SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

စစ်ကိုင်းတိုင်း၊ ဆားလင်းကြီးမြို့နယ်တောင်ဘက်ခြမ်းတွင် စစ်ကြောင်းထိုးနေသည့် စစ်ကောင်စီ တပ်က ဒီဇင်ဘာလ ၅ ရက်နေ့ နံနက် ၇ နာရီခန့်တွင် ရေမိန်ကျေးရွာ မီးရှို့ခဲ့ကြောင်း သိရသည်။

အဆိုပါ မီးရှို့မှုဖြစ်စဉ်တွင် အိမ်ခြေ ၂၀၀ ခန့်ရှိသည့် ရေမိန်ကျေးရွာမှ နေအိမ် ၅၂ လုံး မီးလောင်ဆုံးရှုံး ခဲ့ကြောင်း ဒေသခံတစ်ဦးကပြောသည်။

“စစ်ကြောင်းအခြေအနေက ဘာမှန်းမသိသေးတော့ ရွာကလူတွေအကုန်ပြန်မလာရဲကြသေးဘူး။ စစ်သား တွေဝင်သွားတဲ့ရွာဆိုတော့ အရင်ဆုံး ပြည်သူ့ကာကွယ်ရေးတပ်ဖွဲ့တွေနဲ့ မိုင်းရှင်းတာတွေလုပ်ရတယ်ဗျ။ ရေမိန်တောင်ရွာက အိမ်အလုံး ၅၀ ပါသွားတယ်။ ရေမိန်မြောက်ရွာက တော့ နှစ်လုံးပါသွားတယ်ဗျ။ အိမ် တွေကို ဖျက်ဆီးမွှေနှောက်သွားတာလည်း ရစရာမရှိဘူး” ဟု လုံခြုံရေးအရ အမည်မဖော်လိုသည့် ဒေသခံ တစ်ဦးက ဆိုသည်။

ဆားလင်းကြီးမြို့နယ်တွင် စစ်ကောင်စီတပ်နှင့် ဒေသခံပြည်သူ့ကာကွယ်ရေးတပ်ဖွဲ့များ နှစ်ဖက် အခြေ အနေတင်းမာနေပြီး ယနေ့ ဒီဇင်ဘာလ ၆ ရက် နံနက်ပိုင်းတွင်လည်း ကျေးရွာသုံးရွာကို စစ်ကောင်စီတပ် က မီးရှို့ခဲ့ကြောင်း ဒေသခံများထံမှ သိရသည်။ mizzima

မင်းအောင်လှိုင်နှင့် စစ်ဗိုလ်ချုပ်ကြီးများအတွက်သာ အကျိုးစီးပွားဖြစ်နေသော မြန်မာ့ စီးပွားရေး ဦးပိုင်လီမိတက် နှင့် မြန်မာ့စီးပွားရေး ကော်ပိုရေးတို့ကို အကြမ်း ဖက် အုပ်စု၏ စီးပွားရေးလုပ်ငန်းများ အဖြစ် အမျိုးသားညီညွတ်ရေး အစိုးရ(NUG) အကြမ်း ဖက်မှုတိုက်ဖျက်ရေးဗဟိုအဖွဲ့က ယနေ့ ဒီဇင်ဘာလ ၆ ရက်နေ့တွင် ထုတ်ပြန် ကြေ ညာလိုက်သည်။

မြန်မာ့စီးပွားရေးဦးပိုင်လီမိတက် နှင့် မြန်မာ့စီးပွားရေးကော်ပိုရေးရှင်းတို့သည် မင်းအောင်လှိုင် ဦး ဆောင်သည့် အကြမ်းဖက်စစ်အုပ်စု သက် ဆိုးရှည်စေရန် စီးပွားရေးလုပ်ငန်းပေါင်းစုံအား လက်ဝါးကြီး အုပ်ချယ်လှယ်၍ နှစ်စဉ် ဘဏ္ဍာ ရန်ပုံ ငွေများစွာ ရှာဖွေထောက်ပံ့လျက်ရှိကြောင်း၊ အဆိုပါ ဘဏ္ဍာရန်ပုံ ငွေများ သည် အကြမ်းဖက်စစ်တပ်၏ ထိပ်ပိုင်းခေါင်းဆောင်များနှင့် အရာရှိကြီး များ အတွက်သာ အကျိုး စီးပွားဖြစ်ထွန်းလျက်ရှိပြီး အောက်ခြေအကြပ်၊စစ်သည် များမှာ ခံစားခွင့်မရှိသလောက် နည်းပါးလျက် ရှိကြောင်း ယင်းထုတ်ပြန် ချက် တွင်ဖော်ပြထားသည်။

ထို့ကြောင့် အမျိုးသားညီညွတ်ရေးအစိုးရ၊ အကြမ်းဖက် မှုတိုက်ဖျက် ရေးဗဟို အဖွဲ့က အကြမ်းဖက်မှု တိုက် ဖျက်ရေးဥပဒေပုဒ်မ ၆၊ ပုဒ်မခွဲ(င) နှင့် ပုဒ်မ ၇၂၊ ပုဒ်မခွဲ (ခ) ပါ လုပ်ပိုင်ခွင့်ကို ကျင့်သုံး၍ ပြည်ထောင်စု အစိုးရအဖွဲ့၏ သဘော တူ ညီချက်ဖြင့် ဤအမိန့်ကြော်ငြာစာကို ထုတ်ပြန်ခြင်းဖြစ်ကြောင်း သိရှိရသည်။

ယင်းအကြမ်းဖက်အဖွဲ့အစည်းများ၏ ပိုင်ဆိုင်မှုအားလုံးကို အကြမ်းဖက်မှု တိုက် ဖျက် ရေး ဥပဒေပုဒ်မ ၃၊ ပုဒ်မ ခွဲ (ဃ) အရ အကြမ်းဖက်အုပ် စုပိုင် ပစ္စည်း များအဖြစ် သတ်မှတ်၍ အများပြည်သူ အကျိုးစီးပွား အလို့ငှာ အကြမ်း ဖက်မှု တိုက်ဖျက်ရေး ဥပဒေပုဒ်မ ၆၊ ပုဒ်မခွဲ (ဌ) နှင့်အညီ ထိန်းချုပ် စီမံခန့်ခွဲသွားမည် ဖြစ်ကြောင်း ဖော်ပြထားသည်။ khit thit

ရဟတ်ယာဉ်အမှုတွေအတွက် နိုင်ငံတော်သမ္မတ ဦးဝင်းမြင့်နဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ကို ဒီဇင်ဘာ ၆ ရက် ဒီနေ့ နေပြည်တော်အချုပ်ရှိ အထူးသီးသန့်တရားရုံးမှာ စစ်ဆေးခဲ့တယ်လို့ တရားရုံးနဲ့နီးစပ်တဲ့ အသိုင်းအဝိုင်းကနေ သိရပါတယ်။

ရဟတ်ယာဉ်နဲ့ပတ်သက်တဲ့ အဂတိငါးမှုလုံးအတွက် စွဲချက်တင်အမိန့်ချကာ ပြန်ခေါ်သက်သေတွေနဲ့ စွပ်စွဲခံရသူတွေဖြစ်တဲ့ ဦးဝင်းမြင့်နဲ့ ဒေါ်အောင်ဆန်းစုကြည်တို့ကို စစ်ဆေးပြီးဖြစ်လို့ တရားခံပြသက်သေတွေကို စစ်ဆေးနေတာ ဖြစ်ပါတယ်။

တရားရုံးနဲ့ နီးစပ်သူတဦးက “ဒီနေ့ရုံးချိန်းက ရဟတ်ယာဉ်ကုမ္ပဏီ AMAS က မန်နေဂျင်းဒါရိုက်တာ ဦးရဲမြင့်ကို ခံပြသက်သေ စစ်တယ်။ ငါးမှုလုံးပြီးတယ်။ သူက‌တော့ ဒီရဟတ်ယာဉ်ဝယ်တာ၊ ငှားတာ၊ ပြုပြင်ထိန်းသိမ်းတာတွေနဲ့ ပတ်သက်ပြီး သူ သိတာလေးတွေပဲ ထွက်ဆိုသွားတယ်” လို့ ပြောပါတယ်။

ရုံးချိန်းကို နောက်အပတ် ပြန်လည်ချိန်းဆိုလိုက်ပြီး တရားခံပြသက်သေတွေကို ဆက်လက်စစ်ဆေးမယ်လို့ သိရပါတယ်။

ဒီရဟတ်ယာဉ်ဝယ်ယူတာ၊ ငှားရမ်းတာ၊ ပြုပြင်ထိန်းသိမ်းတာတွေနဲ့ ပတ်သက်လို့ အာဏာသိမ်း စစ်ကောင်စီက အဂတိလိုက်စားမှုတိုက်ဖျက်ရေး ဥပဒေပုဒ်မတွေနဲ့ စွပ်စွဲ တရားစွဲဆိုထားပေမဲ့ စွပ်စွဲခံရသူတွေဖြစ်တဲ့ နိုင်ငံတော်သမ္မတ ဦးဝင်းမြင့်နဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ကတော့ လုပ်ထုံးလုပ်နည်းတွေနဲ့ အညီပဲ ဆောင်ရွက်ဖို့ ညွှန်ကြားခဲ့တယ်လို့ ထွက်ဆိုထားပါတယ်။

၂၀၂၁ ခုနှစ်အတွင်းမှာ သဘာဝဘေးအန္တရာယ်ကာကွယ်ရေး လုပ်ငန်းတွေ ဆောင်ရွက်တာမှာ အသုံးပြုဖို့ ရဟတ်ယာဉ်တစီး ဝယ်ယူအသုံးပြုတာ၊ ငှားရမ်းတာ၊ သက်တမ်းတိုးတာ၊ ပြုပြင်ထိန်းသိမ်းတာတွေနဲ့ ပတ်သက်ပြီး စစ်ကောင်စီက နိုင်ငံတော်သမ္မတ ဦးဝင်းမြင့်၊ နိုင်ငံတော်အ တိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ဒေါက်တာဝင်းမြတ်အေးတို့ကို အဂတိလိုက်စားမှုတိုက်ဖျက်ရေး ဥပဒေ ပုဒ်မ ၅၅ နဲ့ တရားစွဲဆိုထားတာ ဖြစ်ပါတယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အနေနဲ့ စစ်ကောင်စီစွဲဆိုထားတဲ့ အမှုတွေထဲက ထောင်ဒဏ်ချမှတ်ခံထားရတာ စုစုပေါင်း ၂၆ နှစ်ရှိပြီ ဖြစ်ပါတယ်။

နိုင်ငံတော်သမ္မတ ဦးဝင်းမြင့်နဲ့ နိုင်ငံတော်အတိုင်ပင်ခံ ဒေါ်အောင်ဆန်းစုကြည် တို့အပေါ် အမိန့်ချပြီးသား အမှုတွေကိုလည်း ပြည်ထောင်စုတ ရားလွှတ်တော်ချုပ်ကို အယူခံတင်ထားတယ်လို့ သိရပါတယ်။ DVB

နာရီပေါင်းများစွာ တန်းစီစောင့်ဆိုင်းရပြီး ပွဲစားများစွာရှိနေသည့် ရန်ကုန်မြို့ရှိ နိုင်ငံကူးလက်မှတ်ထုတ်‌‌ေပး‌ေရးရုံးတွင် နိုင်ငံကူးလက်မှတ်(Passport) ပြုလုပ်နိုင်ရန် ရက်ချိန်းရယူခြင်းကို Online Booking စနစ်ဖြင့် ပိတ်ရက်မရှိ ၂၄ နာရီ လုပ်ဆောင်နိုင်မည့် စနစ်သစ် စတင်လုပ်ဆောင်နေသည်ဟု ယင်းရုံးက ကြေညာသည်။

မည်သည့်နေ့ရက်တွင် စနစ်သစ် စတင်လုပ်ဆောင်နိုင်မည်ဟု ဖော်ပြမထားသည့် ထိုကြေညာချက်သည် ဒီဇင်ဘာ ၄ ရက်ကထွက်လာပြီး နောက်တစ်နေ့တွင် အွန်လိုင်းမှ ရက်ချိန်းအတွက်

QR Code ရယူသော စနစ်ရပ်ဆိုင်းသွားခဲ့သည်။

Online Booking စနစ်အရ ရုံးဝက်ဘ်ဆိုက် ဖြစ်သည့် www.passport.gov.mm တွင် စာရင်းပေးသွင်းမှတ်ပုံတင်လျှင် မိမိအလှည့်ကျလုပ်ဆောင်နိုင်သည့် ရက်ချိန်းအတွက် QR Code ရလာမည်ဖြစ်သည်။ အဆိုပါ QR Code ကိုပြသပြီး ရုံးဝင်းအတွင်း ဝင်ရောက်ကာ ပတ်စ်ပို့စာအုပ်လျှောက်ထားမှုလုပ်ဆောင်နိုင်သည်။

အာဏာသိမ်းပြီးနောက်ပိုင်း COVID-19 ဖြစ်ပွားမှုမြင့်တက်ရာကာလအလွန်မှစ၍ ထိုရုံးဖွင့်ရက်များတွင် နိုင်ငံကူးလက်မှတ် လုပ်ရန်စောင့် ဆိုင်းနေသော လူတန်းရှည်တွင် ဦးရေ ထောင်ဂဏန်းအထိပင်ရှိနေသည်ကို တွေ့ရတတ်သည်။

QR Code ဖြင့် ရက်ချိန်းရယူမှုကို ၂၀၂၂ ခုနှစ် မတ်လမှစတင် ဆောင်ရွက်ခဲ့သော်လည်း နိုင်ငံကူး လက်မှတ်ထုတ်‌ေပး‌ေရးရုံးတွင်း ဝင်ရောက်နိုင်ရန် စောင့်ဆိုင်း၊ တန်းစီနေသည့် လူတန်းသည် ရန်ကင်းမြို့နယ် စက်မှု (၁) လမ်းမပေါ်ရှိ ရုံးပင်မဝင်ပေါက်မှ တက္ကသိုလ်ရိပ်သာလမ်း ဆရာစံပန်းခြံအလွန်အထိ ရှိ‌တတ်ကြသည်။

တစ်ရက်တည်းနှင့်မပြတ်သော ပတ်စ်ပို့ရုံးကိစ္စအတွက် အနီးနား ပတ်ဝန်းကျင်တွင် တည်းခိုနေထိုင်ပြီး လုပ်ကြရကာ အဆောင်ငှားစားသောစျေးကွက်ဖြစ်ထွန်းလာခဲ့သည်။

ရုံးအတွင်းရှိ ဝန်ထမ်းများနှင့် အချိတ်အဆက်ပြုထားသော ပွဲစားများက နိုင်ငံကူးလက်မှတ်စာအုပ် အမြန်ရလိုသူများကို ကျပ် ၄၀၀,၀၀၀ ဝန်းကျင် တောင်းလေ့ရှိသည်။ ထိုအမြန်ဆုံးဆိုသော အချိန်သည် တစ်လအထိကြာမြင့်တတ်သည်။

မိမိအလှည့်ရောက်ရေး QR Code ရရန်အတွက်အထိသာလျှင် လုပ်ကိုင်ပေးသော ပွဲစားများလည်းရှိသလို တန်းစီနေရာရောင်းစားမှုလည်းရှိသည်။

တစ်လအတွင်း QR Code ရရှိလိုသူများသည် ကျပ် ၂၂၀,၀၀၀ အထိသော်လည်းကောင်း၊ သုံးလအတွင်းရယူလိုသူများသည် ကျပ် ၁၂၀,၀၀၀မှ ကျပ် ၈၅,၀၀၀အထိလည်းကောင်း ပွဲစားခပေးကာလုပ်ဆောင်ကြရသည်ဟု မဇ္ဈိမက စုံစမ်းသိရှိရသည်။

“ပတ်စ်ပို့ အကြောင်းပြုပြီး ဈေးကွက်ကြီးတစ်ခုလိုဖြစ်နေတာ။ ဒါကလည်းသူတို့ချမှတ်တဲ့ ပေါ်လစီအပေါ် ပွဲစားနဲ့ပေါင်း ရိုက်နေတာ။ သေချာစိစစ်ပြီးဖမ်းကြည့်ပါလား ပွဲစားဆိုတာပေါ်လာမှာတောင်မဟုတ်ဘူး။ အခု လုပ်မယ့်စနစ်က ဘယ်လိုဆိုတာ မပါလာသေးပေမယ့် ဘယ် လောက် အထိ အဆင်ပြေနိုင်မလဲ စောင့်ကြည့်ရမှာပေါ့”ဟု ရုံးအနီးနေထိုင်သူတစ်ဦးက မဇ္ဈိမကိုပြောသည်။

နိုင်ငံကူးလက်မှတ်စာအုပ် ပြုလုပ်ရာတွင် အမှန်တကယ် ပေးသွင်းရသည့် ကုန်ကျငွေကြေးပမာဏမှာ ဘဏ်သွင်းငွေ ကျပ် ၂၅,၀၀၀၊ ကိုယ်ရေးအချက်အလက် စစ်ဆေးခ ကျပ် ၃၀၀၀ နှင့် ဓာတ်ပုံရိုက်ခ ကျပ် ၂,၀၀၀ စုစုပေါင်း ကျပ် ၃၀,၀၀၀ သာဖြစ်သည်။ mizzima

ကရင်ပြည်နယ်၊ ကော့ကရိတ်မြို့နယ်အတွင်းရှိ ကျေးရွာများပေါ်သို့ အကြမ်း ဖက် စစ်ကောင်စီတပ်ဖွဲ့က လက်နက်ကြီးများဖြင့် ပစ်ခတ်တိုက်ခိုက် ခဲ့ရာ လူနေအိမ် ၁၄ လုံး ပျက်စီးပြီး ပြည်သူ ၂ ဦး ထိခိုက်ဒဏ်ရာရရှိခဲ့ကြောင်း KNU ဗဟိုထံမှ သိရသည်။

ဒီဇင်ဘာလ ၁ ရက် နံနက် ၁၀ နာရီခန့်က ကော့ကရိတ်အခြေစိုက် အမြောက်တပ်ရင်းမှ ကော့ရိတ်မြို့ နယ်၊ ဘော်ဒိုင်းကျေးရွာအတွင်းသို့ ၁၂၀ မမ လက် နက်ကြီး(၄)လုံးပစ်ခတ်တိုက်ခိုက်ခဲ့ရာ နေအိမ် (၂) လုံး ပျက်စီးပြီး အသက် ၅၅ နှစ်အရွယ် တီးဖားတုနှင့် အသက် ၂၆ နှစ်အရွယ် မောင်အေးဇော်တို့ ထိ ခိုက် ဒဏ်ရာ(စိုးရိမ်ရ) ရရှိခဲ့ကြောင်း သိရသည်။

အလားတူ ဒီဇင်ဘာလ ၂ ရက်နေ့တွင် ကော့ကရိတ်အခြေစိုက် အမြောက်တပ်ကုန်းမှ ဘော်ဒိုင်းကျေးရွာ အတွင်း ၁၂၀ မမ လက်နက်ကြီးဖြင့် ထပ်မံပစ်ခတ်ခဲ့ရာ လူနေအိမ် (၈)လုံး၊ နွား(၄)ကောင်၊ စပါးခြွေလှေ့ စက်နှင့် ကားတစ်စီးထိခိုက်ပျက်စီးခဲ့ကြောင်း၊ ည ၁၂ နာရီခန့်တွင်လည်း ဖားကျကျေးရွာအတွင်းသို့ ၁၅၀ မမ လက်နက်ကြီးဖြင့် ပစ်ခတ်ခဲ့ရာ နေအိမ်(၂)လုံးပျက်စီးခဲ့သည်ဟု ဆိုသည်။

ထို့အပြင် ဒီဇင်ဘာလ ၂ ရက် ညသန်းခေါင်အချိန် ကော့ကရိတ် ရေကျော်ကြီး အောက်ဖက်တပ်စခန်းမှ ၁၀၅ မမ (ဟောင်ဝပ်စာ) လက်နက်ကြီးဖြင့် ဖားကျကျေးရွာအတွင်း ပစ်ခတ်ခဲ့ရာ ဒေါ်မြစ်မြစ်ကြည်၏ နှစ်ထပ်တိုက်အိမ်တစ်လုံး ထိခိုက်ပျက်စီးခဲ့ပြီး ထီးဝါးခို့ပိုင်းရှိ ဦးတင်လှိုင်၏ တိုက်ခံပျဉ်ထောင်အိမ် တစ် လုံး လည်း ပျက်စီးခဲ့ကြောင်း သိရသည်။

ဒီဇင်ဘာ (၃) ရက် နံနက် ၉ နာရီ ၅၅ မိနစ်တွင် အကြမ်းဖက်စစ်ကောင်စီတပ်မှ တောင်ကြာအင်းအုပ်စု ၊ ကျွန်းတော်ကျေးရွာအတွင်း လက်နက် ကြီးဖြင့် ပစ်ခတ်ခဲ့ရာ နွားမ (၁) ကောင် ပွဲချင်းပြီးသေဆုံးပြီး နွား ထီး (၂) ကောင် ထိခိုက်ဒဏ်ရာ ရရှိခဲ့ကာ အိမ် (၂) လုံး၊ ကားတစ်စီး ပျက်စီးခဲ့ကြောင်း သိရသည်။ khit thit

မြန်မာနိုင်ငံဘဘင်အစည်းအရုံး ဥက္ကဋ္ဌဟောင်း မင်းသား ဖိုးချစ်နဲ့ တေးရေးတေးဆို သျှန်ထွဏ်း (မြန်မာစာ) တို့ကို နိုဝင်ဘာ ၃၀ ရက်မှာ စစ်ကောင်စီက ဖမ်းဆီးခဲ့တာဖြစ်ပြီး တပတ်နီးပါး ကြာချိန်အထိ မိသားစုဝင်တွေနဲ့ အဆက်အသွယ် မရသေးဘူးလို့ သိရပါတယ်။

ရန်ကုန်၊ ရွှေပြည်သာမြို့နယ်၊ ကြူစမ်းရပ်ကွက်၊ အောင်ချမ်းသာလမ်းရှိ သဘင်ခြံမှာ ဖိုးချစ် ရှိနေချိန် စစ်ကောင်စီဘက်က အင်အားသုံး ဖမ်း ဆီးခဲ့တာလို့ သိရပြီး ပုဂံကို ဘုရားပွဲသွားနေတဲ့ သျှန်ထွဏ်း (မြန်မာစာ) ကို ရန်ကုန်မြို့အထွက် ဇီးရိုးမိုင်မှာ ကားပေါ်ပါလာတဲ့ ညီမဖြစ်သူနဲ့အတူ ဖမ်းဆီးခဲ့တာလို့ သိရပါတယ်။

“အစစအရာရာ အဆင်ပြေပါစေ၊ သူတော်ကောင်းနဲ့ တွေ့ပါစေ” လို့ ဖိုးချစ်အစ်ကိုဖြစ်သူ မျိုးမင်းထိုက်ရဲ့ ဖေ့စ်ဘွတ်ခ်မှာ ရေးသားထားကာ သျှန်ထွဏ်း (မြန်မာစာ) နဲ့ နီးစပ်သူတွေကတော့ ဖမ်းဆီးခံလိုက်ရတာ ဟုတ်မှန်ကြောင်း အတည်ပြုထားပေမဲ့ အသေးစိတ်ကိုတော့ မသိသေးဘူးလို့ ဆိုပါတယ်။

အဆိုပါနေ့က ဖိုးချစ်၊ သဘင်ခြံရှိသူတဦး၊ သျှန်ထွဏ်း (မြန်မာစာ) နဲ့ ညီမဖြစ်သူတို့ ပေါင်း ၄ ဦးကို စစ်ကောင်စီက စစ်ဆေးစရာရှိတယ်လို့ ဆိုကာ ခေါ်ဆောင်သွားခဲ့တာပါ။

မြန်မာနိုင်ငံ သဘင်ပညာရှင်များ အစည်းအရုံး (ဗဟို) က တာဝန်ရှိသူတဦးက‌တော့ “ကျနော်တို့လည်း ဂဃနဏတော့ မသိပါဘူး၊ ပြင်ပက သ တင်းတွေမှာ ထွက်နေတဲ့ အတိုင်းပါပဲ” လို့ ပြောပါတယ်။

စစ်‌ကောင်စီဘက်က ကျင်းပနေတဲ့ လွတ်လပ်ရေးအကြိုပွဲမှာ ကပြပေးဖို့ ဇာတ်ငှားရမ်းတာကို ဖိုးချစ်ဇာတ်သဘင်အဖွဲ့က လက်မခံတာကြောင့် အခုလို အဓမ္မဖမ်းဆီးတာ ဖြစ်နိုင်တယ်လို့ ရန်ကုန်၊ ဇာတ်သဘင်အဖွဲ့ဝင်တဦးက ပြောပါတယ်။

“ကိုဖိုးချစ် အဖမ်းခံလိုက်ရ‌တာ ဟုတ်ပါတယ်။ လက်ရှိ သဘင်ခြံကတော့ ဖွင့်ထားသေးတယ်။ ဘယ်ဖမ်းသွားသလဲ မသိသေးပါဘူး။ ဒီဘက်ကတော့ စုံစမ်းနေဆဲပါ” လို့ သဘင်ခြံနဲ့ နီးစပ်သူတဦးက ‌ပြောပါတယ်။

ဇာတ်သဘင်မင်းသား ဖိုးချစ်ဟာ ၂၀၂၁၊ ဖေဖော်ဝါရီ ၅ ရက်နေ့ မတိုင်ခင်အထိ သဘင်အစည်းအရုံး (ဗဟို) ရဲ့ ဥက္ကဋ္ဌအဖြစ် တာဝန်ယူခဲ့ကာ စစ်အာဏာသိမ်းမှုကို ဆန့်ကျင်ဆန္ဒပြလို့ ပုဒ်မ ၅၀၅ နဲ့ ဖမ်းဝရမ်းအထုတ်ခံထားရတယ်လို့ သိရပြီး စစ်ကောင်စီ ဝါဒဖြန့်ချန်နယ်တွေမှာတော့ PDF တွေကို ထောက်ပို့လုပ်လို့ ဖမ်းဆီးခံခဲ့ရတာလို့ သတင်းဖြန့်ချိနေတာ တွေ့ရပါတယ်။ DVB

အညာဒေသတွင် အောက်တိုဘာလအတွင်းက ကာကွယ်ရေးတပ်ဖွဲ့ကို ထမင်းဖိတ်ကျွေးပြီး ကျောက်စိမ်းတွဲများလှူတန်းခဲ့တာ လူအများစိတ် ဝင်စားစရာသတင်းဖြစ်ခဲ့သည်။ ယခု အဆိုပါကျောက် စိမ်းများကို ဝယ်ယူချင်သူများ ကံစမ်းမဲစနစ်ဖြင့် ဝယ်ယူခွင့်ရပြီဖြစ်သည်။

လုံခြုံရေးအရအမည်မဖော်ပြထားသော စစ်ကိုင်းတိုင်းတစ်နေရာမှ အသက် ၆၀ ဝန်းကျင် ဇနီးမောင်နှံ နှစ်ယောက်က 96 Solider PDF ကာ ကွယ်ရေးတပ်ကို ကျောက်စိမ်းတွဲများ လှူတန်းခဲ့သည်။ သားသမီး များက မိဘနှစ်ပါးကိုကန်တော့ထားခဲ့သည့် ဆွဲသီးကြီးနှစ်ခုအပါအဝင် လက်ဝတ်ရတနာ လုပ်နိုင်သော ကျောက်စိမ်းအချောထည် စုစုပေါင်း ၁၃ ခု ပါဝင်သည်။

“သူတို့က အသက်ကြီးပြီ၊ သူတို့သားသမီးတွေကလည်း တော်လှန်ရေးထဲမှာ အများကြီး မပါဝင်နိုင်ပါဘူး။ အဲဒီတော့ ပါဝင်လှုပ်ရှားနေတဲ့ ကျွန် တော်တို့လိုလူငယ်တွေ အဖွဲ့အစည်းတွေကို ထောက်ပံ့ချင်တဲ့အတွက် သူတို့မှာရှိတဲ့ပစ္စည်းတွေကို ထည့်ဝင်ချင်ပါတယ်ဆိုပြီး လှူတန်းတာပါ “ဟု အလှူ့ရှင်များ ပြောစကားကို 96 Soldier PDF အဖွဲ့ အညာဒေသတပ်ခွဲမှ ကိုဇေယျာလွင်က မဇ္ဈိမကို ပြန်ပြောပြသည်။

ကိုဇေယျာလွင်သည် တက္ကသိုလ်ကျောင်းသားများသမဂ္ဂအဖွဲ့ဝင် ကျောင်းသားတက်ကြွလှုပ်ရှားသူတစ်ဦး ဖြစ်ခဲ့သည်။

လက်နက်ခဲယမ်းမီးကျောက်များဖြည့်တင်းရန်လိုအပ်နေသော 96 Solider PDF က ကျောက်စိမ်းတွဲများ ကို ပြန်ရောင်းကာ ရန်ပုံငွေရှာမည်ဖြစ်ရာ ယခုကမ်ပိန်းကို ” ကျီ၊ ကျည်၊ ကြည်” ဟု အမည်ပေးထားသည်။

“ ပထမ ကျီ က စပါးကျီ ဖြစ်ပါတယ်။ အညာဒေသမှာရှိနေတဲ့ သူတွေရဲ့ စပါးတွေ စပါးကျီတွေ မဆုံးရှုံးစေ ဖို့ဖြစ်ပါတယ်။ နောက်တစ်ကျည်ကတော့ ကျည်ဆံပါ။ ကျွန်တော်တို့ အညာဒေသမှာရှိနေတဲ့ တော်လှန် ရေးရဲဘော်တွေ၊ တော်လှန်ရေးတပ်ဖွဲ့တွေ ကျည်ဆန်တွေရရှိဖို့ ဖြစ်ပါတယ်။ နောက် ကြည်ကတော့ ဒေါ်အောင်ဆန်းစုကြည်ပါ။ ဒေါ်အောင်ဆန်းစုကြည်နဲ့တကွ နိုင်ငံရေးအကျဉ်းသားတွေအားလုံး လွတ် မြောက်ဖို့အတွက် ကျွန်တော်တို့ကြိုးစားကြဖို့ဖြစ်ပါတယ်” ဟု 96 Soldier PDF – အညာ ဒေသတပ်ခွဲမှ ကိုဇေယျာလွင်က မဇ္စျိမကို ပြောသည်။

ကံစမ်းမဲလက်မှတ်များကို 96 Solider PDF ၏ စာမျက်နှာမှတဆင့် ဒီဇင်ဘာလ ၅ ရက်နေ့မှ ၁၉ ရက် နေ့အထိဝယ်ယူနိုင်မှာဖြစ်ကာ မဲလက် မှတ်တစ်စောင်လျှင် မြန်မာငွေ ကျပ် ၁၀,၀၀၀ (တစ်သောင်းကျပ်) သတ်မှတ်ထားသည်။ ထိုင်း၊ စင်္ကာပူ၊ ကိုရီးယား၊ ဂျပန်၊ အင်္ဂလန်နှင့် အမေရိကန်နိုင်ငံများတွင် ဝယ်ယူနိုင် သည်။

96 Soldiers – PDF တပ်ဖွဲ့သည် မြန်မာနိုင်ငံတောင်ပိုင်းတိုင်း၌ ကျားဖြူတပ်ခွဲ(၂)အဖြစ် စတင်တည် ထောင်ခဲ့ပြီးနောက် သြဂုတ်လအတွင်းက အညာဒေသတပ်ခွဲကိုတိုးချဲ့ခဲ့သည်။ ဒေသအခြေစိုက် ကာကွယ် ရေးတပ်ဖွဲ့များနှင့်ပူးပေါင်းကာ စစ်ကောင်စီတပ်များနှင့် ပျူစောထီးများကို တိုက် ခိုက်မှုများပြုလုပ်နေ သည်ဟု သိရသည်။mizzima

စစ်ကိုင်းတိုင်း၊ ပုလဲမြို့နယ်၊ အင်မထီးပျူစောထီးကျေးရွာ အကြမ်းဖက်စစ်ကောင်စီ၊ ပျူစောထီးပူးပေါင်း တပ်စခန်းကို ယနေ့ ဒီဇင်ဘာလ ၆ ရက် နံနက် ၅ ခန့်တွင် ပစ်ခတ်တိုက်ခိုက်ခဲ့ရာ အကြမ်းဖက်စစ်သား၊ ပျူစောထီးများ ထိခိုက်ဒဏ်ရာရရှိမှုရှိခဲ့ကြောင်း သိရသည်။

ယင်းအကြမ်းဖက်စစ်ကောင်စီ၊ ပျူစောထီးစခန်းအတွင်းသို့ အင်မထီးရွာ၏ တောင်ဘက်ခြမ်းနှင့် မြောက် ဘက်ခြမ်းတို့မှ နှစ်ဖက်ပစ်ခတ်တိုက် ခိုက်ခဲ့ခြင်းဖြစ်ပြီး အကြမ်းဖက်စစ်သား၊ ပျူစောထီးများမှ ပြန်လည် တိုက်ခိုက်ခဲ့သဖြင့် တစ်နာရီခန့်ကြာ တိုက်ပွဲဖြစ်ခဲ့ကြောင်း၊ အ ကြမ်းဖက်ပျူစောထီးတပ်စခန်းအတွင်း လက်နက်ကြီးထိမှန်ခဲ့သော်လည်း မည်မျှထိခိုက်သေဆုံးသည်ကို အတိအကျမသိရကြောင်း M7 People’s Defence Army ထံမှ သိရသည်။

ယင်းတိုက်ခိုက်မှုကို M7 People’s Defence Army ၊ ပုလဲတပ်ရင်း (၂)၊ Phoenix Revolution Ranger အဖွဲ့တို့ပူးပေါင်းတိုက်ခိုက်ခဲ့ခြင်းဖြစ် ကြောင်း သိရသည်။khit thit

တနင်္သာရီတိုင်း၊ ဘုတ်ပြင်းမြို့နယ်၊ ရတနာပုံကျေးရွာနားက စစ်ကောင်စီတပ်ရဲ့ နယ်စပ်စခန်းကုန်းတခုကို ဒီဇင်ဘာ ၃ ရက် မနက် ၁၁ နာရီကျော်လောက်က ကရင်အမျိုးသားလွတ်မြောက်ရေးတပ်မတော် KNLA နဲ့ PDF ပူးပေါင်းတပ်ဖွဲ့တွေ သွားရောက်တိုက်ခိုက်ခဲ့တယ်လို့ ပြောပါတယ်။

၂ နာရီကြာဖြစ်တဲ့ တိုက်ပွဲအတွင်း စစ်ကောင်စီတပ်ဖွဲ့ဝင် ၃ ယောက် သေဆုံးကာ ၈ ယောက် ဒဏ်ရာရခဲ့ပြီး RPG ၁ လက်နဲ့ MA 1 အမျိုးအစား သေနတ်တလက်ကိုလည်း သိမ်းဆည်းရမိခဲ့တယ်လို့ ကော့သောင်းခရိုင် ပြည်သူ့ကာကွယ်ရေးတပ်မတော် အမှတ် ၁ တပ်ရင်း၊ သတင်းနဲ့ ပြန် ကြားရေး တာဝန်ခံ ကိုလျှပ်စီးက ပြောပါတယ်။ 

“ကျနော်တို့ တပ်ဖွဲ့ဝင်တွေ သူတို့ စခန်းကုန်းပေါ်အထိ တက်တိုက်တာ။ အဲဒီမှာ သူတို့ဘက်က ထိထားတဲ့သူတွေ ရှိတယ်။ ကျနော်တို့ဘက်က လက်နက်တွေသိမ်းပြီး ပြန်ဆုတ်လာခဲ့တာ။” 

တိုက်ပွဲဖြစ်ပွားပြီး ဒီဇင်ဘာ ၄ ရက် မနက် ၁ နာရီခွဲလောက်မှာတော့ မြိတ်၊ ကော့သောင်းဘက်ကနေ စစ်ကောင်စီတပ်ဖွဲ့ဝင်တချို့က ဘုတ်ပြင်းမြို့အခြေစိုက် လေညာတပ်ရင်းကနေ အဲဒီနယ်စပ်စခန်းကုန်းကို လေညာ-ရတနာပုံလမ်းအတိုင်း စစ်ကူ ရောက်လာခဲ့ပါတယ်။

ဒီနောက် မနက် ၇ နာရီခွဲလောက်မှာတော့ လမ်းတလျှောက် အသင့်စောင့်ဆိုင်းနေတဲ့ ပြည်သူ့ကာကွယ်ရေးတပ်ဖွဲ့နဲ့  ၄ နာရီကြာလောက်  တိုက် ပွဲဖြစ်ပွားခဲ့တယ်လို့ ဆိုပါတယ်။

အဲဒီတိုက်ပွဲတွေအတွင်း ပြည်သူ့ကာကွယ်ရေးတပ်တွေဘက်ကတော့ အထိအခိုက်မရှိဘဲ ပြန်လည်ဆုတ်ခွာနိုင်ခဲ့တယ်လို့ သိရပါတယ်။ DVB