ဖားကန့်တွင် အမျိုးသား ၁ ဦး သေနတ်ပစ်ခံရ
ကချင်ပြည််နယ် ဖားကန့်မြို့ မှော်ဝှမ်းရပ်ကွက်တွင် ယမန်နေ့ မေလ ၂၂ ရက် နေ့လယ်ပိုင်း ၂ နာရီကျော်အချိန်လောက်က အမျိုးသားတစ်ဦး သေနတ်ပစ်ခံရပြီး အခြေအနေစိုးရိမ်ရကြောင်း ဒေသခံများက ဆိုကြသည်။
ဖားကန့်မြို့ မော်ဝှမ်းရှိ မျိုးသန့် ဆံပင်ညှပ်ဆိုင်အနီးရှိ ကွမ်းယာဆိုင်ရှေ့တွင် ဆိုင်ကယ်ဖြင့်ရောက်ရှိလာသည့် လူငယ်များက သေနတ်ဖြင့် ပစ်ခတ်သွားခဲ့ခြင်း ဖြစ်သည်ဟု ဆိုသည်။
“လမ်းမှာကားတွေ ဆိုင်ကယ်တွေရှုပ်နေတဲ့အချိန် ပစ်သွားတာဟုတ်တယ်။ ဆိုင်ကယ်နဲ့ပဲ ဟုတ်တယ်။ လူငယ်လေးတွေပါပဲ။ သိတဲ့အတိုင်း ကွမ်းယာဆိုင်ဆိုတော့ လူကလည်းရှုပ်နေတဲ့အချိန် အသံကြားလို့ ကြည့်လိုက်တာ ဆိုင်ရှေ့မှာ လူက လဲနေပြီ ” ဟု သတင်းရင်း မြစ်က အခုလိုပြောသည်။
ပစ်ခတ်ခံရသူမှာ အသက် ၅၄ နှစ်ခန့်အရွယ်ရှိ ဦးဇော်တူးဆိုသူဖြစ်ကြောင်း စုံစမ်းသိရှိရပြီး၊ လည်ပင်းတွင် ကျည်ထိမှန်ဒဏ်ရာရရှိခဲ့သည့် အ တွက် လက်ရှိဖားကန့်ဆေးရုံကြီးတွင်ဆေးကုသမှုခံယူနေတယ်လို့ စုံစမ်းသိရှိရသည်။
မည်သည့်အဖွဲ့က ဘာကြောင့် ပစ်ခတ်သွားခဲ့သည်ကိုတော့ စုံစမ်းနေဆဲ ဖြစ်သည်။ကချင်ပြည်နယ်အတွင်းက ဖားကန့်ရတနာမြေတွင် ယခုလို ဖြစ်စဉ်များမကြာခဏ ဖြစ်ပေါ်လျက်ရှိသည်။ mizzima
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 