SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS

စစ်ကိုင်းတိုင်း၊ မြောင်မြို့နယ်တွင် ပြီးခဲ့သည့် ဇန်နဝါရီလအတွင်းက ဖမ်းဆီးရမိထားသည့် စစ်ကောင်စီ၏ အထွေထွေအုပ်ချုပ်ရေးဦးစီးဌာနဝန်ထမ်းများအမှုကို ရဲလုပ်ငန်းစဉ်အရ စစ်ဆေးမှုများ ပြီးပြတ်ပြီဖြစ်သည့်အတွက် မနက်ဖြန် တနင်္လာနေ့တွင် တရားရုံးသို့ တင်ပို့စစ်ဆေးသွားမည်ဖြစ်ကြောင်း စစ်ကိုင်းခရိုင်ပြည်သူ့လုံခြုံ​ရေးအဖွဲ့ (ပလဖ)ကပြောသည်။

“အခုအမှုတွဲ စစ်​ဆေးပြီးပြီ။ တရားရုံးပဲ တင်ရုံကျန်​​တော့တယ်။ တရားရုံးက မနက်ဖြန် တင်မှာပါ”ဟု အမျိုးသားညီညွတ်ရေးအစိုးရ၊စစ်ကိုင်းခရိုင်ပြည်သူ့လုံခြုံ​ရေးအဖွဲ့ တာဝန်ခံ ဦးမြင့်တင်က ယနေ့ ဖေဖော်ဝါရီ ၂၆ရက်တွင် မဇ္ဈိမသို့ ပြောကြားသည်။

စစ်ကိုင်းတိုင်း မြောင်မြို့နယ်တွင် စစ်ကောင်စီ၏အထွေထွေအုပ်ချုပ်ရေးဦးစီးဌာနမှ ဝန်ထမ်းလေးဦးကို စစ်ကိုင်းခရိုင်တပ်ရင်း (၅) MRA က ဇန်နဝါရီလ ၁၄ရက်တွင် ဖမ်းဆီးခဲ့သည်။ ၎င်းတို့အား အကြမ်း ဖက်တိုက်ဖျက်ရေးဥပဒေနှင့်အညီ အရေးယူနိုင်ရေးအတွက် ဆောင်ရွက်နေကြောင်း အမျိုးသားညီညွတ်ရေးအစိုးရ(NUG) ပြည် ထဲရေးနှင့် လူဝင်မှုကြီးကြပ်ရေးဝန်ကြီးဌာနက ပြီးခဲ့သည့် ဇန်နဝါရီလ ၁၅ ရက်နေ့က ထုတ်ပြန်ခဲ့သည်။

ဖမ်းဆီးရမိသူများမှာ အမျိုးသမီး သုံးဦး၊ အမျိုးသားတစ်ဦး စုစုပေါင်းလေးဦးဖြစ်ပြီး ထိုအထဲမှတစ်ဦးမှာ ထွေအုပ်ဦးစီး၏ အမျိုးသမီးဖြစ် ကြောင်း သိရသည်။၎င်းတို့ကို ​နောက်ဆက်တွဲ စစ်​ဆေးချက်အရ သက်သေခံပစ္စည်းများတွင် ရွေးကောက်ပွဲနှင့် ပတ်သက်သည့် စာရွက်စာ တမ်းများ မတွေ့ရှိခဲ့ဘဲ Non CDMဝန်ထမ်းအ​နေအထားသာရှိ​ကြောင်း စစ်​ဆေး​တွေ့ရှိခဲ့သည်ဟု စစ်ကိုင်းခရိုင် ပြည်သူ့လုံခြုံ​ရေးအဖွဲ့က​ပြောသည်။

“ကျွန်တော်တို့ ရဲကတော့ အမှုဖွင့်တာကတော့ အကြမ်းဖက်တိုက်ဖျက်ရေးဉပဒေနဲ့ပါပဲ။အကြမ်းဖက်စစ်ကောင်စီကို သူတို့အားပေးတာပေါ့။ အဲ့ဒီပုဒ်မနဲ့ပဲ ဖွင့်ပါတယ်။ ဒါကို တရားရုံးအနေနဲ့ကတော့ သူတို့ ဆက်ပြီးတော့ ကျွန်တော်တို့ စွဲချက်တွေအပေါ်မှာ လိုအပ်ရင် သူတို့ဖြည့်စွက်ပါလိမ့်မယ်”ဟု စစ်ကိုင်းခရိုင်ပြည်သူ့လုံခြုံ​ရေးအဖွဲ့မှဆရာတူးက မဇ္ဈိမသို့ ပြောသည်။mizzima

မြန်မာနိုင်ငံတစ်ဝန်း ဖြစ်ပွားလျက်ရှိသော တိုက်ပွဲများအတွင်း စစ်သားများ ထိ ခိုက် ဒဏ်ရာရရှိမှု များပြားနေသော်လည်း စစ်ဘက်ဆိုင်ရာ ကျန်းမာရေး အသုံးစရိတ် ကို ထက်ဝက်ကျော် လျော့ချလိုက်ကြောင်း တပ်တွင်း သတင်းရင်းမြစ်များထံမှ သိရသည်။

အကြမ်းဖက် စစ်တပ် လျော့ချလိုက်သော စစ်ဘက်ဆိုင်ရာ ကျန်းမာရေး အသုံးစရိတ်များတွင် ဆေးဝါးနှင့် ကုသရေးဆိုင်ရာ ပစ္စည်းများနှင့် ဆေးဘက်ဆိုင်ရာ သင်တန်းများအတွက် အသုံးစရိတ်များ ပါဝင်ကြောင်း၊ ယင်းသို့ ကျန်းမာရေး အသုံးစရိတ် မလျှော့ချမီ လွန်ခဲ့သည့် ၄ လခန့်မှကပင် ဒဏ်ရာရစစ်သားများ စစ်ဆေးရုံများသို့ ရောက်ရှိလာချိန်တွင် ဆေးဝါး မစုံလင်မှုများ၊ စျေးပေါ၍ အရည်အသွေးနိမ့်သော ဆေးဝါးများနှင့် ရက်လွန်ပြီးသော ဆေးဝါး အစုတ်အပြတ်များဖြင့် ကုသမှု ခံယူနေရကြောင်း သိရသည်။

ထို့ပြင် ဒဏ်ရာရ စစ်သားများ လိုအပ်သော အရေးကြီးဆေးဝါးနှင့် ဓာတ်ဆား ထုပ် ကဲ့သို့ သာမာန်ဆေးဝါးက အစ စစ်ဆေးရုံတွင် ပြတ်လပ်နေပါက ပြင်ပ ဆေးဆိုင်များမှ ကိုယ့်စရိတ်ဖြင့်ကိုယ် ဝယ်သုံးနေရသည်မှာ ယခင်ကတည်းက ရှိခဲ့ကြောင်း၊ စစ်ဘက်ဆိုင်ရာ ကျန်းမာရေး အသုံး စရိတ်များ ထက်ဝက်လျော့ချ လိုက်ပြီဖြစ်သောကြောင့် ပိုမိုဆိုးရွားလာနိုင်ကြောင်း၊ ယင်းသို့ သက်တမ်းလွန် ဆေးပစ္စည်းများနှင့် ညံ့ဖျင်းသော ကျန်းမာရေး စောင့်ရှောက်မှုများကို အရာရှိများနှင့် အောက်ခြေ စစ်သားများက အဓိက ခံစားနေကြရကြောင်း သိရှိရသည်။

စစ်တပ်ရှိ ရာထူးကြီး ဗိုလ်ချုပ်များနှင့် ၎င်းတို့၏ ယောက္ခမ၊ ဇနီး၊ ဦးလေး၊ အဒေါ် စသည့် ဆွေတော်မျိုးတော်များ စစ်ဆေးရုံသို့ ရောက်ရှိပါက အထွေထွေ ဝန်ဆောင်မှုနှင့် ကျန်းမာရေး စောင့်ရှောက်မှုများကို အခွင့်ထူးခံ ဦးစားပေး ဆောင်ရွက်ပေးရပြီး လိုအပ်ပါက စစ်ဆေးရုံက စရိတ် စိုက်ထုတ်၍ ကုသပေး နေရကြောင်း တပ်တွင်း သတင်းရင်းမြစ်များက ပြောဆိုသည်။

ရန်ကုန်ခေတ်သစ်အနေဖြင့် စစ်တပ်က အသုံးပြုနေသော နှစ်စဉ် ကျန်းမာရေးအသုံးစရိတ် သိရှိနိုင်ရန် စစ်တပ်ပြောခွင့်ရပုဂ္ဂိုလ်ထံသို့ ဖုန်းဆက်သွယ်မေးမြန်းသော်လည်း လက်ခံဖြေကြားခြင်းမရှိပေ။

စစ်ဘက်ဆိုင်ရာ ဆရာဝန်အသိုင်းအဝိုင်းတွင်လည်း CDM မလုပ်သည့်တိုင် မင်းအောင်လှိုင်နှင့်လက်ရှိ စစ်တပ် ဗိုလ်ချုပ်များ၏ လူသတ်ဖြတ်သည့် လမ်းစဉ်ကို မကြိုက်နှစ်သက်ကြကြောင်း၊ စစ်ဆေးဆရာဝန် များမှာ နည်းလမ်းအမျိုးမျိုးဖြင့် တပ်မှ ထွက်ရရန် ကြိုးစားမှုများရှိကြောင်း သိရှိရသည်။

“CDM မလုပ်ပေမယ့် မင်းအောင်လှိုင်ကိုတော့ လုံးဝ အယုံအကြည်မရှိကြဘူး။ ကိုယ့်မိသားစုနဲ့အသက်ထက် ဘာမှအရေးမကြီးဘူး။ နေမကောင်းလိုက်။ ကိစ္စတစ်ခုပြ လိုက်နဲ့ တာဝန်တွေလှည့်ပတ်ရှောင်နေတာ။ စစ်ဆေးဆရာဝန်နဲ့ ဆေးတပ်သားတွေပါ ရှေ့တန်းထွက်ခိုင်းနေတဲ့အခြေအနေကိုလည်း ရောက်လာနေတယ်” ဟု စစ်ဆေးဆရာဝန်အသိုင်းအ၀ိုင်းက ဆိုသည်။ khit thit

စစ်ကိုင်းတိုင်း၊ မုံရွာမြို့ရှိ သာစည်အကျဉ်းထောင်သစ်ကို ကာကွယ်ရေးတပ်ဖွဲ့များပူးပေါင်းပြီး လက်နက်ကြီးများဖြင့်ပစ်ခတ်တိုက်ခဲ့ကြောင်း Black Dragon Special Task Force-Monywa က ဖေဖော်ဝါရီလ ၂၅ ရက်နေ့တွင် ထုတ်ပြန်ထားသည်။

ဖေဖော်ဝါရီလ ၂၄ ရက် ည ၁ ၁နာရီခန့်တွင် စစ်ကောင်စီတပ် အခြေစိုက်တပ်စွဲထားသည့် သာစည်အကျဉ်း ထောင်ကို ၆၀ မမ ၊ ၈၀ မမ များဖြင့် နှစ်နေရာခွဲပြီး ပစ်ခတ်တိုက်ခိုက်ခဲ့ခြင်းဖြစ်ကြောင်း ဆိုသည်။

“ကျနော်တို့ ၁၅ လုံးပစ်ခဲ့ပါတယ် ၈၀ မမ က ငါးလုံးနဲ့ ၆၀ မမ က ၁၀ လုံးပါ။ ထိခိုက်မှုရှိတယ် လို့သိရပြီး အရေအတွက်ကိုတော့ အတည်ပြုလို့မရသေးပါဘူး” ဟု Black Dragon Special Task Force-Monywa မှ K.M.S.G ကပြောသည်။

အကျဉ်းထောင်အတွင်းရှိ စစ်ကောင်စီတပ်သားများ တပ်စွဲထားသည့်နေရာသို့ ရှော့တိုက်ဒုံးများ ကျရောက် ပေါက်ကွဲခဲ့ပြီး အထိအခိုက်များ ပြား ကြောင်းသိရသော်လည်း အသေအပျောက်စာရင်းကို အတည်ပြုနိုင် ခြင်းမရှိသေးကြောင်း ထုတ်ပြန်ချက်တွင် ဖော်ပြထားသည်။

ယင်းတိုက်ခိုက်မှုကို Black Dragon Special Task Force-Monywa နှင့်အတူ မုံရွာခရိုင် တပ်ရင်း (၂၀) (BOB) ၊ မုံရွာခရိုင် တပ်ရင်း (၁၂) တပ် ခွဲ (၃) လျှပ်စီးတပ်ခွဲ၊ Peacock King People Defense Force နှင့် ရန်ရှင်း ဒေသခံပြည်သူ့ကာကွယ်ရေးတပ်ဖွဲ့တို့ ပူးပေါင်းတိုက်ခိုက်ခဲ့ခြင်းဖြစ်ပြီး အထိအခိုက်မရှိ ပြန်လည် ဆုတ်ခွာနိုင်ခဲ့ကြောင်း သိရသည်။

သာစည်အကျဉ်းထောင်သည် ဆောက်လုပ်နေဆဲဖြစ်ပြီး အကျဉ်းဦးစီးဝန်ထမ်းများအပြင် စစ်ကောင်စီတပ် မှ တပ်စွဲထားခြင်းဖြစ်ကြောင်း ဆိုသည်။

ဖေဖော်ဝါရီလ ၂၅ ရက် ည ၁၀ နာရီခန့်ကလည်း မုံရွာမြို့ စီးပွားရေးတက္ကသိုလ်တွင် တပ်စွဲထားသော စစ်ကောင်စီတပ်ဖွဲ့များကို ၆၀ မမ ဖြင့် ပစ်ခတ်ခဲ့ကြောင်းသိရသည်။ စစ်ကောင်စီ တပ်ဘက်မှလည်း ၄၀ မမ ၊ ၆၀ မမ ၊ လက်နက်ငယ်များဖြင့် ရမ်းသန်းပစ်ခတ်သော်လည်း ကာကွယ် ရေးတပ်ဖွဲ့များ အထိအခိုက် မရှိ ဆုတ်ခွာနိုင်ခဲ့ကြောင်း သိရသည်။

အဆိုပါတိုက်ခိုက်မှုကို Black Dragon Special Task Force-Monywa နှင့်အတူ မုံရွာခရိုင် တပ်ရင်း (၁၂) တပ်ခွဲ (၃) လျှပ်စီးတပ်ခွဲ ၊ Peacock King People Defense Force မှ ပူးပေါင်းခဲ့ခြင်းဖြစ်ကြောင်း သိရ သည်။

အခြေအနေအရပ်ရပ်ကြောင့် စစ်ဆင်ရေးသတင်းကို အချိန်နှင့်တပြေးညီ မတင်ပြနိုင်ခဲ့မှုအပေါ် မိဘ ပြည်သူများအနေဖြင့် နားလည်ပေးကြပါရန် မေတ္တာရပ်ခံထားပြီး ပြည်သူများကိုမထိခိုက်စေလိုသော ကြောင့် စစ်ကောင်စီတပ်သားများနှင့် ဝေးသောနေရာများတွင် နေထိုင်ကြရန် K.M.S.G က သတိပေးပြော ကြားခဲ့သည်။mizzima

မန္တလေးတိုင်း၊ မတ္တရာမြို့နယ်၊ မြွေမြစ်ရိုးကျေးရွာအတွင်းတပ်စွဲထားသော အကြမ်းဖက်စစ်သားများကို ဒရုန်းဖြင့်ဗုံးကျဲတိုက်ခိုက်ခဲ့ကြောင်း ယူနီကွန်းပြောက်ကျားတပ်ဖွဲ့မှ တာဝန်ရှိသူတစ်ဦးက ရန်ကုန်ခေတ် သစ်သတင်းဌာနထံသို့ ပြောကြားသည်။

ယမန်နေ့ ဖေဖော်ဝါရီလ ၂၅ ရက်နေ့က မတ္တရာမြို့နယ်၊ မြွေမြစ်ရိုးကျေးရွာအတွင်းတပ်စွဲပြီး အနီးအနား ကျေးရွာများကို ဝင်ရောက်မွှေနှောက်ကာ ပြည်သူလူထုကို ဒုက္ခပေးနေသော အကြမ်းဖက်စစ်သားများကို ယူနီကွန်းပြောက်ကျားတပ်ဖွဲ့မှ ဒရုန်းနှစ်စီးဖြင့် ဗုံးကျဲတိုက်ခိုက်ခဲ့ခြင်းဖြစ်ပြီး အကြမ်းဖက်စစ်တပ်မှ လက်နက်ကြီးများဖြင့် ရမ်းသမ်းပစ်ခတ်ခဲ့သော်လည်း ပြည်သူ့ကာကွယ်ရေးတပ်ဖွဲ့ဝင်များအထိအခိုက် မရှိပြန် လည် ဆုတ်ခွာနိုင်ခဲ့ကြောင်း သိရသည်။

“အင်အား ၅၀ လောက်ရှိတယ်၊ ရွာထဲကို ဝင်မွှေနေတော့ ပြည်သူတွေလဲ မနေရဲတော့ဘူး၊ ထွက်ပြေးနေ ကြရတယ်၊ စစ်ခွေးတွေက အရင်လို စုပြီးမနေရဲတော့ဘူး၊ ထွက်ပြေးနေတဲ့ပြည်သူတွေရဲ့အိမ်တွေကို ဝင်မွှေပြီး အဲဒီအိမ်တွေမှာ ဟိုတစ်စု၊ ဒီတစ်စုနဲ့ ခွဲနေကြတော့တာ၊ ဒရုန်းနဲ့ချတော့ တခြားအိမ်တွေကို ဝင်မွှေတာမျိုးတော့မလုပ်ရဲတော့ဘူးပေါ့၊ ဒရုန်းနဲ့ချပြီး နာရီဝက်လောက်ကြာတော့ လက်နက်ကြီးနဲ့ ၂ ချက်ပြန်ပစ်တယ်” ဟု ယူနီကွန်းပြောက်ကျားတပ်ဖွဲ့မှ တာဝန်ရှိသူတစ်ဦးက ရန်ကုန်ခေတ်သစ်သတင်း ဌာနထံသို့ ပြောကြားသည်။ khit thit

ခင်ဦးမြို့က NLD အမတ် ဒေါက်တာ၀င်းအောင်၏ဇနီးနှင့်သမီးတို့ကို၊ ဖေဖော်ဝါရီလ ၂၄ ရက်နေ့က၊ စစ်ကောင်စီကလာရောက်ဖမ်းဆီးသွာကြောင်း၊ ၎င်းတို့နှင့်နီးစပ်သည့်အသိုက်အ၀န်းထံကတစ်ဆင့်သိရ သည်။

“ဆရာ့အမျိုးသမီးနဲ့ သမီးအကြီးမကြီးကို၊ စကစတွေကအဲဒီနေ့ညနေပိုင်းက အိမ်မှာ လာဖမ်းသွားတယ်၊ နှစ်ယောက်စလုံးက ခံ၀န်နဲ့နေနေသူတွေပါ၊ ဖမ်းသွားတာက တစ်ရက်ကျော်ကြာသွားပြီ၊ ခုထိ ဘာလို့ဖမ်းလဲ ဘယ်မှာထားထားလဲ မသိရေသးဘူး၊ ဆရာ့သမီးအငယ်နဲ့ဆရာ့သမက်က တမြန်နေ့ကဆုံးထားတယ်” ဟု နီးစပ်သူတစ်ဦးကပြော သည်။

ဒေါက်တာ၀င်းအောင်၏ဇနီးဒေါ်နီလာနှင့်သမီးအကြီးဖြစ်သူမအိနန္ဒာအောင်တို့ကို၊ ဖေဖော်ဝါရီလ ၂၄ ရက်နေ့ ညနေ ၅ နာရီ၀န်းကျင်ခန့်တွင်၊ စစ်ကောင်စီတပ်ဖွဲ့က ခင်ဦးမြို့ အောင်ချမ်းသာရပ်ကွက်မှနေအိမ်တွင်၀င်ရောက်ဖမ်းဆီးသွားခြင်း ဖြစ်သည်။

မည်သည့်အတွက်ကြောင့် ဖမ်းဆီးသွားခြင်းဖြစ်ကြောင်းမသိရသေးသော်လည်း၊ ထိုနေ့မတိုင်ခင်တစ်ရက်က၊ ရေဦးမြို့တွင်ဖြစ်ပွားခဲ့သည့်ပေါက်ကွဲမှုဖြစ်စဥ်တစ်ခုနှင့်ပတ်သက်နိုင်ကြောင်း နီးစပ်သူတချို့ကသုံးသပ်သည်။

ရေဦးမြို့တွင် ဖေဖော်ဝါရီလ ၂၃ ရက်နေ့က၊ ယမ်းကျိုနေရင်းမတော်တဆပေါက်ကွဲမှုတစ်ခုဖြစ်ပွားခဲ့ရာ၊ ဒေါက်တာဝင်းအောင်၏သမီးအငယ်ဖြစ်သူနှင့်ခင်ပွန်းတို့ သေဆုံးခဲ့သည်။

ဒေါက်တာ၀င်းအောင်သည် ၂၀၁၅ နှင့် ၂၀၂၀ ပြည့်နှစ်ရွေးကောက်ပွဲနှစ်ကြိမ်စလုံး ခင်ဦးမြို့နယ်မဲဆန္ဒနယ်မှ ပြည်သူ့လွှတ်တော်ကိုယ်စားလှယ်အဖြစ်ရွေးကောက်တင်မြှောက်ခံရသူဖြစ်ပြီး ယခုအခါတွင်လွတ်မြောက်နယ်မြေရောက်ရှိနေကြောင်းသိရသည်။

နိုင်ငံရေးအကျဉ်းသားများကူညီစောင့်ရှောက်ရေးအသင်း(Assistance Association for Political Prisoners-AAPP)၏ ဖေဖော်ဝါရီ ၂၄ ရ​က်ထုတ်ပြန်သတင်းအရ ၊ ၂၀၂၁ ခုနှစ်စစ်အာဏာ သိမ်းချိန်မှ၊ ၂၀၂၃ ခုနှစ်ဖေဖော်ဝါရီလ ၂၄ ရက်နေ့အထိ ဖမ်းဆီးချုပ်နှောင်ခံထား ရသူစုစုပေါင်း ၁၆၀၀၅ ဦးရှိပြီး၊ ၎င်းတို့အနက်မှ ၄၅၆၀ ဦး ထောင်ဒဏ်ချမှတ်ခံထားရကြောင်းသိရသည်။mizzima

သရက်ချောင်းမြို့နယ်၊ ဝင်းဝရဲစခန်းမှာ တာဝန်ကျနေတဲ့ ဆေးတပ်သားတစ်ဦး ဒေသတွင်းတော်လှန် ရေးအင်အားစုတွေထံ လက်နက်ခဲယမ်းတွေနဲ့အတူ CDM ပြုလုပ်ကာ အလင်းဝင်ခဲ့တယ်လို့ ဒေသအခြေစိုက် ပြည်သူ့ကာကွယ်ရေးတပ်ဖွဲ့ဝင်တွေဆီကနေ သိရပါတယ်။

အဲဒီဆေးတပ်သားဟာ အသက် ၂၃ အရွယ် ရှိပြီးအမှတ် ၈ စစ်ဆင်ရေးကွပ်ကဲမှုဌာနချုပ်အောက်မှာရှိတဲ့ သရက်ချောင်းမြို့နယ် အခြေစိုက် ခမရ ၄၀၃ တပ်ရင်းက ဖြစ်ပါတယ်။

CDM တပ်သားက ကျည်ဆံ ၁၀၀၊ ရိုက်ဖယ်ပစ်ဗုံး(အီနာဂါ)တစ်လုံး၊ လက်ပစ်ဗုံး ၁ လုံးနဲ့ အတူ ဒေသတွင်းတော်လှန်ရေးအဖွဲ့တစ်ဖွဲ့ထံ လာရောက်ပူးပေါင်းခဲ့တယ်လို့ ဆိုပါတယ်။

“သူက တပ်သားတစ်ချို့နဲ့ ဝင်းဝရဲစခန်းမှာ တပ်စွဲပြီးလာနေတာကြာပြီ။ ၁၃ ရက်နေ့က တည်းက ထွက်လာပြီး အခုတော့လုံခြုံတဲ့နေရာ‌ရောက်နေပြီ။ “လို့ ဒေသအခြေစိုက် ပြည်သူ့ကာကွယ်ရေးတပ်ဖွဲ့ဝင်တစ်ဦး ကပြောပါတယ်။ khit thit

အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင် ရခိုင်ပြည်နယ်၊ စစ်တွေမြို့သို့ ဒုတိယအကြိမ် လာရောက်မည်ဖြစ်ကြောင်း သတင်းရရှိသည်။

၎င်းအနေဖြင့် ရခိုင်ပြည်နယ်မှစီးပွားရေးလုပ်ငန်းရှင်များနှင့် စစ်တွေမြို့ ဦးဥတ္တမပန်းခြံတွင် တွေ့ဆုံမည် ဖြစ်ကြောင်း သတင်းများလည်း ထွက်ပေါ်နေသည်။

ရခိုင်ပြည်နယ်မှ စီပွားရေးလုပ်ငန်းရှင်တစ်ဦးက “လာမှာကတော့ လာမယ်ပေါ့။ ဘယ်နေ့လာမယ်ဆိုတာ တော့ မသိပါဘူး။ တွေ့မယ်ဆိုတာတော့ ဦးဥတ္တမခန်းမမှာ တွေ့မယ်လို့တော့ ကြားပါတယ်။ ကျနော်တို့ အတိအကျ မသိသေးဘူး၊ မနက်ဖြန်လည်း ဖြစ်နိုင်ပါတယ်” ဟု ၎င်းက ဆိုသည်။

ဆားလုပ်ငန်းရှင်များအသင်း၊ ဆန်လုပ်ငန်းရှင်များအသင်း၊ ပုဂ္ဂလိကလုပ်ငန်းရှင်များအသင်းစသည့် ရခိုင် ပြည်နယ်ရှိ စီးပွားရေးလုပ်ငန်းရှင်အသင်းများမှ တာဝန်ရှိသူများနှင့်တွေ့ဆုံရန် လုပ်ငန်းရှင်များအား အာဏာပိုင်များမှ စာဖြင့်အသိပေးထားကြောင်းသိရသည်။

စစ်တွေမြို့အတွင်း၌လည်း လမ်းမကြီးအပြင် မြို့တစ်လျှောက်အား စည်ပင်မှသန့်ရှင်းရေးလုပ်ထားသည် ကိုတွေ့ရကြောင်း စစ်တွေမြို့ခံတစ်ဦးက ပြောသည်။

“ ဒီနေ့က အရင်နေ့တွေနဲ့ မတူဘူး၊ လမ်းတွေအကုန်လုံးကို ရှင်းလင်းထားတယ်။ စည်ပင်ကလာပြီး အမှိုက် တွေ ရှင်းထားတာတွေ့တယ်။ မင်းအောင်လှိုင်လာမယ်ဆိုပြီးတော့ သတင်းတွေလည်းထွက်နေတယ်။ သူလာမှာကြောင့် ရှင်းတာလည်း ဖြစ်နိုင်ပါတယ်။ မီးကလည်း ဒီနေ့ မဖြတ်သေးပါဘူး”ဟု ၎င်းက ဆိုသည်။

အာဏာသိမ်းစစ်ခေါင်းဆောင် ဗိုလ်ချုပ်မှူးကြီးမင်းအောင်လှိုင်မှာ ပြီးခဲ့သည့် ဇန်နဝါရီလနောက်ဆုံးပတ် က သံတွဲ၊ မာန်အောင်၊ ကျောက်ဖြူနှင့် စစ်တွေမြို့များသို့ လာရောက်ခဲ့သည်။ mizzima

မကွေးတိုင်း၊ ရေစကြိုမြို့နယ်ရှိ နရင်းရွာမရွာကို အကြမ်းဖက် စစ်တပ် မီးရှို့ဖျက်ဆီးမှု နေအိမ် ၃၀ ကျော်ပြာကျခဲ့ကြောင်း yay lal kyun news- ရေလယ်ကျွန်းသတင်း အဖွဲ့က တာဝန်ရှိသူ တစ်ဦးက ရန်ကုန်ခေတ်သစ် မီဒီယာသို့ ပြောဆိုသည်။

ဖေဖော်ဝါရီလ ၂၆ ရက်နေ့တွင် ရေစကြိုမြို့နယ် မင်းရွာတွင် စခန်းချ တပ်စွဲထားသော အကြမ်းဖက် စစ်တပ်မှ စစ်သားများနှင့် ပျူစောထီး အဖွဲ့များက နေရင်းရွာမရွာကို ဝင်ရောက် စီးနင်းပြီး ပြည်သူပိုင် နေအိမ် ၃၀ ကျော်ကို မီးရှို့ ဖျက်ဆီးခဲ့ကြောင်း သိရှိရသည်။

” ပြည်သူတွေ ထိခိုက်မှုတော့ မရှိဘူး။ နေရင်းရွာမရွာက ပြည်သူတွေက ထွက်ပြေးတိမ်းရှောင်နေရတာ ကြာပြီ စစ်ခွေးတွေ မီးရှို့သွားလို့ နေ အိမ် ၃၀ ကျော်ပြာကျသွားတယ်” ဟု yay lal kyun news- ရေလယ်ကျွန်းသတင်း အဖွဲ့က တာဝန်ရှိသူ တစ်ဦးကပြောဆိုသည်။

စစ်ကောင်စီ စစ်ကြောင်းများသည် နေရင်းရွာမရွာရှိ ဝင်ရောက် စီးနင်းမှုကြောင့် ပြည်သူ အများစုသည် ၂၀၂၂ ခုနှစ် ဇူလိုင်လ ၂၆ ရက်နေ့ ကတည်းစတင်ကာ နေရပ်စွန့်ခွာ တိမ်းရှောင် နေရဆဲဖြစ်ကြောင်း သိရှိရသည်။khit thit

မကွေးတိုင်း ရေစကြိုမြို့နယ် ရေလယ်ကျွန်းဒေသ၊ နေရင်းကျေးရွာကို ဖေဖော်ဝါရီ ၂၆ ရက် မနက်မှာ စစ်ကောင်စီတပ်သားတွေနဲ့ပျူစောထီးတွေက မီးရှို့ဖျက်ဆီးခဲ့တာကြောင့် အိမ်ခြေ ၃၀ လောက် မီးလောင်ကျွမ်းခဲ့တယ်လို့ ဒေသခံတွေဆီကနေ သိရပါတယ်။

ဒီမနက် ၁၀ နာရီမှာ မင်းရွာမှာ တပ်စွဲထားတဲ့ စစ်ကောင်စီတပ်သားတွေနဲ့ပျူစောထီးတွေက မီးရှို့ခဲ့တာလို့ နေရင်းရွာ ဒေသခံတဦးက ပြောပါတယ်။

“ရွာက အိမ်ခြေ ၂၀၀ ကျော်လောက်ရှိတာ။ ၂၀၂၂ ခုနှစ် ဇူလိုင်လကတည်းက စစ်ကောင်စီတပ်က စစ်ကြောင်းထိုးလာလို့ ဘေးလွတ်ရာနေရာတွေကို ထွက်ပြေးနေကြရပြီး ရွာမှာတော့ ပြည်သူ နည်းနည်းဘဲကျန်ခဲ့တယ်။”

ရေလယ်ကျွန်းဒေသမှာ  ကျေးရွာအရေတွက်ကတော့ ၂၀ လောက်ရှိကာ စစ်ကောင်စီတပ်တွေ မီးရှို့ခံရတဲ့ အိမ်ခြေ ၁၀၀၀ ကျော်လောက်ရှိပြီး တချို့ရွာတွေဆိုရင် ၂ ကြိမ်၊ ၃ ကြိမ်အထိ မီးရှို့ခံခဲ့ရကြတယ်လို့ ပြောပါတယ်။

စစ်ကောင်စီက နိုင်ငံတော်အာဏာကို သိမ်းပိုက်ပြီးနောက် ၂၀၂၃ ခုနှစ် ဇန်နဝါရီ ၃၁ ရက်အထိ မကွေးတိုင်အတွင်းက အိမ်ခြေပေါင်း ၈၈၆၃ လုံး မီးရှို့ခံခဲ့ရတယ်လို့ Data For Myanmar က ဖေဖော်ဝါရီ ၁၀ ရက်မှာ ထုတ်ပြန်ထားပါတယ်။

ဖေဖော်ဝါရီ ၂၅ ရက် မနက်က မြိုင်မြို့အနောက်ဘက် တဖာလုံကျော်လောက်အကွာကို လှည့်ကင်းထွက်လာတဲ့ စစ်ကောင်စီ တပ်သား ၄ ယောက်နဲ့ ပျူစောထီး ၁ ယောက်ကို မြိုင်ပ.က.ဖ တပ်ရင်း (၁)၊ တပ်ခွဲ (၄) ရဲဘော်တွေက မိုင်း ၂ လုံးဆွဲပြီး တိုက်ခိုက်ခဲ့တာလို့ မြိုင် ပ.က.ဖ တပ်ရင်း(၁) တပ်ရင်းမှူး ဗိုလ်လက်ယာက ပြောပါတယ်။

စစ်ကောင်စီတပ်သားတွေထဲက ဒဏ်ရာရတဲ့ ၁ ယောက်သေဆုံးသွားပြီး ဒဏ်ရာရတဲ့ ကျန်တဲ့ ၂ ယောက်ကိုတော့ မြိုင်မြို့ အ.ထ.က (၂) စာ သင်ကျောင်းထဲမှာ ဆေးဝါးကုသတာတွေ ပြုလုပ်ပေးခဲ့ကြောင်း စုံစမ်းသိရတယ်လို့ ဗိုလ်လက်ယာကပြောပါတယ်။

မြိုင်မြို့နယ် မြောက်ပိုင်းက ကျေးရွာတွေကို ဖေဖော်ဝါရီ ၂၅ ရက် မနက်ပိုင်းက စစ်ကောင်စီစစ်ကြောင်းက တိုက်ခိုက်ရေး ရဟတ်ယာဥ်နဲ့ လေ ကြောင်းတိုက်ခိုက်ခဲ့လို့ နွား ၁ ကောင် သေဆုံး၊ ၁ ကောင်ဒဏ်ရာရရှိပြီး နေအိမ်အဆောက်ဦတချို့ ထိခိုက်ပျက်စီးခဲ့တယ်လို့ သိရပါတယ်။

အဲဒီ တိုက်ခိုက်မှုအတွင်းမှာ စစ်ကောင်စီဘက်က ထိခိုက်သေဆုံးတဲ့အခြေနေကို ဒီဗွီဘီက သီးခြားအတည်မပြုနိုင်သေးသလို စစ်ကောင်စီဘက် ကလည်း သတင်းထုတ်ပြန်ထားတာ မတွေ့ရသေးပါဘူး။DVB