ကလေးမြို့တွင် ရိက္ခာထွက်ယူသည့် စစ်ကောင် စီတပ်သားများ ပစ်ခတ်ခံရ
စစ်ကိုင်းတိုင်း၊ ကလေးမြို့၊ စမ်းမြို့ရပ်ကွက် အထက ၈ စာသင်ကျောင်းမှာ တပ်စွဲနေတဲ့ စစ်ကောင်စီတပ်သား ၃ ဦး မိသားစုဝင်တွေက ရိက္ခာလာပို့လို့ ကျောင်းပေါက်ဝမှာ ထွက်ယူစဉ် ကလေးမြို့ပြပြောက်ကျားတပ်ဖွဲ့ရဲ့ ပစ်ခတ်ခံခဲ့ရတယ်လို့ သိရပါတယ်။
မေ ၂၄ ရက် မနက် ၉ နာရီလောက်က ကလေးမြို့ပြပြောက်ကျားတပ်ဖွဲ့ဝင်တချို့က အထက ၈ စာသင်ကျောင်းအနီးမှာ ရိက္ခာထွက်ယူလာတဲ့ စစ်သား ၃ ဦးကို အလစ်အငိုက် ပစ်ခတ်ခဲ့တာလို့ မြို့ပြပြောက်ကျားအဖွဲ့ဝင်တဦးက ပြောပါတယ်။
“မြို့ထဲကို အခြေအနေသွားကြည့်ရင်း အလစ်အငိုက်ဝင်ပစ်ခဲ့တာ။ စစ်သားတွေတော့ မထိခိုက်ခဲ့ဘူး။ သူတို့ကို ရိက္ခာလာပို့တဲ့ မိသားစုဝင် အ မျိုးသမီးတယောက်တော့ ကျည်ဆန်ထိမှန်ပြီး လမ်းဘေးမြောင်းထဲကျသွားတာ မြင်ခဲ့ရတယ်။”
အဆိုပါပစ်ခတ်မှုအပြီးမှာ စစ်ကောင်စီတပ်သားတွေက လက်နက်ငယ်တွေနဲ့ ရမ်းသန်းပစ်ခတ်ခဲ့ပြီး အခင်းဖြစ်ပွားရာအနီးက ဒေသခံနေအိမ်တွေကိုလည်း စစ်ဆေးမေးမြန်းတာတွေ ပြုလုပ်ခဲ့သေးတယ်လို့ မြို့ခံတွေက ပြောပါတယ်။
ကလေးမြို့အနောက်ပိုင်း ချင်းတိုင်းရင်းသားတွေ အများစုနေထိုင်တဲ့ တာဟန်းရပ်ကွက်နဲ့ တောင်ဇလပ်ရပ်ကွက်ဘက်တွေမှာ နေ့စဉ်နီးပါး ပစ် ခတ်မှုတွေရှိနေတာကြောင့် ဒေသခံတွေအနေနဲ့ စစ်ကောင်စီတပ်နဲ့ ဝေးရာမှာ နေထိုင်ပေးကြဖို့ တော်လှန်ရေးအင်အားစုတွေက သတိပေးထားပါတယ်။ DVB
SAVE OUR COUNTRY | SAVE MYANMAR | RESPECT OUR VOTES | HONOR ELECTION RESULTS 