မဟာမိတ်တပ်ဖွဲ့များဖြစ်သော 27 Revolution Forces ၊ Natogyi People Defence Force၊ နဂါးနီ ပြောက်ကျားတပ်ဖွဲ့-မြင်းခြံ၊ ရွှေခြံသားပြောက်ကျားတပ်ဖွဲ့ မြင်းခြံ၊ ဗိုလ်စားပြောက်ကျားတပ်ဖွဲ့တို့ ပူးပေါင်း တိုက်ခိုက်ခဲ့ခြင်းဖြစ်ကြောင်း MDY-PDF က ထုတ်ပြန်ထားသည်။ khit thit

မန္တလေးတိုင်း၊ မတ္တရာမြို့နယ်၊ မြောင်းဦးရွာနဲ့ ကျပ်ပြင်ရွာကြား ငုတ်ပြွန်အနီးမှာ နိုဝင်ဘာ ၃၀ ရက် မနက် ၇ နာရီလောက်က  စစ်ကောင်စီစစ်ကြောင်းရဲ့ ထောက်ပို့ ထော်လာဂျီ  တစီးကို ဒေသခံ တော်လှန်ရေးတပ်ဖွဲ့က ဖမ်းဆီးလိုက်ပါတယ်။

စစ်ကောင်စီစစ်ကြောင်း ထောက်ပို့ ထော်လာဂျီကို ရွာသားတဦးက မောင်းနှင်လာတာဖြစ်ပြီး နတ်ဆိုး မြေအောက်တော်လှန်ရေးအဖွဲ့က ကြားဖြတ်ဖမ်းဆီးခဲ့တာမှာ ထော်လာဂျီပေါ်ကနေ ကျည်ဆန်တွေ၊ စစ်ကောင်စီတပ်သားတွေရဲ့ မှတ်ပုံတင်၊ နိုင်ငံကူးလက်မှတ်နဲ့ ပြည်သူတွေထံက ယူဆောင်လာတဲ့ပစ္စည်းတို့ကို သိမ်းဆည်းရမိခဲ့တယ်လို့ နတ်ဆိုး မြေအောက်တော်လှန်ရေးအဖွဲ့က ထုတ်ပြန်ထားပါတယ်။

မတ္တရာမြို့နယ်အတွင်းမှာ စစ်ကောင်စီတပ်ဟာ ရွာတွေမှာ တပ်စွဲပြီး ပြည်သူတွေရဲ့ နေအိမ်အတွင်းက ပစ္စည်းတွေကို ယူဆောင်တာနဲ့ နေအိမ်တချို့ကို မီးရှို့တာတွေ လုပ်နေကြတယ်လို့ သိရပါတယ်။

ဒါ့အပြင် နိုဝင်ဘာ ၃၀ ရက် မွန်းလွဲ ၁၂ နာရီကျော်ကလည်း မြောင်းသစ် တံတားနက်ပေါ်သို့ တက်လာတဲ့ စစ်ကောင်စီယာဉ်တန်း ၅ စီးကို နတ် ဆိုး မြေအောက်တော်လှန်ရေးအဖွဲ့က ပဒေသာမိုင်း ၂ လုံးနဲ့ မိုင်းဆွဲတိုက်ခိုက်ခဲ့ရာ စစ်ကောင်စီတပ်သား ၂ ဦး သေဆုံးခဲ့တယ်လို့ ထုတ်ပြန်ထားပါတယ်။ DVB

နေပြည်တော်တွင် အာဏာသိမ်းစစ်ခေါင်းဆောင် မင်းအောင်လှိုင်၏ ယာဉ်တန်းကို ရထားတစ်စီးက ဝင်တိုက်လုနီးပါးဖြစ်ခဲ့ကြောင်း Facebook တွင် မျှဝေမှုဖြင့် ဖမ်းဆီးခံထားရသည့် မီးရထားဝန်ထမ်းကို အစိုးရလျှို့ဝှက်ချက်ပေါက်ကြားမှုဖြင့် ထပ်တိုးအမှုဖွင့်လိုက်သည်။

နေပြည်တော်ဘူတာကြီးမှ အငယ်တန်းစာရေး အသက် ၃၅ နှစ်အရွယ် ဦးရဲကိုကိုသည် တရားရုံးက ထောင် ၁၄ နှစ်အထိ ချနိုင်သည့် အချက်အလက်ပေါက်ကြားမှုဆိုင်ရာ အစိုးရလျှို့ဝှက်ချက်များ အက်ဥပဒေ ပုဒ်မ ၅(၁) ဖြင့် အမှုဖွင့်ခံထားရသည်။ 

၎င်းကို ချုပ်နှောင်ထားသည့် ပုဗ္ဗသီရိမြို့နယ် ထုံးဖိုရဲစခန်းက နိုဝင်ဘာ ၃၀ ရက်တွင် ပထမအမှုကို ထောင် ၃ နှစ်ချနိုင်သော ဆူပူစေရန် လှုံ့ဆော်မှုဆိုင်ရာပုဒ်မ ၅၀၅-က နှင့် မြို့နယ်တရားရုံးသို့ တရားစွဲတင်လိုက်ပြီဖြစ်ကြောင်း တရားရုံးနှင့် နီးစပ်သူများထံမှ စုံစမ်းသိရှိရသည်။

“တရားရုံးစွဲတင်တဲ့နေ့ကတော့ မိသားစုနဲ့တော့ တွေ့ခွင့်ရတယ်။ သူပုံမှန်သောက်နေရတဲ့ တီဘီဆေးလည်း သောက်ခွင့်ရတယ်။ ကျန်းမာရေးလည်း ကောင်းပါတယ်” ဟု တရားရုံးသတင်းရင်းမြစ်တစ်ဦးက ပြောသည်။

အောက်တိုဘာ ၁၉ ညနေ ၆ နာရီခန့်က ကားလမ်းနှင့် မီးရထားလမ်းဆုံရာ နေပြည်တော် ပျဉ်းမနားဘူတာအနီး မိုင်တိုင် ၂၂၆/၁၆-၁၇ တွင် မင်းအောင်လှိုင်၏ ယာဉ်တန်းဖြတ်သန်းစဉ် ရထားတစ်စင်း ဝင်တိုက်လုနီးပါး ဖြစ်ခဲ့ရာ ရထားမောင်းသူ  ဖမ်းဆီးခံရသည်ဆိုသော သတင်းကို ဦးရဲကိုကိုက သူ၏ Facebook တွင် မျှဝေမိခဲ့ခြင်းဖြစ်သည်။ ထိုဖြစ်စဉ်ကို သီးခြား အတည်မပြုနိုင်သေးပေ။

ဦးရဲကိုကို နေထိုင်သည့် ပုဗ္ဗသီရိမြို့နယ်ရှိ ဝန်ထမ်းလိုင်းခန်းသို့ နိုဝင်ဘာ ၁၆ ရက် မွန်းလွဲပိုင်းတွင် အရပ်ဝတ် စစ်ကောင်စီတပ်ဖွဲ့ဝင်အချို့ ရောက်လာခေါ်ဆောင်သွားခြင်းဖြစ်သည်။

“လူမှုကွန်ရက်မှာ သတင်းရှဲ(တင်)ရုံနဲ့ ပုဒ်မတွေအများကြီးနဲ့ အရေးယူတာကတော့ ခုလုပ်နေတဲ့ ဝန်ထမ်းတွေ ကြောက်အောင်လို့ပေါ့ဗျ။ တော်လှန်ရေးထဲမှာ မပါဖို့၊ ဌာနရဲ့ အတွင်းသတင်းတွေ အပြင်မထွက်ဖို့ အကြောက်တရားရှိအောင် လုပ်လိုက်တဲ့သဘောလို့ပဲ ယူဆတယ်” ဟု နေပြည်တော်မှ ဝန်ထမ်းတစ်ဦးက ပြောသည်။

နေပြည်တော်ရှိ ဝန်ကြီးဌာနရုံးများတွင်လည်း စစ်ကောင်စီက မိုင်းရှာစက်များဖြင့် ရှာဖွေသလို ဝန်ထမ်းတို့၏လက်ကိုင်ဖုန်းနှင့် လက်ဆွဲအိတ်များကိုလည်း တင်းကျပ်စွာ စစ်ဆေးနေကြောင်း စုံစမ်းသိရှိရသည်။

၂၀၂၁ ဖေဖော်ဝါရီတွင် စစ်တပ်က အာဏာသိမ်းပြီးနောက်တွင် အစိုးရဝန်ထမ်းအများအပြား အာဏာဖီဆန်ရေးလှုပ်ရှားမှု (CDM) တွင် ပါဝင်နေကြရာ မီးရထားဌာနသည်လည်း ထိပ်ဆုံးမှ ပါဝင်သည်။

စစ်ကောင်စီသက်တမ်း နှစ်နှစ်ပြည့်ခါနီးအထိ တစ်နိုင်ငံလုံးတွင် မီးရထားခရီးစဉ်များစွာ ရပ်ဆိုင်း၊ ရွှေ့ဆိုင်းထားဆဲဖြစ်ရာ မီးရထားဝန်ထမ်းတို့၏ အာဏာဖီဆန်မှု သက်ရောက်မှု မည်မျှကြီးသည်ကို တွေ့မြင်နိုင်သည်။

စစ်ကောင်စီကလည်း CDM  မီးရထာဝန်ထမ်းများကို ပစ်မှတ်ထား နှိပ်ကွပ်နေပြီး နေအိမ်လိုင်းခန်းများမှ အတင်းအကျပ် ဖယ်ရှားခြင်း၊ ဖမ်း ဆီးအမှုဖွင့်ခြင်းတို့ကို ဆက်တိုက်ပြုလုပ်နေသည်။myanmar now

မန္တလေးတိုင်း၊ ညောင်းဦးမြို့နယ်၊ တက်မမှော်တွင် မတရားအခွန်ကောက်နေ သည့် စဉ့်ကူနယ်မြေရဲစခန်းမှူးနှင့် ရဲတပ်သား ၄ ဦးကို PDF ကွန် မန်ဒို ၄ ဦးက ဝင် ရောက် ပစ်ခတ်ရာ ရဲ ၅ ဦးသေဆုံးပြီး သေနတ် ၃ လက်ရရှိကြောင်း ပခုက္ကူ မြို့ပြ ပြောက်ကျားတပ်ဖွဲ့(တပ်ဖွဲ့-၂)မှ ဗိုလ်ရန်နောင်က သတင်းထုတ်ပြန်သည်။

ဒီဇင်ဘာလ ၁ ရက်နေ့ မွန်းလွဲ ၁ နာရီအချိန် ညောင်ဦးမြို့နယ်၊တက်မရွာ ရေနံ မှော် နှင့် အလယ်မှော်တွင် မတရားအခွန် ကောက်ခံပြီး ဘီယာဆိုင်တွင် သောက် စား နေကြစဉ် ပခုက္ကူမြို့ပြပြောက်ကျားတပ်ဖွဲ့(တပ်ဖွဲ့-၂)မှ ကွန်မန်ဒို ရဲဘော်လေးယောက်ဖြစ်သော ရဲဘော်ဒီး၊ရဲဘော်ပုဂံကြီး၊ရဲဘော် ပုဂံလေး နှင့် ရဲဘော် King တို့က ဝင်ရောက် ပစ်ခတ်ကြောင်း၊ ညောင်ဦး မြို့နယ် စဉ့်ကူ ရဲစခန်း မှူး အပါအဝင် ရဲ ၅ ဦးသေဆုံးကြောင်း ၊ G 3 ၂ လက်နှင့် အူဇီ ၁ လက် သိမ်း ဆည်းရမိကြောင်း သိရှိရသည်။

“ပြည်သူကို မတရားအခွန်ကောက်ခြင်း၊ လက်နက်အားကိုးဖြင့် အနိုင်ကျင့်ခြင်း မတရားဥပဒေများဖြင့် ပြည်သူကို ဖိနှိပ် နှိပ်စက်နေသော ညောင်ဦး​မြို့နယ် စဥ့်ကူ ရဲစခန်းမှ စခန်းမှူးအပါအဝင် ရခ ငါးကောင်တို့အား တက်မမှော်အတွင်း ရှိ ဘီယာ ဆိုင်တစ်ခုတွင် ပခုက္ကူမြို့ပြပြောက်ကျားတပ်ဖွဲ့(တပ်ဖွဲ့-၂)မှ ကွန်မန်ဒို ရဲဘော်ဒီး၊ ရဲဘော်ပုဂံကြီး၊ရဲဘော်ပုဂံလေး နှင့် ရဲဘော်King တို့က ဝင်ရောက် ရှင်းလင်းခဲ့ပါသည်။ ထိုတိုက်ပွဲမှ G3 နှစ်လက်နှင့်အူဇီတစ်လက် သိမ်း ဆည်းရရှိခဲ့ပါသည်” ဟု ပခုက္ကူမြို့ပြပြောက်ကျားတပ်ဖွဲ့(တပ်ဖွဲ့-၂)မှ ဗိုလ်ရန်နောင်က သတင်းထုတ်ပြန်သည်။

အဆိုပါ တိုက်ခိုက်မှုကို ပခုက္ကူမြို့ပြပြောက်ကျားတပ်ဖွဲ့ တပ်ခွဲ-၁ မှ သတင်း အချက်အလက် ထောက်လှမ်းပေးမှုနှင့်အတူ အချိန်တစ်လ​ကျော်ကြာပြင် ဆင်ခဲ့ရကြောင်း၊ ပစ်ခတ်မှုတွင် ရဲဘော်တစ်ဦးပေါင်ကိုကျည်ထိမှန်ခဲ့ကြောင်း၊ စစ်ဆင်ရေးများအတွက် အကြွေးသိန်း ၂၀၀ နီးပါးရှိနေ သည့်အတွက် ပြည်သူ များ အနေဖြင့် ကူညီလှူဒါန်းကြရန်လည်း ပခုက္ကူမြို့ပြ ပြောက်ကျား တပ်ဖွဲ့(တပ်ဖွဲ့-၂)မှ ဗိုလ်ရန်နောင်က ပြောဆိုထား သည်။

“ပုဂံညောင်ဦးမြို့နယ်၊ တက်မရွာရေနံမှော် အလယ်မှော် ဆိုင်မှာ စဥ့်ကူရဲစခန်း မှူး အပါဝင် ရဲ ၅ ဦး ပစ်ခတ်မှုဖြစ်ပြီး သေါပတယ်။ စစ်ကားတွေ ၃ စီး အင် အားအပြည့် ရောက်လာပြီး သောင်းကျန်းနေတယ်” ဟု ဒေသခံတစ်ဦးက ဆိုသည်။ khit thit

မြန်မာနိုင်ငံရှိ အကျဉ်းထောင်ထဲမှာ ၂ နှစ်နီးပါးကြာအောင် အကျဉ်းချခံခဲ့ရတဲ့ ဩစတြေးလျ စီးပွားရေးပညာရှင် ပါမောက္ခရှောင်တာနယ်ကို  ဒီဇင်ဘာလ ၁ ရက်က ဩစတြေးလျ လွှတ်တော်ထဲမှာ သူရဲကောင်းတယောက်လို ချီးကျူးဂုဏ်ပြုခဲ့ကြတယ်လို့ AP သတင်းမှာ ဖော်ပြပါတယ်။

မစ္စတာရှောင်တာနယ်ကို ဩစတြေးလျလွှတ်တော်အမတ်တွေက မတ်တတ်ရပ် ကြိုဆိုခဲ့ကြသလို ဝန်ကြီးချုပ်ကလည်း သူ့ရဲ့ သတ္တိ၊ အ ကောင်း မြင်စိတ်နဲ့ ခံနိုင်ရည်ရှိမှုတွေကို ချီးကျူးပြောဆိုခဲ့တယ်လို့ ဆိုပါတယ်။

မြန်မာနိုင်ငံက ရွေးကောက်ခံလူထုခေါင်းဆောင် ဒေါ်အောင်ဆန်းစုကြည်ရဲ့ စီးပွားရေးအကြံပေး မစ္စတာရှောင်တာနယ်ဟာ ပြီးခဲ့တဲ့ နိုဝင်ဘာလ ၁၇ ရက်နေ့ကမှ လွတ်ငြိမ်းချမ်းသာခွင့်နဲ့ အင်းစိန်ထောက်ကနေ ပြန်လည်လွတ်မြောက်လာခဲ့ပြီး ပြည်နှင်ဒဏ်ပေးခံခဲ့ရတာပါ။

၂၀၂၁ ခုနှစ် ဖေဖော်ဝါရီလမှာ စစ်တပ်က အာဏာသိမ်းအပြီး ရက်ပိုင်းအတွင်းမှာပဲ ဩစတြေးလျကို ပြန်ဖို့စီစဉ်နေတဲ့ မစ္စတာရှောင်တာနယ်တယောက် ဖမ်းဆီးထိန်းသိမ်းခံခဲ့ရတာ ဖြစ်ပြီး အဲဒီနောက် ၂၀၂၂ ခုနှစ် စက်တင်ဘာလမှာ သူ့ကို စစ်ကောင်စီက နိုင်ငံတော်လျှို့ဝှက်ချက်ဥပဒေ၊ လူဝင်မှုကြီးကြပ်ရေးဥပဒေတို့နဲ့ ထောင်ဒဏ် ၃ နှစ် ချမှတ်ခံခဲ့ရပါတယ်။ 

၂၀၂၂ ခုနှစ်အတွက် ဩစတြေးလျလွှတ်တော် ကျင်းပတဲ့ နောက်ဆုံးရက် ဖြစ်တဲ့ ဒီဇင်ဘာ ၁ ရက်မှာ ဆစ်ဒနီမြို့က အသက် ၅၈ နှစ်အရွယ် မစ္စ တာရှောင်တာနယ်နဲ့ သူ့ရဲ့ဇနီးသည်တို့ဟာ ဩစတြေးလျလွှတ်တော်အတွင်း အမတ်တွေက မတ်တတ်ရပ် ကြိုဆိုဂုဏ်ပြုကြတာကို ခံယူခဲ့ကြရပါတယ်။

ဩစတြေးလျဝန်ကြီးချုပ် အန်သိုနီအယ်လ်ဘန်နီးစ်က “ဆရာ ဒီကိုပြန်ရောက်လာတဲ့အတွက် ကျနော်တို့ ဘယ်လောက်ဂုဏ်ယူဝမ်းမြောက်နေသလဲဆိုတာ ဒီကလူတွေရဲ့ တုံ့ပြန်မှုကိုသာ ကြည့်ပေတော့”လို့ ရှောင်တာနယ်တို့စုံတွဲကို ပြောခဲ့ပါတယ်။ 

မြန်မာနိုင်ငံမှာ လူ့အခွင့်အရေးတွေကို စစ်တပ်က စိတ်တိုင်းကျ ဖောက်ဖျက် ကျူးလွန်နေတယ်လို့လည်း ဝန်ကြီးချုပ် အယ်လ်ဘန်နီးစ်က ပြောပါတယ်။ 

မစ္စတာရှောင်တာနယ် ပြန်လည်လွတ်မြောက်ရေးအတွက် ဩစတြေးလျရဲ့ ကြိုးပမ်းမှုကို ဝိုင်းဝန်းကူညီပေးခဲ့ကြတဲ့ အာဆီယံအဖွဲ့နဲ့ ဂျပန်နိုင်ငံတို့ကိုလည်း ကျေးဇူးတင်ကြောင်း ဝန်ကြီးချုပ် အယ်လ်ဘန်နီးစ်က ပြောပါတယ်။

သူ ဖမ်းဆီးခံထားခဲ့ရတဲ့ ရက်ပေါင်း ၆၅၀ မှာ ကြုံတွေ့ခံစားခဲ့ရတာတွေဟာ ဘယ်လိုလူသားတွေမှ ခံစားကြုံတွေ့ရဖို့ မထိုက်တန်တဲ့ အညှာတာကင်းမဲ့ လူသားမဆန်တဲ့ အခြေအနေတွေဖြစ်ပြီး ဒါကိုသူက ဂုဏ်သိက္ခာရှိရှိနဲ့ ရင်ဆိုင်ကျော်ဖြတ်နိုင်ခဲ့တာပါလို့ အယ်လ်ဘန်နီးစ်က လွှတ်တော်မှာ ပြောပါတယ်။ 

“ဆရာ့ရဲ့ လွတ်မြောက်လာမှုအပေါ် ကျနော်တို့ရဲ့ အားရကျေနပ်မှုနဲ့ ဝမ်းမြောက်မှုဟာ အတိုင်းမသိပဲ။ ဆရာ့ရဲ့ ရင်ဆိုင်ရဲတဲ့သတ္တိ၊ အကောင်းမြင်စိတ်နဲ့ ခံနိုင်ရည်ရှိမှုတွေအပေါ် ကျနော်တို့က လေးစားပြီး ဝမ်းသာအားရဖြစ်မိပါတယ်” လို့ မစ္စတာရှောင်တာနယ်ကို ဝန်ကြီးချုပ် အယ်လ်ဘန်နီးစ်က တိုက်ရိုက်ပြောဆိုခဲ့ပါတယ်။

ဩစတြေးလျရုပ်သံဌာန ABC နဲ့ အင်တာဗျူးမှာတော့ သူ ကြုံတွေ့ခံစားခဲ့ရတာတွေကို ပြန်လည်ပြောပြခဲ့တဲ့ မစ္စတာရှောင်တာနယ်ဟာ လွှတ် တော်မှာတော့ ဘာမှပြန်လည်ပြောကြားခဲ့ခြင်း မရှိဘူးလို့ ဆိုပါတယ်။ 

မြန်မာနိုင်ငံမှာ ဖမ်းဆီးခံထားရစဉ် စစ်ကြောရေးမှာ စစ်မေးခဲ့သူတယောက်က “ခင်ဗျားရဲ့ မိသားစုတွေကို ဘယ်တော့မှ ပြန်တွေ့ရတော့မှာ မ ဟုတ်ဘူး” လို့ သူ့ကို ပြောခဲ့ကြောင်းကိုလည်း မစ္စတာရှောင်တာနယ်က ပြန်လည်ပြောပြခဲ့ပါတယ်။

သူ့ကို ပထမဦးဆုံး ကွန်တိန်နာပုံးခွံလို ပြတင်းပေါက်မရှိတဲ့ ကွန်ကရစ်ခင်းအခန်းထဲမှာ ဖမ်းဆီးထိန်းသိမ်းထားခဲ့ပြီးနောက် အင်းစိန်ထောင်ကို ပြောင်းရွှေ့ခဲ့ကြောင်း၊ အဲဒီကနေ နေပြည်တော်က ဒေါ်အောင်ဆန်းစုကြည်ကို ဖမ်းဆီးထိန်းသိမ်းထားတဲ့ ထောင်ဝင်းထဲက အချုပ်ဆောင်တခုမှာ သူ့ကို ပြောင်းရွှေ့ထိန်းသိမ်းခဲ့ကြောင်းနဲ့ အပတ်စဉ် တရားရုံးမှာ ရင်ဆိုင်ဖို့ သွားရောက်ရန် စောင့်ဆိုင်းနေစဉ်အချိန်တွေမှာ ဒေါ်အောင်ဆန်းစုကြည်နဲ့ စကားပြောခွင့်ရခဲ့ကြောင်း သူက ပြန်ပြောပြခဲ့ပါတယ်။ 

“ဒေါ်အောင်ဆန်းစုကြည်နဲ့ တွေ့တော့ သူ အရင်ဆုံးပြောတဲ့ စကားက ‘ရှောင်၊ ကျမတို့ရဲ့ ပြဿနာတွေထဲ ရှင့်ကို ဆွဲသွင်းမိခဲ့တဲ့အတွက် ရှင့်အ တွက်ရော၊ ရှင့်ရဲ့ ဇနီးသည် ဟာ အတွက်ရော၊ ရှင့်ရဲ့အဖေနဲ့ ရှင့်မိသားစုတခုလုံးအတွက်ပါ စိတ်မကောင်းဖြစ်ရပါတယ်’ဆိုတာပဲ” လို့ မစ္စတာရှောင်တာနယ်က ပြောပါတယ်။ 

သူ နောက်ဆုံးနေခဲ့ရတဲ့ အင်းစိန်အကျဉ်းထောင်မှာ အချုပ်ခန်းထဲက အခြေအနေနဲ့ ပတ်သက်ပြီးလည်း “သံချေးတက်နေတဲ့ သံတိုင်တွေနဲ့ ကွန် ကရစ်အခန်းတွေ၊ လူတွေသာ ဝင်ထွက်မရတာ၊ အပြင်က မလိုတာတွေ အကုန်ဝင်တယ်။ မိုးရွာရင် မိုးရေဝင်တယ်၊ နေပူရင်လည်း အထဲမှာ ပူလိုက်တာ၊ အင်းဆက်ပိုးမွှားတွေ၊ ကြွက်တွေ၊ ကင်းမြီးကောက်ကြီးတွေ အကုန် အခန်းထဲ ဝင်တယ်”လို့ ရှောင်တာနယ်က ပြောပါတယ်။

ဒါပေမဲ့ အင်းစိန်ထောင်ထဲမှာ ကောင်းတဲ့အချက်က လူတွေနဲ့ တွေ့ရတာနဲ့ တခြား နိုင်ငံရေးအကျဉ်းသားတွေနဲ့ တွေ့ဆုံခွင့်ရတာဖြစ်တယ်လို့လည်း ပြောပါတယ်။

တော်တော်လေးကို ငယ်တဲ့ နိုင်ငံရေးအကျဉ်းသားတစ်ယောက်က အင်းစိန်ထောင်ထဲမှာ ‘ရှောင်၊ ခင်ဗျား ကျနော်တို့ဆီ ရောက်လာတာ အန္တရာယ်ကင်းပြီ’လို့ ပြောသွားတာကို သူ ဘယ်တော့မှ မေ့နိုင်မှာ မဟုတ်ဘူးလို့ မစ္စတာရှောင်တာနယ်က ပြောပါတယ်။ 

ဒါပေမဲ့ အဲဒီအချိန်က သူ့ရဲ့စိတ်ထဲမှာ “အေးပေါ့။ မင်းတို့ဆီ ရောက်လာတော့ ဟုတ်ပြီ။ ဒါပေမဲ့ ငါတို့အားလုံးက ထောင်ထဲမှာလေ” ဆိုတဲ့ အ တွေးနဲ့ ပေါ်လာတဲ့ ခံစားချက်ကိုလည်း ပြန်သတိရမိတယ်လို့ မစ္စတာရှောင်တာနယ်က ရယ်ရယ်မောမောနဲ့ ပြောပြခဲ့ကြောင်း AP သတင်းမှာ ဖော်ပြထားပါတယ်။  DVB

အမျိုးသာညီညွတ်ရေးအစိုးရ(NUG)၏ ယာယီသမ္မတ ဒူဝါလရှီးလမှ ကိုယ်ကျိုးအတွက် ပြည်သူ များကို အလှူငွေထည့်ဝင်ကြရန် တိုက်တွန်းနေကြောင်း စစ်ကောင်စီထောက်ခံသူများမှ ဖြန့်ဝေနေသည်။ ယင်းမှာ မှားယွင်းနေသည်။

စစ်ကောင်စီထောက်ခံသူများ၏ တယ်လီဂရမ်ချန်နယ်တစ်ခုဖြစ်သည့် ရွှေဘအမည်ရှိချန်နယ်တွင် နိုဝင် ဘာလ ၂၈ ရက်နေ့ရက်စွဲဖြင့် အမျိူးသားညီညွတ်ရေးအစိုးရ NUG ယာယီသမ္မ၏မိန့်ခွန်းဟုဆိုကာ “ပြည်သူတွေကို မငြီးငွေ့ကြပါနဲ့တဲ့ အလှူငွေတွေဆက်လှူကြပါတဲ့…. သူတို့ဘဝတွေ ပြည်ပမှာ နေ နေရ တာဆိုတော့ ပြည်သူတွေလှူတဲ့အလှူငွေတွေနဲ့မှ ဆက်လက်ရပ်တည်နိုင်မှာပါတဲ့” ဟု ရေးသားဖော်ပြ ထားသည်။

အဆိုပါအကြောင်းအရာကို သတင်းစောင့်ဖတ်ရန်စာရင်းပေးသွင်းသူ ၁၀,၀၀၀ နှင့်အထက်ရှိသည့် DGF21 News ၊ ၅,၀၀၀ အထက်ရှိသည့် Min Din ၊ ၁၃,၀၀၀ ကျော်သည့် Shwe Ba စသည့် တယ်လီဂရမ်ချန်နယ် များမှဖြန့်ဝေခဲ့သည်။ ကြည့်ရှုသူအနေဖြင့် စုစုပေါင်း ၆,၀၀၀ နီးပါး ရှိနေပြီဖြစ်သည်။

ထိုအကြောင်းကို မဇ္ဈိမမှအချက်အလက်စစ်ဆေးခဲ့ရာ RFA မြန်မာပိုင်းတွင် နိုဝင်ဘာ ၂၈ ရက်နေ့က “စစ်ကောင်စီကိုဖယ်ရှားပြီး နိုင်ငံတော်သစ်တည်ဆောက်မယ်လို့ NUG သမ္မတ ဒူဝါလရှီးလပြောကြား” ဟု သတင်းဖော်ပြထားပြီး ယာယီသမ္မတနှင့် တွေ့ဆုံမေးမြန်းထားသည်။ အဆိုပါ တွေဆုံမေးမြန်းမှုတွင် ယာယီသမ္မတက ပြည်သူများကို တော်လှန်ရေးအတွက် အလှူငွေထည့်ဝင်ကြရန် တိုက်တွန်းထားသည်။ သို့သော် သ တင်းတုတွင်ဖော်ပြသကဲ့သို့ ကိုယ်ကျိုးအတွက် တိုက်တွန်းခြင်းမပါဝင်ပေ။ လင့် – t.ly/1F5O

ထို့ပြင် ယာယီသမ္မတ ဒူးဝါလရှီးလ၏ ဖေ့ဘုတ်စာမျက်နှာတွင်ဖော်ပြသည့်မိန့်ခွန်းတွင်လည်း ထိုသို့ အဓိပ္ပါယ်သက်ရောက်စေသည့် ဖော်ပြချက်မျိုးမရှိပေ။

အခြားယုံကြည်စိတ်ချရသည့် မီဒီယာများမှလည်း ထိုကဲ့သို့ ယာယီသမ္မတမှပြောဆိုခြင်းကို သတင်းတင် ဆက်ထားခြင်းမရှိပေ။

ထို့အတူ သတင်းတုတွင်ပါဝင်သကဲ့သို့ ယာယီသမ္မတသည် ပြည်ပသို့ရောက်ရှိနေခြင်းမရှိဘဲ ပြည်တွင်းမှ တော်လှန်ရေးနယ်မြေတွင်ရှိနေကြောင်း NUG အစိုးရ ကာကွယ်ရေးဝန်ကြီးဦးရည်မွန်နှင့် RFA ၏ အင်တာဗျူးအရ သိရသည်။ လင့် – https://bit.ly/3B5iFTp

ထို့ကြောင့် ကိုယ်ကျိုးအတွက် ယာယီသမ္မတမှ အလှူခံနေခြင်းမှာမဟုတ်ဘဲ တော်လှန်ရေးအတွက် ပြည်သူများမငြီးငွေ့ဘဲ အလှူငွေများ ဆက် လက်လှူဒါန်းကြရန်တိုက်တွန်းခြင်းကို လိုသလို ပုံဖျက်ကာ ဖော်ပြထားသည့် သတင်းမှားသာ ဖြစ်သည်။

မဇ္ဈိမ၏သတင်းဖတ်ရှုသူများအနေဖြင့် သတင်းတုဟုသံသယရှိသည့် အချက်အလက်များ၊ သတင်းဆောင်း ပါးများ၊ သတင်းမှားများကို ယခုလင့်သို့ – https://bit.ly/3x5qnf5 ဝင်ရောက်ဖြည့်စွက် ရေးသားပေးပို့ မေးမြန်းနိုင်ပါသည်။mizzima

ကချင်ပြည်နယ်၊ ဖားကန့်မြို့ပေါ်တွင် ယနေ့ ဒီဇင်ဘာလ ၂ ရက်နေ့ ညပိုင်းတွင် ပေါက်ကွဲမှု တချို့ ဖြစ်ပွားပြီး အပြန်အလှန်ပစ်ခတ်မှုများဖြစ်ပွားကြောင်း ဒေသခံ များက ရန်ကုန်ခေတ်သစ်သတင်းဌာနထံသို့ ပြောဆို ကြသည်။

ဒီဇင်ဘာ ၂ ရက်နေ့ ညနေ ၆ နာရီအချိန်တွင် ပေါက်ကွဲသံများ ထွက်ပေါ်လာပြီး နောက် အပြန်အလှန် ပစ်ခတ်သံများ ဆက်တိုက်ထွက်ပေါ်လာခြင်းဖြစ်ကြောင်း၊ ဖားကန့်မြို့နေလူထုမှာ စိုးရိမ်မှုများ မြင့်တက်နေကြောင်း ပြောဆိုကြသည်။

KIA သတင်းရင်းမြစ်၏ သတင်းထုတ်ပြန်ချက်တွင် ယနေ့ ညနေ ‌၆ နာရီ ၁၅ မိနစ်အချိန် ကချင်ပြည်နယ်၊ဖားကန့်မြို့၊ ဖားကန့်တပ်မကုန်းမှ ဧည့်စာ ရင်း စစ်ရန် ထွက်လာ​သောစစ်အာဏာသိမ်းအကြမ်းဖက် အဖွဲ့တပ်မ ၃၃ အဖွဲ့ကို ကချင်လွတ်​မြောက်​ရေးတပ်မ တော် KIA၊ တပ်မဟာ ၉၊ အမှတ် ၆ တပ်ရင်း တပ်ဖွဲ့များက ကလပ်ကုန်း၊ Jade City​ အရှေ့အဝိုင်းပတ်​နေရာတွင် မိုင်းဆွဲ တိုက်ခိုက်ခဲ့ပြီး စစ်သား ၁၅ ဦးသေဆုံးကာ ၇ ဦးမှာ အပြင်းအထန် ဒဏ်ရာ ရရှိကြောင်း သတင်းထုတ်ပြန်သည်။

ဖားကန့်ဒေသခံတစ်ဦးကမူ ဖားကန့်မြို့ပေါ်တွင် စစ်တပ်စစ်ကြောင်း မိုင်းဆွဲ တိုက်ခိုက်ခံရမှုမှာ မှန်ကန်ပြီး စစ်သား သေဆုံးမှုများ ပြားနိုင်ကြောင်း၊ တစ်မြို့ လုံးကို စစ်တပ်က ပိတ်ဆို့ပြီး လှည့်လည်စစ်ဆေးနေကြောင်း ပြောဆိုသည်။

“ပေါက်ကွဲသံတွေ ထွက်ပြီးတော့ သေနတ်သံတွေ တောက်လျှောက်ပဲ။ စစ် သားတွေ ၂၀ လောက်သေတယ်လို့ ပြန်ကြားရတယ်။ တစ်ပိုင်း တစ်စတွေ ဖြစ် ကုန်တယ်။ စစ်ကားပါ စုတ်ပြတ်သတ်သွားတယ်ပြောတယ်”ဟု ဖားကန့်ဒေသခံ တစ်ဦးက ပြောဆိုသည်။ khit thit