တန့်ဆည်မြို့နယ် ကံထူးမအဝိုင်းအနီး စစ်ကောင်စီတပ်သားများ မိုင်းဆွဲတိုက်ခိုက်ခံရ
စစ်ကိုင်းတိုင်း၊ တန့်ဆည်မြို့နယ်၊ ကံထူးမစံပြကျေးရွာက ကံထူးမအဝိုင်းပတ်အနီး စစ်ဆေးရေး လုပ်နေတဲ့ စစ်ကောင်စီတပ်သား ၁၅ ယောက်လောက်ကို အောက်တိုဘာ ၂၂ ရက် ညနေ ၅ နာရီ လောက်မှာ ပြည်သူ့ကာကွယ်ရေးအဖွဲ့တွေက မိုင်းဆွဲတိုက်ခဲ့လို့ ထိခိုက်သေဆုံးသူ ၃ ဦး ထက်မနည်းရှိ တယ်လို့သိရပါတယ်။ “ကံထူးမအဝိုင်းပတ်နားစစ်နေတဲ့ ရဲနဲ့စစ်သားတွေကို မိုင်းခွဲသွားတာ။ ၃ ယောက်ကတော့ လွင့်ထွက်သွားတယ်။ ကျန်တဲ့သူတွေလည်း ထိခိုက်ဒဏ်ရာ ရတယ်။ လမ်းဘေး ရပ်ကြည့်နေတဲ့ ပြည်သူတစ်ဦးလည်း ရှပ်ထိသွားတယ်”လို့ မျက်မြင်သိရှိသူ တစ်ဦးက ပြောပါတယ်။ ဒီဖောက်ခွဲမှုကို ဒေသခံ PDF ပြည်သူ့ကာကွယ်ရေးအဖွဲ့က လုပ်တာလို့ ကြေညာထားပြီး ထိခိုက်ဒဏ်ရာရသူများနိုင်တယ်လို့ ခန့်မှန်းထားပါတယ်။ တန့်ဆည်မြို့နယ် ကာပေါင်းကျရွာမှာလည်း အောက်တိုဘာ ၁၉ နဲ့ ၂၂ ရက် ညပိုင်းတွေမှာ
