SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

စစ်ကိုင်းတိုင်း၊ ကန့်ဘလူခရိုင် ၊ ကျွန်းလှမြို့နယ်၊ တောင်ယာဆိပ်ကျေးရွာအုပ်စုရှိ နေအိမ်များကို စစ်ကောင်စီတပ်သားများနှင့် ပျူစောထီးဆိုသူများပူးပေါင်းအင်အား ၁၂၀ခန့်က မီးတင်ရှို့သဖြင့် စပါးတိုက် ၃၃လုံးနှင့်အတူ လူနေအိမ် ၁၇၀လုံးသည် မီးလောင်ပျက်စီးဆုံးရှုံးခဲ့ကြောင်း ဒေသခံသတင်းရင်းမြစ်များထံမှ သိရသည်။

ယမန်နေ့ ဇန်နဝါရီ ၃၀ ရက်နံနက် ၆ နာရီ ၃၀ မိနစ်အချိန်ခန့်မှစ၍ အကြမ်းဖက် စစ်ကောင်စီတပ်ဖွဲ့များမှ တောင်ယာဆိပ်ကျေးရွာအုပ်စုမှ သ ရက်တော၊ အောင်ရန်ကင်း၊ မြင်သာဦး နှင့်တောင်ယာဆိပ်ရွာစသည့် ရွာလေးရွာမှ လူနေအိမ်များနှင့် စပါးတိုက်များကို မီးတင်ရှို့ခဲ့သည်ဟု ကျွန်းလှတက်ကြွလှုပ်ရှားသူများအဖွဲ့မှ တာဝန်ရှိသူကပြောသည်။

“ အရင်နှစ်တွေကလည်း မရောင်းဘဲနဲ့ ကိုယ့်မိသားစုစားဖို့ ချန်ထားတဲ့စပါးတွေလည်းပါတယ်။ ဒီနှစ်မှာလည်း ကျမတို့ရွာဘက်က လူတိုင်းလူတိုင်း စပါးက ရကြတယ် ။ အရင်နှစ်ကရော ဒီနှစ်မှာရောရတဲ့စပါးတွေ မီးထဲအကုန်ပါသွားပါတယ်။” ဟု စပါးကျီမီးရှို့ခံရသည့် သရက်တောရွာမှ ဒေသခံအမျိုးသမီးတစ်ဦးက မဇ္ဈိမသို့ပြောသည်။

မီးရှို့ခံရသည့် စပါးတိုက် ၃၃လုံးတွင် စပါးတင်း ပမာဏဘယ်လောက်ထိ မီးလောင်ပြာကျသွားသည်ကိုတော့ ခန့်မှန်း၍မရသော်လည်း မိမိတို့မှာက စပါးတင်း၂၀၀ခန့် မီးထဲပါသွားသည်ဟု သရက်တောရွာ ဒေသခံအမျိုးသမီးးက ဆိုသည်။

အကြမ်းဖက်စစ်ကောင်စီတပ်သားများ၏ မီးတင်ရှို့မှုကြောင့် အိမ်ခြေ ၄၃လုံးရှိသည့် သရက်တောရွာတွင် လူနေအိမ် ၃၃လုံး၊ အိမ်ခြေ ၇၅လုံးရှိသည့် အောင်ရန်ကင်းတွင် လူနေအိမ် ၅၁လုံး၊ အိမ်ခြေ ၅၆လုံးရှိသည့် မြင်သာဦးရွာတွင် လူနေအိမ် ၅၁လုံးနှင့် အိမ်ခြေ ၄၈လုံးရှိသည့် တောင် ယာဆိပ်ရွာတွင် လူနေအိမ် ၂၂လုံး မီးလောင်ပြာကျခဲ့ကြောင်း ကျွန်းလှတက်ကြွလှုပ်ရှားသူများအဖွဲ့ ထံမှ သိရသည်။

တောင်ယာဆိပ်ကျေးရွာအုပ်စု ရွာလေးရွာရှိ အိမ်ခြေ ၂၂၂လုံးအနက် အိမ်ခြေ ၁၂၇လုံးမီးလောင်ပြာကျခဲ့သည့်အပြင် စပါးတိုက် ၃၃လုံးနှင့် ကားတစ်စီးလည်း မီးထဲပါသွားသည်ဟု ၎င်းအဖွဲ့တာဝန်ရှိသူက ဆိုသည်။

အင်းအား ၁၂၀ခန့်ပါ စစ်ကောင်စီစစ်ကြောင်းမှ အကြမ်းဖက်မီးရှို့ဖျက်ဆီးခြင်းကြောင့် တောင်ယာဆိပ်ကျေးရွာအုပ်စုအတွင်း ပြည်သူပိုင်နေ အိမ် ထက်ဝက်ကျော်မီးရှို့ဖျက်ဆီးခံရပြီး အနီးနားရှိ ရွာပေါင်း ၁၂ ရွာမှ ပြည်သူ ၁၀,၀၀၀ ကျော် ဘေးလွတ်ရာထွက်ပြေး တိမ်းရှောင်နေရကြောင်းလည်းသိရသည်။ mizzima

စစ်ကိုင်းတိုင်း၊ ခင်ဦးမြို့နယ်ရှိ ကျေးရွာ ၃ ရွာကို အကြမ်းဖက် စစ်တပ်က ၂ ရက်ဆက်တိုက် မီးရှို့ဖျက်ဆီးခဲ့ကြောင်း ခင်ဦးမြို့နယ် သတင်းမှန်ကြားရေး အဖွဲ့မှ တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။

ဇန်နဝါရီလ ၃၀ ရက်နှင့် ၃၁ ရက်နေ့တွင် အကြမ်းဖက် စစ်တပ်က ခင်ဦးမြို့နယ်အတွင်းရှိ ဗျိုင်းကြိုင်ကျေးရွာ၊ ရုံးစုကျေးရွာနှင့် ညောင်ပင်ကြီးစုရွာတို့က မီးရှို့ဖျက်ဆီးခဲ့ပြီး ဗျိုင်းကြိုင်ရွာနှင့် ရုံးစုရွာတို့ ရွာလုံးကျွတ် ပြာကျခဲ့ကြောင်း သိရသည်။

” မနေ့က ခင်ဦးမြို့နယ် ဗျိုင်းကြိုင်ကျေးရွာကို စစ်ခွေးတွေ ရောက်လာပြီး ညလုံးပေါက် ပြည်သူပိုင်နေအိမ်တွေကို မီးတင်ရှို့ခဲ့တယ်။ ဒီနေ့ နံ နက်ပိုင်းမှာ ရုံးစုကျေးရွာနဲ့ ရေဦး-ညောင်ပင်သာ လမ်းပိုင်းမှာရှိတဲ့ ညောင်ပင်ကြီးစု ကျေးရွာကို ထပ်ရှို့နေတယ်။ ဗျိုင်းကြိုင်ရွာနှင့် ရုံးစုရွာတို့ကတော့ ရွာလုံးကျွတ် ကုန်သလောက်ကို ရှိဖြစ်သွားပြီး ပခုညနေပိုင်းမှာ ညောင်ပင်ကြီးစု ရွာကိုလည်း နေရာ ၃ ခုခွဲပြီး မီးတင်ရှို့နေတယ်။ မီးရှို့ခံရတဲ့ ကျေးရွာတွေ အတွင်း ဒေသခံ ဝင်ရောက်လို့မရသေးတာကြောင့်ရယ် တကွဲတပြားစီဖြစ်နေတာရယ် ကြောင့် အထိအခိုက်တွေ အပျက် အစီးတွေ မသိရသေးပါဘူး။ ထွက်ပြေးတဲ့ ဒေသခံတွေကတော့ ထိခိုက်မှုရှိတယ်လို့ မကြားသေးပါဘူး” ဟု ခင်ဦးမြို့နယ် သတင်းမှန် ပြန် ကြားရေး အဖွဲ့မှ တာဝန်ရှိသူ တစ်ဦးကပြောဆိုသည်။

ခင်ဦးမြို့နယ်အတွင်းရှိ ဗျိုင်းကြိုင်၊ ရုံးစု၊ ညောင်ပင်ကြီးစု၊ ကြာပင်အိုင်၊ ကျွန်းလည်၊ ကျွန်းဆွယ်၊ ရွှေဘိုမြို့နယ်ရှိ သရက်ပင်ဝန်း၊ စိုင်တိုး စသည့် ကျေးရွာ ၈ ရွာမှ ပြည်သူ ၁၀၀၀၀ ခန့်သည် စစ်ဘေးရှောင်များအဖြင့် တိမ်းရှောင်နေရကြောင်း သိရသည်။ khit thit

မွန်ပြည်နယ်၊ ရေးမြို့နယ်၊ ဘေးကလွဲရွာ၊ ကြိုးတံတားချောင်းအနီးမှာ ဇန်နဝါရီ ၃၀ ရက် မနက် ၁၀ နာရီလောက်က အမျိုးသားတယောက် မြေမြှုပ်မိုင်းနင်းမိပြီး ဒဏ်ရာရရှိခဲ့တယ်လို့ ဒေသခံတွေနဲ့ လူမှုကယ်ဆယ်ရေးအဖွဲ့တွေက ပြောပါတယ်။

အသက် ၆၀ ကျော်အရွယ် နိုင်ကိုးမိုင်ဟာ ကြိုးတံတားချောင်းနားက သူ့ရဲ့ဥယျာဉ်ခြံမှာ ရေပိုက်လာပြင်စဉ် မြေမြှုပ်မိုင်းနင်းမိခဲ့တာကြောင့် ဘယ် ခြေထောက် ပြတ်တောက်ဒဏ်ရာ ရရှိခဲ့တာပါ။

မြေမြှုပ်မိုင်းနင်းမိခဲ့တဲ့ နိုင်ကိုးမိုင်ကို လမိုင်းဆေးရုံကနေ မော်လမြိုင် ကုတင် ၃၀၀ ဆေးရုံဆီ လွှဲပြောင်းပေးထားတယ်လို့ သိရပါတယ်။

နိုင်ကိုးမိုင် မြေမြှုပ်မိုင်းနင်းမိခဲ့တဲ့ ကြိုးတံတားချောင်းမှာ စစ်ကောင်စီတပ်က ကင်းစခန်းချပြီး တပ်စွဲနေထိုင်နေတဲ့ နေရာတခုလည်း ဖြစ်တယ်လို့ ဒေသခံတွေက ဆိုပါတယ်။

စစ်ကောင်စီတပ် ကင်းစခန်းချထားတဲ့ နေရာနားမှာ ပြီးခဲ့တဲ့ရက်ပိုင်းကလည်း ဆိုင်ကယ် မောင်းနှင်လာတဲ့ အမျိုးသား တဦး မြေမြှုပ်မိုင်း နင်းမိခဲ့တာကြောင့် လူအနည်းငယ် ထိခိုက်ဒဏ်ရာ ရရှိခဲ့ပေမဲ့ ဆိုင်ကယ်တစီးလုံး ထိခိုက်ပျက်စီးခဲ့တယ်လို့ သိရပါတယ်။

မွန်ပြည်နယ် ရေးမြို့နယ်မှာ တိုက်ပွဲတွေဖြစ်ပွားပြီးနောက် မြေမြှုပ်မိုင်း ပေါက်ကွဲမှုတွေ မကြာခဏ ဖြစ်ပေါ်နေပါတယ်။DVB

ကချင်ပြည်နယ်၊ မြစ်ကြီးနားမြို့ ၊သီတာရပ်ကွက်ရှိ ယာဉ်ထိန်းရဲရုံးကို ဝင်ပစ်သည့် ပြည်သူ့ကာကွယ်ရေးတပ်ဖွဲ့ဝင်နှစ်ဦး ဖမ်းဆီးခံလိုက်ရသည်ဟု အမည်မဖော်လိုသည့် ရဲတပ်ဖွဲ့ဝင်တစ်ဦးက ဆိုသည်။

ယနေ့ ဇန်နဝါရီလ ၃၀ရက် မွန်းလွဲ ၃ နာရီဝန်းကျင်က ယာဥ်ထိန်းရဲရုံးအတွင်း အခိုင်အမာတပ်စွဲထားသည့် စစ်ကောင်စီတပ်ဖွဲ့ဝင်များ ဗုံးပစ်တိုက်ခိုက် ခံခဲ့ရခြင်းဖြစ်သည်ဟု သိရသည်။

အဆိုပါရုံးအား လာရောက်တိုက်ခိုက်သည့် ပြည်သူ့ကာကွယ်ရေး တပ်ဖွဲ့ဝင်များကို ရဲတပ်သားနှင့် စစ်ကောင်စီတပ်သားများက အင်အားအလုံး အရင်းဖြင့် ပြန်လည်တိုက်ခိုက်ခဲ့သည့်အတွက် ပြည်သူ့ကာကွယ်ရေးတပ်ဖွဲ့ဝင် နှစ်ဦး ဖမ်းဆီးခံခဲ့ရခြင်းဖြစ်‌ကြောင်း အမည်မဖော်လိုသည့် သ တင်းအရင်းအမြစ်က ဆိုသည်။

“သိတဲ့အတိုင်း မော်တော်ပီကယ်ရုံး(ယာဉ်ထိန်းရဲရုံး)လမ်းက အပိတ်လမ်းတွေပဲလေ။ အဲ့မှာ နှစ်ယောက်ကိုမိသွားတာ။ တစ်ယောက်ကတော့ အားကာရုံးနောက်က ရေကူးကန်ဘက်ကို ဝင်ပြီး ပျောက်သွားတယ်ပြောတယ်။ သေနတ်သုံးလက်နဲ့ လူနှစ်ယောက်ကိုတော့ မိထားတယ်။ အခုဒီဘက်က လွတ်သွားတဲ့တစ်ယောက်ကို ပိုက်စိပ်တိုက်ပြီး ရှာနေတယ် ”ဟု ၎င်းကပြောသည်။

ဆိုင်ကယ်စီးနင်းလာသည့် ပြည်သူ့ကာကွယ်ရေး တပ်ဖွဲ့ဝင်များကို အရပ်ဝတ်ဖြင့် သေနတ်များကိုင်ဆောင်ပြီး ကင်းပုန်းစောင့်နေသည့် လူငါးဦးခန့်က လမ်းပိတ်ဆို့ ဖမ်းဆီးကာ ကြိုးတုပ်ပြီး အိမ်စီးကားတစ်စီးပေါ်တင်၍ ဖမ်းဆီးခေါ်ဆောင်သွားသည်ဟု မျက်မြင်တွေ့ရှိခဲ့သည့် သတင်းရင်းမြစ်များက အတည်ပြုသည်။

ပြည်သူ့ကာကွယ်ရေးတပ်ဖွဲ့ဝင်များ၏ ဝင်ရောက်တိုက်ခိုက်မှု‌ကြောင့် မော်တော်ပီကယ်ရုံးအတွင်းရှိ စစ်ကောင်စီတပ်ဖွဲ့ဝင်များလည်း ထိခိုက်မှုရှိနိုင်ကြောင်း သတင်းရင်းမြစ်များက ဆိုသည်။

ဖမ်းဆီးခံလိုက်ရသည့် ပြည်သူ့ကာကွယ်ရေးတပ်ဖွဲ့ဝင် နှစ်ဦး၏ အခြေအနေအသေးစိတ်ကို ဆက်လက်စုံစမ်းနေဆဲဖြစ်သည်။mizzima

ချင်းပြည်နယ်၊ ထန်တလန်မြို့နယ်၊ ထန်တလန်မြို့သို့ လာရောက်သည့် အကြမ်း ဖက် စစ်တပ် MI 17 ရ ဟတ် ယာဉ် ၂ စီးကို CDF – Thantlang နှင့် CNA တပ်ဖွဲ့တို့ ပစ်ခတ်တိုက်ခိုက်ခဲ့ရာ ရဟတ်ယာဉ် ၁ စီး ထိမှန်သွားကြောင်း အမျိုးသားညီညွတ်ရေး အစိုးရ ၊ ကာကွယ်ရေးဝန်ကြီးဌာနက သတင်းထုတ် ပြန်သည်။

ယမန်နေ့ ဇန််နဝါရီလ ၂၉ ရက်နေ့ ညနေ ၃ နာရီခန့်က ထန်တလန်မြို့သို့ ဆင်း သက်လာသည့် အကြမ်း ဖက် စစ်တပ်ရဟတ်ယာဉ် နှစ်စီးကို ပြည်သူ့ ကာ ကွယ် ရေးတပ်ဖွဲ့များက ဒရုန်းဖြင့်တိုက်ခိုက်ရာ ရဟတ် ယာဉ်တစ်စီးထိ မှန်ခဲ့ပြီး မီး များ အူထွက်ကာ ဟားခါးမြို့ရှိ အမှတ် ၂၆၆ အကြမ်းဖက်စစ်ကောင်စီ တပ်စ ခန်း သို့ ဆင်းသွားကြောင်း၊ မြို့ထဲမှ ဟားခါးမြို့တွင်းမှ မီးသတ်ကားများ လည်း ရဟတ်ယာဉ်ဆင်းသက် ရာ စစ်တပ်စခန်းအတွင်းသို့ သွားရောက်မီးငြှိမ်း သတ် ခဲ့ကြောင်း၊ ယနေ့အချိန်အထိ အဆိုပါ ရဟတ်ယာဉ် ရပ်တန့်ထားဆဲဖြစ် ကြောင်း သိရှိရသည်။ khit thit

မြန်မာနိုင်ငံရဲ့ ဖွဲ့စည်းပုံအခြေခံဥပဒေကို ဖယ်ဒရယ်ဒီမိုကရေစီနိုင်ငံတနိုင်ရဲ့ ဥပဒေအဖြစ် ပြောင်းလဲပစ်ဖို့လိုအပ်ပြီး  လူမျိုးတိုင်းနဲ့ ပြည်သူတရပ်လုံးအတွက် လွတ်လပ်မှု၊ တရားမျှတမှု၊ တန်းတူညီမျှမှုနဲ့ ကိုယ်ပိုင်ပြဋ္ဌာန်းခွင့်တွေကို အာမခံချက်ပေးနိုင်တဲ့ ဖွဲ့စည်းပုံ အခြေခံဥပဒေဖြစ်ဖို့ လိုအပ်တယ်လို့ ကရင်အမျိုးသားအစည်းအရုံး (ကေအန်ယူ) ခေါင်းဆောင်က ပြောပါတယ်။

ဇန်နဝါရီ ၃၁ ရက် ဒီကနေ့ ကျရောက်တဲ့ ၇၄ ကြိမ်မြောက် ကရင်အမျိုးသား တော်လှန်ရေးနေ့အတွက် ကေအန်ယူဥက္ကဋ္ဌ ဗိုလ်ချုပ်ကြီး စောမူတူးစေဖိုးက ပေးပို့တဲ့ သဝဏ်လွှာမှာ တိုက်တွန်း ပြောကြားလိုက်တာပါ။

ဒါ့အပြင် ကရင်အမျိုးသားတို့ရဲ့ ခုခံတော်လှန်ရေးကြီးဧကန်မုချ အောင်မြင်ရမှာဖြစ်ပြီး ရည်မှန်းချက်ပန်းတိုင် ပြီးမြောက်အောင်မြင်တဲ့အထိ ဆုံးခန်းတိုင်အောင် ကြိုးပမ်းအားထုတ်ကြဖို့လည်း တိုက်တွန်းထားပါတယ်။

ဒါ့အပြင် မိမိတို့ နိုင်ငံရေး ရည်မှန်းချက်တွေဖြစ်တဲ့ တရားမျှတမှု၊ တန်းတူညီမျှမှုနဲ့ ကိုယ်ပိုင်ပြဋ္ဌာန်းခွင့်တွေအတွက် အာမခံပြီး လူမျိုးတိုင်းနဲ့ ပြည်သူလူထုတရပ်လုံးအတွက် လူတဦးချင်းရဲ့ တန်းတူအခွင့်အရေးနဲ့ ကိုယ်ပိုင်လွတ်လပ်မှုတွေအပြင် လူမျိုးအလိုက် အစုအဖွဲ့လိုက် လွတ် လပ်မှုနဲ့ ရပိုင်ခွင့်အခွင့်အရေးတွေကို  အာမခံချက်ပေးနိုင်တဲ့ ဖယ်ဒရယ်ဒီမိုကရေစီ ပြည်ထောင်စုကြီးကို တည်ရမယ်လို့လည်း ပြောပါတယ်။

ဒါ့အပြင် ခုခံတော်လှန်ရေးဟာ လူတဦးတယောက်ရဲ့ အင်အာနဲ့ ကြိုးပမ်းလုပ်ဆောင်ရမယ့်အရာ မဟုတ်တဲ့အပြင် လူမျိုးတမျိုးတည်နဲ့ ကြိုး ပမ်းအားထုတ်ရမယ့်အရာမဟုတ်တဲ့အတွက် အတူတကွပူးပေါင်းပြီး လုပ်ဆောင်ဖို့လည်းတိုက်တွန်းထားပါတယ်။

စစ်အာဏာရှင်စနစ်နဲ့ အာဏာရှင်ရဲ့စရိုက်လက္ခဏာအလုံးစုံကို ကြိုးပမ်းတော်လှန်နေတဲ့ တခြားလူမျိုး၊ အဖွဲ့အစည်းတွေနဲ့အတူ တိုက်ထုတ်ရမှာဖြစ်ကြောင်းလည်း ထည့်သွင်းပြောဆိုထားပါတယ်။

ကေအန်ယူ စတင်တည်ထောင်ကတည်းက တိကျပြသားတဲ့ နိုင်ငံရေးအမြင်နဲ့ နိုင်ငံရေးရည်မှန်းချက်ရှိနှင့်ပြီးဖြစ်တဲ့အတိုင်း ဒီနေ့အထိ အညံ့ခံခြင်းမရှိဘဲ အားမလျော့ဘဲ သတ္တိရှိရှိ ကြံ့ကြံ့ခံခုခံခဲ့တယ်၊ အချိန်နာရီ၊ ပစ္စည်းဥစ္စာပိုင်ဆိုင်မှုအပြင် အသက်သွေးချွေးတွေကို ပေးဆပ်ခဲ့တဲ့ ခေါင်းဆောင်၊ စစ်သည်တွေနဲ့  ပြည်သူထူမရေတွက်နိုင်အောင် များပြားတယ်၊ ဒါ့အကြာင့် နိုင်ငံသူနိုင်ငံသားတွေအနေနဲ့ တနိုင်ငံတည်း အေး အေးချမ်းချမ်းနဲ့ အတူတကွ ယှဉ်တွဲနေထိုင်နိုင်ဖို့ ဖယ်ရယ်ဒီမိုကရေစီပြည်ထောင်စုကြီးကို မိမိတို့နဲ့အတူ ထူထောင်ဖို့၊ ပြည်သူတရပ်လုံးအ တွက် ဆုံးခန်းတိုင် ကြိုးပမ်းအားထုတ်ကြဖို့လည်း ဗိုလ်ချုပ်ကြီး  စောမူတူးစေးဖိုးက တိုက်တွန်းထားပါတယ်။

ဒီနေ့ကျရောက်တဲ့ (၇၄) နှစ်မြောက် ကရင့်တော်လှန်ရေးနေ့ အခမ်းအနားတွေကို ကရင်အမျိုးသားအစည်းအရုံး (ကေအန်ယူ) ဗဟိုဌာနချုပ်နဲ့ ကေအန်အယ်လ်အေ တပ်မဟာ တချို့မှာ ကျင်းပကြပါတယ်။

နိုင်ငံတဝန်းနဲ့ ကမ္ဘာတဝန်းက ကရင်လူထုတွေအနေနဲ့ ဒီနေ့ ဇန်နဝါရီ ၃၁ ရက် ညနေ ၆ နာရီကနေ ဖေဖော်ဝါရီ ၁ ရက် ညနေ ၆ နာရီအထိ ၂၄ နာရီ အစာရှောင်ဆုတောင်းကြဖို့ ကရင်အမျိုးသားလွတ်မြောက်ရေးတပ်မတော် (KNLA) ဒုစစ်ဦးစီးချုပ် ဗိုလ်ချုပ်ကြီး ဘောကျော်ဟဲက မေတ္တာရပ်ခံထားပါတယ်။ DVB

စစ်ကောင်စီက ကျင်းပမည့်အတုအယောင်ရွေးကောက်ပွဲအား အမျိုးသားဒီမိုကရေစီအဖွဲ့ချုပ် (NLD)အနေဖြင့် ခိုင်မာစွာဆန့်ကျင်ကန့်ကွက်နေမည်ဖြစ်ပြီး စစ်ကောင်စီနှင့်ပူးပေါင်းဆောင်ရွက်မည့် လူ ပုဂ္ဂိုလ်၊ အဖွဲ့အစည်းများကို နိုင်ငံတော်ပုန်ကန်မှုကျူးလွန်ရာတွင် အားပေးကူညီသူများအဖြစ် သတ်မှတ် မည်ဖြစ်ကြောင်း ဇန်နဝါရီလ ၂၉ ရက်နေ့ နံနက်ပိုင်းတွင် ထုတ်ပြန်အသိပေးထားသည်။

အဲဒီထုတ်ပြန်ချက်အရ တည်ဆဲဥပဒေတွေကိုချိုးဖောက်ပြီး နိုင်ငံတော်ပုန်ကန်မှု ကျူးလွန်ထားတဲ့ စစ်ကောင်စီ ရဲ့ ဆောင်ရွက်မှုတွေဟာ တရားဝင်မှုမရှိတဲ့အတွက် သူတို့ကျင်းပမယ့် အတုအယောင်ရွေး ကောက်ပွဲအပေါ် NLD ပါတီအနေနဲ့ ဆန့်ကျင်ကန့်ကွက်နေမယ်လို့ ဆိုပါတယ်။

ဒါ့အပြင် အာဆီယံအပါအဝင် နိုင်ငံတကာအသိုင်းအဝိုင်းအနေနဲ့ ဖက်ဒရယ် ဒီမိုကရေစီပြည်ထောင်စုတည်ဆောက်နိုင်ရေးနဲ့ စစ်ကောင်စီ ကျူးလွန်တဲ့ရာဇဝတ်မှုတွေကို နိုင်ငံတကာဥပဒေတွေနဲ့အညီ ဖော်ထုတ်အရေးယူနိုင်ရေး အခုထက်ပိုထိရောက်အောင် ကူညီပေးကြဖို့ NLD က မေတ္တာရပ်ခံတိုက်တွန်ထားတာပါ။ mizzima

အကြမ်းဖက် စစ်ကောင်စီက ယနေ့ ၂၀၂၃ ခုနှစ်၊ ဇန်နဝါရီလ ၃၁ရက်နေ့တွင် နေပြည်တော်တွင် အမျိုးသားကာကွယ်ရေးနှင့် လုံခြုံရေးကောင်စီ (ကာ/လုံ) အစည်းအဝေးကို ပြုလုပ်ခဲ့ကြပြီး နိုင်ငံက သာမန်အခြေအနေမဟုတ်ဟု ဆွေး နွေး ကြကြောင်း သိရှိရသည်။

စစ်တပ်က အာဏာသိမ်းသည့် ၂နှစ်ပြည့် ယနေ့ ဇန်နဝါရီ ၃၁ ရက် နံနက်ပိုင်း တွင် စစ်ကောင်စီခန့် ယာယီသမ္မတ ဟုဆိုသူ မြင့်ဆွေ တက်ရောက်သော ကာ/လုံ အစည်းအဝေး ကျင်းပခဲ့ပြီး လက်ရှိတိုင်းပြည် အခြေအနေသည် သာ မန် မဟုတ်သည့်အခြေအနေဟုဆိုကြသည်။

ဆွေးနွေးမှုတွင် ပြည်ထောင်စုလွှတ်တော်ကိုယ်စားပြုကော်မတီ CRPH၊ အမျိုး သား ညီညွတ်ရေးအစိုးရ NUGနှင့် ပြည်သူ့ကာကွယ်ရေးတပ် PDF တို့ရှိ နေ သည့် အခြေအနေအပေါ် သာမန်မဟုတ်သည့် အခြေအနေဟု အကြမ်းဖက် မင်းအောင်လှိုင်က ပြောဆိုခဲ့သည်။

ဖေဖေါ်ဝါရီလ ၁ ရက်နေ့တွင် ကာလုံ၏ ‌ဆုံးဖြတ်ချက်များနှင့် ပတ်သက်၍ ထုတ်ပြန်သွားမည် ဖြစ်ကြောင်း၊ အစည်းအဝေးသို့ ယာယီသမ္မတဟု ဆိုသူ မြင့်ဆွေ၊ ပြည်သူ့လွှတ်တော် ဥက္ကဋ္ဌ ဟုဆိုသူ တီခွန်မြတ်၊ အကြမ်းဖက် မင်း အောင် လှိုင်၊ အကြမ်းဖက် စိုးဝင်း၊ အကြမ်းဖက် မြထွန်းဦး၊ အကြမ်းဖက် စိုး ထွဋ်၊ အကြမ်းဖက် ဝဏ္ဏမောင်လွင်၊ အကြမ်းဖက် ထွန်းထွန်းနောင်၊ အကြမ်း ဖက် အောင်လင်းဒွေး၊ အကြမ်းဖက် ရဲဝင်းဦး၊ ဝန်ကြီး ဟုဆိုသူ သီတာဦး တို့ တက်ရောက်ခဲ့ကြကြောင်း သိရှိရသည်။

“သူတို့ ကာ/လုံ အစည်းအဝေးနဲ့ပတ်သက်တဲ့ အချက်အလက် ၊ သတင်းတွေ ကျ နော် မရသေးပါဘူး။ စာရွက်စာတမ်းလည်း မထွက်လာသေးဘူး။ ဒါပေမယ့် ထုတ် ပြန်ချက်အရ ဆိုရင်တော့ နောက်ထပ် ၆ လ သက်တမ်းတိုးတဲ့သဘောလို့ မှတ်ယူလို့ရပါတယ်။ ဘာ အပြောင်းအလဲမှ မရှိတဲ့သဘောပါ” ဟု ရန်ကုန်ခေတ် သစ် ၏ စစ်ဘက်သတင်းရင်းမြစ်က ပြောဆိုသည်။ khit thit

စစ်ကိုင်းတိုင်း၊ ကန့်ဘလူမြို့နယ်၊ လယ်လှကျေးရွာနဲ့ ကံပေါက်ကျေးရွာမှာ အထိုင်ချ တပ်စွဲနေတဲ့ စစ်ကောင်စီတပ်နဲ့ ပျူစောထီးတွေ စားဖို့ ထမင်းဟင်း ချက်ပြုတ် ပို့ဆောင်ပေးရမယ်လို့ ဒေသခံတွေကို အမိန့်ထုတ်ထားကြောင်း သိရပါတယ်။

ခြေမြန်တပ်ရင်း ခမရ ၃၆၈ တပ်နဲ့ ပျူစောထီးတွေဟာ ဒေသခံတွေကို ရွာအပြင်မထွက်ခိုင်းစေဘဲ သူတို့ကို ထမင်းဟင်း ချက်ပြုတ် ပို့ဆောင်ပေးရမှာဖြစ်ကြောင်း ကျေးရွာဒေသခံတွေက ပြောပါတယ်။

ကံပေါက်ကျေးရွာ ဒေသခံတဦးက “ရွာမှာ ခမရ ၃၆၈ တပ်နဲ့ ပျူစောထီးအဖွဲ့က တပ်စွဲနေတာ ကြာပြီ။ ရွာပြင်လည်း ပေးမထွက်ဘူး။ ခုနောက် ပိုင်း နေအိမ်တွေကနေ ထမင်းဟင်း ချက်ပို့ရမယ်ဆိုပြီး အမိန့်ထုတ်ထားတယ်။ နောက်ပြီး ပျူစောထီးသင်တန်းတက်ရမယ် ဆိုပြီးလည်း သ တင်းထွက်နေတယ်” လို့ ပြောပါတယ်။

ခြေမြန်တပ်ရင်း ၃၆၈ နဲ့ ပျူစောထီးအဖွဲ့ဟာ လယ်လှကျေးရွာနဲ့ ကံပေါက်ကျေးရွာမှာ အထိုင်ချပြီး ကန့်ဘလူမြို့နယ်က ကျေးရွာတွေကို လိုက်လံ မီးရှို့ဖျက်ဆီးနေတာပါ။

ခြေမြန်တပ်ရင်း ၃၆၈ နဲ့ ပျူစောထီး ပူးပေါင်းတပ်ဖွဲ့ အင်အား ၁၀၀ ကျော်ဟာ ဇန်နဝါရီ ၃၀ ရက် မနက်ပိုင်းက ကန့်ဘလူမြို့နယ် တောင်ယာဆိပ်ကျေးရွာအုပ်စုအတွင်းကို စစ်ကြောင်းထိုး ဝင်ရောက်ပြီး ပြည်သူပိုင်နေအိမ်တွေကို မီးရှို့ဖျက်ဆီးခဲ့ပါတယ်။

မီးရှို့မှုကြောင့် သရက်တောကျေးရွာက နေအိမ်အလုံး ၃၀ ကျော်၊ အောင်ရန်ကင်းကျေးရွာက နေအိမ် အလုံး ၅၀ ကျော်၊ မြင်သာဦးကျေးရွာက နေအိမ် ၂၀ ကျော်နဲ့ တောင်ယာဆိပ်ကျေးရွာက နေအိမ် အလုံး ၂၀ ကျော် မီးလောင်ဆုံးရှုံးခဲ့ပါတယ်။ DVB