Author Archives: ချစ်သဲညှာ

စစ်ခေါင်းဆောင်ကို ထိပ်သီးအစည်းအဝေး ပေးမတက်သည့်ဆုံးဖြတ်ချက် အပြည့်အဝထောက်ခံ ဟု အာဆီယံ ခေါင်းဆောင်အချို့ပြေ

မြန်မာနိုင်ငံရဲ့ ကိုယ်စားပြုမှုနဲ့ ပတ်သက်ပြီး အာဆီယံ ဥက္ကဋ္ဌရဲ့ ဆုံးဖြတ်ချက်ကို မလေးရှားနိုင်ငံအနေနဲ့ အပြည့်အဝထောက်ခံကြောင်း မလေးရှားဝန်ကြီးချုပ် အစ္စမေးလ်ဆာဘရီယာကွတ်ဘ်က အောက်တိုဘာ ၂၆ ရက် ဒီနေ့ စတင်ကျင်းပတဲ့ အာဆီယံထိပ်သီး အစည်းအဝေးနဲ့ ပတ် သက်ပြီး ထုတ်ဖော်ပြောကြားလိုက်ပါတယ်။

အခုထိပ်သီး အစည်းအဝေးပွဲမှာ မြန်မာအတွက် လမ်းဖွင့်ပေးခဲ့ပေမယ့် မြန်မာကိုယ်စားလှယ်မပါဝင်နိုင်တာ အာဆီယံအပြစ်မဟုတ်ဘူးလို့ က မ္ဘောဒီးယားဝန်ကြီးချုပ် ဟွန်ဆန်ကလည်း ပြောဆိုလိုက်ပါတယ်။

ဒါ့အပြင် မြန်မာစစ်တပ်ဟာ အာဆီယံနဲ့ ပူးပေါင်းဆောင်ရွက်ခြင်း မရှိခဲ့ဘူးလို့ အာဆီယံ အလှည့်ကျ ဥက္ကဋ္ဌတာဝန်  ၂၀၂၂ ခုနှစ်ကျရင် လွှဲ ပြောင်း ယူမယ့် ကမ္ဘောဒီးယားနိုင်ငံရဲ့  ဝန်ကြီးချုပ်က ပြောပါတယ်။

ထိုင်းဝန်ကြီးချုပ် ပရာယွတ်ကတော့ မြန်မာ့အရေးဟာ အာဆီယံဒေသတွင်းမူကို စိန်ခေါ်နေပြီး ပထမခြေလှမ်းအနေနဲ့ အာဆီယံအထူးသံတမန်က မြန်မာနိုင်ငံ အမြန်ဆုံးသွားရောက်ကာ သက်ဆိုင်သူအားလုံးနဲ့ တွေ့ဆုံနိုင်ဖို့လိုတယ်၊ အာဆီယံရဲ့ ချမှတ်ထားတဲ့ မူ(၅)ချက်ကို မြန်မာနိုင်ငံအ နေနဲ့ လိုက်နာလုပ်ဆောင်နိုင်ဖို့ တိုက်တွန်းလိုက်ပါတယ်။

အောက်တိုဘာ ၂၆ ရက်ကနေ ၂၈ ရက်နေ့အထိ ကျင်းပနေတဲ့  အာဆီယံထိပ်သီးအစည်းအဝေးမှာ မြန်မာ အာဏာသိမ်းစစ်ခေါင်းဆောင်ကို မဖိတ်ပဲ  နိုင်ငံရေးအရကိုယ်စားမပြုတဲ့  နိုင်ငံခြားရေး အတွင်းဝန် ဦးချမ်းအေးကို အာဆီယံအလှည့်ကျ ဥက္ကဋ္ဌ ဘရူးနိုင်းနိုင်ငံကနေ ဖိတ်ကြားခဲ့ပါတယ်။

နိုင်ငံအဆင့်အကြီးအကဲ  ဒါမှမဟုတ် ပြည်ထောင်စု ဝန်ကြီးအဆင့်  ဖိတ်ကြားမှသာ တက်မယ်လို့ အာဏာသိမ်း စစ်ကောင်စီရဲ့ နိုင်ငံခြားရေးဌာနက အကြောင်းပြန်ခဲ့ပေမယ့် မြန်မာကိုယ်စားလှယ် မပါဝင်ပဲ အာဆီယံထိပ်သီး အစည်းအဝေးကို ဒီနေ့ အာဆီယံ ၉ နိုင်ငံက နိုင်ငံ့ခေါင်း ဆောင်တွေနဲ့ စတင်ပြုလုပ်နေပြီ ဖြစ်ပါတယ်။

အခု အာဆီယံထိပ်သီးအစည်းအဝေးရဲ့ ဆက်စပ်အစည်းအဝေးတခုဖြစ်တဲ့ အာဆီယံ-အမေရိကန် ပူးပေါင်းအစည်းအဝေးတခုကို  ၄ နှစ်အ တွင်း ပထမဆုံးအနေနဲ့ အမေရိကန် သမ္မတ ဂျိုးဘိုင်ဒင်လည်း ဗီဒီယို ကနေတဆင့် တက်ရောက်ဖို့ရှိနေပါတယ်။ DVB

ပုဇွန်တောင် ရေကျော်စျေးအနီးတွင် ဒလန်ဟု သတ်မှတ်ခံထားရသည့် အမျိုးသမီး အပစ်ခံရ

ပုဇွန်တောင် ရေကျော်စျေးအနီးတွင် ဒလန်ဟု သတ်မှတ်ခံထားရသည့် အမျိုးသမီးတစ်ဦး အပစ်ခံရကြောင်း ဒေသခံများကပြောသည်။ အောက်တိုဘာ ၂၆ ရက် မနက် ၉ နာရီခွဲခန့်က ပစ်သတ်ခံရခြင်းဖြစ်ပြီး စစ်ကောင်စီသတင်းပေး ဒလန်ဟု နာမည်ကြီးနေသူ အမျိုးသမီးဖြစ် ကြောင်း ဒေသခံများကပြောသည်။

” သူက ရှောင်နေတာကြာပြီ။ ဒီမနက်အပစ်ခံလိုက်ရတယ်။ ပွဲချင်းပြီးဆုံးသွားတယ်။ သေနတ်သံက သုံးချက်ကြားလိုက်ရတယ်” ဟု ရေကျော်စျေးအနီးနေထိုင်သူတစ်ဦးက ပြောသည်။ယင်းအမျိုးသမီး၏ ယောကျာ်းမှာ ဆိုက်ကားနင်းသူဖြစ်ပြီး အပစ်ခံရသည့်အမျိုးသမီးမှာ အသက် ၂၀ ခန့်ရှိ မမျိုးမျိုးဆင့် ဆိုသူဖြစ်သည်။

ပစ်ခတ်မှုအပြီးတွင် စစ်ကောင်စီတပ်ဖွဲ့ဝင်များက ရေကျော်လမ်းမကြီးနှင့် ပုဇွန်တောင်စျေးအနီးတွင် အင်အားအများအပြားဖြင့် ရှာဖွေစစ် ဆေး မှုများပြုလုပ်ခဲ့သည်။mizzima

ယင်းမာပင်မြို့တွင် ဗုံး ၅ လုံး ဆက်တိုက်​ပေါက်ကွဲ

စစ်ကိုင်းတိုင်း ယင်းမာပင်ခရိုင် ယင်းမာပင်မြို့တွင်းမှာ ​အောက်တိုဘာ ၂၆ ရက် မနက်ပိုင်းက ဗုံး ၅ လုံး ​ပေါက်ကွဲခဲ့တယ်လို့ သိရပါတယ်။

ဒီ​နေ့မနက် ၄ နာရီ​ကျော်​လောက် ​နေရာ ၅ ​ခုမှာ ​ပေါက်ကွဲခဲ့တာလို့ ​ဒေသခံပြည်သူ​တွေက ​ပြောပါတယ်။ 

​ပေါက်ကွဲခဲ့တဲ့​နေရာ​တွေက​တော့ ရဲစခန်းအနီး အ​မေ​ရေယာဥ်လမ်းခွဲ၊ မြို့နယ်ဆရာဝန်ကြီး​ နေအိမ်အနီး လက်ပံပင်​အောက်၊ အ​ခြေခံပညာ အထက်တန်း​ကျောင်းရှေ့၊ မီးသတ်စခန်း​အနီး နဲ့ ပြည်​ထောင်စုကြံ့ခိုင်​ရေးနှင့်ဖွံ့ဖြို့​ရေးပါတီရုံး ​မြောက်ဘက်တို့မှာ ​ပေါက်ကွဲခဲ့တာလို့ ဆိုပါတယ်။

ဗုံး​ပေါက်ကွဲမှု​ကြောင့် မုန့်​ပေါင်း​စျေးသည် ၁ ဦး အနည်းငယ်ထိခိုက်သွားတယ်လို့ ဒေသခံတဦးက ပြောပါတယ်။

ဗုံး​​ဖောက်ခွဲမှုနဲ့ပတ်သက်ပြီး ဘယ်အဖွဲ့အစည်းက လုပ်​ဆောင်တယ်ဆိုတာ မသိရ​သေးသလို ထုတ်ပြန်​ကြေညာထားတာလည်း မရှိ​သေးပါဘူး။DVB

NUG အစိုးရနှင့် အမေရိကန်သမ္မတ၏ အမျိုး သားလုံခြုံရေးအကြံပေးတို့ တွေ့ ဆုံမှု ရန်ကုန်အမေရိကန်သံရုံးက သတင်းထုတ်ပြန်

အမေရိကန်သမ္မတ၏ အမျိုးသားလုံခြုံရေးအကြံပေး ဂျိုက်ဆူလီဗန်သည် မြန်မာအမျိုးသားညီညွတ်ရေးအစိုးရကိုယ်စားလှယ်များဖြစ်ကြသည့် ဒူးဝါးလရှီလ၊ ဒေါ်ဇင်မာအောင်တို့နှင့် ယမန်နေ့ အွန်လိုင်းမှတစ်ဆင့်တွေ့ဆုံခဲ့ကြောင်း ရန်ကုန်အခြေစိုက် အမေရိကန်သံရုံးက သတင်းထုတ်ပြန်သည်။

မြန်မာနိုင်ငံအတွင်း ဒီမိုကရေစီအရေးလှုပ်ရှားမှုအတွက် အမေရိကန်ပြည်ထောင်စု၏ဆက်လက်ထောက်ခံအားပေးနေမှုကို မစ္စတာဆူလီဗန်က အထူးအလေးပေးပြောကြားခဲ့ပြီး မြန်မာနိုင်ငံ ဒီမိုကရေစီလမ်းကြောင်းပေါ် ပြန်လည်ရောက်ရှိရေးအတွက် ဆက်လက်ကြိုးပမ်းအားထုတ်နေမှုများနှင့်ပတ်သက်၍ဆွေးနွေးခဲ့ကြကြောင်း မြန်မာစစ်တပ်၏ရက်ရက်စက်စက် အကြမ်းဖက်နေမှုနှင့်ပတ်သက်၍ စိုးရိမ်မိကြောင်း မစ္စတာဆူလီဗန်ကပြောကြားခဲ့ပြီး အာဏာသိမ်းမှုအတွက် တာဝန်ယူ၊ တာဝန်ခံမှုရှိစေရေးအတွက်လည်း အမေရိကန်ပြည်ထောင်စုက ဆက်လက်လုပ်ဆောင်သွားမည့်အကြောင်း မှတ်ချက်ပြုပြောကြားကြောင်း သိရှိရသည်။

မကြာသေးမီက ဒီမိုကရေစီအရေးလှုပ်ရှားတက်ကြွသူ ကိုဂျင်မီအဖမ်းခံရခြင်းနှင့်ပတ်သက်၍ စိုးရိမ်မိကြောင်းကိုလည်းပြောကြားခဲ့ပြီး ၎င်းလွှတ်မြောက်ရေးနှင့် မတရားဖမ်းဆီးခံထားရသူအားလုံး လွှတ်မြောက်ရေးအတွက် အမေရိကန်ပြည်ထောင်စုက ဆက်လက်ဦးဆောင်လှုပ်ရှားသွားမည့်အကြောင်းကိုလည်း မှတ်ချက်ပြုပြောကြားကြောင်း၊ ဒေသတွင်းနှင့်နိုင်ငံတကာ ထိတွေ့ဆက်ဆံရေးအကြောင်းကိုလည်းဆွေးနွေးခဲ့ကြပြီး မြန်မာစစ်အာဏာရှင်အနေဖြင့် ၎င်းတာဝန်ရှိသည့် သဘောတူညီချက်ငါးရပ် အကောင်အထည်ဖော်ရေးနှင့်ပတ်သက်၍ တာဝန်ယူ၊ တာ ဝန်ခံမှုရှိစေရေး အာဆီယံ ကြိုးပမ်းအားထုတ်မှုအတွက် အမေရိကန်ပြည်ထောင်စုက ထောက်ခံအားပေးသည့်အကြောင်းကိုလည်း မစ္စတာဆူလီဗန်က ထပ်လောင်းပြောကြားသည်ဟု သတင်းထုတ်ပြန်ချက်တွင် ဖော်ပြထားသည်။

မြန်မာနိုင်ငံအတွင်း ကိုဗစ်-၁၉ ကပ်ရောဂါအခြေအနေနှင့် မြန်မာပြည်သူများအတွက် လူသားချင်းစာနာမှုအကူအညီများတိုက်ရိုက်ပေးအပ်နိုင်ရေး အမေရိကန်ပြည်ထောင်စု၏ ဆက်လက်ကြိုးပမ်းအားထုတ်နေမှုအကြောင်းတို့ကိုလည်း မစ္စတာဆူလီဗန်နှင့် အမျိုးသားညီညွတ်ရေးအစိုး ရ တာဝန်ရှိသူတို့က ဆွေးနွေးကြကြောင်း၊ ယခုကဲ့သို့လိုအပ်နေသောကာလအတွင်း မြန်မာပြည်သူလူထုအတွက် အမေရိကန်ပြည်ထောင်စုက ဆက်လက်အားပေးကူညီနေမည့်အကြောင်းမစ္စတာဆူလီဗန်က အထူးအလေးပေးပြောဆိုကြောင်း သိရှိရသည်။khit thit

တောင်သာ ငွေစုငွေချေးအသင်းများအား TTA ပြောက်ကျားနှင့် PDF မြေလတ်အဖွဲ့သတိပေး

မန္တလေးတိုင်း တောင်သာမြို့နယ်က အသေးစားငွေချေးအဖွဲ့တွေအနေနဲ့ အာဏာသိမ်းကာလ ပြည်သူတွေ ခက်ခဲနေတာကြောင့် အတင်းအဓမ္မ ချေးငွေ ကောက်ခံတာ မလုပ်ဖို့နဲ့ ဆက်လက်ကောက်ခံနေပါက အသက်အန္တရာယ် အာမမခံဘူးလို့ တောင်သာ TTA ပြောက်ကျားနဲ့ PDF မြေလတ် အဖွဲ့တို့က ဒီကနေ့ သတိပေးလိုက်ပါတယ်။

စစ်အာဏာသိမ်းမှုကြောင့် အများပြည်သူတွေ အလုပ်အကိုင် အခွင့်အလမ်းနည်းပါးမှု၊ စီးပွားရေးကြပ်တည်းမှု၊ ငွေကြေးစီးဆင်းမှု ခက်ခဲတာ၊ နယ်မြေတည်ငြိမ်အေးချမ်းမှု မရှိတာ၊ လမ်းပန်းဆက်သွယ်မှု ခက်ခဲတာ၊ ကုန်ဈေးနှုန်း မြင့်တက်တာ စတဲ့အခက်အခဲတွေကြောင့် တောင်သာမြို့အတွင်း ငွေစုငွေချေေလုပ်ငန်းအနေနဲ့ ချေးငွေထုတ်ယူထားတဲ့ ပြည်သူဆီက အတင်းအဓမ္ဓပြန်လည်တောင်းခံတာ မပြုလုပ်ကြဖို့ သက်ဆိုင် ရာ မြို့နယ်တာဝန်ခံကအစ အောက်ခြေဝန်ထမ်းအားလုံးကို ပြင်းထန်စွာ သတိပေးလိုက်တယ်လို့ ထုတ်ပြန်ချက်မှာ ဖော်ပြထားပါတယ်။

နိုင်ငံတော်အာဏာကို မတရားအာဏာသိမ်းထားတဲ့ကာလဖြစ်တာကြောင့် နိုင်ငံ့ဝန်ထမ်းတွေရဲ့ သက်သာချောင်ချိရေးကို ရှေးရှုပြီး ၂ လစာ ချေး ငွေများ ပြန်မပေးဆပ်ဖို့လည်း  NUG စီမံကိန်း ဘဏ္ဍာရေးနှင့်စက်မှုဝန်ကြီးဌာနက ထုတ်ပြန်ထားပါတယ်။

ဒါကြောင့် အများပြည်သူများအနေနဲ့လည်း ချေးငွေ ပြန်လည်ပေးဆပ်ဖို့ မလိုအပ်ကြောင်း၊ သတိပေးစာထုတ်ပြန်ပြီး အချိန်ကစပြီး ချေးငွေများ ဆက်လက်ကောက်ခံပါက အသက်အန္တရာယ် အာမမခံနိုင်ဘူးလို့ TTA ပြောက်ကျားနဲ့ PDF မြေလတ်အဖွဲ့က ထုတ်ပြန်ထားတာပါ။

တောင်သာမှာ ငွေချေးအသင်း ၁၀ ခုအထက်ရှိနေပြီး ၁၄ ရက် တစ်ကြိမ်နဲ့ တစ်နှစ်အပြီး ငွေပြန်ကောက်တဲ့ အသင်းတွေရှိသလို တစ်လ တစ်ခါနဲ့ တစ်နှစ်ဆပ်ငွေ ကောက်ခံတဲ့ အသင်းတွေလည်း ရှိနေတယ်လို့ မြို့ခံတွေဆီက သိရပါတယ်။DVB

ရန်ကုန်၊ မန္တလေး အပါအဝင် နိုင်ငံတစ်ဝန်း စစ်ကောင်စီသတင်းပေး၊ အုပ်ချုပ်ရေးမှူး၊ ပျူစောထီးအပါအဝင် စစ်တပ်ထောက်ခံသူ ၁၅ ဦး အသတ်ခံရ

ရန်ကုန်၊ မန္တလေး၊ စစ်ကိုင်း၊ မွန်ပြည်နယ် အပါအဝင် နိုင်ငံတစ်ဝန်းတွင် စစ်ကောင် စီ သတင်းပေး၊ အုပ်ချုပ်ရေးမှူး၊ ပျူစောထီးအပါအဝင် စစ်တပ်ထောက် ခံသူ ၁၅ ဦးထက်မနည်း အသတ်ခံရကြောင်း သိရှိရသည်။

ရန်ကုန်တိုင်း၊ ပုဇွန်တောင်မြို့နယ်

==========================

ရန်ကုန်တိုင်းဒေသကြီး၊ ပုဇွန်တောင်မြို့နယ်၊ အမှတ်(၉)ရပ်ကွက်၊ ရေကျော်ဈေး ထိပ်မှ စျေးသည် မျိုးမျိုးဆင့် ကိုယနေ့နံနက်ပိုင်း အမည်မသိသူတစ်ဦးက သေနတ်ဖြင့် ပစ်ခတ် သတ်ဖြတ်သွားကြောင်း၊ ပုဇွန်တောင် မြို့နယ်ရှိ စစ်ကောင် စီသတင်းပေး၊ စစ်တပ်ကျောထောက် နောက်ခံ YMBA အဖွဲ့ထံသို့ ပုံမှန် ထမင်းချိုင့်ပို့ပေးနေသည့်အတွက် ယနေ့နံနက် ၉ နာရီ ၂၅ မိနစ် တွင် 44st-UG က ရှင်းလင်းလိုက်ကြောင်းက ထုတ်ပြန်ထားသည်။

တနင်္သာရီတိုင်း၊ တနင်္သာရီမြို့

====================

တနင်္သာရီတိုင်း၊ မြိတ်ခရိုင် တနင်္သာရီမြို့နယ် တကူကျေးရွာအုပ်စု လမိုင်းကော့ရပ်ကွက်တွင် ပျူစောထီးအဖွဲ့ဝင် ယုအောင်ဆိုသူအောက်တိုဘာလ ၂၅ ရက်နေ့ ည ၉ နာရီတွင် အမည်မသိအဖွဲ့က ပစ်ခတ်၍ သေဆုံးသွားကြောင်း သိရှိရသည်။

စစ်ကိုင်းတိုင်း၊ ကနီမြို့နယ်

====================

ကနီပြည်သူ့ကာကွယ်ရေးတပ်ဖွဲ့က ကနီမြို့နယ်အတွင်း အခြေချလှုပ်ရှားဆောင် ရွက်လျက်ရှိသည့် စစ်ကောင်စီသတင်းပေး အမျိုးသား ၂ ဦး ၊ အမျိုး သမီး ၄ ဦး ကိုအောက်တိုဘာလ ၂၂ ရက်နေ့ ည ၁၁နာရီ အချိန် ပစ်ခတ်သတ်ဖြတ်လိုက်ကြောင်း သတင်းထုတ်ပြန်သည်။

မန္တလေးတိုင်း၊ ချမ်းမြသာစည်မြို့နယ်

============================

မန္တလေးမြို့ ချမ်းမြသာစည်မြို့နယ် အောင်ပင်လယ်ရပ်ကွက်မှ စစ်ကောင်စီခန့် ရာအိမ်မှူး ကျော်ကျော် ယနေ့ နံနက်ပိုင်း သေနတ်ဖြင့် ပစ်ခတ်ခံရကြောင်း ၊ယနေ့ အောက်တိုဘာ (၂၆)ရက် နံနက် (၆)နာရီကျော်အချိန်က ချမ်းမြသာစည်မြို့ နယ် ၅၃ လမ်း၊ ၁၀၅ လမ်းနှင့် ၁၀၆ လမ်းကြားတွင် အောင်ပင်လယ်ရပ်ကွက် ရာအိမ်မှူး ကျော်ကျော်ဆိုသူ သေနတ်ဖြင့် သုံးချက် ပစ်ခတ်ခံရခြင်းဖြစ်ပြီး သေဆုံးမှု ရှိ၊ မရှိ မသိရှိရသေးကြောင်း ဒေသခံများထံမှ သိရှိရသည်။

မွန်ပြည်နယ်၊ ကျိုက်ထိုမြို့နယ်

========================

မွန်ပြည်နယ်၊ ကျိုက်ထိုမြို့နယ်၊ သုံးခွကျေးရွာအုပ်စု၊ ဝါးဒက်ကွင်း ရွာသစ်လမ်းတွင် အောက်တိုဘာလ ၂၅ ရက်နေ့ ညနေ ၅ နာရီတွင် NON-CDM ကျန်းမာရေးမှူး အောင်မြတ်ထွန်း သေနတ်ဖြင့် ပစ်ခတ်ခံရကြောင်း၊ ဒဏ်ရာများရရှိကာ သေဆုံးသွားပြီဆိုသော သတင်းများထွက်ပေါ်လျက်ရှိကြောင်း ဒေသခံများထံမှ သိရှိရသည်။

စစ်ကိုင်းတိုင်း၊ ဒီပဲယင်းမြို့နယ်

=======================

ဒီပဲယင်းမြို့နယ်၊ စိုင်ပြင်စည်ပင်သာယာစျေးဝင်းအတွင်း စျေးကောက် ကောက်နေသူ စည်ပင်ဝန်ထမ်းတစ်ဦးသည် ဓားဖြင့် ၅ ချက်ထိုးသတ်ခံရပြီး နေရာတွင်ပွဲချင်းပြီး သေဆုံးသွားကြောင်း သိရှိရသည်။

မွန်ပြည်နယ်၊ သထုံမြို့နယ်

====================

သထုံမြို့နယ်၊ ထောင်မှူးကျေးရွာအုပ်စု၊ ကြာပန်းကျေးရွာ တာယာစက်ရုံအနီး ထူးစားသောက်ဆိုင်တွင် အောက်တိုဘာလ ၂၅ ရက်နေ့ ညနေပိုင်း ကြံ့ခိုင်ရေး ပါတီဝင်သားဖိုး အသက် ၄၀ ဝန်းကျင်ခန့် ပစ်ခတ်ခံရပြီး သေဆုံးသွားကြောင်း သိရှိရသည်။

မန္တလေးတိုင်း၊ ပုသိမ်ကြီးမြို့နယ်

========================

ပုသိမ်ကြီးမြို့နယ် ကြာနီကန်ကျေးရွာမှ စစ်ကောင်စီခန့် အုပ်ချုပ်ရေးမှူး တင်စိုးကို ယနေ့ နံနက် ၈ နာရီတွင် မြို့ပြပျောက်ကြားအထူးတပ်ဖွဲ့က သတ်ဖြတ်လိုက်ကြောင်း သိရှိရသည်။

မန္တလေးတိုင်း၊ ဝမ်းတွင်းမြို့နယ်

=======================

ဝမ်းတွင်းမြို့နယ်၊ ခင်ကြီးစံပြကျေးရွာတွင် စစ်တပ်ထောက်ခံသူ ကျော်မြင့်သည် ယနေ့ နံနက် ၇ နာရီတွင် သတ်ဖြတ်ခံလိုက်ရကြောင်း၊ ကျော်မြင့်သည် စစ်ကောင်စီသတင်းပေးဖြစ်ပြီး ၎င်း၏ သတင်းပေးမှုကြောင့် ကျေးရွာသား အများအပြားအဖမ်းခံခဲ့ရကြောင်း ဒေသခံများထံမှ သိရှိရသည်။

ဧရာ၀တီတိုင်း၊ ပုသိမ်မြို့နယ်

===================

ပုသိမ်မြို့နယ်၊ ကြောင်ပန်းကုန်းကျေးရွာ က စစ်ကောင်စီခန့် အုပ်ချုပ်ရေးမှူး ကျော်ကြီးသည် အောက်တိုဘာလ ၂၅ရက်နေ့ နေလည် ၁၂နာရီ ၃၀ မိနစ်တွင် အသတ်ခံလိုက်ရကြောင်း သိရှိရသည်။ khit thit

မြိုင်PDF တပ်ဖွဲ့က ရဲစခန်းများကို ရှော့တိုက်ဒုံးဖြင့် ပစ်ခတ်တိုက်ခိုက်

မကွေးတိုင်း၊ မြိုင်မြို့နယ်၊ လင်းကတောလမ်းဆုံဂိတ် ရဲကင်းနဲ့ ဆားလင်းကြီးရဲစခန်းတွေကို အောက်တိုဘာလ ၂၄ ရက်ညက  ရှော့တိုက်ဒုံး ၅ လုံးနဲ့ ပစ်ခတ်တိုက်ခိုက်ခဲ့ရာမှာ ထိခိုက်သေဆုံးသူရှိနိုင်တယ်လို့ မြိုင် PDF တပ်ဖွဲ့ကနေ သိရပါတယ်။

မြိုင်မြို့နယ် လင်းကတော လမ်းဆုံဂိတ်ကရဲကင်းကို မြိုင် PDF တပ်ဖွဲ့က ည ၉ နာရီခွဲလောက်မှာ ရှော့တိုက်ဒုံး ၂ လုံးနဲ့ ပစ်ခတ်တိုက်ခိုက်ခဲ့သလို ည ၁၁ နာရီခွဲလောက်မှာလည်း ဆားလင်းကြီး PDFနဲ့ပူးပေါင်းပြီးတော့ ဆားလင်းကြီးရဲစခန်းကို ရှော့တိုက်ဒုန်း ၃ လုံးနဲ့ ပစ်ခတ်တိုက်ခိုက်ခဲ့တယ်လို့ မြိုင်PDF တပ်ဖွဲ့ရဲ့ ပြန်ကြားရေးတာဝန်ခံက ပြောပါတယ်။

အဲဒီတိုက်ခိုက်မှုအတွင်းမှာ ရဲတွေဘက်က ထိခိုက်သေဆုံးမှုရှိနိုင်ပြီး မြိုင်PDF နဲ့ ညီနောင် မဟာမိတ်တွေဘက်က အထိခိုက်အကျဆုံး မရှိဘဲ အောင်အောင်မြင်မြင်ဆုတ်ခွာနိုင်ခဲ့တယ်လို့ ဆိုပါတယ်။

မြိုင်PDFတပ်ဖွဲ့အနေနဲ့ အောက်တိုဘာလအတွင်းမှာ ဇီးပြားရဲစခန်းကို တိုက်ခိုက်ခဲ့ရာမှာ ရဲ ၂ ယောက်သေဆုံးပြီး အများအပြား ဒဏ်ရာရရှိသွားသလို ရေစကြို ၂၅၇ တပ်ကို ရေစကြို PDF နဲပူးပေါင်းပြီတော့ ရှော့တိုက်ဒုံးနဲ့ တိုက်ခိုက်ခဲ့ကာ  မနေ့ကလည်း ရဲကင်းတစ်ခုနဲ့ ရဲစခန်းတစ်ခုကို ရှော့တိုက်ဒုန်းနဲ့ပစ်ခတ်တိုက်ခိုက်ခဲ့တာဖြစ်ပါတယ်။

မြိုင်PDF အနေနဲ့ စစ်တပ်ပိုုင် မိုင်တဲလ်တာဝါတိုင် ၇ တိုင်လောက်ကို ဖောက်ခွဲမီးရှို့နိုင်ခဲ့ပြီးတော့ မြိုင်တောင်ပိုင်းမှာ တာဝါတိုင်နဲ့တွဲလျက် MRTV တာဝါတိုင်တစ်ခုကိုလည်း ဖောက်ခွဲမီးရှို့ခဲ့တယ်လို့ ပြောပါတယ်။

မြိုင်မြို့နယ်က မိဘပြည်သူတွေအနေနဲ့ အကြမ်းဖက်စစ်ကောင်စီနဲ့ ဆက်နွှယ်တဲ့နေရာတွေ ရဲစခန်းတွေကို ရှောင်ရှားကြဖို့နဲ့ အဲဒီနေရာတွေမှာ ပြည်သူတွေရှိနေတာကြောင့် တိုက်ခိုက်တာတွေ မပြုလုပ်ဘဲ နောက်ဆုတ်ခဲ့ရတာတွေရှိတာကြောင့် PDF တွေကိုကူညီတဲ့အနေနဲ့ စစ်အုပ်စုနဲ့ ဝေးဝေးနေဖို့ တိုက်တွန်းထားပါတယ်။

တော်လှန်ရေးကာလမှာ ကျဆုံးခဲရတဲ့ မြိုင်PDF ခေါင်းဆောင်ကိုဖိုးဌေးကိုလည်း အောက်မေ့ လွမ်းဆွတ်ဂုဏ်ပြုတယ်လို့လည်း မြိုင်PDF အဖွဲ့ကပြောပါတယ်။

လက်ရှိတိုက်ပွဲကာလဟာ မိုးရာသီကာလဖြစ်တာကြောင့်  မြိုင်PDF တပ်တွေအနေနဲ့ ကျန်းမာရေးနဲ့ ပတ်သက်တဲ့ဆေးဝါးတွေလိုအပ်ပြီး၊ လမ်း ခရီးသွားရတာတွေ၊ သယ်ရပိုးရတာတွေ အခက်အခဲရှိ ပြီးတော့ စစ်လက်နက်ပစ္စည်းတွေလည်း လိုအပ်ချက်ရှိတယ်လို ဆိုပါတယ်။

ဆားလင်းကြီး ပြည်သူ့ကာကွယ်ရေးတပ်ဖွဲ့ရဲ့ တာဝန်ရှိသူတစ်ယောက်ကတော့ ဆားလင်းကြီး မြို့နယ်ထဲက အကြမ်းဖက်စစ်ကောင်စီရဲ့ထောက်တိုင် ကျေးရွာအုပ်ချုပ်ရေးမှူးတွေအားလုံး အခုလကုန် နောက်ဆုံးထားပြီး နုတ်ထွက်ပေးဖို့ ကြေညာချက်ထုတ်ပြန်ထားပါတယ်။

အကြမ်းဖက်စစ်ကောင်စီရဲ့ လက်ပါးစေ သတင်းပေးဒလန်တွေလည်း စစ်အုပ်စုကို သတင်းပေးတာ တွေရပ်တန့်ဖို့နဲ့ သစ္စာဖောက်လောက် ကောင်အဖြစ် ဆက်လက်ရပ်တည်နေမယ်ဆိုရင် ဆားလင်းကြီးပြည်သူ့ကာကွယ်ရေးတပ်ဖွဲ့ SSTF အနေနဲ့ ခြေမှုန်းသွားမယ်လို့ဆိုပါတယ်။

ဒါအပြင် အကြမ်းဖက်စစ်အုပ်စုတွေဟာ ခုရက်ပိုင်းအတွင်းမှာ အိမ်စီးကား၊ ကုန်ကားတွေ အသုံးပြုပြီးဝင်ရောက်နေတာကြောင့် မိဘပြည်သူတွေအနေနဲ့ ည ၉ နာရီကနေ မနက် ၅နာရီအထိ ဖြတ်သန်းသွားလာတာတွေ မပြုလုပ်ကြဖို့ သတိပေးထားပါတယ်။DVB

ကြူကုတ် (ပန်ဆိုင်း)ဒေသတွင် တိုက်ပွဲထပ်ဖြစ်ပြီး နေအိမ်နှင့် ကားအချို့ ထိခိုက်ပျက်စီး

ရှမ်းပြည်နယ်မြောက်ပိုင်း၊ မူဆယ်ခရိုင်၊ ကြူကုတ် (ပန်ဆိုင်း) မြို့မှာ အောက်တိုဘာ ၂၅ ရက် ညပိုင်းက စစ်ကောင်စီတပ်တွေနဲ့ ကိုးကန့် MN DAA တို့အကြား ၄၅ မိနစ်ခန့်ကြာ တိုက်ပွဲ ဖြစ်ပွားခဲ့တာကြောင့် ကားနဲ့ နေအိမ်တချို့ ထိခိုက်ပျက်စီးခဲ့တယ်လို့ ဒေသခံ တွေဆီက သိရပါတယ်။

မနေ့ည ၉ နာရီ ၄၅ မိနစ်လောက်က တိုက်ပွဲ စဖြစ်တာ ၁၀ နာရီခွဲ လောက်မှ တိုက်ပွဲ ရပ်သွားပြီး လူတွေထိခိုက်ဒဏ်ရာရတာတော့ မရှိခဲ့ပါဘူး။ 

“အသင်းသား နေအိမ် ခြံဝင်းမှာ ကျည်တွေ ကျတယ်။ ကားနဲ့ မှန်တွေရော အကုန်ထိကုန်တာ။ လူကတော့ ဘာမှ မဖြစ်ဘူး။ တခြားအိမ်တွေလည်း ထိတယ်။ ထိသွားတဲ့ အိမ်အားလုံးကို လိုက်မကြည့်နိုင်သေးဘူး။ တရုတ်အိမ်လည်း အိမ် ၃ အိမ်လောက်ထိတယ်။ ။ ” လို့ မြို့ခံ တဦးက ပြောပါတယ်။

အောက်တိုဘာ ၂၅ ရက် မွန်းလွဲ ၂ နာရီလောက်ကလည်း  မုံးကိုးမြို့အနီးမှာ တိုက်ပွဲထပ်မံဖြစ်ပွားကြောင်း၊ ဖောင်းဆိုင်ဒေသမှာလည်းစစ်ရေးအခြေအနေ တင်းမာနေတာကြောင့် ဒေသခံတွေကို သွားလာခွင့် ပိတ်ပင်ထားလို့ အမှည့်လွန်စပါးတွေ ရိတ်သိမ်းလို့ မရပဲ အခက်အခဲ ကြုံနေကြရကြောင်း ဒေသခံတွေက ပြောပါတယ်။

လတ်တလော ကြူကုတ် (ပန်ဆိုင်း)မြို့မှာ နေ့စဉ်နီးပါး စစ်ကောင်စီနဲ့ ကိုးကန့် MNDAA တို့အကြား တိုက်ပွဲဖြစ်ပွားနေကြောင်းနောက်ထပ်ဒေသခံတယောက်ကလည်း ပြောပါတယ်။

“ပန်ဆိုင်းမှာ ဖြစ်တာ။ ရဲစခန်းလည်း လာပစ်တယ်။ ပြည်သူ့ကာကွယ်ရေးတပ်တွေလည်း လှုပ်ရှားသွားလာနေတာတွေ့ရတယ်။”

ကြူကုတ် (ပန်ဆိုင်း) မြို့နယ်မှာ ဩဂုတ် ၄ ရက်ကနေ  အောက်တိုဘာ ၂၅ ရက်အထိ စစ်ကောင်စီတပ်နဲ့ ကိုးကန့် MNDAA တို့အကြား တိုက်ပွဲကြောင့် လက်နက်ထိမှန် သေဆုံးခဲ့သူ အမျိုးသမီး ၅ ဦး ရှိပြီး ဒဏ်ရာပြင်းထန်ရရှိခဲ့သူ အမျိုးသမီး ၁ ဦးရှိကာ ကားနဲ့ ဘုရားကျောင်း အပါအ ဝင် အရပ်သားပြည်သူတွေရဲ့ နေအိမ် တချို့ ထိခိုက်ပျက်စီးခဲ့ပါတယ်။DVB

« Older Entries Recent Entries »