မိုင်တဲလ်ပြန်ရနေတဲ့ ကျောက်တော်
ရခိုင်ပြည်နယ်ကျောက်တော်မြို့တွင် မိုင်တဲလ် တယ်လီဖုန်းလိုင်းနှင့် အင်တာနက်များပြန်လည်ရရှိနေပြီဖြစ်သည်ဟု ဒေသခံတစ်ဦးနှင့်ဆက်သွယ်ပြောကြားချက်အရသိရသည်။
သို့သော် အော်ရီဒူးဖုန်းလိုင်းမှာ ပြတ်တောက်သွားသည်ဟု သိရသည်။
ကျောက်တော်တွင်မိုးအနည်းငယ်ရွာသွန်းမှုရှိနေသော်လည်း လေငြိမ်နေသည်ဟုလည်း ဒေသခံ၏ပြောကြားချက်အရသိရသည်။
ကျောက်ဖြူမြို့တွင်လည်း ဒေသခံအချို့ကို အွန်လိုင်းပြန်လည်အသုံးပြုနေသည်ကို ဆိုရှယ်မီဒီယာတွင်ရေးသားထားချက်အရသိရသည်။
စစ်ကောင်စီဘက်မှထုတ်ပြန်ချက်အရ ရွေ့လျားဆက်သွယ်ရေးကားများ Mobile Car စစ်တွေဘက်သို့သွားရောက်နေသော သတင်းများလည်းတွေ့ရသည်။ ဆိုင်ကလုန်းမိုခါကြောင့် မေလ ၁၄ ရက်နေ့ ညနေ ၅ နာရီကျော်အချိန်ခန့်ကစ၍ အမ်းနှင့်သံတွဲမှလွဲ၍ ရခိုင်ပြည်နယ် မြို့အတော်များများတွင် တယ်လီဖုန်းနှင့်အင်တာနက်များပြတ်တောက်သွားခဲ့သည်။ mizzima
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 