SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

အဆိုတော် ကျားပေါက် (ဟန်ထူးလွင်)ရဲ့ Giants On My Shoulders စာအုပ်ထွက်ရှိပြီး လူမှုကွန်ရက်စာမျက်နှာကနေ စတင်ရောင်းချရာမှာ နာရီပိုင်းအတွင်း တစက္ကန့်ကို မက်ဆေ့ချ်တစောင်နှုန်းနဲ့ အမှာစာတွေ လက်ခံရရှိတယ်လို့ အဲဒီစာအုပ်ရောင်းချတဲ့ Biploarbear စာမျက်နှာက ဖော်ပြထားပါတယ်။

စာအုပ်ရောင်းချတာကို ဖေဖော်ဝါရီ ၉ ရက် နေ့လယ်ပိုင်းက Biploarbear လူမှုကွန်ရက် စာမျက်နှာကနေ တင်ခဲ့ပြီးတဲ့နောက်အခုလို စာအုပ်မှာယူမှုတွေ များပြားခဲ့တာပါ။

ဒါကြောင့် Page Admin တွေအနေနဲ့ တယောက်ချင်းတိုင်းစီကို စာပြန်မှာဖြစ်ပြီး အမှာစာတွေ များလွန်းတဲ့အတွက် သည်းခံစောင့်ဆိုင်းပေးဖို့ကိုလည်း ပန်ကြားထားပါတယ်။

အဆိုတော် ကျားပေါက်ကတော့ သူရေးတဲ့စာအုပ်နဲ့ပတ်သက်ပြီး Music Career အကြောင်း Autobiography ဆိုပေမဲ့ သူ့အကြောင်းကို Backdate နဲ့ပြန်ရေးတဲ့ ဒိုင်ယာရီဆို ပိုမှန်ပါလိမ့်မယ်လို့လည်း ကြိုတင်ပြောပြထားပါတယ်။

အဲဒီစာအုပ်ဝယ်ယူသူတွေအတွက် ပထမဆုံး အုပ်ရေ ၂၀၀ ကို စာရေးသူ ကျားပေါက်ရဲ့ အမှတ်တရလက်မှတ်နဲ့ Book Marker လက်ဆောင်တုံ့ပြန်သွားမှာဖြစ်ပြီး စာအုပ်ရဲ့တန်ဖိုးကိုတော့ ထိုင်းဘတ်ငွေ ၁၈၀ သတ်မှတ်ထားပါတယ်။

အဆိုတော် ကျားပေါက်ဟာ ၂၀၂၁၊ အောက်တိုဘာ ၁၇ ရက်ကလည်း နွေဦးတော်လှန်ရေး ရန်ပုံငွေအတွက် သူကိုယ်တိုင် Doodle Art ရေးဆွဲထားတဲ့ Ukulele ကို အွန်လိုင်းမှာ လေလံတင်ခဲ့ပြီး အပိတ်စျေး အမေရိကန်ဒေါ်လာ ၂၇,၅၀၀ (မြန်မာကျပ်ငွေ သိန်း ၆၀၀ ဝန်းကျင်) နဲ့ ကမ္ဘာ့စျေးအကြီးဆုံး Ukulele အဖြစ် လူသိများခဲ့ပါသေးတယ်။DVB

ပဲခူးတိုင်း၊ ပေါင်းတည်မြို့နယ် တွင် PDF ၏ ပစ်ခတ်မှုကြောင့် သေဆုံးသော သပြေကြီးစုကျေးရွာ အုပ်ချုပ်ရေးမှူး နေရာ အစားဝင်သည့် အုပ်ချုပ်ရေးမှူးအသစ် မော်ကြီးသည် PDF တပ်များက ထပ်ပစ်၍ သေဆုံးသွားပြန်ကြောင်း ပေါင်းတည် PDF မှ တာဝန်ရှိသူတစ်ဦးက ပြော သည်။

ယနေ့ဖေဖော်ဝါရီလ ၁၀ ရက် နံနက် ၁၁ နာရီမိနစ် ၅၀ ခန့်တွင် ပေါင်းတည်မြို့နယ်၊ သပြေကြီးစု ကျေးရွာ အုပ်စု၊ ဇီးကုန်းလေးကျေးရွာမှ စစ်ကောင်စီခန့်အုပ်ချုပ်ရေးမှူး မော်ကြီး(ခ)မော်ဝင်းကို ပြည် ခရိုင် တပ်ရင်းအမှတ် ၃၆၀၁ ၊ တပ်ခွဲ ၅ နွေဦးအဖွဲ့က သေနတ်ဖြင့် ၄ ချက်ပစ်ခတ်ခဲ့ရာမှ သေဆုံးသွား ခြင်းဖြစ်ကြောင်း သိရသည်။

ယခု ပစ်ခတ်ခံရ၍ သေဆုံးသွားသော မော်ကြီး(ခ)မော်ဝင်းသည် ယခင် နန်းထိုက်အောင်စစ်ဆင်ရေးအဖြစ် ပစ်ခတ်ရှင်းလင်း၍ သေဆုံးသွားသော အကြမ်းဖက်စစ်ကောင်စီခန့် သပြေကြီးစု အုပ်ချုပ်ရေးမှူး မြဟန်၏နေရာတွင် အစားထိုးဝင်ရောက်၍ စစ်ကောင်စီ၏ဒေါက်တိုင်အဖြစ် လုပ်ဆောင်နေခြင်းဖြစ်သည်။

ပစ်ခတ်ရှင်းလင်းခံရသူ မော်ကြီး(ခ)မော်ဝင်းသည် ပျူစောထီးအဖွဲ့ဝင်တစ်ဦးဖြစ်သည့်အပြင် အကြမ်း ဖက်စစ်ကောင်စီမှ ပြုလုပ်မည့် ရွေး ကောက်ပွဲအတွက် အိမ်ထောင်စုစာရင်းများ လိုက်လံကောက်ခံခြင်း၊ လောင်းကစားဝိုင်းများကို လစဉ်ကြေးများကောက်ခံပေးခြင်း၊ ကျေးရွာပြည်လူထုအပေါ် စိတ်အနှောက် အယှက်အမျိုးမျိုးပေးနေခြင်းတို့ကြောင့် ရှင်းလင်းရခြင်းဖြစ်ကြောင်း သိရသည်။

အလားတူ ယမန်နေ့ နံနက် ၈ နာရီခွဲခန့်အချိန် ပဲခူတိုင်းအနောက်ခြမ်း၊ သာယာဝတီ ခရိုင်၊ ကြို့ပင်ကောက်မြို့နယ်၊ရုံးချောင်းအုပ်စု၊ သင်္ခရိုင်(ပျူစောထီး)ရွာဟု သတင်းထွက်နေသော ပျူ စောထီးခေါင်းဆေင်နေအိမ်အား ဝင်ရောက်စီးနင်းရာ ပျူစောထီးခေါင်းဆောင်ဝင်းထွန်းနှင့် သမက် ဖြစ် သူ မျိုးမင်းထွန်းအပါအဝင် အပေါင်းပါများသည် ထွက်ပြေးသွားကြောင်း Black Dragon (GBK PDF) မှ တာဝန်ရှိသူတစ်ဦးက ရန်ကုန်ခေတ်သစ်သတင်းဌာနထံသို့ ပြောကြားသည်။

“ပျူစောထီး ခေါင်းဆောင် ဝင်းထွန်းနဲ့အဖွဲ့က နေ့စဉ်နေ့တိုင်းသေနတ်တွေဖောက် တယ်၊ သူတို့နဲ့မတည့် သူတွေကို ခြိမ်းခြောက်တယ်၊ စစ်ကေင်စီကို သတင်း ပေးတယ်လို့ ပြည်သူတွေရဲ့ တိုင်တန်းချက်အရ ဝင် စီးခဲ့တာ၊သူတို့ထွက်ပြေးသွားလို့ ဘာမှတော့မဖြစ်ခဲ့ဖူး၊မိန်းမနဲ့ကလေးတွေပဲ ကျန်ခဲ့တာ၊ သူတို့ကိုတော့ ဘာမှ မလုပ်ပဲ ပြောဆိုဆုံးမပြီး အေးဆေးပြန်ဆုတ်လာခဲ့တာပါ” ဟု ၎င်းက ဆက်လက်ပြောကြားသည်။

အဆိုပါစီးနင်းတိုက်ခိုက်မှုကို သာယာဝတီ ခရိုင် နတ်စစ်သည် တပ်ရင်း၃၈၀၁ တပ်ခွဲ ၂ Black Dragon (GBK Pdf) တပ်ခွဲ ကြို့ပင်ကောက် ပြည် သူ့ကာကွယ်ရေးတပ်ဖွဲ့မှ ဝင်ရောက်စီးနင်းခဲ့ခြင်းဖြစ်ပြီး နေအိမ်တွင် တွေ့ရှိသည့် အမျိုးသမီးနှင့် ကလေးငယ်များ သာ ကျန်ရစ်ခဲ့ကြောင်း၊ ထို့ကြောင့် တစ်စုံတစ်ရာ အန္တရာမပြုဘဲ ပျူစော ထီး ခေါင်းဆောင်နှင့်အဖွဲ့ဝင်တို့၏ မိသးစုများကို စစ်ကောင်စီသတင်းပေးမလုပ်ရန်၊ ပျူစော ထီးအဖွဲ့ ဖွဲ့၍ ရွာသားများအား ဖိနှိပ်ခြင်းကို နောက် နောင် ထပ်မလုပ်ရန်၊ ပျူစောထီးအဖွဲ့မှ နှုတ်ထွက်ရန် သတိ ပေးဟောပြောခဲ့ကြောင်း သိရသည်။ khit thit

ချင်းပြည်နယ်၊ ပလက်ဝမြို့နယ်တွင် စစ်ကောင်စီတပ်က လုံခြုံရေးဂိတ်များတိုးမြင့်၍ ခရီးသွားပြည်သူများအား ဆိုင်ကယ်၊ ဟွန်ဒါစက်လှေများကို တားမြစ်စစ်ဆေးပြီး ငွေညှစ်ငွေတောင်းခံမူများလည်း ပြုလုပ်လျက်ရှိကြောင့် ဒေသခံများထံမှ သိရှိရသည်။

စစ်အာဏာသိမ်း နှစ်နှစ်ပြည့် ဖေဖော်ဝါရီလ ၂ ရက်နေ့တွင် ချင်းပြည်နယ်အတွင်း မြို့နယ် ခုနစ်မြို့နယ်ကို အကြမ်းဖက်စစ်ကောင်စီက စစ်အုပ် ချုပ်ရေး(Martial law)ကို ထုတ်ပြန်ထားရာ ပလက်ဝမြို့နယ်သည် စစ်အုပ်ချုပ်ရေး ထုတ်ပြန်ထားခြင်းမရှိသော်လည်း ဌာနဆိုင်ရာရုံးများနှင့် အများပြည်သူများသွားလာလှုပ်ရှားသည့်နေရာများတွင် လုံခြုံရေးဂိတ်အများပြားချထားခြင်းဖြစ်သည်ဟု ဒေသခံတစ်ဦးက ဆိုသည်။

ယခင်က ပလက်ဝမြို့ပေါ်တွင် စစ်ကောင်စီတပ်၏ ခလရ (၂၈၉) ဂိတ်နှင့် မီးဝ စစ်ဆေးရေးဂိတ် နှစ်ခုသာရှိပြီး ယခုခါတွင် စစ်ဆေးရေးဂိတ်အများကြီးချထားပြီး မှတ်ပုံတင်ပါမပါ စစ်ဆေးသည့်အပြင် ခရီးသွားပြည်သူထံမှ အကြောင်းအမျိုးမျိုးပြကာ ငွေညှစ်ငွေတောင်းခံမူများလည်း ပြုလုပ်လျက်ရှိကြောင်း အဆိုပါဒေသခံထံမှ သိရသည်။

“မြို့ပေါ်မှာ ထပ်တိုးဂိတ်ဖွင့်တာက ပလက်ဝ တံတားဂိတ်၊ ပလက်ဝမြို့အဝင်ဂိတ် ခုနစ်ခုပါ။ မြို့နယ်တွေမှာတော့ ဆီးဖလောင်းဂိတ်၊ မီးဝတံ တားဂိတ်၊ တရွန်အိုင်ဂိတ်၊ ရှင်းလက်ဝဂိတ်၊ နှမဒါဂိတ်၊ ကင်းဝဂိတ်တွေ ဖွင့်ပြီး စစ်ဆေးမှုတွေ လုပ်နေတာပါဗျ။ ဂိတ်တစ်ခုစီမှာ စစ်ကောင်စီတပ် လူအင်အား ၁၀ ယောက်ကျော်လောက် ရှိတယ်။” ဟု အမည်မဖော်လိုသူ ဒေသခံတစ်ဦးက မဇ္ဈိမသို့ပြောသည်။

ယင်းကဲ့သို့ အကြမ်းဖက်စစ်ကောင်စီ၏ လုံခြုံရေးတင်းကျပ်ထားခြင်းကြောင့် ကုန်ပစ္စည်းများကိုလည်း လွတ်လွတ်လပ်လပ်သယ်ယူ၍မရနိုင်ကာ ကုန်ဈေးနှုန်းမှာလည်း အဆမတန်တိုးမြင့်လျက်ရှိသည်ဟု ဆိုသည်။

လက်ရှိအချိန်အတွင် ပလက်ဝမြို့ပေါ်၌ ဆန်တစ်တင်းလျှင် ၈၀,၀၀၀ကျပ်၊ ကြက်ဥ သုံးလုံးလျှင် ၁,၀၀၀ကျပ်နှင့် စားအုန်းဆီ တစ်လီတာလျှင် ၈,၀၀၀ကျပ်ပေးပြီး ဝယ်ယူစားသောက်ရ၍ ဒေသခံများသည် ကုန်ဈေးနှုန်းအဆမတန်မြင့်တက်မှုများ တွေ့ကြုံနေရကြောင်း သိရသည်။

၂၀၂၃ခုနှစ် ဇန်နဝါရီ တစ်လတာအတွင်း ပလက်ဝမြို့နယ်တွင် Chinland Defense Force- Paletwa နှင့် အကြမ်းဖက်စစ်ကောင်စီတို့အကြား တိုက်ပွဲပေါင်း ငါးကြိမ်ဖြစ်ပွားပြီး အကြမ်းဖက်စစ်ကောင်စီဘက်မှ ၁၆ ဦးသေဆုံးကြောင်း CDF-Paletwaက ဖေဖော်ဝါရီ ၄ ရက်နေ့တွင် သ တင်းထုတ်ပြန်ထားသည်။

အဆိုပါတိုက်ပွဲများအတွင်း စစ်ကောင်စီတပ်၏ MA-1 သေနတ် တစ်လက်သိမ်းဆည်းရရှိပြီး CDF-Paletwaမှ ရဲဘော် နှစ်ဦး ပြင်းထန်စွာ ထိ ခိုက်ဒဏ်ရာ ရရှိသလို စစ်ကောင်စီတပ်မှ ပစ်ခတ်မှုကြောင့် ဒေသခံတစ်ဦးကျည်ထိမှန်သေဆုံးသွားကြောင်း ယင်းအဖွဲ့ထုတ်ပြန်ချက်အရ သိရသည်။ mizzima

တိုက်ပွဲတွေ ပြင်းပြင်းထန်ထန် ဖြစ်ပွားနေတာကြောင့် ကရင်ပြည်နယ်အတွင်း လုံခြုံရေးနဲ့ လူသားချင်းစာနာမှုဆိုင်ရာအခြေအနေတွေက စိုးရိမ်စရာ ဖြစ်နေပြီး ကျေးရွာ ၂၀ က လူဦးရေ ၁၇,၀၀၀ လောက်ဟာ နေရပ်စွန့်ခွာ တိမ်းရှောင်နေကြရတယ်လို့ ကုလသမဂ္ဂ လူသားချင်းစာနာမှုဆိုင်ရာ ညှိနှိုင်းရေးရုံး (OCHA) က ထုတ်ပြန်ပါတယ်။

လက်ရှိမှာတော့ ထိုင်း-မြန်မာနယ်စပ်အနီးက တောတောင်တွေထဲမှာ  ခိုလှုံနေကြရကာ စားနပ်ရိက္ခာ၊ ဆေးဝါးနဲ့ အမိုးအကာအကူအညီတွေ အ ရေးပေါ်လိုအပ်နေပြီး တဆက်တည်းမှာပဲ ကယားပြည်နယ်နဲ့ ကရင်ပြည်နယ်အနှံ့အပြားက စစ်ဆေးရေးဂိတ်တွေမှာ လုံခြုံရေးတွေပိုမို တင်း ကျပ်ထားတာကြောင့် လူသားချင်းစာနာမှုဆိုင်ရာမိတ်ဖက်အဖွဲ့အစည်းတွေအနေနဲ့ ဝေးလံခေါင်သီတဲ့ဒေသတွေမှာ နေထိုင်နေကြရတဲ့ စစ်ရှောင်ပြည်သူတွေဆီကို ရောက်ရှိအကူအညီပေးနိုင်ဖို့ အခက်အခဲတွေ ရင်ဆိုင်နေရတယ်လို့လည်း ဆိုပါတယ်။ 

ပြီးခဲ့တဲ့ရက်သတ္တပတ်တွေအတွင်း မြန်မာနိုင်ငံအရှေ့တောင်ပိုင်းမှာ လေကြောင်းတိုက်ခိုက်မှုတွေနဲ့ လက်နက်ကြီးပစ်ခတ်မှုတွေအပါအဝင် ပြင်း ထန်တဲ့တိုက်ပွဲတွေကြောင့် အရပ်သားထိခိုက်သေဆုံးတာတွေ၊ အိုးအိမ်စွန့်စွာတိမ်းရှောင်ရတာတွေနဲ့ အရပ်သားပိုင် အိုးအိမ်ပျက်စီးဆုံးရှုံးတာတွေ ဆက်လက်ဖြစ်ပွားနေပြိး ၂၀၂၃ ခုနှစ် ဇန်နဝါရီ ၃၀ ရက်အထိ ကုလသမဂ္ဂနောက်ဆုံးကိန်းဂဏန်းတွေအရ မြန်မာနိုင်ငံအရှေ့တောင်ပိုင်းမှာ အိုးအိမ်စွန့်ခွာနေထိုင်ရသူ ၃၆၁,၀၀၀ အထိ များလာတယ်လို့ ထုတ်ပြန်ချက်မှာ ဖော်ပြပါတယ်။  

နိုင်ငံတဝန်းမှာတော့ ပြည်တွင်းနေရပ်စွန့်ခွာထွက်ပြေးရသူပေါင်း ၁ သန်းခွဲကျော် ရှိလာပြီဖြစ်ပြီး ဒီအထဲကမှ လူဦးရေ ၁ ဒသမ ၂ သန်းက ၂၀၂၁ ခုနှစ် ဖေဖော်ဝါရီလ အာဏာသိမ်းယူမှုအပြီး ဖြစ်ပေါ်လာတဲ့ ပဋိ ပက္ခနဲ့ မလုံခြုံမှုတွေကြောင့် နေရပ်စွန့်ခွါထွက်ပြေးကြရသူတွေလို ဆိုပါတယ်။ 

မြန်မာနိုင်ငံမှာတော့ အကြမ်းဖက်စစ်အုပ်စုက မတရားအာဏာသိမ်းယူထားခဲ့တဲ့ ကာလဟာ ၂ နှစ်နီးပါး ကြာမြင့်လာခဲ့ပြီဖြစ်ကာ ဒီကာလတွေအတွင်း နိုင်ငံရေးမတည်ငြိမ်မှုတွေနဲ့အတူ စီးပွားရေး၊ လူမှုရေး၊ ကျန်းမာရေး၊ ပညာရေး စတဲ့ ကဏ္ဍတွေအသီးသီးမှာ အဘက်ဘက်က ကျဆင်းလာနေခဲ့ပြီး လတ်တလောမှာတော့ အာဏာသိမ်းစစ်အုပ်စုရဲ့ ပြည်သူလူထုအပေါ် အကြမ်းဖက် ဖိနှိပ်ဖမ်းဆီး တိုက်ခိုက်သတ်ဖြတ် နေမှုတွေကို ပြည်သူတရပ်လုံးက အသက်ရှင်သန်ရေးအတွက် ခုခံကာကွယ်ပိုင်ခွင့်အရ ပြည်သူ့ခုခံစစ်ကို ဆင်နွှဲနေကြတာ ဖြစ်ပါတယ်။ DVB

KNLA၊ KNDO နှင့် PDF တပ်များကို ထိန်းပေးရန် စစ်ကောင်စီက KNU ဥက္ကဋ္ဌနှင့် စစ်ဦးစီးချုပ်ထံ စာပေးပို့လိုက်ပြီး အဆိုပါ စာပေးပို့မှုသည် KNU အတွင်း စည်းလုံး ညီညွတ်မှု ဖြိုခွဲရန် ဖြစ်ကာ KNU အနေဖြင့် စစ်အာဏာရှင် ပြုတ်ကျရေး တိုက်ပွဲဝင်ရန် ဗဟိုကော်မတီက ဆုံးဖြတ်ပြီးဖြစ်ကြောင်း KNU ဗဟိုကော်မတီဝင် ပဒိုစောတောနီးက ရန်ကုန်ခေတ်သစ်သတင်း ဌာနထံသို့ ပြောဆိုသည်။

ဖေဖော်ဝါရီလ ၆ ရက်နေ့တွင် စစ်ကောင်စီက KNU ဥက္ကဋ္ဌ ဗိုလ်ချုပ်ကြီး စောမူတူစေးဖိုးနှင့် စစ်ဦးစီးချုပ် ဗိုလ်ချုပ်ကြီး စောဂျော်နီတို့ထံသို့ စာတစ်စောင်ပေးပို့ခဲ့ပြီး အဆိုပါစာတွင် KNU သည် NCA လက်မှတ်ရေးထိုးထားသည့် တိုင်းရင်း သားလက်နက်ကိုင် အဖွဲ့တစ်ခုအဖြစ် ရှုမြင်ထားကြောင်း၊ သို့ရာတွင် KNU လက် အောက်ခံ တပ်မဟာတွေ KNDO ၊ PDF များ ပူးပေါင်းပြီး စစ်တပ်နှင့် ရဲတပ်ဖွဲ့တို့ကို တိုက်ခိုက်နေကြောင်း၊ တိုက်ခိုက်လာမှုများအပေါ် ငြိမ်းချမ်းရေး မထိခိုက်စေရေးအတွက် တိုက်ခိုက်သည့်အဖွဲ့ကို တုံ့ပြန် တိုက်ခိုက်ခဲ့ကြောင်း၊ စိတ်သဘောထားကြီးစွာ ဆောင်ရွက်နေသော်လည်း ကျေးရွာများကို ဝင်ရောက် ပစ်ခတ်ခြင်း၊ အစိုးရဌာန ရုံးများကို မီးရှို့ဖျက်ဆီးခြင်း၊ လမ်းတံတားများကို မိုင်းခွဲတိုက်ခိုက်ခြင်းများကို လက်ခံနိုင်ဖွယ် မရှိကြောင်း၊ အဓိက ထိခိုက် ခံစားရသူ များသည် ပြည်သူလူထုများဖြစ်ကြောင်း ၊ ထို့ကြောင့် KNU လက်အောက်ခံ KNLA ၊ KNDO ၊ PDF တပ်များကို ကြပ်မတ် ထိန်းသိမ်း ပေး ရန် စစ်ကောင်စီက ပေးပို့သည့် စာတွင် ရေးသားထားသည်။

KNU ဗဟိုကော်မတီဝင် ပဒိုစောတောနီးက KNU အနေဖြင့် စစ်အာဏာရှင်ကို အမြစ်ပြတ် ပြုတ်ကျရေး သည် ဗဟိုကော်မတီ၏ မူဝါဒ ဖြစ် ကြောင်း၊ စစ်ကောင် စီ ၏စာသည် သက်ရောက်မှု မရှိနိုင်ကြောင်း ပြောဆိုသည်။

” အဖွဲ့အစည်းတစ်ခုမှာကတော့ ဒီလို ထိပ်တန်း ခေါင်းဆောင်တွေ တာဝန်ရှိတယ်ဆိုတာ မှန်ပေမယ့် ကျနော်တို့ရဲ့ ဖွဲ့စည်းပုံအရ KNU ရဲ့ ပြဋ္ဌာန်းထားတဲ့ ဖွဲ့စည်းပုံ အခြေခံဥပဒေအရ ကျနော်တို့ အဖွဲ့အစည်းမှာ အမြင့်ဆုံးအာဏာပိုင်ဆိုတာက ကွန်ဂရက်ဖြစ်တယ်။ အဲဒီ ကွန်ဂရက်မရှိတဲ့အချိန်မှာ ဗဟိုအမြဲတမ်းကော်မတီဆိုတာ အမြင်ဆုံး အာဏာပိုင်အဖွဲ့အစည်းဖြစ်တယ်။ ကျနော်တို့ ထိပ် တန်းခေါင်းဆောင်နှစ်ယောက်ကို သူတို့ က ဗဟိုကော်မတီဝင်တွေဖြစ်တယ်။ စစ်ရေး ခေါင်းဆောင်တွေ နိုင်ငံရေးခေါင်းဆောင်တွေ ဖြစ်ပေမယ့် သူတို့သဘောထားအတိုင်း အ ကုန်လုံး လျှောက်ပြီးတော့ လုပ်လို့မရဘူး။ ဗဟိုကော်မ တီ ရဲ့ ဆုံးဖြတ်ချက်ကို နာခံရတယ်။ ဗဟိုကော်မတီကို ပြန်ပြီးတော့ တာဝန်ခံရတယ်။ အဲဒီတော့ ဒီနေ့ ဒီကာလမှာ ဖြစ်ရှိနေတဲ့ စစ်အာဏာရှင် စနစ် ပြုတ်ကျရေး တိုက်ပွဲဝင်နေတဲ့ ကျနော်တို့ လုပ်ဆောင်နေသမျှ အရာအားလုံးဟာ ဗဟိုကော်မတီရဲ့ ဆုံးဖြတ်ချက်အရ ဖြစ်တယ်ဆိုတာ ကျနော်ပြောရဲတယ်။ ကျနော်တို့လုပ်ရပ်တွေဟာ လုံး၀မမှားဘူးကျနော်တို့ သေချာပြောရဲပါတယ်” ဟု ပုဒိုစောတောနီးက ပြောဆိုသည်။

စစ်ကောင်စီက KNU ခေါင်းဆောင် နှစ်ဦးထံ လိပ်မူ၍ စာပေးပို့မှုသည် စည်းလုံးမှုကို ဖြိုခွဲရန် ဖြစ်ကြောင်း ပဒိုစောတောနီးက သုံးသပ်သည်။

“ဒီစာနဲ့ပတ်သက်ပြီး ကျနော်တို့ရဲ့ စစ်ရေးနဲ့ နိုင်ငံရေး ခေါင်းဆောင် ၂ ဦးကို ဦးတည်တိုက်ခိုက်လာတဲ့အပေါ်မှာတော့ ကျနော်တို့ဗဟိုကော်မတီ အနေနဲ့ ဘယ်လိုတုံ့ပြန်မယ်ဆိုတာ လောလောဆယ်တော့ ကျနော်တို့ ပြောလို့မရသေးပါဘူး။ KNU ရဲ့ ပြောခွင့်ရတစ်ဦးအနေနဲ့ ပြောမယ်ဆိုရင် ဒါတွေက သူတို့ လုပ်နေကျ အဖွဲ့အစည်းတစ်ခုကို စည်းလုံးညီညွတ်မှု ပျက်ပြားအောင် ဘယ်လို ထိုးခွဲပြီးတော့ သပ်လျှိုလုပ်မယ်ဆိုတာ သူတို့လုပ်ရိုးလုပ်စဉ် တစ်ခုပဲ။ သွေးခွဲအုပ်ချုပ်ရေးစနစ်နဲ့ တောက်လျှောက် ကျင့်သုံးလာတဲ့အခါ ဒီလိုပုံစံမျိုးနဲ့ပဲ လုပ်နေတာဖြစ်ပါတယ်။ တကယ် တမ်းကျတော့ အာဏာသိမ်းတယ်ဆိုတဲ့ အကြောင်းပြချက်က မဲမသမာမှုနဲ့ သူတို့အာဏာသိမ်းတယ်ဆိုပေမယ့် တကယ်တမ်းကျတော့ အဲဒီကိစ္စကို နည်းမှန် လမ်းမှန်နဲ့ ဖြေရှင်းနိုင်တဲ့ နည်းလမ်းတွေ အများကြီးရှိပါတယ်။ အဲဒါကို မလုပ်ဘဲနဲ့ မတရားနည်းနဲ့ အကြမ်းဖက်နည်းနဲ့ အာ ဏာထပ်သိမ်း လာတယ်ဆိုတာက ဘယ်လိုမှ လက်ခံလို့မရဘူး။ ဒါက လုံး၀ တရားမဝင်ဘူး” ဟု ၎င်းက ဆက်ပြောသည်။

လက်ရှိ တိုင်းပြည်တွင် စစ်တပ်၏ မီးရှို့ သတ်ဖြတ်မှုများကြောင့် တစ်တိုင်းတစ်ပြည်လုံး ပြည်သူ ၂ သန်းကျော် အတိဒုက္ခရောက်နေရ ကြောင်း၊ လက်သည်တရားခံမှာ စစ်ကောင်စီသာဖြစ်ကြောင်း ၎င်းက ဆက်လက်ပြောဆိုသည်။

“ဒီနေ့ ဒီကာလမှာ ဘယ်သူ အကြမ်းဖက် လုပ်နေတာလဲဆိုတာ ရှင်းရှင်းလင်းလင်း မြင်နေရတယ်။ ကျနော်တို့ တိုင်းပြည်မှာ အိမ်ခြေပေါင်း ၄၀ ၀၀၀ ကျော် ပျက်စီးဆုံးရှုံးသွားပြီးတော့ ဘယ်သူ မီးလောင်တိုက်သွင်းတာလဲ။ တစ်တိုင်းပြည်လုံး မီးလောင်တိုက်သွင်းပြီးတော့ လူထုကို သတ် ဖြတ်တာလည်း ထောင်သောင်းချီပြီးတော့ ဖြစ်လာတဲ့အခါ အထူးသဖြင့် ဒီနေ့ ဒီကာလမှာ မြင်တွေ့နေရတဲ့ မရေ မတွက်နိုင်တဲ့ IDP ဦးရေ စစ်ဘေးကြောင့် ထွက်ပြေးတိမ်းရှောင်နေရတဲ့ ကပ်ဆိုးကြီးကို ခံစားနေရတဲ့ ကျနော်တို့နယ်မြေမှာ ၃ သိန်းကျော်သွားပြီးတော့ တစ်ပြည်လုံးအ တိုင်းအတာနဲ့ ပြောမယ်ဆိုရင် တော့ ၂ သန်းလောက်ဖြစ်သွားပြီး ဒါ ဘယ်သူ့လက်ချက်ကြောင့်လဲ ။ ဘုန်းကြီးကျောင်းကို ဗုံးကျဲတာ ဘယ်သူလဲ၊ စာသင်ကျောင်းကို ဗုံးကျဲတာ ဘယ်သူလဲ ခရစ်ယန်ဘုရားရှိခိုးကျောင်းကို ဖျက်ဆီးတာ ဗုံးကျဲတာ ဘယ်သူလဲ အဲဒါတွေကို ရှင်းရှင်းလင်း လင်း မြင်နေရတာဖြစ်တယ်” ဟု ပဒိုစောတောနီးက ရှင်းလင်းပြောဆိုသည်။khit thit

စစ်ကိုင်းတိုင်း ပုလဲမြို့နယ် သာစည်ကျေးရွာမှ ဒေသခံအမျိုးသမီးနှစ်ဦးသည် စစ်ကောင်စီထောင်ထားသည့် မိုင်းနင်းမိပြီး ဒဏ်ရာအပြင်းအထန်ရသွားကာ တစ်ဦး ခြေထောက်ဖြတ်လိုက်ရကြောင်း သိရသည်။

သာစည်ကျေးရွာမှ အသက် (၁၉) နှစ်အရွယ် မခိုင်မာဝင်းနှင့် အသက် (၁၆) နှစ်အရွယ် မခိုင်မာလင်းတို့ညီအစ်မနှစ်ဦးသည် ဖေဖော်ဝါရီ (၉) ရက်နေ့ နံနက် (၇) နာရီခန့်က ရွာအနီးယာခင်းတွင် ပဲရိတ်သိမ်းနေစဉ်မိုင်းနင်းမိခြင်းဖြစ်ကြောင်း ပုလဲမြို့နယ်ပြည်သူ့ကာကွယ်ရေးတပ်ဖွဲ့၊ ယင်းမာပင်ခရိုင်တပ်ရင်း(၁၂) တာဝန်ခံ ကိုနေမင်းက ပြောသည်။

” စစ်ကောင်စီက ကုလားပဲထဲခင်းထဲမှာ နင်းမိုင်းထောင်ခဲ့တာ။ ခြေပြတ်မိုင်းလို့ခေါ်ပါတယ်။ တစ်ယောက်က ‌ခြေထောက် ဖြတ်လိုက်ရတယ်” ဟု ကိုနေမင်းက ပြောသည်။

” အကြီးမလေးကတော့ ခြေထောက်တစ်ဖက်ဖြတ်လိုက်ရပါတယ်။အငယ်မလေးက ဝမ်းဗိုက်ဒဏ်ရာရပါတယ်” ဟု ဒေသတွင်းပြည်သူကာ ကွယ်ရေးတပ်ဖွဲ့ဖြစ်သော Pale Jokers PDF မှတာဝန်ရှိသူတစ်ဦးက မဇ္ဈိမကို ပြောသည်။

ဒဏ်ရာရရှိသွားသော ညီအစ်မနှစ်ဦးသည် ဆေးကုသမှုခံယူနေပြီ အသက်အန္တရာယ်စိုးရိမ်ရသည့်အနေအထားမရှိတော့ဟု သိရသည်။ ပုလဲမြို့နယ်တွင် ပြီးခဲ့သည့် ၂၀၂၂ ခုနှစ် အောက်တိုဘာလကလည်း စစ်ကောင်စီထောင်ထားသည့် မိုင်းနင်းမိသည့် နွားကျောင်းနေသူလူငယ်တစ်ဦးသေဆုံးခဲ့သည်ဟု သိရသည်။

ကန်ဒေါင့်နယ်မြေရဲစခန်းသည် ဒေသကာကွယ်ရေးတပ်ဖွဲ့များ၏ မကြာခဏတိုက်ခိုက်ခြင်းကိုခံနေရသောကြောင့် ရဲစခန်းပတ်ဝန်းကျင်တွင် စစ်ကောင်စီက မြေမြုပ်မိုင်းများထောင်ထားခြင်းဖြစ်ကြောင်း ပြည်သူ့ကာကွယ်ရေးရဲဘော်များကပြောသည်။

” ကျွန်တော်တို့ ကာကွယ်ရေးတပ်ဖွဲ့တွေဘက်က ကန်ဒေါင့်နယ်မြေရဲစခန်းအပါအဝင်ပုလဲစခန်းနဲ့ ပျူရွာနှစ်ရွာကို သွားရောက်တိုက်ခိုက်တာတွေရှိပါတယ်။ ဒီလထဲမှာ အင်မထီးပျူရွာဘက်ကိုသွားရောက်ပစ်ခတ်တဲ့အဖွဲ့ထဲကရဲဘော် ခုနှစ်ယောက်လောက် သူတို့ထောင်ထားတဲ့မိုင်းနင်းမိပြီး ထိခိုက်ဒဏ်ရာရခဲ့ပါသေးတယ်။ အခုလိုမကြာခဏတိုက်ခိုက်ခံနေရတဲ့အတွက် သူတို့ဘက်က မိုင်းထောင်ထားတာပါ” ဟု Pale Jokers PDF မှတာဝန်ရှိသူက ရှင်းပြသည်။

ပုလဲမြို့နယ်သည် စစ်ကောင်စီ၏ စစ်အုပ်ချုပ်ရေးကြေညာထားသော မြို့နယ်ဖြစ်သည်။

လက်ရှိတွင်လည်း တိုက်ပွဲများမကြာခဏဖြစ်ပွားနေသောကြောင့် ပြည်သူများအနေဖြင့် အသွားအလာသတိထားကြရန်နှင့် မဖြစ်မနေသွားလာရမည်ဆိုပါကလည်း နယ်မြေခံ PDF များထံတွင် မေးမြန်းစုံစမ်းပြီးမှသာသွားလာကြရန် Pale Jokers PDF မှ သတိပေးထားသည်။

” လက်ရှိပုလဲမှာ စစ်ကောင်စီတပ်တွေက ကန့်ဒေါင့်ရဲစခန်းရယ်၊ ပုလဲရဲစခန်းရယ်၊ ပျူရွာနှစ်ရွာရယ်မှာ အထိုင်ချထားကြတယ်။ ဖေဖော်ဝါရီ (၇) ရက်နေ့ကတော့ ကျွန်တော်တို့တပ်ဖွဲ့တွေ အဲ့ဒီလေးနေရာစလုံးကို လက်နက်ကြီးတွေနဲ့ပစ်ပြီးတိုက်ခိုက်ကြတယ်။ တခြားတော့ ထိတွေ့တိုက်ပွဲဖြစ်နေတာမျိုးမရှိသေးပါဘူး” ဟုကိုနေမင်းက ပြောသည်။mizzima

နိုင်ငံရေးပါတီတည်ထောင်ဖို့အတွက် ပြန်လည်လျှောက်ထားတဲ့ ပါတီ ၃ ပါတီ ရှိနေတယ်လို့ စစ်ကောင်စီလက်အောက်ခံ ပြည်ထောင်စုရွေး ကောက်ပွဲကော်မရှင်ရဲ့ ထုတ်ပြန်ချက်တွေအရ သိရပါတယ်။

စစ်ကောင်စီအနေနဲ့ နိုင်ငံရေးပါတီများမှတ်ပုံတင်ခြင်းဥပဒေကို ဇန်နဝါရီ ၂၆ ရက်မှာ ကြေညာ ပြဋ္ဌာန်းခဲ့ပြီး ပြည်ထောင်စုရွေးကောက်ပွဲကော်မရှင်အနေနဲ့လည်း နိုင်ငံရေးပါတီများမှတ်ပုံတင်ခြင်း နည်းဥပဒေတွေ၊ နိုင်ငံရေးပါတီ တည်ထောင်ခွင့်၊ ဆက်လက်တည်ထောင်ခွင့်နဲ့ မှတ်ပုံတင်ခွင့်တို့နဲ့စပ်လျဉ်းပြီးလည်း ဇန်နဝါရီ ၃၁ ရက်မှာ ထုတ်ပြန်ကြေညာထားပါတယ်။

မြန်မာနိုင်ငံမှာ ယခင်က နိုင်ငံရေးပါတီစုစုပေါင်း ၉၀ ကျော်ရှိပြီး အခု အသစ်ပြန်လည်‌ တည်ထောင်ဖို့ ရွေးကောက်ပွဲကော်မရှင်မှာ လာရောက်လျှောက်ထားတဲ့ ပါတီအရေအတွက်က‌ ဖေဖေါ်ဝါရီ ၁၀ ရက်အထိကို ၃ ပါတီသာ ရှိပါတယ်။ ဒီပါတီတွေကတော့ ကြံ့ခိုင်ရေးပါတီ၊ ဖက်ဒရယ်ဒီမိုကရက်တစ်ပါတီနဲ့ မြန်မာပြည်သူ့ဒီမိုကရက်တစ်ပါတီ(MDP) တို့ပဲ ဖြစ်ပါတယ်။

အမျိုးသားဒီမိုကရေစီအဖွဲ့ချုပ်(NLD)ကတော့ စစ်ကောင်စီကျင်းပဖို့ စီစဉ်နေတဲ့ အတုအယောင်ရွေးကောက်ပွဲကို ဆန့်ကျင်ကန့်ကွက်ကြောင်းနဲ့ စစ်ကောင်စီနဲ့ ပူးပေါင်းဆောင်ရွက်မယ့်သူတွေကိုလည်း နိုင်ငံတော်ပုန်ကန်မှုကျူးလွန်ရာမှာ အားပေး ကူညီသူတွေအဖြစ် သတ်မှတ်မယ်လို့ ကြေညာထားပါတယ်။

တည်ဆဲဥပဒေတွေကို ချိုးဖောက်ပြီး နိုင်ငံတော်ပုန်ကန်မှုကို ကျူးလွန်ထားတဲ့ စစ်ကောင်စီရဲ့ ဆောင်ရွက်မှုမှန်သမျှဟာ တရားဝင်မှုမရှိလို့ သူတို့ကျင်းပမယ့် အတုအယောင်ရွေးကောက်ပွဲကို ခိုင်မာစွာဆန့်ကျင်ကန့်ကွက်နေမှာဖြစ်တယ်လို့အန်အယ်လ်ဒီထုတ်ပြန်ချက်မှာ ဖော်ပြပါတယ်။ 

၈၈ မျိုးဆက်တချို့ပါဝင်ပြီး ဦးကိုကိုကြီးခေါင်းဆောင်တဲ့ ပြည်သူ့ပါတီကတော့ အသစ်ပြန်လျှောက် မလျှောက် သေချာမသိရသေးပါဘူး။ စစ်ကောင်စီဝင်လည်းဖြစ် ပြည်ထောင်စုဝန်ကြီးလည်းဖြစ်တဲ့ ဒေါ်သက်သက်ခိုင်ရဲ့ PPP ပါတီကလည်း ပါတီပြန်လည်လျှောက်ထားဖို့အတွက် လိုအပ်ချက်တွေကို ကူညီပံ့ပိုးပေးကြဖို့ဆိုပြီး ဖေဖေါ်ဝါရီ ၉ ရက်နေ့က ထုတ်ပြန် ကြေညာထားပါတယ်။

နိုင်ငံရေးပါတီများမှတ်ပုံတင်ခြင်း ဥပဒေသစ်အရ တစ်နိုင်ငံလုံးအတိုင်းအတာနဲ့ စည်းရုံးရေး ဆောင်ရွက်လိုတဲ့ ပါတီတွေဟာ ပါတီဝင်ဦးရေ တစ်သိန်းနဲ့အထက်ရှိရမှာ ဖြစ်သလို ပါတီရန်ပုံငွေ သိန်းကျပ်သိန်း ၁၀၀၀ ရှိရမယ်လို့လည်း ပါရှိထားပါတယ်။ DVB

စစ်ကိုင်းတိုင်း၊ ယင်းမာပင်မြို့နယ်၊ ကျောက်မှော်အုပ်စု၊ ကျောက်ကုန်းရွာသို့ စစ်တပ် ဝင်ရောက်လာချိန် ထွက်မပြေးဘဲ ကျေးရွာတွင် နေထိုင် ကျန်ရစ်ခဲ့သည့် အသက် ၄၈ နှစ်အရွယ် ကြံ့ခိုင်ရေးပါတီ၏ ကျေးရွာ စည်းရုံးရေး မှူး မြင့်ဆွေကို စစ်တပ်က ညှဉ်းပန်းနှိပ်စက် ပစ်ခတ်သတ် ဖြတ်လိုက်ကြောင်း ဒေသပြည်သူများက ရန်ကုန်ခေတ်သစ်သတင်းဌာန ထံသို့ ပြောကြားသည်။

ဖေဖော်ဝါရီလ ၇ ရက်နေ့ ညပိုင်းတွင် ကျောက်မှော်အုပ်စုအတွင်းရှိ ကျေးရွာ ၇ ရွာ ကို စစ်တပ်က စစ်ကြောင်းထိုး ဝင်ရောက်ခဲ့ကြောင်း၊ ယင်း သို့ စစ်တပ်က စစ်ကြောင်းထိုး ဝင်ရောက်စဉ် ကျန်ရွာသူရွာသာများမှာ ထွက်ပြေး တိမ်း ရှောင်ခဲ့သော်လည်း ကျေးရွာ၏ ကြံ့ခိုင်ရေးပါတီ စည်းရုံးရေးမှူးဖြစ်သူ အသက် ၄၈ နှစ်အရွယ် မြင့်ဆွေမှာ ရွာမှ ထွက်ပြေးခြင်းမရှိဘဲ ကျန်ရှိနေခဲ့ကြောင်း၊ စစ်တပ်က မြင့်ဆွေကို ဖမ်းဆီးပြီး ရက်ရက်စက်စက်နှိပ်စက် သတ်ဖြတ်သွားခြင်းဖြစ်ကြောင်း သိရသည်။

“စစ်ခွေးတွေက သူ့လူကိုယ့်လူမခွဲခြားတော့ဘူး၊ အခုအသတ်ခံရတဲ့သူက ၂၀၂၀ ရွေးကောက်ပွဲတုန်းက အိမ်မှာ ကြံ့ခိုင်ပါတီအလံထောင်ပြီး စည်းရုံးပေးခဲ့တဲ့သူ၊ ထွက်မပြေးဘဲ ကျန်နေခဲ့ရင်း အသတ်ခံရတာ” ဟု ဒေသခံပြည်သူကတစ်ဦးက ရန်ကုန်ခေတ်သစ်သတင်းဌာနထံသို့ ပြောဆိုသည်။

အကြမ်းဖက်စစ်တပ်၏ ဖမ်းဆီးသတ်ဖြတ်ခြင်းခံရသူ မြင့်ဆွေသည် ယင်းမာပင်မြို့နယ်၊ ကျောက်မှော် အုပ်စု၊ ကျောင်းကုန်းကျေးရွာတွင်နေထိုင်သူဖြစ်ပြီး ၂၀၂၀ အထွေထွေရွေးကောက်ပွဲတွင် ကြံ့ခိုင်ရေးပါတီ အလံဆိုင်းဘုတ်ကို ၎င်း၏နေအိမ်တွင်ထောင်ကာ စည်းရုံးရေးမှူးလုပ်ကိုင်ခဲ့သူဖြစ်ကြောင်း ၊ စစ် တပ်က ကျေးရွာမှ ပြန်လည်ထွက်သွားချိန်တွင် ရက်ရက်စက်စက်နှိပ်စက်သတ်ဖြတ်ခံထားရသည့် ရုပ်အ လောင်းကို တွေ့ရှိခဲ့ရခြင်းဖြစ်ကြောင်း သိရသည်။khit thit

အကြမ်းမဖက်အာဏာဖီဆန်ရေး လှုပ်ရှားမှုတွင်ပါဝင်သူ(CDM)များ၊ မပါဝင်သူ Non-CDMများနှင့်ပတ်သက်ပြီး လူ့ဘောင်သစ်ဒီမိုကရက်တစ်ပါတီ၏ သဘောာထားကို ဖေဖော်ဝါရီလ ၈ရက်နေ့တွင် ထုတ်ပြန်ကြေညာသည်။

ဒုက္ခအမျိုးမျိုးကိုရင်ဆိုင်လျက် ဘဝများ၊ အသက်များရင်းကာ နှစ်နှစ်ကျော်လာသည်အထိ ကြံ့ကြံ့ခံပြီး ဆက်လက်တိုက်ပွဲဝင်နေကြသည့် CDMများကို လှိုက်လှိုက်လှဲလှဲ ဂုဏ်ပြုမှတ်တမ်းတင်အပ်ကြောင်း ဆိုထားသည်။

CDMလှုပ်ရှားမှုတွင် မပါဝင်နိုင်သည့် Non-CDMများအနက် အများစုသည် စစ်အာဏာရှင်စနစ်အကုန်အစင် ဖျက်သိမ်းရေးတိုက်ပွဲကြီးတွင် တစ်နည်းမဟုတ် တစ်နည်းဖြင့် ပါဝင်နေကြသည်ဟု ပါတီအနေဖြင့် နားလည်ကြောင်း ထုတ်ပြန်ချက်တွင်ပါဝင်သည်။

CDMလှုပ်ရှားမှုတွင်မပါဝင်ဘဲ တော်လှန်ရေးကို ဖျက်လိုဖျက်ဆီးပြုလုပ်သူ ၊စစ်ကောင်စီ၏ အာဏာသိမ်းယန္တရားများတွင် စိတ်ရောကိုယ်ပါ ပါဝင်ဆောင်ရွက်သူ၊ သူလျှို များ၊ သတင်းပေးများ ဒလန်များအဖြစ် ဆောင်ရွက်သူများကိုမူ ပါတီအနေဖြင့် တော်လှန်ရေး၏ သစ္စာဖောက်များအဖြစ် ရှုမြင်သည်ဟု ထုတ်ပြန်ထားသည်။

ဇန်နဝါရီလ ၂၀ရက်နေ့တွင် အမျိုးသားညီညွတ်ရေးအတိုင်ပင်ခံကောင်စီမှ ထုတ်ပြန်လိုက်သည့် နိုင်ငံ့ဝန်ထမ်းCDMမူဝါဒစာတမ်း ထွက်ပေါ်လာပြီးနောက်တွင် လူ့ဘောင်သစ်ပါတီက ယခုကဲ့သို့ ထုတ်ပြန်ခဲ့ခြင်းဖြစ်သည်။

နွေဦးတော်လှန်ရေးတွင်ပါဝင်နေသည့် တော်လှန်ရေးအဖွဲ့များအနေဖြင့် Non-CDMများကို တော်လှန်ရေးနှင့် ပူးပေါင်းဆောင်ရွက်မှုများပြုလုပ်ရန် စည်းရုံးသင့်သည်ဟု ပါတီ၏ဥက္ကဋ္ဌဦးအောင်မိုးဇော်က ဆိုသည်။

“တော်လှန်ရေးလုပ်တဲ့သူတွေက ကိုယ့်ကိုယ်ကိုဘောင်မခတ်ရဘူး၊ ကိုယ်ကပြည်သူကို စည်းရုံးရမှာ Non-CDMတွေ CDMလုပ်လာအောင် အနိမ့်ဆုံးအဆင့် ကိုယ့်ကိုထောက်ခံလာအောင် ကိုယ်ကစည်းရုံးရမှာ”ဟု ၎င်းကဆိုသည်။

အထူးသဖြင့် အဆိုပါမူဝါဒစာတမ်းတွင်ပါဝင်သည့် Non-CDMနိုင်ငံ့ဝန်ထမ်းများကို အရေးယူခြင်းအခန်းသည် တော်လှန်ရေးအဖွဲ့များအကြားတွင် ဝေဖန်မှုများ အငြင်းပွားမှုများ ဖြစ်ပေါ်လျက်ရှိနေသည်။

“ဘာဖြစ်လို့Non-CDMတွေကို အရေးယူရမှာလဲ၊ ဘာအကြောင်းကြောင့် အရေးယူရမှာလဲ။ သူတို့ကပြည်သူတွေ၊ ကျနော်ပြောတာရှင်းရှင်းလေးရယ် ကျနော်တို့ပြည်သူတွေဖြစ်တယ်။ ကျနော်တို့ပြည်သူကို ပြည်သူလိုကြည့်ရမယ်” ဟုဦးအောင်မိုးဇော်က ပြောသည်။

“ပြည်သူတွေက ကိုယ့်ကိုမထောက်ခံရင် ကိုယ့်တော်လှန်ရေးအောင်ပါ့မလား ။ ကျနော်အဓိကပြောနေတာက စစ်အုပ်စု နဲ့ပေါင်းနေတဲ့ သူတွေကို ပြောတာမဟုတ်ဘူး။ ပြည်သူအများစုကြီးကိုပြောနေတာ” ဟု ၎င်းကဆက်ပြောသည်။

မြန်မာနိုင်ငံတွင် စစ်တပ်ကအာဏာသိမ်းပြီးနောက်ပိုင်း ဆရာဝန်များမှစတင်ပြီး CDMပြုလုပ်ကာ စစ်အာဏာရှင်စနစ်ကို လက်မခံကြောင်း ပြသခဲ့ကြသည်။

နောက်ပိုင်းတွင် အစိုးရယန္တရားအသီးသီးမှ ဝန်ထမ်းအများအပြားသည် CDMပြုလုပ်ပြီး စစ်အာဏာရှင်စနစ်ကို သပိတ်မှောက်ခဲ့ကြသည်။ အမျိုးသားညီညွတ်ရေးအစိုးရ (NUG)ထံမှ ရရှိသောအချက်အလက်များအရ CDMပြုလုပ်သည့်နိုင်ငံ့ဝန်ထမ်း အရေအတွက်မှာ ၁၈၅,၀၀၀ဦး ခန့်ရှိပြီဖြစ်ကြောင်း သိရှိရသည်။mizzima