SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

မကွေးတိုင်း၊ အောင်လံမြို့နယ် ချင်းစခန်းကြီးကျေးရွာနေ စစ်ကောင်စီသတင်းပေး ကျော်ရဲအောင်အား ရှင်းလင်းရာတွင် ရုန်းရင်း ဆန်ခတ်ဖြစ်အောင် ဘေးလူများမှ ပြုလုပ်သော်လည်း Mission အတိုင်း ကျော်ရဲအောင်ကိုသာပစ်ခတ်ခဲ့သည်ဟု မြေလတ်ဗမာကာကွယ်ရေးတပ်ဖွဲ့ (MB DF) မှ ရဲဘော်ကျားလေးက ပြောသည်။

ဖေဖော်ဝါရီ ၂ ရက်နေ့က အောင်လံမြို့နယ် ချင်းစခန်းကြီးကျေးရွာနေ စစ်ကောင်စီသတင်းပေး ကျော်ရဲအောင်ကို သွားရောက်ပစ်ခတ်ခဲ့စဉ် ကျော်ရဲအောင်နှင့်အတူပါလာသော သူ၏အကိုအရင်းဖြစ်သူ ဇော်မျိုးအောင်မှ MBDF တပ်ဖွဲ့ဝင်အား ဓားဖြင့်ပြန်လည်ခုခံသည့်အပြင် ၎င်းတို့နှင့်အတူပါလာသည့် ဝမ်းကွဲညီအကို တော်စပ်သူမှာလည်း တပ်ဖွဲ့ဝင်တစ်ဦးကို ဖမ်းချုပ်ခဲ့သည့်အတွက် အတင်းရုန်းထွက်ခဲ့ရသည်ဟု MBDF ၏ ထုတ်ပြန်ချက်တွင် ဖော်ပြထားသည်။

“ကျော်ရဲအောင်က တော်လှန်ရေးအင်အားစုတွေကို မြေပြင်ကင်းထောက်ပြီး စစ်ကောင်စီကိုသတင်းပို့နေတာပါ၊ ခြင်းခတ်တာကအစ နိုင်ငံရေးအဆုံး သူ့အဖေစစ်တပ်ကိုခေါ်ပြီး ရမ်းကားနေတာလည်းမနည်းတော့ဖူး၊ သူ့အကိုဝမ်းကွဲဆို ကျွန်တော်တို့ကို ဝိုင်းချုပ်တာ၊ လက်သီးနဲ့တောင်တစ်ချက်ပြန်မထိုးခဲ့ပါဘူး” ဟု ရဲဘော်ကျားလေးက ပြောသည်။

ထိုကဲ့သို့ ရုန်းရင်းဆန်ခတ်ဖြစ်ခဲ့သော်လည်း အရပ်သားပြည်သူဟုထင်မှတ်သောကြောင့် ရုန်းထွက်ဆုတ်ခွာခဲ့သည်ဟု MBDF ၏ ထုတ်ပြန်ချက်တွင် ပါရှိသည်။

အောင်လံမြို့တွင် တော်လှန်ရေးအင်အားစုများမှ လှုပ်ရှားမှုနည်းသေးသောကြောင့် ပြည်သူများအားမကိုးနိုင်သေးသည့်အတွက် မိမိတို့အနေ ဖြင့်ပိုကြိုးစားပြရမှာဖြစ်သည်ဟု ရဲဘော်ကျားလေးမှ ပြောသည်။

“လှုပ်ရှားမှုနည်းပေမယ့် စခ(စကစတပ်သား)တွေဘက်ကတော့ စစ်ဆေးတင်းကျပ်တာက တခြားနယ်တွေထက် လျော့ပေါ့တာမျိုးမတွေ့ရပါဖူး၊ နောက်တစ်ခုကတော့ အောင်လံပြည်သူလူထုကိုလည်း စစ်ကောင်စီတပ်တွေရဲ့ တပ်အရွေ့အပြောင်းသတင်းပဲဖြစ်ဖြစ်၊ သူတို့ကြုံတွေ့နေရတဲ့အခက်အခဲအကျပ်အတည်းကိစ္စတွေပဲဖြစ်ဖြစ်၊ ကျွန်တော်တို့ရဲ့ telegram အကောင့်ကနေတစ်ဆင့် သတင်းပေးကြပါလို့ ပြောချင်ပါတယ်” ဟု ရဲဘော်ကျားလေးက ပြောသည်။

အဆိုပါပစ်ခတ်မှုကြောင့် သတင်းပေး ကျော်ရဲအောင်မှာ နေရာတွင် ပွဲချင်းပြီးသေဆုံးသွားသည်ဟု သိရသည်။mizzima

ဖေဖော်ဝါရီ ၇ ရက် မနေ့ကတရက်တည်း ဖြစ်ပွားခဲ့တဲ့ တိုက်ပွဲတွေမှာ စစ်ကောင်စီ အကြမ်းဖက်တပ်ဖွဲ့ဝင် အယောက် ၄၀ နီးပါး သေဆုံးခဲ့တယ်လို့ အမျိုးသားညီညွတ်ရေးအစိုးရ (NUG) က ထုတ်ပြန်ပါတယ်။

အခုထုတ်ပြန်ထားတဲ့ အချက်အလက်ဟာ မြေပြင်အခြေအနေမှာ ပိုများနိုင်ပြီး တရက်တည်း ထိခိုက်ဒဏ်ရာ ရရှိတဲ့သူ အရေအတွက်ကတော့ ၁၀ ယောက်ထိ ရှိခဲ့တယ်လို့ ဆိုပါတယ်။

မြေပြင်တိုက်ပွဲတွေ ပြင်းထန်နေတဲ့ စစ်ကိုင်းတိုင်း၊ တန့်ဆည်မြို့နယ်မှာတော့ အကြမ်းဖက် စစ်ကောင်စီတပ်တွေနဲ့ PDF တပ်ဖွဲ့တွေကြား တိုက်ပွဲ ၃ ကြိမ် ဖြစ်ပွားခဲ့ပြီး စစ်ကောင်စီတပ်တွေဘက်က ၁၇ ယောက် သေဆုံးခဲ့တယ်လို့ သိရပါတယ်။ ဒါ့အပြင် စစ်ကိုင်းမြို့နယ်မှာ စစ်ကောင်စီ ရဲတွေကို PDF တွေက ပစ်ခတ်တိုက်ခိုက်ခဲ့ကြတာကြောင့် ရဲ ၅ ယောက် သေဆုံးခဲ့တယ်လို့ ဆိုပါတယ်။

မကွေးတိုင်း၊ မြိုင်မြို့နယ်မှာတော့ အကြမ်းဖက်စစ်ကောင်စီတပ်တွေကို PDF က မိုင်းဆွဲတိုက်ခိုက်ခဲ့တာကြောင့် စစ်ကောင်စီဘက်က ၃ ယောက်သေဆုံးခဲ့ပြီး ပေါက်မြို့နယ်မှာလည်း စစ်ကောင်စီတပ်တွေကို PDF က မိုင်းဆွဲတိုက်ခိုက်ခဲ့တာကြောင့် စစ်ကောင်စီဘက်က ၁၁ ယောက် သေဆုံးခဲ့တယ်လို့ သိရပါတယ်။

ဒါ့အပြင် ပဲခူးတိုင်း၊ ရေတာရှည်မြို့နယ်မှာလည်း အကြမ်းဖက်စစ်ကောင်စီတပ်တွေကို PDF တွေက မိုင်းဆွဲတိုက်ခိုက်ခဲ့တာကြောင့် စစ်ကောင်စီဘက်က ၂ ယောက် သေဆုံးခဲ့တယ်လို့ ဆိုပါတယ်။

လတ်တလောမှာတော့ အာဏာသိမ်းစစ်အုပ်စုရဲ့ ပြည်သူလူထုအပေါ် အကြမ်းဖက် ဖိနှိပ်ဖမ်းဆီး တိုက်ခိုက်သတ်ဖြတ်နေမှုတွေကို ပြည်သူတရပ်လုံးက အသက်ရှင်သန်ရေး အတွက် ခုခံကာကွယ်ပိုင်ခွင့်အရ ပြည်သူ့ခုခံစစ်ကို ဆင်နွှဲနေကြပြီး နိုင်ငံတဝန်းမှာတော့ မြန်မာပြည်သူတွေဟာ စစ်အာဏာရှင်စနစ် မြန်မာ့မြေပေါ်မှ အပြီးတိုင်ချုပ်ငြိမ်းရေးနဲ့ ဖက်ဒရယ်ဒီမိုကရေစီ တည်ဆောက်ရေးအတွက် ငြိမ်းချမ်းစွာဆန္ဒပြတဲ့ လူထုသပိတ် တိုက်ပွဲတွေ တိုင်းဒေသကြီးနဲ့ ပြည်နယ်တွေအနှံ့အပြား ပြုလုပ်နေကြသလို ဒေသခံ ပြည်သူ့ကာကွယ်ရေးတပ်တွေ၊ တိုင်းရင်းသား လက်နက်ကိုင်တပ်တွေနဲ့ စစ်ကောင်စီတပ်တွေကြား တိုက်ပွဲတွေ ပြင်းထန်နေပါတယ်။

NUG အစိုးရကတော့ ပြည်သူ့ခုခံတွန်းလှန်စစ်ပွဲ စတင်ခဲ့တဲ့ ၁ နှစ်အတွင်း အကြမ်းဖက် စစ်ကောင်စီဘက်က တပ်ဖွဲ့ဝင်ပေါင်း ၂၀,၁၅၀ ကျော်သေဆုံးကာ ဒဏ်ရာရသူ ၇,၀၀၀ ကျော်လောက်ရှိလာပြီး စစ်ကောင်စီ စိုးမိုးအုပ်ချုပ်နိုင်တဲ့နေရာဟာ တိုင်းပြည် နယ်မြေအကျယ်အဝန်းရဲ့ ထက်ဝက်တောင် မရှိတော့ဘူးလို့ NUG ယာယီသမ္မတ ဒူဝါလရှီးလက ပြောကြားထားပါတယ်။

ပြည်သူ့ခုခံတော်လှန်စစ် ကြေညာခြင်း တနှစ်ပြည့် အထိမ်းအမှတ်အဖြစ် အမျိုးသားညီညွတ်ရေးအစိုးရ ယာယီသမ္မတ ဒူဝါလရှီးလက နိုင်ငံ တော်အခြေပြမိန့်ခွန်း ပြောကြားရာမှာ ထည့်သွင်းပြောဆိုခဲ့တာဖြစ်ပြီး ၁ နှစ်တာ ကာလအတွင်း ခန့်မှန်းခြေစာရင်းအရ PDF တွေနဲ့ မဟာမိတ် တိုင်းရင်းသား လက်နက်ကိုင် သူရဲကောင်းရဲဘော်တွေ စုစုပေါင်း ၁,၅၀၀ ကျော် ကျဆုံးခဲ့တယ်လို့လည်း သူက ပြောပါတယ်။

လူထုသပိတ်တိုက်ပွဲတွေအနေနဲ့ မြေပြင်တိုက်ပွဲတွေ ပြင်းထန်နေတဲ့ စစ်ကိုင်းတိုင်းဒေသကြီးမှာ ၁၀ ကြိမ်နဲ့ အများဆုံးဖြစ်ပွားခဲ့ပြီး မန္တလေး တိုင်းဒေသကြီးနဲ့ မကွေးတိုင်းဒေသကြီးတို့မှာ ၂ ကြိမ်စီ ဖြစ်ပွားခဲ့တယ်လို့ ထုတ်ပြန်ချက်မှာ ဖော်ပြပါတယ်။

မြန်မာပြည်အနှံ့ တိုက်ပွဲတွေမှာ တပ်ဖွဲ့ဝင်တွေ သေဆုံးဒဏ်ရာရမှု အခြေအနေနဲ့ ပတ်သက်လို့ အကြမ်းဖက် စစ်ကောင်စီဘက်ကတော့ သ တင်းထုတ်ပြန်တာ မရှိပါဘူး။

ဒါ့အပြင် စစ်ကောင်စီရဲ့ အဆိုးဆုံး အကြမ်းဖက်တာခံခဲ့ရတဲ့ စစ်ကိုင်းတိုင်းနဲ့ မကွေးတိုင်းထဲက မြန်မာပြည်အထက်ပိုင်း လမ်းပိုင်းတွေရဲ့ ၉၀ ရာ ခိုင်နှုန်းကို PDF တွေက ထိန်းချုပ်ထားနိုင်ပြီလို့ NUG အစိုးရက သတင်းစာရှင်းလင်းပွဲမှာ ပြောထားပြီး လက်ရှိ မြေပြင်မှာ အကြမ်းဖက်ခံနေရတဲ့ ကျေးရွာတွေဟာ စစ်ကောင်စီနဲ့ PDF တွေ နှစ်ဖက်စလုံး မထိန်းချုပ်နိုင်သေးတဲ့ ကြားနယ်မြေတွေ ဖြစ်တယ်လို့ ဆိုပါတယ်။ DVB

စစ်အာဏာသိမ်းမှု နှစ်နှစ်တာကာလအတွင်း ဖမ်းဆီးထိန်းသိမ်းခံနေရသော အမျိုးသမီးဦးရေ စုစုပေါင်း ၂,၇၇၈ ဦးအထိရှိနေသည်ဟု မြန်မာအမျိုးသမီးများသမဂ္ဂ၏ အစီရင်ခံစာတစ်ရပ်တွင် ဖော်ပြ ထားသည်။

အဆိုပါအစီရင်ခံစာကို ပြီးခဲ့သော ဖေဖော်ဝါရီလ ၆ ရက်က အမျိုးသမီးများဆိုင်ရာအချက်အလက်စစ်တမ်း တစ်ခုအဖြစ် ထုတ်ပြန်ခဲ့ခြင်းဖြစ်ပြီး၊ ယင်းသည် ၂၀၂၁ ခုနှစ် ဖေဖော်ဝါရီ ၁ ရက်မှ ၂၀၂၃ ခုနှစ် ဖေဖော်ဝါရီ ၁ ရက်နေ့အထိ အမျိုးသမီးများအား စစ်ကောင်စီက မတရားဖမ်းဆီးထိန်းသိမ်းထားသည့် အရေအတွက် ဖြစ်ကြောင်း ဆိုသည်။

ထိုသို့ ဖမ်းဆီးခံထားရသည့်အမျိုးသမီးများတွင် ရန်ကုန်တိုင်းမှ ၇၅၈ ဦး ဖြင့်အများဆုံးဖြစ်ပြီး၊ ကရင်နီ ပြည်နယ်မှ ကိုးဦးဖြင့် အနည်းဆုံးဖြစ် ကြောင်း အစီရင်ခံစာ၌ ဖော်ပြထားသည်။

အလားတူ စစ်ကိုင်းတိုင်းနှင့် မန္တလေးတိုင်းတို့တွင် တိုင်းတစ်တိုင်းစီအလိုက် ဖမ်းဆီးခံရသူအမျိုးသမီး ၃၀၀ ကျော်စီရှိခဲ့ပြီး ပဲခူးတိုင်းနှင့် တန င်္သာရီတိုင်းတို့တွင် ၂၀၀ ကျော်စီအထိ ဖမ်းဆီးထိန်းသိမ်းခံရဆဲဖြစ် ကြောင်း ဆိုသည်။

“ဖမ်းဆီးခံထားရတဲ့ မြန်မာအမျိုးသမီးတွေထဲမှာဆို ဒေါ်အောင်ဆန်းစုကြည်က ထိပ်ဆုံးကပါနေတာပဲ လေ။ စစ်တပ်ကိုဆန့်ကျင်လို့ဖမ်းဆီးခံရတာက မပြောလိုတော့ပေမယ့် ပြည်နယ်တွေမှာ အုပ်စုနဲ့မုဒိမ်း ဝိုင်းကျင့်ခံရတာတွေ၊ ဖမ်းမိလို့ စစ်ကြောရေးမှာလိင်ပိုင်းဆိုင်ရာအကြမ်းဖက်ခံရတာတွေဟာ စစ်တပ်ရဲ့ အဆိုးရွားဆုံး လုပ်ရပ်တွေပေါ့။ ဒါတွေကို နိုင်ငံတကာကသိအောင် ရရှိတဲ့အချက်အလက်အမှန်အတိုင်း အစီရင်ခံစာတွေ ထုတ်ပြန်တာကိုလည်း ကြိုဆိုတယ်။ အခု အာဏာသိမ်းမှုကိုခြောက်လထပ်တိုးတယ် ဆိုတော့ စစ်တပ်က သူတို့အပေါ်ဆန့်ကျင်နေတဲ့ မည်သူမဆို ဖမ်းဆီးတာမျိုးတွေ ဆက်လုပ်နေမှာပဲ။ မြို့ပြတွေလိုနေရာမှာ သူတို့(စစ်တပ်)ကလုပ်နိုင်တာဆိုလို့ ဖမ်းဆီးစစ်ဆေးတာမျိုးတွေပဲ လုပ်နိုင်တာ လေ” ဟု CDM လှုပ်ရှားမှုတွင်ပါဝင်သည့် ပညာရေးဝန်ထမ်းအမျိုးသမီးတစ်ဉီးက ထောက်ပြသည်။

စစ်အာဏာသိမ်းမှုနှစ်နှစ်တာကာလအတွင်း ဖမ်းဆီးခံထားရသည့်အမျိုးသမီး ၂၀၀၀ ကျော်တွင် ပညာရေး ဌာနမှ ၃၆၅ ဦး ၊ ကျန်းမာရေးဌာနမှ ၅၁ ဦး၊တက်ကြွလှုပ်ရှားသူ ၉၂ ဦး၊ သတင်းမီဒီယာ၊ အနုပညာရှင်နှင့် နယ်ပယ်အသီးသီးမှ ၁၀ ဦး ကျော် ပါဝင်ကြောင်း ယင်းအစီရင်ခံစာတွင် ဖော်ပြထားသည်။

ထို့ပြင် မြန်မာ့အမျိုးသမီးသမဂ္ဂ၏စစ်တမ်းများအရ အကြမ်းဖက်မှုကြောင့်သေဆုံးသူအမျိုးသမီး ၄၁၄ ဦး ရှိသည့်အနက် ကျေးရွာများအတွင်းလက်နက်ကြီးကျရောက်ပေါက်ကွဲမှုကြောင့် သေဆုံးသူအမျိုးသမီး ၁၀၇ ဦး အထိ အများဆုံးရှိခဲ့သည်။

စစ်ကောင်တပ်စီက ကျေးရွာများအတွင်း ဝင်ရောက်စီးနင်းပစ်ခတ်မှုကြောင့် ၇၈ ဦး၊ လေကြောင်းဖြင့် တိုက်ခိုက်မှုကြောင့် ၂၆ ဦး၊ ဖမ်းဆီးထိန်း သိမ်းထားစဉ် အမျိုးသမီး ၅၃ ဦး၊ မီးရှို့သတ်ဖြတ်ခြင်းနှင့် ဦးခေါင်း ကျည်ဆံထိမှန် သေဆုံးသူ ၂၀ ဦး ၊ မုဒိန်းကျင့်ခံရသူ(အတည်ပြုနိုင်ခြင်းမရှိသေး) ၁၃ ဦးထိရှိခဲ့ကြောင်း အစီရင်ခံစာတွင်ဖော်ပြထားသည်။

ယင်းအပြင် ခိုင်လုံသောသတင်းမီဒီယာများမှတင်ပြထားသည့် သတင်းစုစည်းချက်များအရ စစ်တပ်၏ အုပ်စုဖွဲ့ မုဒိန်းကျင့်သည့်အမှုပေါင်း ၁၅ မှု၊ အရပ်သားများမှကျူးလွန်သည့် မုဒိန်းမှု ၁၀ မှုနှင့် စစ်ကြောရေး စခန်းနှင့် စစ်ဆေးရေးဂိတ်များတွင် လိင်ပိုင်းဆိုင်ရာထိပါးနှောင့်ယှက်မှုငါးမှုအထိရှိခဲ့ပြီး မြေပြင်ကိန်း ဂဏန်းများအရ ယခုထက်ပို၍များပြားနိုင်ကြောင်းဖော်ပြထားသည်။mizzima

စစ်ကိုင်းတိုင်း၊ ရေဦးမြို့နယ်မှာ ဖေဖော်ဝါရီ ၈ ရက် မနက်ပိုင်းက စစ်ကောင်စီစစ်ကြောင်းက အင်အား ၁၀၀ ဝန်းကျင်လောက်နဲ့ လက်နက်ကြီး လက်နက်ငယ်တွေနဲ့ ပစ်ခတ် စစ်ကြောင်းထိုးလာလို့ ဒေသခံ ၆,၀၀၀ ကျော် နေအိမ်တွေကို စွန့်ခွာပြီး ဘေးလွတ်ရာကို ထွက်ပြေးတိမ်းရှောင်နေရပါတယ်။

အဲဒီစစ်ကြောင်းဟာ ရေဦး-ခင်ဦး ကားလမ်းတလျှောက် စစ်ကြောင်းထိုးလာတဲ့အတွက် ကားလမ်းမကြီးဘေးမှာရှိတဲ့ ကျေးရွာ ၁၀ ရွာထက်မနည်းက ဒေသခံတွေ ထွက်ပြေးနေရပြီး နီးစပ်ရာကျေးရွာတွေမှာ ဖြစ်သလို စုပြီးနေထိုင်နေရတယ်လို့ ဒေသကာကွယ်ရေးအဖွဲ့ တာဝန်ရှိသူတဦးက ပြောပါတယ်။

အဲဒီလို စစ်ဘေးရှောင်တွေ စားသောက်ဖို့အတွက် တခြား နီးစပ်ရာကျေးရွာတွေက ဒေသခံတွေကို ထမင်းထုပ် စုအလှူခံပြီး ကူညီနေရတယ်လို့လည်း ကူညီဆောင်ရွက်ပေးနေသူတဦးက ပြောပါတယ်။

ခင်ဦးမြို့နယ်အတွင်းမှာ စစ်ကောင်စီက အာဏာသိမ်းပြီးချိန်ကစလို့ ၂၀၂၃ ခုနှစ် ဖေဖော်ဝါရီလကုန်ထိ မီးရှို့ခံရတဲ့ အိမ်ခြေ ၃,၇၀၀ ဝန်းကျင်ထိရှိပြီး လူဦးရေ ၂၀,၀၀၀ ဝန်းကျင် အိုးမဲ့အိမ်မဲ့ မီးဘေးဒုက္ခကြုံနေရတယ်လို့ ဒေသကူညီရေးအဖွဲ့တွေရဲ့ စာရင်းအရ သိရပါတယ်။

စစ်ကိုင်းတိုင်း၊ ထီးချိုင့်မြို့နယ်မှာတော့ သခွတ်ချောင်ကျေးရွာထဲကို စစ်ကောင်စီတပ်က ဖေဖော်ဝါရီ ၇ ရက် နေ့လယ် ၁၂ နာရီကျော်မှာ လက် နက်ကြီးနဲ့ပစ်ခတ်လို့ အသက် ၆၀ ကျော်အရွယ် ဘုန်းတော်ကြီးတပါး ပျံလွန်သွားတယ်လို့ ဒေသခံတွေဆီက သိရပါတယ်။

သခွတ်ချောင်ကျေးရွာကို လက်နက်ကြီးနဲ့ ပစ်ခတ်ခဲ့တဲ့ စစ်ကောင်စီတပ်ဟာ ဖေဖော်ဝါရီ ၅ ရက်က ထီးချိုင့်မြို့အတွင်းကနေ ထွက်လာတဲ့စစ်တပ် ဖြစ်တယ်လို့ သိရပါတယ်။

ထီးချိုင့်မြို့နယ်ဒေသခံတဦးက“ထီးချိုင့်မြို့ကနေ ကျက်သရေချောင်းရွာဘက်ကနေ စစ်ကြောင်းထိုးလာတာဗျ။ အဲဒီရွာကနေ သူတို့လုပ်နေကျအတိုင်း ရွာတရွာဝင်မယ်ဆိုရင် လက်နက်ကြီးနဲ့ ပစ်ဝင်တာ။ အခုလည်း သူတို့ ၂ နာရီကျော်လောက်က သခွတ်ချောင်ရွာဘက်ကို ၆၀ မမ လက်နက်ကြီးနဲ့ ပစ်ခတ်ခဲ့တယ်ဗျ။ အဲဒီလိုပစ်ခတ်လို့ ဆွမ်းစားကျောင်းပေါ်ကျပြီး အခန်းနေ အသက် ၆၀ ကျော် ဘုန်တော်ကြီးတပါး ပျံလွန်တော်မူသွားတယ်” လို့ ပြောပါတယ်။

သခွတ်ချောင်ကျေးရွာကို လက်နက်ကြီးနဲ့ ပစ်ခတ်ခဲ့တဲ့ စစ်‌တပ်ဟာ လတ်တလော သခွတ်ချောင်ရွာအနီး ပေါက်တောရွာဘေးမှာ ရှိနေပြီး အနီးပတ်ဝန်းကျင်ကျေးရွာက ဒေသခံထောင်နဲ့ချီ နေရပ်စွန့်ခွာ ထွက်ပြေးနေကြရတယ်လို့လည်း ဒေသခံတွေရဲ့ ပြောပြချက်အရ သိရပါတယ်။

စစ်ကိုင်းတိုင်း၊ အင်းတော်မြို့နယ်မှာလည်း ပေပင်ကျေးရွာကို ရောက်နေတဲ့ စစ်ကောင်စီတပ်ဖွဲ့ဝင် အင်အား ၁၀၀ ကျော်လောက်ဟာ ဖေဖော် ဝါရီ ၇ ရက် မနက်ပိုင်းက အမျိုးသားညီညွတ်ရေးအစိုးရ (NUG) လက်အောက်က စာသင်ကျောင်းတွေမှာ စာသင်ကြားပေးတဲ့ ဆရာ၊ ဆရာမတွေနဲ့ PDF ထောက်ပို့သူတွေ ရှိ၊ မရှိ လိုက်လံရှာဖွေနေတယ်လို့ Indaw Revolution-IR အဖွဲ့က ထုတ်ပြန်ပါတယ်။

“ရွာထဲမှာရှိတဲ့ လူနေအိမ်တွေကို လိုက်မွှေနှောက်နေပြီး NUG ကျောင်းမှာ စာသင်နေတဲ့ ဆရာ၊ ဆရာမတွေနဲ့ PDF ထောက်ပို့တွေ ရှိ မရှိ စစ် ဆေးနေပါတယ်။ ထွက်ပြေးတိမ်းရှောင်နေတဲ့ ရွာသားတွေကိုလည်း ဖုန်းဆက် ပြန်ခေါ်ခိုင်းနေပြီး အောင်းကုန်းရွာဘက်ကိုလည်း လက်နက် ကြီးနဲ့ လှမ်းထုနေတယ်” လို့ Indaw Revolution-IR အဖွဲ့ တာဝန်ရှိသူက ဒီဗွီဘီကို ပြောပါတယ်။

အဆိုပါစစ်ကြောင်းဟာ ဒီနေ့ ဖေဖော်ဝါရီ ၈ ရက် မနက်ပိုင်းမှာ ပြန်လည်ထွက်ခွာသွားပြီး ဖမ်းဆီးခံရသူမရှိကြောင်း အင်းတော် PDF တပ်ဖွဲ့ဝင်တဦးက ပြောပါတယ်။DVB

ရန်ကုန်တိုင်း၊ မှော်ဘီမြို့နယ်၊ (၂) ရပ်ကွက်၊ ပြည်လမ်းရှိ မှော်ဘီမြို့နယ်လျှပ်စစ်ရုံးဖောက်ခွဲမှု တွင် ထိခိုက်ဆုံးရှုံးမှုများရှိကြောင်း Special Task Agency of Burma(STA) မြို့ပြပြောက်ကျားအဖွဲ့၏ ထုတ်ပြန်ချက်အရသိရသည်။

“ဖေဖော်ဝါရီလ ၆ ရက်နေ့မနက်ပိုင်းက မှော်ဘီမီတာရုံးကို ပစ်မှတ်ထားဖောက်ခွဲတိုက်ခိုက်မှုပြုလုပ်ခဲ့ပါ တယ်။ ရုံးကမှန်တွေနဲ့ကွဲကုန်ပြီး ဝန် ထမ်းသုံးယောက်ဒဏ်ရာရရှိပါတယ်။ အတွင်းစည်းကလူတွေရဲ့ ပြော ကြားချက်ရော စကစရဲ့ လော်ဘီတွေရဲ့ ထုတ်ပြန်မှုတွေကနေတဆင့် အတည်ပြုနိုင်ခဲ့ပါတယ်” ဟု STA ပြန်ကြားရေးဌာနမှ မဇ္ဈိမကိုပြောသည်။

လျှပ်စစ်ရုံး၌ကာထားသည့်မှန်များ၊ ပြတင်းပေါက်မှန်များကွဲသွားသည့်အပြင် အငယ်တန်းစာရေး ထိုက် ထိုက်နွယ်၊ မီတာဖတ်စာရေး မျိုးဇော်နှင့် လိုင်းမင်း စန်းကိုတို့သုံးယောက်မှာ ဗုံးခွဲတိုက်ခိုက်ခံရမှုကြောင့် ဒဏ်ရာရရှိခဲ့ကြောင်း ဆိုသည်။

အဆိုပါတိုက်ခိုက်မှုတွင် Special Task Agency of Burma(STA) မြို့ပြပြောက်ကျားအဖွဲ့အနေဖြင့် အထိ အခိုက်မရှိခဲ့ကြောင်း သိရသည်။mizzima

ကရင်နီပြည်နယ်တွင် နေပြည်တော်သို့ သွယ်တန်းထားသည့် လျှပ်စစ်တာဝါတိုင် အမှတ် ၉ ကို ဖောက်ခွဲရှင်းလင်းလိုက်ကြောင်း KNDF-အမှတ် ၁၁ တပ်ရင်း (ဖယ်ခုံ)က သတင်းထုတ်ပြန်သည်။

နေပြည်တော်ကို သွယ်တန်းထားသည့် လျှပ်စစ်တာဝါတိုင် (၉)ခုကို ကရင်နီ၏အမျိုးသားများကာကွယ်ရေးတပ်-တပ်ရင်းအမှတ်(၁၁) မှ ဖောက် ခွဲရှင်းလိုက်ကြောင်း၊ ကရင်နီပြည်နယ်ရှိ မြေပေါ်မှ အရင်းအမြစ်များကို ဂုတ်သွေးစုပ်ရပ်တည်ပြီး လူတစ်စုဆီအလင်းရအောင်ပိုပေးတဲ့ လျှပ်စစ်မီးများ အဓွန့်မရှည်စေရေးအတွက် ဖျက်ဆီးခြင်းဖြစ်ပြီး စစ်တပ်ထောက်တိုင်မှန်သမျှ ဖျက်ဆီးရန်နှင့် စစ်အုပ်ချုပ်ရေး အလိုမရှိကြောင်း၊ တော်လှန်ရေးကို အဆုံးထိ တော်လှန်တိုက်ခိုက်မည်ဖြစ်ကြောင်း KNDF-အမှတ် ၁၁ တပ်ရင်း (ဖယ်ခုံ)က သတင်းထုတ်ထားသည်။khit thit

စစ်ကိုင်းတိုင်း၊ ကလေးမြို့နယ်၊ အင်းကျော်ကျေးရွာကို ဖေဖော်ဝါရီ ၈ ရက် ဒီနေ့မနက်ပိုင်းမှာ စစ်ကောင်စီတပ်နဲ့ ပျူစောထီးပူးပေါင်းအဖွဲ့က မီးရှို့ဖျက်ဆီးနေတယ်လို့ ဒေသခံတွေက ပြောပါတယ်။

ကလေးမြို့ စစ်ဌာနချုပ်က စစ်ကောင်စီတပ်သားတွေနဲ့ တောင်အူကျေးရွာက ပျူစောထီး ပူးပေါင်းအဖွဲ့ အင်အား ၁၀၀ ခန့်ဟာ တောင်အူရွာမြစ်ဆိပ်ကနေ အင်းကျော်ကျေးရွာဘက်ကို စစ်ကြောင်းထိုး ဝင်ရောက်လာတာလို့ ဆိုပါတယ်။

အဆိုပါ စစ်ကောင်စီတပ်နဲ့ ပျူစောထီးအဖွဲ့ရဲ့ ထိုးစစ်ဆင်ကာ နေအိမ်တွေကို မီးရှို့ဖျက်ဆီးတာကြောင့် အိမ်ခြေ ၂၀၀ ကျော်နဲ့ လူဦးရေ ၈၀၀ ဝန်းကျင်ရှိတဲ့ အင်းကျော်ရွာက ဒေသခံတွေလည်း ဘေးလွတ်ရာဒေသတွေကို ထွက်ပြေးတိမ်းရှောင်နေကြရပြီး မီးရှို့ဖျက်ဆီးခံတဲ့ အခြေအနေကိုတော့ မသိရသေးဘူးလို့ ဒေသခံတဦးက ပြောပါတယ်။

အင်းကျော်ကျေးရွာကို စစ်ကောင်စီတပ်က မီးရှို့ဖျက်ဆီးမှုနဲ့ပတ်သက်ပြီး ကလေးနယ်က ဒေသခံ ကိုဆလိုင်းဗန်ထောင်ဘိတ်က “သူတို့က ထုံးစံပဲ၊ တော်လှန်ရေး အင်အားစုတွေကို ထောက်ပံ့မှုမပေးနိုင်အောင် စားနပ်ရိက္ခာ၊ နေစရာ ဘာမှမကျန်အောင်လုပ်ရင် သူ့ဒုက္ခနဲ့သူဆိုတော့ မကူညီနိုင်တော့ဘူးလို့ တွက်တာပေါ့။ သူတို့က သူတို့မသိတာက အဲ့လိုလုပ်လို့ နာကျည်းပြီး တော်လှန်ရေးဘက် လုံးလုံးပါဝင်လာကြတာကိုပဲဗျ။ သူတို့အထိနာလေ ရွာမီးရှို့ အိမ်ရှို့ လူသတ် ပိုပိုလုပ်လေပဲ” လို့ ဒီဗွီဘီကို ပြောပါတယ်။

အင်းကျော်ကျေးရွာဟာ စစ်ကောင်စီလက်အောက်ခံ ပျူစောထီးကျေးရွာတွေဖြစ်တဲ့ တောင်အူရွာ၊ ပျဉ်သာရွာနဲ့ နီးကပ်နေတဲ့ ကျေးရွာတရွာဖြစ်ပြီး အရင်နှစ်ကလည်း စစ်ကောင်စီတပ်က သုံးကြိမ်တိုင် မီးရှို့ဖျက်ဆီးခဲ့လို့ ဒေသခံနေအိမ် ၂၀ ကျော် မီးလောင်ဆုံးရှုံးထားပါတယ်။

စစ်ကိုင်းတိုင်း ကလေးမြို့နယ်နဲ့ မကွေးတိုင်း ဂန့်ဂေါမြို့နယ်အစပ်မှာ ဖေဖော်ဝါရီ ၆ ရက်က စစ်ကောင်စီတပ်သားတွေ၊ ပျူစောထီးတွေနဲ့ ပြည်သူ့ကာကွယ်ရေးတပ်ဖွဲ့တွေ တိုက်ပွဲဖြစ်ပွားပြီး စစ်ကောင်စီဘက်က ရဲစခန်းမှူးတယောက် သေဆုံးကာ အများအပြား ဒဏ်ရာရရှိခဲ့တယ်လို့ ချင်းကာကွယ်ရေးတပ်-ကလေး၊ ကဘော်၊ ဂန့်ဂေါ CDF-KKG ကနေ သိရပါတယ်။

CDF-KKG ပြန်ကြားရေးတာဝန်ခံက “ကလေးမြို့နယ်တောင်ပိုင်းမှာ တပ်စွဲထားတဲ့ ရန်ကြီးအောင်စခန်းက စစ်(…)တွေ၊ မြောက်စည်းရဲစခန်းက ရဲ(…)တွေနဲ့ ပျူ(…) အင်အား ၂၀ လောက်ဟာ ဖေဖော်ဝါရီလ ၆ ရက်နေ့ မနက်ပိုင်းမှာ တပ်ချိန်းဖို့ ဂန့်ဂေါမြို့ဘက်ကို ခြေလျင်ထွက်လာတဲ့အချိန် ချင်းကင်းရွာနားမှာ ကျနော်တို့ဘက်က ရဲဘော်တွေနဲ့ ထိတွေ့တိုက်ပွဲ ဖြစ်ပွားခဲ့တာ” လို့ ဒီဗွီဘီကို ပြောပါတယ်။

အဲဒီတိုက်ပွဲအတွင်းမှာ မြောက်စည်းရဲစခန်းမှူး ရဲအုပ်ဟန်ထက် သေဆုံးကာ အများအပြား ဒဏ်ရာရရှိခဲ့တယ်လို့ ဒေသခံတွေဆီကသိရတယ်လို့ဆိုပါတယ်။

“အဲဒီစစ်ကြောင်းနဲ့ တိုက်ပွဲဖြစ်နေချိန်မှာလည်း ဂန့်ဂေါမြို့နယ်မြောက်ပိုင်း ပျူစောထီးရွာတွေက စစ်(…)၊ ပျူ(…) အင်အား ၁၀၀ လောက်ဟာ ကမ္ဘားနီတံတားပေါ်ကနေ လက်နက်ကြီး လက်နက်ငယ်တွေနဲ့ ပစ်ကူကာ နှစ်ဖက်ညှပ်တိုက်ခဲ့ပေမဲ့ ကျနော်တို့ဘက်ကရဲဘော်တွေ ထိခိုက်မှုမရှိဘဲ ဆုတ်ခွာနိုင်ခဲ့ကြပြီး အဲဒီစစ်(…) တွေလည်း အထိနာပြီး မွန်းလွဲ ၂ နာရီလောက်မှာ သူတို့တပ်စွဲထားတဲ့နေရာကို ပြန်ဆုတ်သွားကြတယ်။”

ကလေးမြို့နယ်တောင်ပိုင်းနဲ့ ဂန့်ဂေါမြို့နယ်မြောက်ပိုင်းတို့ဟာ ပြည်ထောင်စုလမ်းမကြီး အတိုင်း နယ်နိမိတ်ချင်းထိစပ်နေပြီး မြို့နယ်ချင်းဆက် ကျေးရွာတွေမှာ စစ်ကောင်စီက တပ်စွဲထားပြီး ဒေသခံပြည်သူတွေကို စစ်သင်တန်းပေးကာ လက်နက်တွေ တပ်ဆင်ပေးထားတာကြောင့် ပျူစောထီးတွေ များပြားနေတယ်လို့ ဆိုပါတယ်။

အဲဒီတိုက်ခိုက်မှုအတွင်းမှာ စစ်ကောင်စီဘက်က ထိခိုက်သေဆုံးတဲ့ အခြေအနေကို ဒီဗွီဘီက သီးခြားအတည်မပြုနိုင်သေးသလို စစ်ကောင်စီဘက်ကလည်း သတင်းထုတ်ပြန်ထားတာ မတွေ့ရသေးပါဘူး။DVB

ပြည်သူ့ကိုယ်စား တရားစီရင်မှုအတွက် Special Task Agency of Burma(STA) မှ မြို့ပြလျှို့ဝှက်ပြောက်ကျားတရားရုံးဖွင့်လှစ်ကာ စစ်ကောင်စီပြုလုပ်မည့် ရွေးကောက်ပွဲအား အားပေးကူညီသူတစ်ဦးကို ဖေဖော်ဝါရီ ၆ ရက်နေ့က ဖမ်းဆီးသတိပေးမှုပြုလုပ်ခဲ့ကြောင်း ဗီဒီယိုဖြင့် သတင်းထုတ်ပြန်ချက်အရ သိရသည်။

တရားစီရင်မှုနှင့်ပတ်သက်၍ “ဦးမော်စီကို တရားစီရင်မှု ပထမဆုံးဖြစ်သလို ၎င်းမိသားစုအခြေအနေနဲ့ အသက်အရွယ်အားဖြင့် နောက်ထပ်ဆက်မလုပ်အောင် အသိပေးချင်တဲ့ ရည်ရွယ်ချက်နဲ့ လုပ်ဆောင်ခဲ့ပါတယ်။ ဒါ့အပြင် အာဏာရှင်လက်ထက်မှာ ဒေါက်တိုင်တွေအဖြစ် မည်သူတစ်ဦးတစ်ယောက်မျှ ဆက်လက်မပါဝင်နိုင်အောင် မီးမောင်းထိုးပြတဲ့ အခြေအနေတစ်ရပ်လို့လည်း သုံးသပ်ပါတယ်။”ဟူ၍ STA ပြန်ကြား ရေးဌာနမှ မဇ္ဈိမကို ပြောသည်။

ဦးမော်စီဆိုသူမှာ ကမာရွတ်မြိုနယ် အမှတ်(၅) ရပ်ကွက်နေ မဲစာရင်း ဦးဆောင်လှုပ်ရှားသူ၊ အရန်မီးသတ်တပ်ဖွဲဝင်လည်းဖြစ်ကာ အုပ်ချုပ်ရေးမှူးလည်းဖြစ်ကြောင်း STA အဖွဲ့၏ အတည်ပြုချက်အရ သိရသည်။

မြို့ပြလျှို့ဝှက်ပြောက်ကျားတရားရုံးဖွင့်လှစ်ခြင်းမှာ အကြမ်းဖက်စစ်ကောင်စီ၏ တရားမဝင်ရွေးကောက်ပွဲအတွက် ပါဝင်ပတ်သက်နေသူများကို တရားသောနည်းဖြင့် စီရင်ချက်ချ အပြစ်ပေးနိုင်အောင် ရည်ရွယ်ကြောင်း သိရသည်။

အကြမ်းဖက်စစ်ကောင်စီတပ်နှင့်အပေါင်းအပါ ဒေါက်တိုင်များကို တရားမဲ့သတ်ဖြတ်ခဲ့ခြင်းမျိုးမဟုတ်ဘဲ ကိုင်စွဲလက်ခံထားသည့် ဥပဒေနှင့်အညီ တရားစီရင်မှုများပြုလုပ်ခြင်းဖြစ်ကြောင်း ဆိုသည်။

အမျိုးသားညီညွတ်ရေးအစိုးရ(NUG)၏ တရားရေးဝန်ကြီးဌာနနှင့်ချိတ်ဆက်ဆောင်ရွက်မှုရှိမရှိမေးမြန်းရာ” ကျွန်တော်တို့ NUGအစိုးရရဲ့ တ ရားရေးဝန်ကြီးဌာနနဲ့ ပတ်သက်မှုမရှိသလို မည်သည့်တရားရေးအဖွဲ့အစည်းကိုမှ ဝေဖန်တိုက်ခိုက်လိုခြင်းမရှိပါဘူး၊ ကျွန်တော်တို့ မြေ အောက်တော်လှန်ရေးသမားတွေအနေနဲ့ လိုအပ်တဲ့နေရာ အဓမ္မဘက်တော်သားတွေကို တရားစီရင်မှုပြုနိုင်အောင် ဖွင့်လှစ်ဆောင်ရွက်ခဲ့ခြင်းဖြစ်ပြီး အ ဖွဲ့ရဲ့ တရားရုံးအနေနဲ့ပဲ ထားရှိပါတယ်။” ဟု STA ပြန်ကြားရေးဌာနမှ ထပ်မံဖြေကြားသည်။

မြို့ပြပြောက်ကျားအဖွဲ့အနေနှင့် ရုံးဖွင့်ရသည်အထိ လုပ်ဆောင်ဖို့ အဆင်မပြေနိုင်သော်လည်း တရားခံနှင့် တရားစီရင်သူရှိသည့် နေရာတိုင်းသည် တရားရုံးဖြစ်ကြောင်း လက်ခံယုံကြည်ထားသည်ဟု ပြောသည်။mizzima

မကွေးတိုင်း၊ ပခုက္ကူမြို့၊ အမှတ် ၁၁ ရပ်ကွက်တွင် ဒေသခံ ပြည်သူ ၂ ဦးကို အကြမ်းဖက် စစ်တပ်က ပစ်ခတ် ဖမ်းဆီးသွားကြောင်း ဒေသ ပြည်သူများက ရန်ကုန်ခေတ်သစ် မီဒီယာသို့ပြောဆိုသည်။

ဖေဖော်ဝါရီလ ၈ ရက်နေ့ မွန်းလွဲ ၂ နာရီကျော်ခန့်တွင် ပခုက္ကူမြို့၊ အမှတ် ၁၁ ရပ်ကွက် ၁၅ လမ်း မြိုင်လမ်းနှင့် ရွှေလမ်းအကြား ကုန်ကားပိုင် ကိုဖိုးနှင့် ဆိုက်ကား ဆရာ တို့ကို အကြမ်းဖက် စစ်တပ်က ယမ်းမှုန့်အိတ်တွေ့သည်ဆိုကာ ပစ်ခတ် ဖမ်းဆီးသွားခြင်း ဖြစ်​ကြောင်း သိရသည်။

” ပခုက္ကူ အမှတ် ၁၁ ရက်ကွက် ၁၅လမ်း မြိုင်လမ်းနဲ့ ရွှေလမ်း အကြား ကုန်ကားပိုင် ကိုဖိုးနဲ့ ဆိုက်ကား ဆရာတစ်ယောက်ကို သေနတ်ဖောက် ရိုက်နှက်ပြီး ၂ နာရီကျော်လောက်က လာရောက် ဖမ်းဆီး ခေါ်ဆောင်သွားတယ်။ ယမ်းမှုန့်အိတ် တွေ့တယ်ဆိုပြီး ဖမ်းသွားတာ တခြားကွင်း ဆက် လူတွေရှိရင်လည်း သိအောင် ရှောင်ချိန်ရအောင်ပါ” ဟု ဒေသခံ ပြည်သူတစ်ဦးကပြောဆိုသည်။

လက်ရှိအချိန်တွင် ဖမ်းဆီးခံရသူ ၂ ဦး၏ အခြေအနေကို မသိရှိရသေးဘဲ စတင်ဖမ်းဆီးချိန်ကတည်းက စစ်တပ်က သေနတ်ဖြင့် ပစ်ခတ်ခြင်း၊ အလွန်အမင်း ရိုက်နှက်နေသဖြင့် အသက်အန္တရာယ်စိုးရိမ်ရကြောင်း ဒေသပြည်သူများက ဆိုကြသည်။

ထို့အတူ စစ်ကိုင်းတိုင်း၊ ကနီမြို့နယ်၊ အလယ်ကျွန်း ပျူစောထီးရွာအနီး KLG တပ်ဖွဲ့ဝင် ၁ ဦး မိုင်းမတော်တဆဖြစ်၍ ကျဆုံးခဲ့ကြောင်း KLG PDF တပ်ဖွဲ့မှ တာဝန်ရှိသူ တစ်ဦးက​ ရန်ကုန်ခေတ်သစ် မီဒီယာသို့ပြောဆိုသည်။

ဖေဖော်ဝါရီလ ၈ ရက်နေ့တွင် ကနီမြို့နယ်၊ အလယ်ကျွန်းပျူစောထီးရွာအနီး မိုင်းထောင်ရင်း မိုင်းမတော်တဆဖြစ်ပြီး KLG PDF မှ ရဲဘော် ဇော်ကြီး ကျဆုံးခဲ့ခြင်းဖြစ် ကြောင်းသိရသည်။khit thit