စစ်ကြောရေးတပ်အရာရှိများ စစ်ကြောခံနေရ
စစ်ကောင်စီထောက်လှမ်းရေးတပ်မှ ဗိုလ်မှုးသန်းထွဋ်၊ ၎င်းနှင့်အတူ ကားတစ်စီးတည်းအတူလိုက်ပါလာသူ တပ်ကြပ်ကြီးမြင့်အောင်တို့အား ပြည်သူ့ကာကွယ်ရေးတပ်ဖွဲ့ဝင်များက လွန်ခဲ့သည့်တနင်္ဂနွေနေ့၌ အောင်မြင်စွာ လုပ်ကြံတိုက်ခိုက်မှုတွင် ဗိုလ်ကြီးအဆင့်တစ်ဦးရှိသူနှင့် အခြားထောက်လှမ်းရေးအဖွဲ့ဝင်များ လွတ်မြောက်သွားခဲ့သည်။
ထိုလွတ်မြောက်သွားသူများမှာ ဗိုလ်မှုးသန်းထွဋ်တို့၏နောက်မှ သီးခြားကားတစ်စီးဖြင့်လိုက်ပါလာသော်လည်း လမ်းတွင်ကားဘီးပေါက်သဖြင့် ၎င်းတို့နှင့် ဗိုလ်မှုးသန်းထွဋ်တို့ အဆက်ပြတ်သွားခဲ့ပြီး တိုက်ခိုက်ခံရခြင်းမှ လွတ်မြောက်သွားခဲ့ခြင်းဖြစ်သည်။
လွတ်မြောက်သွားသော အရာရှိငယ်နှင့် အခြားလိုက်ပါသွားခဲ့သူတပ်ဖွဲ့ဝင်များကို စစ်ကောင်စီက စစ်ကြောရေးပြုလုပ်နေကြောင်းသိရှိရသည်။ ထို့ပြင် ဗိုလ်မှုးသန်းထွဋ်၏ ရန်ကုန် ၉ မိုင်ခွဲရှိ အမှတ် (၁) စစ်ဖက်ဆိုင်ရာလုံခြုံရေးအကူတပ်၏ အဆင့်မြင့်ဆုံးသောအရာရှိများဖြစ်သည့် ဗိုလ်မှုးချုပ်နေလင်းထွန်းနှင့် ဗိုလ်မှုးကြီးမြတ်ကိုတို့အားလည်း ယမန်နေ့ကတည်းက ဌာနတွင်းစုံခုံဖွဲ့စစ်ဆေးနေကြောင်း သိရှိရသည်။
အမှတ် (၁) စစ်ဖက်ဆိုင်ရာလုံခြုံရေးအကူတပ်သည် ညှင်းပန်းနှိပ်စက်သတ်ဖြတ်မှုများဖြင့် နာမည်ဆိုးဖြင့်ကျော်ကြားသော ရန်ကုန်တိုင်းရှိ စစ်ကြောရေးစခန်းများကိုကိုင်တွယ်သကဲ့သို့၊ တော်လှန်ရေးသမားများအသွင်ယူ၍လှုပ်ရှားနေသော ထောက်လှမ်းရေးတပ်ဖွဲ့ဖြစ်သည်။myanmar now
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 