မုံရွာ-ယာကြီး လမ်းပိုင်း (၂၃) မိုင်အနီးတွင် အမျိုးသမီး ၁ ဦးနှင့် ကလေး ၁ ဦး၏ အ လောင်းများတွေ့ရှိ
စစ်ကိုင်းတိုင်း၊ ကနီမြို့နယ်၊ မုံရွာ- ယာကြီးလမ်းပိုင်း ( ၂၃ ) မိုင်အနီး တောစပ် တစ်နေရာတွင် အမျိုးသမီးတစ်ဦးနှင့် ကလေးတစ်ဦး၏ အ လောင်းများတွေ့ရှိခဲ့ရကြောင်း ဒေသခံများထံမှ သိရသည်။
မတ်လ ၁၀ ရက် နံနက် ၉ နာရီ အချိန်ခန့်တွင် တွေ့ရှိခဲ့ခြင်းဖြစ်ပြီး အသတ်ခံရသူနှစ်ဦးမှာ သားအမိဖြစ် ဖြစ်ကြောင်း ၎င်းတို့နှင့် နီးစပ်သည့် ဒေသခံများထံမှ သိရသည်။
ဆေးဘက်ဆိုင်ရာကျွမ်းကျင်သူများ၏ ဖော်ထုတ်ချက်အရ အသတ်ခံထားရသည့် အမျိုးသမီးမှာ အဓမ္မပြု ကျင့်ခံထားရပြီး လည်ပင်းညှစ်၍ သတ်ခံထားရခြင်း ဖြစ်ကြောင်း ၊ ခန္ဓာကိုယ်တွင်လည်း ထိခိုက်ဒဏ်ရာ အချို့ရှိကြောင်း သိရသည်။
အသတ်ခံရသည့်ကလေးတွင်လည်း လည်ပင်းတွင် ညိုမဲဒဏ်ရာများ နှင့်အတူ ဦးခေါင်းဒဏ်ရာများဖြင့် သေဆုံးနေသည်ကို တွေ့ရှိရကြောင်း သိရသည်။
ကနီမြို့နယ် ပြည်သူ့လုံခြုံရေးတပ်ဖွဲ့များမှ ထိုဖြစ်စဉ်အားစုံစမ်းနေပြီး သံသယရှိသူတစ်ဦးကို ဖမ်းဆီး၍ စစ်ဆေးနေကြောင်းလည်း သိရသည်။
အာဏာသိမ်းပြီးနောက် ကနီမြို့နယ်တွင် အဓမ္မပြုကျင့်မှုသုံးခုရှိနေပြီဖြစ်ကြောင်း မြို့နယ် တရားရေးနှင့် နီးစပ်သူများထံမှ သိရသည်။mizzima
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 